වාහන හින්ද කාපු කටු ...2

[sithija.h]

ඹය උඩ කියපු නම්බර් තියෙන වාහන අනිවාරෙන් ඩිසල්

මචං එතකොට 252 වගේ ආපු වර්ෂය උඹ දන්නවද? තෑන්ක්ස් බං රිප්ලයි වලට

 

[sithija.h]

93-95 මොකද්ද කෙස් එක

ආහ් නෑ බං නිකටම වගේ යාලුවෙක්ට ඕන වෙලා විස්තර හෙව්වේ, එල එල මචං, තෑන්ක්ස්!

 

[isuruimantha]

93-95 මොකද්ද කෙස් එක

IDG PM දැම්ම මචන්

 

[IDG]

http://www.elakiri.com/forum/showthread.php?t=1685589

වෙලෙනවාට ඹන්න බස් කතාවක්

 

[mahesh1297]

කටු නැතුව වේලෙන බවක් පෙනී යන හෙයින් කටුවක් දමමි.

ඔන්න මේ සිද්ධිය උනේ 2014 අවුරුද්දේ අග . . එදා ක්ලාස් (Mechanical Drawing) යන්න කට්ටියම නුවරට සෙට් උනා ඔන්න. . හැබැයි එකෙක්ටවත් ක්ලාස් යන මූඩ් එකක් තිබ්බේ නෑ.. ඔක්කොම "බෑ" මූඩ් හිටියේ... ඒත් ඉතින් සල්ලි දීලා ඉගෙන ගන්න එකේ නොයත් බෑනෙ කියල ඔන්න බැරි බැරි ගාතේ සෙට් එක ක්ලාස් එකට සම්ප්‍රාප්ත උනා..

ක්ලාස් පටන් ගන්නේ 8ට... අපි යනකොට 8.15යි... වෙලාවට සර් ඇවිල්ල නෑ... අපිට ඉතින් ෆුල් ෆන්... කොහොම හරි ඔන්න 9 වෙනකලුත් සර් මිසින්...
"අද දෙවියන් අපගේ මූණ බැලුව" කියාගෙන අපිත් ඔන්න එදා සර් මිසින් හන්දා ක්ලාස් එකෙන් පැන්න..
හොඳම සිද්ධිය ඔක්කොමලා යන්න බෑ කිව්වට වෙන කරන්න දෙයක් තිබ්බෙත් නෑ එදා අපිට..
ඔය අතරේ බැඳලා හිටපු උන් (නිළ වශයෙන් බැඳලා නෑ..ඒත් බැඳලා වගේ තමා..) කෙල්ලට කුචු කවන්න යන්න ඕනි කියලා වාෂ්ප උනා.. දැන් ඉතුරු මමයි තව අතීසාර මිත්‍රයෝ 3 දෙනෙකුයි විතරයි...

ඔන්න 9.45 විතර වෙනකල් නුවර ටවුමේ කැරකි කැරකි ඇවිදින සරුංගල් දිහා බලන් හිටපු අපේ සෙට් එකේ එකෙක්ට ඇමතුමක් ආවා මෙව්වා එකකට සෙට් වෙන්න ගම්පොල.. මෙව්වා කිව්වේ ඇල්කොහොල්... ඉතුරු වෙලා හිටපු 4 දෙනාගේන් 2ක් ගම්පොල..ඇමතුම ආව විතරයි උන් දෙන්න මිසින්... 9.50 වෙනකොට මගෙත් එක්ක ඉතුරු උන එකාට උගේ පවුලගෙන්... ඉතින් පොරත් මාව තනියම දාල ගියා..

ඔන්න ඊට පස්සේ මන් තීරණය කරා ගෙදර ඇවිල්ලා කාර් එකේ කලින් දවසේ ගලවපු ඩෑෂ් බෝඩ් එක හයි කරන්න.. එහෙම හිතලා KCC එක හරහා එනකොටම මගේ අවාසනාවට තවත් වාහන පිස්සෙක් සෙට් උනා.. මූ මේ මළගෙදරක යන්න කට්ටිය හොයනවා.. මගේ අවාසනාවට ඒ වෙලාවේ මන් මාට්ටු උනා..

කමක් නෑ කියල හිත හදාගෙන යමන් එහෙනම් මල ගෙදර කියලා මමත් ආවා කාර් පාක් එකට මුගේත් එක්ක...
නොදකින්... මුගේ 100% ෂුවර් නැති Ford Capri එකේ තමා යන්න තියෙන්නේ... ඕනි මගුලක් කියල මමත් වම් පැත්තෙන් නැගල වාදී උනා... හැබැයි ඉතින් මේක එසේ මෙසේ Capri එකක් නෙමෙයි... Capri MKIII එකක්.. EFI 2.8 V6 එන්ජිම.. ඒ උනාට හන්ඩ්ලින් මදි.. අනික 4 Speed... Continuous Injection System ආපු එකක් නිසා පෙට්‍රල් කෙරුවාව නිල්...

ඔන්න ඉතින් දැන් මමයි, වාහනේ අයිති අතීසාර මිත්‍රයයි නාවලපිටිය බලා පිටත් උනා... යනකල් නම් දෙයියන්ගේ පිහිටෙන් කිසිම අවුලක් උනේ නෑ කියමුකෝ..

ඔන්න මල ගෙදරටම මන් දන්න එකෙක්ට ඉන්නේ මූ විතරයි... කොහොම හරි ටිකක් වෙලා යද්දී කැරම් බෝඩ් එක ළඟ හිටපු උන් ටික සෙට් කර ගත්තා..

ඔන්න කොහොම හරි 8ට විතර තමා මූට ගෙදර එන්න මතක් උනේ.. මටත් මොකෝ මාරි වලටයි, නයිස් වලටයි, කූල් ඩ්‍රින්ක් වලටයි වග කියා කියා මමත් හිටියා... ඔන්න දැන් අපි නාවලපිටියෙන් එන්න පිටත් උනා..

දැන් ඩ්‍රයිවර් මම.. දුකයි කියන්නේ මේක යන එකනම් යනවා සුපිරියටම.. ගියර් මදි එක තම අවුල..
ඔන්න කිසිම අතුරු අන්තරාවක් නැතුව ගම්පොළ ටවුමත් පහුකරා.. එන්න එන්න ටිකක් බ්‍රේක් මදි ගතියක් දැනුනත් මේ හුචක්කුවේ ඉක්මනට බ්‍රේක් ෆේඩ් වෙනවා කියල දන්නා නිසා ගණන් ගන්නේ නැතුව ආව.. ඔන්න ටිකක් වාහනත් පාරේ අඩු නිසා කොල්ල වාහනේ ටිකක් පාගල ආවා...

කලිසමේ චූ යන සයිස් එකේ කෙස් එකක් උනේ මේ වෙලාවේ...

ඉස්සරහින් ලේලන්ඩ් දෙකක් රේස් එනවා පෙනේ... හෙඩ් එක දෙතුන් පාරක් ගැහුවට ලේලන්ඩ් එක මගේ ලේන් එකෙන් අයින් වෙන පාටක් නෑ.. නැග්ගා බ්රේක් පැඩල් එක උඩ... බ්‍රේක් නෑ කියපන්කො වාහනේ... ලේලන්ඩ් එක ඉදිරියෙන්, යාළුවා අනිත් පැත්තේ, ඌ කකුල් දෙකත් අරන් සීට් එක උඩට... මහේෂ්, මහේෂ් මොනා හරි කරපන් කියල කෑගහනවා එහෙන්.. කරන්න දෙයක් නෑ... 4 ඉඳලා පිළිවෙලට Downshift කරා 1 එකටම..නැත්තන් මේකේ ගියර් බොක්ස් එක අනිවා බිම.. බස් එකයි කාර් එකයි අතරේ සැලකිය යුතු මට්ටමේ දුරක් තියෙද්දී වාහනේ පාලනය කර ගන්න පුළුවන් ගානට ස්ලෝ උනා.. මචන් කාර් එකට සොරි කියලා පුළුවන් උපරිම වමට අයින් කරා වාහනේ... බස් දෙක කිසිම දෙයක් නොවුන ගානට රුන් ගාලා ගියා... අපේ කැප්‍රිය මඩ වලවල්වල වැටිලා, උඩින් ගිහින් ආයෙම පාරට ආවා.. ඒ වෙනකොට සෑහෙන්න වේගය අඩුයි.. හෑන්ඩ් බ්රේක් ඇදලා වාහනේ පාර මැදම නැවැත්තුවා..

ඊට පස්සේ ඔන්න හෙමිට වාහනේ අයින් කරා.. අපි දෙන්නම විනාඩි 20ක් විතර යනකල් කතා නෑ.. බ්‍රේක් පැඩල් එක බිම... උඩට එන්නෙත් නෑ... ඔන්න පස්සේ දෙන්නම බැහැල ගිහින් මොකක්ද මේ වලා තියෙන්නේ කියල බැලුව.. බ්රේක් ඔයිල් Reservoir එකේ ඔයිල් කඳුලක්වත් නැත.. ඔයිල් අපිටත් නොකියා කොහෙන් හෝ පැනගොස් ඇත..

දැන් ඉතින් ෆෝන් වල ටෝච් ගහන දෙන්නම හොයනවා කොහෙන්ද ලීක් කියලා... පේන්න ලීක් එකක් නැත.. තවත් රෑ උනොත් කොහොමත් අනාත වෙන නිසා මන් යාලුවට කිව්වා ගිහින් බ්‍රේක් ඔයිල් කෑන් එකක් අරන් වර කියලා.. විනාඩි 10ක් විතර කට්ට කෑමෙන් පසු ත්‍රී වීල් එකක් නවත්තගෙන කොල්ලා ගියා බ්රේක් ඔයිල් හොයන්න.. ඔය අතරේ මම ඔයිල් ලීක් වෙන්නේ කොහෙන්ද කියලා බැලුවා.. ඔයිල් ලීක් එකක් පේන්න නැත.. ලීක් උන තැනකුත් සොයා ගත නොහැක.. කොහොම හරි ඔන්න විනාඩි 15කත විතර පස්සේ යාළුවා 1L ඔයිල් කෑන් එකකුත් අරන් ආවා..

වෙලාවට මුගේ තාත්තාට පින්සිද්ධ වෙන්න හොඳ ටූල් කිට් එකක් තියෙනවා වාහනේ.. මුලින්ම Reservoir එකට ඔයිල් එකක් දාලා එක රෝදෙක Bleeding නිපල් එකක් බුරුල් කරලා යාලුවට කිව්වා බ්රේක් පාගපන් කියලා.. ප්‍රතිචාරයක් නැත... පස්සේ අනිත් රෝදේ ට්‍රයි කරලා බැලුවා..එකෙනුත් ප්‍රතිචාරයක් නැත... ඔය අතරේ තමා යාළුවා මට පෙන්නුවේ Reservoir එකෙන් ආයෙම ඔයිල් අඩුවෙලා කියලා.. දැන් දෙන්නම ආයෙම ලීක් හොයනවා හෝ ගාලා..

ලීක් එකක් හොයා ගන්න බැරුව දෙන්න අහසේ තරු ගැන ගැන ඉන්නකොට මට මතක් උනා චෙක් කරගන්න බැරි උන තව එකක් තියෙනවා කියලා.. Master Cylinder එක... ඔන්න ඒ පාර master සිලින්ඩර් එකේ Oil Out දෙක ගැලෙව්වා... සිදුරු දෙක අතින් වහන් ආයෙම අරුට පැඩල් එක පාගපන් කිව්වා.. ඔන්න ලෙඩේ මාට්ටු.. master සිලින්ඩර් එක ප්‍රෙෂර් වෙන්නේ නැත.. ඒත් එක්කම ඔයිල්ද අඩුවේ.. දැන් නම් ලෙඩේ මොකක්ද කියල හොඳටම ස්ථිරයි..

සැකය නැති කර ගන්න බූස්ටර් එකයි මාස්ටර් සිලින්ඩර් එකකයි දෙකම ගලවලා ගත්තා... බූස්ටර් එකෙන් මාස්ටර් සිලින්ඩර් එක ගැලෙව්වා.. මෙන්න බොලේ අතුරු දහන උන ඔයිල් දුන්හිඳෙන් වතුර වැටෙනවා වගේ බූස්ටර් එකෙන් වැක්කෙරෙනවා... ඒ කියන්නේ මාස්ටර් සිලින්ඩර් එකේ රියර් සීල් එක කාටවත් නොකියාම නිවන් ගිහිල්ලාය.. අනිත් සීල් එතරම්ම හානි වී නැත..

ලෙඩේ හොයා ගත්තට මේකට අලුතෙන් සීල් හොයා ගන්නේ කොහෙන්ද... යාළුවගේ අදහස වාහනේ මෙතනම දමා ගොස් පසුවදා පැමිණ වාහනය සාදා ගැනීමටය.. ඌට යන්න බස් තිබුනට මට දැන් යන්නට බස් නැත.. වෙලාව රාත්‍රී 11 ට ආසන්නය..

මේ අවස්ථාවේ අහසේ තරු ගනිමින් සිටින විට අදහසක් පහල විය... ටූල් කිට් එකේ තිබුණු පේපර් කටර් එක අරන් වාහනේ තිබු රෙදි කෑල්ලකින් පටියක් කපා ගත්තෙමි.. පස්සේ ගෙවී ගිහින් ඇති වොෂර් එක ඉවත් කර රෙදි පටි කෑල්ල එතන ඔතලා ආයෙම ඒකට උඩින් වොෂර් එක දැම්මෙමි..

වැඩේ සාර්ථක වේවා යැයි ප්‍රර්ථනා කරමින් නැවත බූස්ටරය සහ මාස්ටර් සිලින්ඩරය සවි කලෙමි..
මගේ යාළුවගේ මිත්‍රත්වය මේ අවස්ථාවේදී ඉහවහා ගොස් "අඩේ මචන්.. අමතක උනානේ" යැයි කිවේය. මොකක්ද කියල ඇහුවම කබි හෝල් එකෙන් ජල නල කාර්මිකයින් භාවිතා කරන thread seal එකක් අරන් දුන්න... ඒ වන විටත් බූස්ටර් එක සහ මාස්ටර් සිලින්ඩරය සවි කර අවසන්ය..

නැවතත් මිත්‍රයාගේ පරපුර අමතමින් බූස්ටරය සහ මාස්ටර් සිලින්ඩරය ගලවා පෙර පරිදිම, රෙදි පටිය වෙනුවට thread seal ටේප් ඔතා වැඩි පරෙස්සමට අනික් වොෂර් වලටද කලින් ප්‍රතිකර්මයම ලබා දී නැවත බූස්ටරය සහ මාස්ටර් සිලින්ඩරය සවි කර (මාස්ටර් සිලින්ඩර් එක හයි කරන්න කලින් හැම වෙලාවකම මතක් කරලා ඔයිල් පුරවලා ඉඳපල්ලා) අමාරුම වැඩේට ඇත ගැසුවෙමි.. බ්රේක් බ්ලීඩ් කිරීම..

විනාඩි 20කත ආසන්න කාලයක් බ්ලීඩ් කිරීමෙන් පසු (පැඩල් එක පාගලා අරුට මහන්සිලු) දැන් පැඩල් එක පෙර පැරදීම ප්‍රෙෂර් වී ඇත..

ඕනි අටමංගල්ලයක් කියලා අරූව ඩ්‍රයිවින් සීට් එකෙන් එලවා මම ඩ්‍රයිවින් සීට් එකේ ආදිපත්‍ය ලබා ගත්තෙමි. දැන් තියෙන්නේ Test Run එකක් සිදු කිරීමයි... ටෙස්ට් රන් කිරීමට තරම් කාලයක් නැති හෙයින් එන ගමන්ම ටෙස්ට් රන් එක කරමුයි කියලා නැවත ගමන ආරම්භ කලෙමි.

අහෝ සතුටකි... දැන් කලින් පරිදිම බ්රේක් ඇත.. නමුත් සුවර් නැත.. ඒ නිසා වේගය 40kmph වලට සීමා කර මගේ නිවස කරා පැමිණියෙමි... අරුට යන්න එපා කියලා කොච්චර කිව්වත් යන්නම ඕනි කියපු නිසා වේගෙන් නොයන පොරොන්දුව මත සහ හෙට උදෑසනම අලුත් වොෂර් දමා රථය පිළිසකර කර ගන්න පොරොන්දුව මත වාහනයේ යතුර ලබා දී පිටත් කලෙමි.

කෙසේ හෝ පයකට පමණ පසු (වෙනදට විනාඩි 20යි) අරූ යහතින් ගෙදරට ගිය බවට දන්වා SMS එකක් ඒවා තිබුණි..

සතුටුජනකම දේ මිතුරා ගෙදරට යන තුරුත් බ්රේක් වල නැවත ගැටළුවක් නැති වීමයි..
නමුත් දුක යනු මගේ මිත්‍ර ^$*^#(*$&*^*&#* අලුත් වොෂර් යොදා රථය පිළිසකර කරගෙන තිබුනේ සති එක හමාරකටත් පසුව වීමය.. එතෙක් මා කරන ලද තාවකාලික පිළියමින් වාහනය භාවිතා කර තිබුණි.. (ඔව් ඔව්...ඕක දැනගත්ත වෙලේ ආයෙම අරුගේ හත් මුතු පරම්පරාවම ඇමතුවා )

ඔන්න ඔහොමයි ඒ කට්ට ඉවර උනේ..

 

[laMir]

කටු නැතුව වේලෙන බවක් පෙනී යන හෙයින් කටුවක් දමමි.

---------------------------------------------------------------

ඔන්න ඔහොමයි ඒ කට්ට ඉවර උනේ..

 

[harindugamlath]

කටු නැතුව වේලෙන බවක් පෙනී යන හෙයින් කටුවක් දමමි.



ඔන්න ඔහොමයි ඒ කට්ට ඉවර උනේ..

උඹ හිටපු හින්දා හොඳයි.. වෙන එකෙක්ට නම් ඉතින් සදා සොත්ති තමා...

ස්තූතියි කටුවක් බෙදාගත්තට...

 

[isurueka]

කටු නැතුව වේලෙන බවක් පෙනී යන හෙයින් කටුවක් දමමි.

--------------------------------------------------

ඔන්න ඔහොමයි ඒ කට්ට ඉවර උනේ..

පස්ට කුකුලොහ්

 

[kiriketiya]

කටු නැතුව වේලෙන බවක් පෙනී යන හෙයින් කටුවක් දමමි.

ඔන්න මේ සිද්ධිය උනේ 2014 අවුරුද්දේ අග . .

ඔන්න ඔහොමයි ඒ කට්ට ඉවර උනේ..

කටුවක් සමග දැනුම බෙදා ගත්තට ස්තූතියි...

 

[shaminda peiris]

කටු නැතුව වේලෙන බවක් පෙනී යන හෙයින් කටුවක් දමමි.

ඔන්න ඔහොමයි ඒ කට්ට ඉවර උනේ..

පට්ට කොල්ලො.කැප්රිය තාම තියෙනවද?

 

[shaminda peiris]

කටුවක් සමග දැනුම බෙදා ගත්තට ස්තූතියි...

උබේ නම මරු බන්.අනිත් පැත්ත ගැහුවම කැ@ කිටියා

 

[isurueka]

උබේ නම මරු බන්.අනිත් පැත්ත ගැහුවම කැ@ කිටියා

 

[~WickZ~]

සතුටුජනකම දේ මිතුරා ගෙදරට යන තුරුත් බ්රේක් වල නැවත ගැටළුවක් නැති වීමයි..
නමුත් දුක යනු මගේ මිත්‍ර ^$*^#(*$&*^*&#* අලුත් වොෂර් යොදා රථය පිළිසකර කරගෙන තිබුනේ සති එක හමාරකටත් පසුව වීමය.. එතෙක් මා කරන ලද තාවකාලික පිළියමින් වාහනය භාවිතා කර තිබුණි.. (ඔව් ඔව්...ඕක දැනගත්ත වෙලේ ආයෙම අරුගේ හත් මුතු පරම්පරාවම ඇමතුවා )

ඔන්න ඔහොමයි ඒ කට්ට ඉවර උනේ..

පට්ට කට්ටක්නෙ සහෝ. ගොඩක් උන් ඔහොමයි. ටෙම්පරියක් ගහල දුන්නම හිතන්නේ වැඩේ ගොඩ කියල.

 

[mahesh1297]

පට්ට කොල්ලො.කැප්රිය තාම තියෙනවද?

ඔව් ඔව්... ඒකට දස වද දීල තියෙන්නේ... දැන්නම් හදන්න ඕනි ඔක්කොම හදලා තියෙන්නේ...
engine එකෙත් පොඩි පොඩි මොඩිෆිකේෂන් ටිකක් කරා.. BMW එකක බ්‍රේක් කැලිපර් එහෙම දාලා තියෙන්නේ.. ළඟදීම 5 Speed කරන්න ඉන්නේ..නිකන් හම්බුනු කාර් එකක් නිසා අපේ එකා හේනට වියදම් කරනවා ඒකට..

 

[shaminda peiris]

ඔව් ඔව්... ඒකට දස වද දීල තියෙන්නේ... දැන්නම් හදන්න ඕනි ඔක්කොම හදලා තියෙන්නේ...
engine එකෙත් පොඩි පොඩි මොඩිෆිකේෂන් ටිකක් කරා.. BMW එකක බ්‍රේක් කැලිපර් එහෙම දාලා තියෙන්නේ.. ළඟදීම 5 Speed කරන්න ඉන්නේ..නිකන් හම්බුනු කාර් එකක් නිසා අපේ එකා හේනට වියදම් කරනවා ඒකට..

එල.

 

[upulpdn]

කටු නැතුව වේලෙන බවක් පෙනී යන හෙයින් කටුවක් දමමි.

ඔන්න මේ සිද්ධිය උනේ 2014 අවුරුද්දේ අග . 3
3
3
3
33

යෙම අරුගේ හත් මුතු පරම්පරාවම ඇමතුවා )

ඔන්න ඔහොමයි ඒ කට්ට ඉවර උනේ..

Thank you malayo

 

[kiriketiya]

උබේ නම මරු බන්.අනිත් පැත්ත ගැහුවම කැ@ කිටියා

 

[kiriketiya]

මෙච්චර කල් කටු කියවල ගියාට කට්ටක් කෑවෙ නැති හන්ද කටු ලියන්න උනේ නෑ. ඔන්න අද මංගල කට්ට කෑව. පොල් මාමගෙ කටු එක්ක බැලුවම මේක සිඟිති කට්ටක්. ඒත් කමක් නෑ ලියනව කියල හිතුව.

මා ගාව තියෙන්නෙ කොරොල්ල 110 කාර් එකක්. සිද්දිය උනේ රෑ 9 ට විතර. ඔන්න ගෙදරින් පිටත් වෙලා කිලෝමීටර 5 ක් විතර යද්දි ඩෑෂ් බෝඩ් එකේ අමුත්තක් පේනව, බලපුවාම ABS ලයිට් එකයි බැටරි ලයිට් එකයි දෙකම පත්තු වෙනව දිලිසි දිලිසි. ඒ මදිවට ට්‍රැෆික් එකේ හිර වෙලා ඉන්නෙ. ඔන්න ඒගමන ටිකකින් හෙඩ් ලයිට් එකත් කනාමැදිරි වේගන ආව.

කිරිකැටි මොලේට බැට්‍රිය චාර්ජ් වෙන්නෙ නෑ කියල තේරුනත් වෙලාවෙ හැටියට කරන්න දෙයක් කල්පනා වෙන්නෙම නෑ. ට්‍රැෆික් එක මැද්දෙ වාහනේ නැවතුනොත් කුනුහරුප අහගන්න වෙන හන්ද ගත්ත වාහනේ වම් පැත්තෙ ලේන් එකට. නිකමට වගේ ඊලඟට off කරා AC එකයි radio එකයි. මෙන්න බොලේ ABS ලයිට් එක නිමුන. බැට්‍රි ලයිට් එක තාමත් පත්තු වෙනව. වැඩේ හරි යන්නෙ නැති හන්ද අයින් කරල නැවැත්තුව වාහනේ (එන්ජිම off කරේ නෑ).

ඊලඟට off කරා හෙඩ් ලයිට් එක, තාම බැට්‍රි ලයිට් එක පත්තු වෙනව. දැන්නම් නැවැත්තුවොත් ආයෙ ස්ටාර්ට් කරන්න බෑ කියල හොඳටම විශ්වාස හන්ද ස්ටාර්ට් එකේ තියෙද්දිම කල්පනා කරා යන්න ආපු ගමන යනවද හරවගන යනවද කියල. රෑ වෙලා මේ අවුලත් තියාගන ගිහින් ඉල්ලන් පරිප්පු කන්න බෑ කියල හිතල ආපහු යනව කියල හිතා ගත්ත. එහෙම හිතල ආයෙ ඩෑෂ් බෝඩ් එක දිහා බලද්දි මෙන්න ලයිට් එක අතුරුදහන්.

ඔන්න කොල්ල ආයෙ යනව යන්න ආපු ගමන. ටික දුරයි යන්න උනේ ආපහු ලෙඩේ ආව (හෙඩ් ලයිට් වලට අමතරව වෙන මොකුත් on කරේ නෑ ). ඔන්න ඉතින් ආපහු අයින් කරල නවත්තල ටික වෙලාවක් ලයිට් off කරන් ඉද්දි ආපහු වැඩේ හරි. දැන්නම් හරවගන ගෙදර යනව කියල හිතාගත්ත. මොකද ලෙඩේ ඉබේ හරි යන්න විදිහක් නෑනෙ. හැබැයි හරවගන ගෙදරට එනකන්ම ආපහු ලෙඩේ ආවෙ නෑ.

හෙට කොහොම හරි මේක හදා ගන්න ඕන, alternator එකට බඩු බනිස් වෙලාද දන්නෑ. පොල් මාමගෙ කටු නූලෙ ඉන්න වාහන ගැන දන්න හැමෝගෙම අදහස් බලාපොරොත්තු වෙනව මේක ගොඩ දාගන්න. ගැරජ් එකට යන්න කලින් මොනවද බලන්න ඕන.

 

[asylum]

ඔන්න ඔහොමයි ඒ කට්ට ඉවර උනේ..

ela ela niyama kataka ne

 

[upulpdn]

. නූලෙ ඉන්න වාහන ගැන දන්න හැමෝගෙම අදහස් බලාපොරොත්තු වෙනව මේක ගොඩ දාගන්න. ගැරජ් එකට යන්න කලින් මොනවද බලන්න ඕන.