Adventures journey to beauteous Doovili watefall..!

[tharindup]

ගොඩක් කාලෙකින් එලකිරියට thread එකක් දාන්නෙ..ඒ නිසා වැරදි එහෙම ඇති.ඒවට සමා වෙන්ඩ කියලම වැඩේ පටන් ගන්නන්..

මේ කියන්න යන්නෙ මම මගේ ජීවිතේට මේ වෙනකන් ගිය සිරාම ට්‍රිප් එක ගැන.මේක ඒ තරං සුපිරි ගමනක් උනා අපිට නං.සමහර එවුන් බලයි යකෝ මූ මේකම කලිනුත් කියල තියෙනවනෙ කියල..ඔව් ඒක හරි..අපි ඒ ගමන repeat කළා..ඊට වඩා හොඳට.

අපි ගියේ නකල්ස් දූවිලි ඇල්ලටම තමයි.හැබැයි පටන් ගත්ත දිහාව වෙනස්..ගිය විදිය වෙනස්.ඒ කියන්නෙ මග පෙන්වන්නෝ කව්රුත් නෑ.උඹල ආපහු බලනව ඇති මුන් යන්නෙම ඕකටමනේ කියල..එකත් හරි..මොකද ,මට නං කොච්චර ගියත් එපා වෙන්නෙ නෑ..අනික අපි සෑහෙන කාලෙකින් ට්‍රිප් එකක් ගියෙත්..

අපේ ගමනට මෙදා පාර ඔක්කොම 5ක් හිටිය..වෙනද වගේම මමයි ,සජ්ජයි ,ජිමයි ඊට අමතරව අපේ කැකුළුවා සහ ඩොකා මහත්තය..ගමන ගියේ ජුලි 20 night mail එකේ..පටන් ගන්නකොටම මම පොඩි ආතල් එකක් දීලලු පටන් ගත්තෙ.

අපි train එකේදී..

අපි නුවරින් බැහැල කෙලින්ම ගියේ ඩොකා මහත්තය එක්ක එකට ඉගෙන ගන්න යාලුවෙක්ගෙ ගෙදර. ඒක ගොඩක් වටිනව මහන්සියක් නැතුව ගමන පටන් ගන්න.

උදේ පාන්දර ඇහැරිලා ගෙදර අයට ස්තුති කරල පිටත් උනා උදේට කාල දවල්ටත් pack කරගෙන පිටත් උනා බම්බරැල්ලට යන්න.

උදේට කන අපි..

ඔතනින්ම අපි දවල්ටත් කෑම ගත්ත..මොකද අපි දවල් වෙනකොට කැලේ ඇතුලේ නිසා.නුවර ඉඳන් බඹරැල්ලට කෙලින්ම බස් තියෙනව කියල දැනන් හිටපු නිසා ගියා නවත්තන තැනට.ඒත් බලන් හිටිය හිටය බස් නැති පාර නැග්ග වත්තේගම බස් එකක.එතනින් බඹරැල්ල ට බස් පටන් ගන්න නිසා.

වත්තෙගමට ගිය බස් එක.

වත්තෙගමදී ගන්න තිබුන පොඩි පොඩි බඩු වගයකුත් අරගෙන එතනින් නැග්ග බඹරැල්ල බස් එකේ..ඒ වෙනකොටත් අපි ගොඩක් පරක්කුයි..

බඹරැල්ල බස් එකේ.

බහින්න ඕන තැන අපිට කිව්වෙ බස් එකේ හිටපු මුස්ලිම් අයිය කෙනෙක් සහ කොන්දොස්තර.කළුපහන එනසාල් වාඩි වලට යනවා නං බඹරැල්ල ට කලින් බහින්න ඕන.

අපේ එදා රෑට නවතින්න හිතාගෙන හිටපු තැන තමා කළුපහන එනසාල් වාඩිය.KMP වාඩිය කියන්නෙත් ඒකටම තමා..

අපි බැහැපු තැන.

එතනින් එහාට තියෙන පාර.

ගමනේ මුල් ටික තියෙන්නෙ තේ වත්තක් මැදින්..ගොඩක් දුර යන්න ඕන කැලේට ඇතුල් වෙන්නත් .

තේ වත්තට ඇතුල් වෙන්න ටිකකට කලින්.

අනික් එක තමා පාරවල් ගොඩක් තියෙනව කැලේට ඇතුල් වෙන්න..

පටන් ගත්ත ගමන්

තේ වත්ත මැදින් තමා පාර තියෙන්නෙ.මේ හරියට කියන්නෙ ලෙබනන් වත්ත කියල..

ටික දුරක් ඇවිල්ල දවල්ට කන්න නැවතුනා..මොකද හොඳ වතුර පාරක් හම්බුන නිසා.ඔන්න ඔතන තමා කෑවෙ.

කාල පිටත් උනා .

ඔය පිටි පස්සෙන් එන දෙමළ මනුස්සය අපිට හිතලම පාර වැරද්දුවද කොහෙද..උගෙන් පාර අහගෙන කීයක් හරි දෙයි කියල හිතල වෙන්න ඇති..තේ වත්ත පහු වෙලා කැලේට ඇතුල් වෙලා මීටර් 50 ක් යන්න හම්බුනේ නෑ තවත් එකෙක් එනව කැලේ ඇතුලේ ඉඳන්..ඌ තමා කිව්වෙ මේ පාර වැරදි ආපහු පහලට බැහැල පාර දිගේ යන්න කියල..අපි ආපහු පාරට බැහැල ගියා පාර දිගේ..ටික වෙලාවකින් මුලින්ම ආපු ඩයල් එක අපිව මග ඇරලා ගියා..

කැලෙයි ගමයි වෙන් කරන සීමාව.

ගල් ගුහාවක්.

පොඩි දිය ඇල්ලක්.

ඊට පස්සේ ටික වෙලාවකින් ආව වැදගත් තැනකට..ඒ තමා දළු මඩුව කියන තැන.කව්රුහරි වහනෙකින් එනව නං මේ ගමන මෙතන තමා අන්තිම තැන..ඒ හරිය අයිති රත්නගිරිය කියන වත්තට.

ඔය ඈතින් පෙන්නෙ එක.

එතනට ඈත පේනවා රත්නගිරිය කන්ද..ඒක වටේ ගිහින් තමා කැලේට ඇතුල් වෙන්න ඕන..දළු මඩුව ළඟ ඉඳන් තව ටිකක් උඩට නැග්ගම අන්තිම ලයින් කාමර ටික හම්බෙනව..ඇත්තටම ඒ මිනිස්සු පුදුම දුකක් විඳිනවා ඇති ජීවත් වෙන්න..එහෙම හිතෙන්න හේතුව තමා අපි එතන ඉන්නකොට ළමයි ටිකක් ආව ඉස්කෝලේ ඇරිලා..එත් මම දැක්කෙ නෑ ඒ කිට්ටුව ඉස්කෝලයක්..පව් ඉතින්.

අපි අපේ ගමන පටන් ගත්ත detol ටිකක් එහෙම ගාල..මෙතන ඉඳන් තමා ඇත්තටම නියම ගමන පටන් ගත්තෙ..මුල ඉඳන්ම අපිට පාර හොයා ගන්න පට්ට අමාරු උනා..එකට හේතුව මිනිස්සු යනවා අඩු නිසා පාර වැහිලා.

මේ වගේ තමා සැහෙන දුරක් එනකන්..

මගදී හම්බුනා පේර ගහකුයි දොඩම් ගහකුයි..දුන්න වැඩේ..එත් දොඩම් නං පට්ට ඇඹුලයි.

ටික දුරක් ආවම හම්බවෙනව කැලේට ඇතුල් වෙන තැන නියම විදියට.. ඇ වෙනකොටත් අපිට හොඳ ගණන්..කූඩැල්ලෝ ඉන්නවා අම්බානක..

අපි

රත්නගිරිය කන්ද..

මෙතනින් එහාට දිගටම කැලේම තමා වාඩිය හම්බෙනකන්.කූඩැල්ලන්ට හරි සන්තොසයිලු..පොකුරු පොකුරු ඉන්නෙ..එත් detol වලට සැහෙන හොඳ ප්‍රථිපල තියෙනව..අපි සැහෙන දුරක් ආව මේ වගේ..මෙදා පාර ලොකු අඩුවක් උනේ අපි photo ගැහුවේ ගොඩක් අඩුවෙන්..ඇයි කියල හිත ගන්න නං බෑ..කම්මලිකමද මන්ද..

සමහර තැන්වල නැවතී නැවතී අපි ටික දුරක් ආවම හම්බුනා පොඩි කෝවිලක්..අපි පඬුරක් එහෙම දාල එතනින් පිටත් උනා.

ටික දුරක් ආවම අපිට හම්බුනා මාර ලස්සන ගෙම්බෙක්..කොහොමත් නකල්ස් කියන්නෙ ලංකාවට අවේනික ගොඩක් සත්තුන්ගේ නිවහනක් තමා..ඒ නිසා බොහොම පරිස්සමින් තමා පයින් යන්න ඕන..

මේ ඉන්නෙ එයා..

ටික වෙලාවකින් මුළු කැලේම මීදුමෙන් වැහිලා ගියා..මම නං කැමතිම දෙයක් තමා මීදුම..

මීදුම තියෙන වෙලාවට තියෙන ප්‍රශ්නේ තමා කූඩැල්ලෝ එල්ලෙනවා වෙන වෙලාවල් වලට වඩා..අනික ගොඩක් කල්පනාවෙන් යන්න ඕන set එක එකටම..මේ හරියේ rest කරන්න කියල බිම වාඩි වෙන්නත් තැනක් නෑ..ටික වෙලාවකින් අපි ආවේ පොඩි තැනි තලාවකට..එතන කලින් set එකක් camping කරලා තිබුන..කොහොම හිටියද මන්ද උන් ටික පට්ට හුලන් ඒ හරියේ..අපරාදේ කියන්න බෑ පොලිතින් ටිකක් නං තියල ගිහිල්ල තිබුන.

මේ එතන..

ඒ වෙනකොටත් වෙලාව හවස 6.15යි..අපි කතා උනේ කීය උනත් කමක් නෑ kmp වාඩියට ගිහිල්ලම තමා නවතින්නෙ කියල..ඒ හින්ද දිගටම ගමනේම තමා..ගොඩක් ලොකුවට නගින්න කියල කන්ද නැති නිසා ලේසියි..අනික තමා පාර තියෙනව දිගටම..

කැලේට කළුවර වැටෙනවා තේරෙන්නෙ නෑ..වෙලාවට සජ්ජගේ ටෝර්ච් ටික තිබුනේ..ඒවා ගැන මම අන්තිමට විස්තර කරන්නන්..
හොඳම දේ කියන්නෙ අපිට කළුවරේ යනකන් දිගටම වගේ එක එක සද්ද ඇහෙන්න ගත්ත..අපිත් එක්කම වගේ සද්ද ටිකත් ඉස්සරහට move උනා මට දැනුන විදියට නං..මට විතරක් නෙමෙයි ජිමාටයි කැකුලටයි ඩෝකාටයිත් ඇහිලා තියෙනව..මොකෙක් හරි සතෙක් වෙන්න ඇති..අනේ මන්ද ඕව නං..මේ වගේ ගමනක් යනකොට හිත ගැස්සුනොත් ඉවරයි..

කොහොමහරි අපි රෑ 8.30 වගේ වෙනකොට kmp වාඩිය එහෙම නැත්තන් කළුවපහන එනසාල් වාඩියට ආව..සමහරු හිතන් ඉඳල තියෙන්නෙ වාඩියක් කිව්වම මේක නිකන් මැස්සක් ගහල වහලයක් ගහල තියෙයි කියල..මේක නියම ගෙයක්..එනසාල වවන කාලේ සුපිරියට තියෙන්න ඇති..

අපි රෑට කෑවෙ පානුයි හාල්මැස්සෝ හොදියි..හොඳට කාල නිදා ගත්ත..තව දෙයක් කියන්න ඕන ,මේකෙ ඉන්න එනව නං පොරවන්න මොනවා හරි අරන් වරෙල්ල..ගල් ගැහෙන්න හීතලයි..උදේ පාන්දරට එනව හීතලක් හිතා ගන්න බෑ..අනික තමා මේ දවස්වල හුළඟත් වැඩි..සමා වෙන්න ඕනා photo නැති එකට..

උදේ තමා ඉතින් අපිත් හරියට වටේ පිටේ බලාගත්තේ..වත්තේ හැම තැනම වගේ මොනාම හරි වවල..පොඩි බටේකින් තමා වතුර එන්නෙ..

මේ තියෙන්නෙ වාඩිය.

කුස්සිය..ඔය කඩන් වැටිලා තියෙන්නෙ අලි ගහලලු.

කක්කුස්සිය..හොඳම දේ තමා මේක තියෙන්නෙ ගේ ඇතුලේ..ඒ කියන්නෙ attached toilet එකක්..

මේ තමා එනසාල් වේලපු මඩුව..

මේ එක ඇතුලේ.

ඔය තියෙන rack වලට අමු එනසාල් තැටි දාල යටින් තියෙන බටේ රත් කරනවා..ඒකට මඩුවට පිටින් තමා ගිනි දාන්න හදල තියෙන්නෙ.

මිරිස් ජාති බටු ජාති එහෙම වවල තිබුනා.තව තිබ්බටු ගහක් තිබුන..ටිකක් කඩා ගත්ත පහුවදාට කන්න..ගේ වටේටම දොඩම් ගස්..

මේකෙන් තමා අපි වතුර ගත්තෙ

හොඳම දේ කියන්නෙ අපි එන්න හදනකොට ටික දුරක් ආවම නාන්නත් පුළුවන් නියම පීල්ලක් තියෙනව ටිකක් පහල..

ඉක්මනට උදේට කාල ලෑස්ති උනා අපේ ගමනේ නියම adventure එක පටන් ගන්න.ඉක්මනට කිව්වට 11 විතර උනාලු ඉතින් .මොකද මෙතන ඉඳන් දූවිලි ඇල්ලට යනකන් පාර නෑ කොහෙවත්..

අපේ උදේ කෑම

අපි

ඊට පස්සෙ පිටත් උනා අපේ ඊළඟ target එකට..ඒ කියන්නෙ දූවිලි ඇල්ලට.අපි දූවිලි ඇල්ල තියෙන්නෙ කොහෙද කියල දැනන් හිටියේ gps point එකක් විදියට විතරයි..පාරක් පටන් ගන්නව වාඩියේ ඉඳන් දූවිලි ඇල්ලටයි මීමුරෙටයි.එත් එක ගොඩක් දුරට වැහිලා ගස් වලින්..ගමන මුලදී නං තනිකරම එනසාල් වතු තමයි.

මේ තියෙන්නෙ එනසාල් මලක්

ඉත්තක්

මුලදී නං සිරාවට පාර තියෙනව.ටික දුරක් ඇවිල්ල දෙකට බෙදෙනව..එකක් මීමුරේට අනික දූවිලි ඇල්ලට..අපි හැරුන වම් පැත්තට..

තැනිතලාවක් හම්බෙනකන් පාර හොඳට තියෙනව..

මේ තියෙන්නෙ එතන.ඇතින් පෙන්නෙ තුන්හිස්ගල..අපි දූවිලි ඇල්ලට යනවා නං තුන්හිස්ගල පෙන්න ඕන අපිට දකුණු පැත්තෙන් නිතරම.

එතන තියෙනව කඩල දාපු වාඩියක්..

ඔතනින් එහාට අපිට කෙල උනා කිව්වොත් හරි..අපි ඔතනින් පාරක් හෙව්වා හෙව්වා හම්බුනේ නෑ..ටිකක් පාරක් වගේ එකක් හම්බුනා.එකේ ටිකක් හොයල බැලුවම තියෙනව අතු කපල දාපු පාරවල්..

එක පැත්තකට ගිහින් තිබුන කවුරු හරි..අපිත් ඉතින් ඒ පැත්තටම ගියා..ගොඩක් දුරට තිබුන..වතුර පාරක් පටන් ගන්න තැනකින් අතු කපපු පාර නැවතිලා..එතකොට ඇති 1 ට විතර..එතන පොඩි rest එකක් ගත්ත බිස්කට් එකක් එහෙම කාල.

මේ තියෙන්නෙ එතන.

මෙතනින් එහාට අපි ගිය ගමන කියන්න වචන නෑ.මොකද අපි මහා කැලේ අතරමන් උනා වගේ නිකන්..එත් අපිට හොඳ gps වැඩ කරන phone එකකුයි offline software එකකුයි තිබුන..යන්න ඕනා target එක pin point එකක් තිබුණ..ඒ නිසා කීයටවත් සැලුනේ නෑ..ඒ වගේ වෙලාවට කව්රු හරි පස්ස ගැහුවොත් ඉවරයි..ඒ අතින් අපේ set එක කියල වැඩක් නෑ..ඔක්කොම එකා වගේ..

gps බලනව.

කොහොමහරි සැහෙන දුරක් ගිහින් හම්බුනා ලොකු හෙලක්..දිය පාරකට යන්න නං අපි කොහොමහරි බහින්න ඕන..අනික් අයට උඩ ඉන්න කියල මමයි කැකුළුවයි පහලට ගිහින් බැලුව ටිකක්..කීයටවත් යන්න බෑ පහලට..

ආපහු ආව උඩට .ඒ වෙනකොට අපිට වතුරත් ටිකක් අඩු වෙලා තිබුනේ.

මේ වගේ අවස්ථා වචනෙන් කියන්න බෑ.

ආපහු ගියා පල්ලම දිගේම බහින්න පුළුවන් තැනක් set වෙනකන්..ආපහු වතාවක් සජ්ජ ටිකක් පහලට බැලුව යන්න පුළුවන්ද කියල..යන්තන් බහින්න පුළුවන් තැනක් set උනා..හැබැයි පහලට වැටෙන්න ගත්තොත් ලිස්සල යනවා පතුලක් පෙන්නෙ නැති හෙලකට.අල්ල ගන්න කියල ගස් තිබ්බට හයිය නෑ.

කොහොමරි අපි ආව පොඩි වතුර පාරකට..එතන ඉඳන් බැලුව ඉතුරු ටික කොහොමද යන්නෙ කියල.ඔය phone screen එකේ රතු පාට point තමා දූවිලි ඇලි ටික..නිල් පාට එක තමා අපි ඉන්න තැන..screen එකේ යට පැත්තෙන් පටන් ගන්න රතු පාට path එකේ තමා අපි ආවේ.

පේනවනෙ අපි ඇවිදලා තියෙන විදිය..

මෙතන නාල උයාගෙන කෑවා..බතුයි සැමනුයි..

අපේ සැමන් හොද්ද.

අපි නානවා.

එතන චූටි දිය ඇල්ලක් තිබුන.

හොඳට කාල පිටත් උනා ඉතුරු ටිකට..එතකොටත් 5.30 වගේ ඇති මම හිතෙන්නේ..අපි මෙතන ඉඳන් දිගටම වතුර පාරට සමාන්තරව යන්න තමා try කලේ..ඇත්තටම ඒක හරි..ටික දුරක් ගියාම හම්බුනා අපි කලින් වතාවක දූවිලි ඇල්ල බලන්න ගිය පාරක්..පාරක්ම නෙමෙයි..වතුර පාරක්.ඒක දිගේ තමා අපි කලින් ගිහින් තිබුනේ..අපි එතන ඉඳන් ආපහු ඒක දිගේ පහලට ගියා..හැබැයි පට්ට අමාරුයි..ලොකු ගල් තියෙන්නෙ..කලින් පාර කොහොම ගියාද කියල හිතාගන්නවත් බෑ..එත් අපි ගියා..

මේ එක තැනක්.

මෙතනින් එහාට photo ගහලම නෑ..හැබැයි වීඩියෝ තියෙනව..එක edit කරලා පස්සේ දාන්නන්..sorry වෙන්න ඕන photo නැති එකට..

සමහර තැන් වල සජ්ජගේ කරෙන් තමා අපි බැස්සේ..ඇත්තටම ඇ වගේ තැන්වල ඌ හිටියේ නැත්තන් අපිට යාගන්න වෙන්නෙ නෑ..ගොඩක් පින් මචං..!

ටික වෙලාවකින් කළුවර වැටුන..ඒත් අපි නෙමෙයි ගමන නැවැත්තුවේ..දූවිලි ඇල්ල ගුහවටම යනවා කියල හිතාගෙන ඇද්ද මහා රෑ.පුළුවන් තරමක් වතුර පාර දිගේ ඇවිල්ල ටික ටික කැලේ ඇතුලට ආව..

එක වේලාවකදී ජිමා වැටුන ගලක ලිස්සල..බලනකොට phone එක නෑ .කල්පනා කරලා බලනකොට ඊට චුට්ටක් උඩහ වීඩියෝ කරා වගේ මතකයි කියල ආපහු ගියා බලන්න..යනකොට phone එක වතුරේ..කිසි අව්ලක් උනේ නෑ.හැබැයි එක waterproof නෑ මම දන්නා විදියට..6s එකක්.

අපිට සමහර තැන් වලදී පොලොන් ගඳ ආව. ඒ වෙලාවට බය හිතුනේ නැතුවම නෙමෙයිලු.මොකද අපි යන්නෙ කිසිම මිනිහෙක් ගිය පාරක නොවන හින්ද..එහෙම තැන් වල සත්තු ඉන්නවා.අනික රෑ.

ටික වෙලාවකින් අපිට හම්බුනා forest එකෙන් mark කරපු පාර දූවිලි ඇල්ලට..කට්ටියට හරි සන්තොසයිලු..එතැන් ඉඳන් පොඩ්ඩ දුරයි ගුහාවට..ගුහාවට අපි එනකොට හරියටම 10.30යි..!

රෑ photo ගැහුවේ නෑ..ඇත්තටම මහන්සියටම නිසා වෙන්න ඇති..අපි එදා රෑට නං උයාගෙන කෑවෙත් නෑ.කෝපි එකක් හදාගෙන ඉතුරු වෙලා තිබුන බිස්කට් ටිකක් කාල නිදා ගත්ත..එතකොට 12 ට වගේ ඇති..

පහුවදා තමා දවස..එදා දවසෙ කරන්න ලොකු ලොකු දේවල් ටිකක් තිබුන ඔලුවේ..ඒ නිසා උදෙන්ම පිටත් වෙන්න ඕන කියල හිතාගෙන ඉඳල චුට්ටක් විතර පරක්කු උනාලු.

 

[tharindup]

good morning..!!

ඔය දර්ශනේ නං පුරුදු ඇති මම දාලම.ඒ උනාට තව ටිකක් බලපල්ලා..

ගුහාව

closeup ෂොට් එකක්..

pano එකක්

දිය ඇල්ල පිටිපස්සේත් පොඩි ගුහාවක් තියෙනව.

ඔතනට හරි ලස්සනට ඈත පේනවා.

ඔය පෙන්නෙ වල්පොලමුල්ල වෙල් යාය.එදා දවසෙ අපේ නවාතැන.

Zoomed

මේ මොකක්ද බන් නැවක් වගේ..

මුලින්ම උදේට milo එක හදාගෙන බීල උදේට කන්න උයන ගමන්ම යන ගමන් කකා යන්න කඩල ටිකක් තම්බ ගත්ත..හොඳම දේ තමා අපි උයන්න වතුර ගත්ත විදිය..එතන වැඩ දාන්න නං යන්න එපා පුතෝ යන එවුන්..ලිස්සල ගියොත් කෑලි ටික තමා කොළඹ ගේන්න වෙන්නෙ .

මේ එතන.

එතනින් පහල

පේනවනෙ හෙල.

අපි එදා උදේට කෑවේ බතුයි බොන්චියි ළූණු තෙල් දාලයි..කාල ඉක්මනට පිටත් උනා වල්පොලමුල්ල බලා..ඉක්මනට කිව්වට 9ත් පහු උනාලු..

පිටත් වෙන්න කලින් set එක.

කෙලින්ම ආවෙ දූවිලි ඇල්ලේ පහලට..

මේ තියෙන්නෙ ඒක..

අපේ ජිමා තමා ඔය ඉන්නෙ..

වතුර අඩු උනත් මාළු හිටිය.

ඊට පස්සේ ආවේ අපි ගොඩක් කැමති සාරි ඇල්ලේ උඩට..වතුර නැති නිසා දිය ඇලි නං නෑ..

එතනට පේන ඈත.

මෙතනත් මූ මෙහෙමම තමා

ඊට පස්සේ ඔතන වැඩි වෙලාවක් ඉන්නෙ නැතුව ආව ඔය දිය ඇල්ලේම පහලට..යන ගමන් දැක්ක කූඹි ටිකක් යනවා ලස්සනට.

ඔය තියෙන්නෙ දිය ඇල්ල..

ඔතනත් photo ටිකක් ගහල ආවේ ලලි ඇල්ල උඩට..මේවා අපි දාපු නම්..මේ දිය ඇලි ඔක්කොමටම කියන්නෙ දූවිලි ඇලි කියල..

එතන.

පත්තේ..!

එතන ඉඳන් නං ඇලි වල වතුර තිබුන ටිකක්.මොකද එතනට තමා set වෙන්නෙ අපි කලින් දවසෙ ආපු වතුර පාර..අපි මෙතන ඉඳන් ආපහු හරි පාරෙන් පිට පැනල ඉතුරු දිය ඇලි ටික බලන්න කියල හිතාගෙන ඇතුල් උනා කැලේට.එතනින් එහාටත් ගමන මාර අමාරුයි.

හැබැයි පොඩ්ඩ දුරයි..ඒ උනාට ටිකක් වෙලා ගියා..

මේ වගේ තමා ඉතින්

ලස්සන මලුත් තියෙනව ඉඳල හිටලා..

ඊට පස්සේ ආවේ මෙතනට.

මෙතනට අපි කලිනුත් ඇවිල්ල තියෙනව.ඒ නිසා ලොකුවට විස්තර කරන්නේ නෑ.photo විතරක් දාන්නන්.

එතනින් පහල.

මෙතැනදී කොල්ලෙක් හයියෙන් කෑගැහුවලු ‘ශ්‍රියානී ‘කියල..මම ඇහුව ඒ කව්ද කියල දන්නෙ නෑ බන් හිතුන කිව්වලු..

මූ ඉන්න තැන කොහොමද..

මෙතන ටිකක් වෙලා ඉඳල පහලට බැස්ස..බහින්න තියෙන්නෙත් ඔය ගල් ටික දිගේම තමා.

මෙන්න මේ වගේ

එක තැනකදී අපිට මුලින් එකෙක් යවල ඌට bag ටික දීල පස්සේ අපි බැස්ස..

කොහොමහරි පහලට බැස්ස..

ඔය පේන ගල උඩ තමා අපි හිටියේ..

පොඩි rest එකක් එහෙම අරන් පිටත් උනා ආපහු ගමනට..එතකොට 2ට වගේ ඇති..

දැන් මොකද බන් කරන්නෙ..?

ආපහු දිය ඇල්ලක උඩ

ඔතනින් ආපහු යන්න වෙනවා කැලේට..ඊට පස්සේ කලින් වගේම බඩ ගාගෙන ලිස්ස ලිස්ස බහින්න ඕන ඊළඟ ඇල්ලට..

මේක තමා ඒ.

ඔකේ උඩත් තියෙනව ටිකක් ලොකු දිය ඇල්ලක් එතනට නං අපිට යන්න පුළුවන්..එත් අපි ගියේ නෑ..

ලොකු කුරුඳු ගහක් හම්බුනා...පොත්තක් කපාගෙන කෑවා.කඳුළු ආව කියහන්කො..එතන ඉඳන් දිගටම ගමන තියෙන්නෙ ගඟ දිගේ තමා.දවල්ට කන්න තැනක් set වෙනකන් ඇවිද්ද..

ඊට පස්සේ ආවේ තවත් ලොකු දිය ඇල්ලක් උඩට..මේකෙ නං පහලට යන්න බෑ මම දන්නා විදියට.

මේ ඒක

එතනින් පහල

nature lovers ල වතුර බොන විදිය..

අපි එතැනදී හොඳට නාල කෑවා..

අපි නානගමන්..මම ඇයි බන් බය වෙලා වගේ..වතුර හීතල නිසාද දන්නෙ නෑ..

දවල් කෑම.

එතකොටත් වෙලාව 5 පහු වෙලා.කාල පිටත් උනා අන්තිම target එකට..ඒ කියන්නෙ වල්පොලමුල්ලට යන්න..එදත් රෑ වෙනවා කියල අපිට ඉවෙන් මෙන් දැනුන..මොකද අපේ වේගේ අපි දන්නා නිසා..එත් සැලෙන්නේ නෑ .රෑ ගිහින් හොඳට පදම් වෙලා හිටපු නිසා.හැබැයි අඩු පාඩුව තමා photo නොගහන එක..එත් මහා ලොකු දේකුත් නෑ.දිගටම අඩි පාර දිගේ එන්න තියෙන්නෙ වැද්දහෙන කියන ඔය හම්බෙනකන්..එතනින් බෙදෙනව පාර එකක් වල්පොලමුල්ලට අනික රඹුක්ඔළුවට.අපි ආවේ වමට ඒ කියන්නෙ වල්පොලමුල්ලට.

ඒ වෙනකොට ගොඩක් රෑ වෙලා.. අපි ගොඩක් අය බහිශ්‍රාවී කටයුතු එහෙම කරලා පිටත් උනා ගමනට..කළුවරේ ගල් උඩින් පැන පැන ගිහින් එක කරන එකත් මාර ගේමක් බන් වෙලාවකට..කරලා ආපහු එනකොටත් එහෙමයි..වෙන එකෙක්ගේ එකක් පෑගුනොත්..අයියෝ සල්ලි කිව්වලු..

අනික් එක තමා මතක් කරලා එතනින් වතුර පුරවා ගන්න ඕන බොන්නත්..එතනින් එහාට වතුර පාරවල් හිඳිලා.ආපහු වතුර තියෙන්නෙ වල්පොලමුල්ල කිට්ටුව.

ටික දුරක් ඇවිල්ල එක තැනක නැවතිලා වාඩි වෙලා ඉන්නැද්දී සජ්ජ කිව්ව මොකුන්ද කනව වගේ බන් කියල..බලනකොට චූටි කිනිතුල්ලෝ ජාතියක්.ගොඩක් උන්ගේ නැගල කකුල් වල.කහනව තවම..මක් කරලවත් යවන්න බෑ.

බැරිම තැන detol ගාල බැලුව..වෙන දෙයක් තිබ්බෙත් නෑ ඉතින්.

detol ගානවා.

අනික් එක තමා එදත් අපිට ඇහුන දිගටම වගේ සද්ද..අපිට වම් පැත්තෙන් විතරයි ඇහුනේ.අනේ මන්ද..ගොඩක් දුරට එනකන් ඇහුන..

ඊළඟට උන හොඳම දේ තමා අපිට බඹර ප්‍රහාරයක් එල්ල උනා.උන් ආවේ ටෝර්ච් එළියට..ඉතින් පුළුවන් තරන් එලිය අඩු කරලා එතනින් පන ගත්ත..හැබැයි set එක ටිකක් විතර බය උනාලු එකට නං..බලනකොට අපේ එකෙක්ට බඹරෙක් ඇනල..එත් එක ඇනිල නෑ..උගේ තුඩ කැඩිලා ගිහිල්ල ඇඳුමේ පැටලිලා..වෙලාව තමා..

මේ තියෙන්නෙ එක.

එතනිනුත් බේරිලා ආව වල්පොලමුල්ලට ටිකක් පහලින් තියෙන වෙලට..මාර ලස්සනට ඈත පේනවා..අහසේ එක වලාකුලක් තිබ්බේ නෑ..කරුමේ කියන්නෙ එක photo එකක් ගැහුවේ නෑ..අපි උල්කාපාත 4ක් දැක්ක..එතන ටිකක් වෙලා බලන් හිටිය අහස දිහා.

ඊට පස්සේ ආව ඉක්මන් කරලා වල්පොලමුල්ලේ තියෙන ගෙදරට එන්න කියල හිතාගෙන..අපි දැනන් හිටිය මග වතුර පාරක් තියෙනව කියල බොන්න වතුර ටිකක් පුරවා ගන්න..පට්ට seen එක කියන්නෙ එතන හිඳිලා.වතුර බින්දුවක් නෑ.මොනා කරන්නද ආව ගෙදරට..එනකොට තව කොල්ලො දෙන්නෙක් මිදුලේ ටෙන්ට් එකක් ගහන බුදි..ඒ වෙනකොට රෑ 12ටත් කිට්ටුයි..අපි උන් දෙන්නව ඇහැරවල ඇහුව වතුර බෝතලයක් නැද්ද කියල..දෙයියෝ බැලුව වගේ උන් ළඟ තිබ්බ එකක් අපිට දුන්න..බිස්කට් ටිකක් කාල හම්බුන වතුර ටික බෙදාගෙන බිව්ව..ඊට පස්සේ නිදා ගත්ත..ඒ වෙනකොට ගොඩක් දෙනෙක්ට අමාරු වෙලා හිටියේ..නින්ද ගියා නිකන් මැරිල වගේ..

පහුවදා උදෙන්ම අරුන් දෙන්න නං ගියා ආපහු ගෙවල් වලට..එත් යනකොට අපිට කියල ගියා වතුර ටිකක් ගන්න පුළුවන් තැනක් ගැන..උන්ට කියල තියෙන්නෙ ගමේ මනුස්සයෙක්..

එදා නං අපි සෑහෙන වෙලාවක් ගත්ත දවස පටන් ගන්න..මගේ කකුල් දෙකම ඉවරයි..රබර් සෙරෙප්පු දෙකේ පටි වල තියෙන ගැට වගේ දෙක ඇනිල ඇවිදගන්නත් බෑ මට..අපි මුලින්ම කළේ එදා උදේට උයන කෑම ජාතිත් අරගෙන ගියා වේලිච්ච වතුර පාර ළඟට.ගිහින් ලෑස්ති උනා දවල්ටත් එක්කම උදේට කන්න උයන්න..එදා තමා අපි මුලින්ම දවසෙ කඩපු තිබ්බටු ටික හැදුවේ..වතුර තියෙන තැනක් හොයා ගත්ත අරුන් කියපු විදියට උඩහට ගිහින්.

මෙතනින් තමා වතුර ගත්තෙ..

වෙලාවට අපි ළඟ තිබුන වතුර අරන් යන්න පුළුවන් bag දෙකක්..වතුර පුරවන් තියාගන්න පුළුවන් එක නිසා..

උයන ගමන්..

අපේ තිබ්බටු බැදුම..

ඕකට හාල්මැස්සෝ එහෙම දාල තියෙන්නෙ..එදා කෑවා හොඳට..ඔක්කොම ඉවර කරන්නත් ඕනනේ.උයල ඉවර වෙලා කට්ටියක් ගියා වෙල බලල එන්න කියල..මම නිදා ගත්ත හොඳට ගලක් උඩට වෙලා.

මේ තියෙන්නෙ අපි හිටපු ගෙදර

මේ තියෙන්නෙ වල්පොලමුල්ල වේල් යාය..ඈතින් පෙන්නෙ තුන්හිස්ගල..හරි මැද්දෙන් පෙන්නෙ දූවිලි ඇලි ටික.

ඔය තියෙන්නෙ දැන් බලපල්ලා..

කට්ටිය ආපහු ආවම හොඳට කාල ගෙදරට ඇවිල්ල පිටත් උනා ඇතන්වල ගමට එන්න කියල.එතනින් තමා අපි ගෙවල් වලට එන්න වාහනයක් හොයා ගන්න ඕනා.වල්පොලමුල්ලේ ඉඳල ඇතන්වලට තියෙනව ටිකක් දුර..එත් කඳු එහෙම නෑ ලොකුවට.photo ගත්තෙත් නෑ සුපුරුදු පරිදි..

මගදී දැක්ක මෙයාව..

තව දැක්ක සුදු පාට සතෙක්..උගේ නම දන්නෙත් නෑ photo එකකුත් නෑ කියහන්කො..

ටික වෙලාවකින් අපි ඇතන්වල..

අපි ගම මැදින් ඇවිදන් එනකොට ඉස්සරහට එනව අම්ම කෙනෙකුයි දුවෙකුයි නාල..ඒ ගෑල්ලමය දැකපු අපේ කොල්ලෙක් පපුව අල්ලාගෙන දිව්වලු..ඒ ළමයත් නිකන් අර නංගි වගේමද මන්ද..මම ඒ වගේ කාව හරි දැක්කෙ නැත්තන් ගමන සම්පූර්ණ නෑ වගේ..අපි අපේ ඉතුරු වෙලා තිබුන ඔක්කොම ජාති ටික ඒ දෙන්නට දීල පාලම ලඟට එන්න පාරත් අහගෙන පිටත් උනා..

තෙල්ගමු ඔයට ඇවිල්ල නාගත්තා හොඳට..මොකද අපි ආපහු පිළිවෙලකට එන්න ඕන නිසා.ඒ කිට්ටුවට ගලුයි වැලියි අරන් ආපු ලොරි දෙකකට සජ්ජ ගිහින් කතා කරලා set කරගත්ත අපිව රත්තොටින් දාන්න..ඒක මාර වෙලාව..නැත්තන් ඒ වෙලාවේ වාහන හොයනවා බොරු.අපි ඇතන්වල ඉඳන් එනකොට 5.30 වගේ ඇති.ඉක්මනට ගෙනල්ල දැම්ම අපිව රත්තොටින්..හේතුව තමා මාතලේ ඉඳන් මාතර යන බස් එක අල්ලගන්න..එක මාතලෙන් පිටත් වෙන්නෙ 7.30ට .ලොරි වල අයිතිකාරය අපිට යන්න ත්‍රීවීල් දෙකකුත් set කරලා දුන්න..ලොරි වලට සල්ලි දුන්නම එක ගන්නත් බෑ කිව්ව..අපි 2000ක් දීල ආව..හරියටම බස් එක මාතලෙන් පිටත් වෙන වෙලාවටම වගේ අපි ආව.සීට් තිබුන හැමෝටම..

බස් එක නං වෙලාවට පිටත් උනා..එත් අපේ කරුමේ කියන්නෙ එදා තමා ෂෙඩ් වල strike එක තිබුනේ..නුවරට එනකොට 10 ට කිට්ටුයි..බස් එකේ කොළඹින් මාතරට පිටත් වීම දාල තිබුණේ 12.15.බස් එක 12 වෙනකොට කොටුවේ..මම ජීවිතේට ඇවිල්ල නෑ ඒ වගේ..roller coaster එකක ගියා වගේ.

ඉතින් ඔන්න ඔහොම තමාලු අපේ තවත් ට්‍රිප් එකක් ඉවර උනේ..

වෙනද වගේම මුලින්ම වෙනද වගේම මේ ගමනට සහභාගී උන ඔක්කොටම ස්තුතිවන්ත වෙනවා මම..හේතුව මමයි සජ්ජයි ගැන තිබ්බ විශ්වාසයට.අපි හිතුවෙත් නෑ මේ වගේ ත්‍රාසජනක ගමනක් වෙයි කියල..එත් එක පට්ට..!වෙන වචන නෑ.අනික් කෙනා තමා සජාන්..ඌ නැත්තන් අපිට මේ ගමන යන්න බෑ.ගොඩක් තැන් වලදී අපිට උදව් කළා..ගොඩක් පින් මචං.ඊළඟට අපිට නුවරදී නවාතැන් දීපු ඒ නන්ගිලටත්, බඹරැල්ල බස් එකේදී බහින්න තැන කියපු ඒ අයියලටත්, අපිට පාර වරද්දපු අයියටත්, පාර හරි ගස්සපු අයියටත් ,අන්තිම ලයින් කාමර වලදී අපිට වතුර පුරවගන්න දීපු අයියටත් ස්තුති වන්ත වෙනවා මම හැමෝම වෙනුවෙන්..ඊට පස්සේ අපිට ඇතන්වල ඉඳන් රත්තොටට ගෙනල්ල දාපු ඒ මාමටත් සහ ලොරි දෙක එලවපු අයියල දෙන්නටත් ගොඩක් පින්..ඒ වගේ උදව් මේ කාලේ හරි අඩුයි..

අනික් ලොකුම කෙනා තමා මට උදව් කරපු ලක්දසුන් වෙබ්අඩවිය..මම gps map ගත්තෙ එකෙන්..ඉතින් ඒවා upload කරලා තිබ්බ නිරෝෂන් සහෝදරයත් ගොඩක් ස්තුතියි.

ඊට අමතරව locusmap කියන android app එක..ඕක නැත්තන් අපි තවම කලුපහනේ..

මේ මොනවා තිබ්බත් වැඩක් නෑ,ඔය වගේ කැලෙක යනවා නං කැලෙට ආදරේ උන් ටිකක් පලයල්ලා.මොකද මම විශ්වාස කරන දෙයක් තමා අපි අච්චර රෑ ඇවිදලා හෙල් බැහැල අමාරු තැන්වල ගියාට අපිට කිසිම කරදරයක් උනේ නැත්තෙ අපි කව්රුවත් කැලේට කිසි වැරද්දක් නොකර සතෙකුට කරදර නොකර ගිය නිසා කියල.ඒ නිසා තම තමන් හැදුනම රටම හැදෙයි..වැඩි දෙයක් ඕන නෑ,කවදාහරි මම මගේ ළමයින්ටත් දූවිලි ඇල්ල පෙන්නනවා කියල හිතා ගනිල්ලා..එතකොට ඒවා ඉබේම රැකෙයි..

තව දෙයක් කියන්න ඕන .අපේ වීඩියෝ එකක් එනව මග..එකත් බලන්න කියල ඉල්ලනවා හැමෝගෙන්ම..data ටිකක් වැඩිපුර ගියත් පාඩු වෙන එකක් නෑ කාටවත්..මේක තමා trailer එක.

මම කලින් එළකිරියේ යාලුවෝ දෙන්නෙක්ට පොරොන්දු වෙලා තිබුන ට්‍රිප් එකක් එක්ක යනවා කියල.එකත් අමතක නෑ.

ඉතින් Team Jungle hiking club එක වෙනුවෙන් මම ට්‍රිප් එක ගිය අයගෙනුයි මේක බලන අයගෙනුයි අපිට උදව් කරපු අයගෙනුයි ඉල්ලන්නේ මගෙන් සහ මගේ කණ්ඩායමෙන් මොනා හරි වැරද්දක් උනා නං දැනුවත්ව හෝ නොදැනුවත්ව ඒවට සමා වෙන්න ඕනා..!

මගේ කතාව මෙතනින් අවසානයි..අසා සිටි ඔබ සැමට ස්තුතියි..!

බුදු සරණයි..!

 

[HypermaD2]

ජීවිතේට අමතක වෙන්නෙ නැති හයික් එකක් තරිඳු අයියෙ... මතක් වෙද්දිත් ආතල්...

 

[harindugamlath]

පිස්සු හැදෙනවා බන් . අම්බානක ස්තූතියි අපිත් එක්ක බෙදාගත්තට. ඇත්තටම කියනවනම් ඇඟත් හිරිවැටුන උඹල ගියපු යෑමට බන්. කියන්න වචන නෑ පට්ට.

 

[Bad Cop]

එක හුස්මට කියෙව්වා..පට්ට
වීඩියෝ එකත් දාන්න ඉක්මණට​

 

[Executer]

මැක්සා ගමනක් තරිදු අය්යේ +28

උබල හෙන වාසනාවන්තයි බන් පුළුවන් කාලේ මේ වගේ ගමන් යන්න හම්බෙන එකම ජයවේවා !!

 

[Kumara456]

සුපිරියි කියන්නේ පට්ට සුපිරියි බන්...
උපරිමයි..
+23

 

[coolcat2005dj]

Bump bump. Ayeth yamalla kohe hari.

 

[Kalegana]

ඉතාමත්ම සුපිරි මල්ලි...

 

[ghnrodrigo]

Wow නියමයි මල්ලි.!

 

[A. සිරියා]

කියන්න වචන නෑ පට්ට

 

[HypermaD2]

දැනුයි කියවල ඉවර උනේ... වතුර නැතුව අසරන උන හැඟීම නම් අනෙ අම්බෝ.. වනේ වන හතුරෙකුට වත් වෙන්න එපා... වචන වලින් කවදාවත් කියන්න බෑ..

 

[dinesh4u]

patta macho ... supiri tour ekak .. mamath kamathi ban oya wage experience ekak ganna set wenna oya wage hike ekakata ...

 

[dgvirajm]

Patta Bro!

 

[azarox]

Ade umbala aye yanwanam defa mawa ekkan palayanko okkoma wada daala defa enawa yakoo

 

[KingCM]

wow පට්ට ලස්සනයි බන්....ලංකාවද කියල හිතාගන්න බැ...

සෙරප්පු දන්නේ නැතුව බූට් 2ක් ගෙන ගියානම් පහසු නැද්ද ...කකුල් 2කංඅ සීල් කරලා.,....

army රෙද්දෙන් මහපු කලිසමක් ඇදල ......​

 

[neerathemall]

nice

 

[1118lakmalkumara]

Ade patta ban ara wadi wala kawuruwath nethida ban ara guha wala ehama owala sarpai ehama athine

 

[1118lakmalkumara]

wow පට්ට ලස්සනයි බන්....ලංකාවද කියල හිතාගන්න බැ...

සෙරප්පු දන්නේ නැතුව බූට් 2ක් ගෙන ගියානම් පහසු නැද්ද ...කකුල් 2කංඅ සීල් කරලා.,....

army රෙද්දෙන් මහපු කලිසමක් ඇදල ......​

nisahase yanna bae ne ban bara wedine nethnam ithin safe oka

 

[creed1]

මාර ට්‍රිපක් නේ බන් .