2016 වසරේ ජූලි මස 15 වැනි දින ‘මව්බිම’ දිනපතා මුල් පිටුවේ පළ වූ “කෝටි 180 ගල් අඟුරු වංචාවට ජනතා විමුක්ති පෙරමුණ චම්පික නම් කරයි” යන සිරස්තලය සහිත ප්රවෘත්තියයි.
දෙවැනි පුවත වන්නේ එදිනම ‘මව්බිම’ පුවත්පතේ 10 වැනි පිටුවේ පළකරන ලද “ගල් අඟුරු ටෙන්ඩරයේ මිලියන 1803ක පාඩුවට චම්පික වගකිව යුතුයි” යන ශීර්ෂය යටතේ පළ කර තිබූ ප්රවෘත්තියයි.
ඉහතකී ප්රවෘත්තියට පාදක වී තිබුණේ දැවැන්ත වංචාවක් වූ ගල් අඟුරු ටෙන්ඩරය තුළින් රටට සිදුවූ පාඩුවට ඍජුවම වගකිව යුත්තා එවකට විදුලි බල හා බලශක්ති ඇමැති චම්පික රණවක බවට ජනතා විමුක්ති පෙරමුණේ මධ්යම කාරක සභික හා උතුරු මැද පළාත් සභා මන්ත්රි වසන්ත සමරසිංහ මහතා මාධ්ය හමුවකදී කරන ලද ප්රකාශයකි.
2 නඩුවට හේතුව
2014 වසරේ දෙසැම්බර් මස 30 වැනි දින “මව්බිම” දිනපතා පුවත්පතේ 18 වැනි පිටුවේ පළ කරන ලද “යහපාලන සහකරුවො” තම පෞද්ගලික ජීවිතයේ රහස් කරුණු හෙළිකරමින් ලිපියක් වෙබ් අඩවියක පළකළ නිසා එක්නැලිගොඩ මාධ්යවේදියා ඝාතනය කළ මෑතකදී ගල්ලෙන බිඳින ලද යහපාලකයා කවුද?” යන හිසින් පළවූ දැන්වීමයි.
මෙම දැන්වීම තුළින් සිය පෞද්ගලික රහස් වෙබ් අඩවියක පළකිරීම හේතුවෙන් එක්නැලිගොඩ මාධ්යවේදියා තමා විසින් මරා දැමූ බව මහජනතාවට ඒත්තු ගන්වා ඇති අතර මේ තුළින් තමා අපරාධකරුවකු ලෙස හුවා දැක්වීමට විත්තිකාර ‘මව්බිම’ පුවත්පත කටයුතු කර ඇතැයිද චම්පික රණවක ඇමැතිවරයා සිය දෙවැනි නඩුව තුළින් අධිකරණය හමුවේ චෝදනා කර තිබිණි.
‘මව්බිම’ සහ ‘ඛ්ඥරතධද ඊධඤචර’ යන ලංකාවේ ප්රමුඛ ජාතික පුවත්පත් මුද්රණය කොට බෙදාහරින සීමාසහිත සිලෝන් නිවුස්පේපර්ස් (ප්රයිවට්) ලිමිටඩ් ආයතනයෙන් රුපියල් කෝටි 150ක් අයකර ගනු පිණිස මහ නගර සහ බස්නාහිර සංවර්ධන ඇමැති පාඨලී චම්පික රණවක විසින් කොළඹ දිසා අධිකරණයේ පනවා තිබූ අපහාස නඩු 02ක් පසුගිය බ්රහස්පතින්දා (07දා) ඔහු විසින්ම ඉල්ලා අස්කර ගැනීමෙන් පසුව ඒවා ගාස්තු රහිතවම නිෂ්ප්රභ කිරීමට පසුගිය 7 වැනිදා කොළඹ දිසා අධිකරණ විනිසුරු ජටිල රත්නායක මහතා නියෝග කළේය.
රජයේ ප්රබල ඇමැතිවරයකු විසින් ප්රසිද්ධ ජාතික පුවත්පතකින් විශාල වන්දි මුදලක් අයකර ගනු පිණිස ගොනුකර තිබූ මෙම නඩු පිළිබඳව මාධ්ය ක්ෂේත්රයේ මෙන්ම දේශපාලන අංශවලද සුවිශේෂී උනන්දුවක් පැවතිණි. මෑත කාලයේ මාධ්ය ආයතනයකට එරෙහිව දේශපාලනඥයකු විසින් පවරනු ලැබූ විශාලම වන්දි නඩුවද මෙය වූයේය.
උක්ත නඩු ද්විත්වයේදී අදාළ පැමිණිලිකරු වූ ඇමැතිවරයා විසින් පුවත්පත් සමාගමද, ‘මව්බිම’ දිනපතා පුවත්පතේ කතුවරයාද පුවත්පතේ වාර්තාකාරිනියද, අදාළ ප්රවෘත්තියට සබැඳි දේශපාලන පක්ෂ නියෝජිතයාද අධිකරණය හමුවේ විත්තිකරුවන් ලෙස නම් කර තිබිණි. මෙම නඩුකාරයන්ට පාදක වූ ඇමැති පාඨලී චම්පික රණවකගේ පැමිණිලි හා එයට ප්රතිචාර දක්වමින් ‘මව්බිම’ වෙනුවෙන් සීමාසහිත සිලෝන් නිව්ස්පේපර්ස් (ප්රයිවට්) ලිමිටඩ් ආයතනය කොළඹ දිසා අධිකරණයට ගොනු කරනු ලැබූ හරස් ඉල්ලීම් ඇතුළත් නඩු තීන්දුව පහත දැක්වේ.
ඇමැති පාඨලී චම්පික රණවක මහතා විසින් ‘මව්බිම’ පුවත්පතින් රුපියල් මිලියන 1000ක වන්දියක් අයකර දෙන ලෙස ඉල්ලා පළමු නඩුව ගොනු කරනු ලැබුවේ 2017 වසරේ ජනවාරි මස 02 වැනිදාය. එම නඩුවේ විත්තිකරුවන් ලෙස ජනතා විමුක්ති පෙරමුණේ හිටපු පාර්ලිමේන්තු මන්ත්රි වසන්ත සමරසිංහ, ‘මව්බිම’ පුවත්පතේ ප්රධාන කර්තෘවරයා, එම පුවත්පතේ වාර්තාකාරිනි අනුරාධා හේරත් සහ සීමාසහිත සිලෝන් නිව්ස් පේපර්ස් ලිමිටඩ් යන පාර්ශ්ව නම් කරන ලදී.
එම නඩුව සඳහා ‘මව්බිම’ පුවත්පතේ පළකරන ලද පුවත් දෙකක් පාදක කොටගෙන තිබුණි. ඉන් එක් පුවතක් වන්නේ 2016 වසරේ ජුලි මස 15 වැනි දින ‘මව්බිම’ දිනපතා මුල් පිටුවේ පළ වූ “කෝටි 180 ගල් අඟුරු වංචාවට ජනතා විමුක්ති පෙරමුණ චම්පික නම් කරයි” යන සිරස්තලය සහිත ප්රවෘත්තියයි.
දෙවැනි පුවත වන්නේ එදිනම ‘මව්බිම’ පුවත්පතේ 10 වැනි පිටුවේ පළ කරන ලද “ගල් අඟුරු ටෙන්ඩරයේ මිලියන 1803ක පාඩුවට චම්පික වගකිව යුතුයි” යන ශීර්ෂය යටතේ පළ කර තිබූ ප්රවෘත්තියයි.
ඉහතකී ප්රවෘත්තියට පාදක වී තිබුණේ දැවැන්ත වංචාවක් වූ ගල් අඟුරු ටෙන්ඩරය තුළින් රටට සිදුවූ පාඩුවට ඍජුවම වගකිව යුත්තා එවකට විදුලි බල හා බලශක්ති ඇමැති චම්පික රණවක බවට ජනතා විමුක්ති පෙරමුණේ මධ්යම කාරක සභික හා උතුරු මැද පළාත් සභා මන්ත්රි වසන්ත සමරසිංහ මහතා මාධ්ය හමුවකදී කරන ලද ප්රකාශයකි.
මෙම දැවැන්ත මහජන මුදල් කොල්ලකෑමේ සිද්ධියට පාඨලී චම්පික රණවක ඇතුළු විදුලිබල මණ්ඩලයේ හිටපු නිලධාරීන්ට එරෙහිව වහාම නීතිය ක්රියාත්මක විය යුතු බවද වසන්ත සමරසිංහ මහතා අවධාරණය කළ බව ‘මව්බිම’ මාධ්යවේදිනිය වාර්තා කර තිබිණි. වත්මන් හවුල් පාලනය මෙම වංචාව තවදුරටත් පවත්වාගෙන යෑමට උත්සාහ දරන බැවින් කඩිනමින් නීතිය ක්රියාත්මක කළ යුතුය යන්න යට කී වාර්තාවෙන් අවධාරණය කර තිබිණි.
පැමිණිලිකාර චම්පික රණවක මහතා සිය පැමිණිල්ලෙන් සඳහන් කර තිබුණේ උක්ත පුවත් මුළුමනින්ම අසත්ය වන අතර ඒවා තම කීර්තියට හානි සිදුකිරීමේ අරමුණින් පළකර ඇති බවයි. මේ තුළින් සිය දූෂණ විරෝධී දේශපාලන දර්ශනයට හා අවිහිංසාවාදී පෞද්ගලික ජීවිතයටත් බරපතළ හානියක් සිදුකර ඇතැයි සඳහන් කරන චම්පික රණවක ඇමැතිවරයා මේ හරහා තමා මහජනතාව ඉදිරියේ වංචාකාරී පුද්ගලයකු ලෙස හඳුන්වා දී මහජනයාගේ කේරා්ධයට බඳුන් කර ඇතැයිද චෝදනා කළේය.
කැබිනට් ඇමැතිවරයකු ලෙස ක්රියා කරන සිය ඡායාරූපය පුවත්පතේ මුල් පිටුවේ පළකිරීම තුළින් තමා රාජ්ය මුදල් අවභාවිත කරන මහජන මුදල් කොල්ලකන අයකු ලෙස හඳුන්වාදී ඇති අතර ඒ හරහා තමාගෙන් දූෂණ විරෝධී හා යහපාලනයක් අපේක්ෂා කළ නොහැකිය යන මතයක් මහජනතාව අතර එම පුවත්වලින් පෙන්නුම් කර ඇතැයිද චම්පික රණවක ඇමැතිවරයා අධිකරණය හමුවේ ගොනුකළ පැමිණිල්ලෙන් සඳහන් කර තිබේ.
ඊට අමතරව ‘මව්බිම’ පුවත්පතින් තවත් රුපියල් මිලියන 500ක වන්දියක් අයකර දෙන ලෙස ඉල්ලා චම්පික රණවක ඇමැතිවරයා 2017 වසරේ ජනවාරි මස 20 වැනිදා තවත් නඩුවක් කොළඹ දිසා අධිකරණය හමුවේ ගොනු කළේය.
එහි විත්තිකරුවන් ලෙස නම් කර තිබුණේ ‘මව්බිම’ පුවත්පතේ ප්රධාන කර්තෘවරයා සහ සිලෝන් නිවුස්පේපර්ස් ප්රයිවට්ලිමිටඩ් සමාගම වේ.
2014 වසරේ දෙසැම්බර් මස 30 වැනි දින “මව්බිම” දිනපතා පුවත්පතේ 18 වැනි පිටුවේ පළ කරන ලද “යහපාලන සහකරුවො” තම පෞද්ගලික ජීවිතයේ රහස් කරුණු හෙළිකරමින් ලිපියක් වෙබ් අඩවියක පළකළ නිසා එක්නැලිගොඩ මාධ්යවේදියා ඝාතනය කළ මෑතකදී ගල්ලෙන බිඳින ලද යහපාලකයා කවුද?” යන හිසින් පළවූ දැන්වීමයි.
මෙම දැන්වීම තුළින් සිය පෞද්ගලික රහස් වෙබ් අඩවියක පළකිරීම හේතුවෙන් එක්නැලිගොඩ මාධ්යවේදියා තමා විසින් මරා දැමූ බව මහජනතාවට ඒත්තු ගන්වා ඇති අතර මේ තුළින් තමා අපරාධකරුවකු ලෙස හුවා දැක්වීමට විත්තිකාර ‘මව්බිම’ පුවත්පත කටයුතු කර ඇතැයිද චම්පික රණවක ඇමැතිවරයා සිය දෙවැනි නඩුව තුළින් අධිකරණය හමුවේ චෝදනා කර තිබිණි.
පහත සඳහන් අසත්ය සහ අපහාසාත්මක ප්රකාශයන් විත්තිකරුවන් සිදුකර ඇති බවට ඔහු පැමිණිලි කර තිබිණි.
(අ) තම පෞද්ගලික ජීවිතයේ රහස් කරුණු හෙළි කරමින් ලිපියක් වෙබ් අඩවියක පළකළ නිසා එක්නැලිගොඩ මාධ්යවේදියා පැමිණිලිකරු විසින් මරා දමන ලද බව.
(ආ) එම ඝාතනය සිදුකළ මෑතකදී ගල්ලෙන බිඳින ලද යහපාලකයා පැමිණිලිකරු බවට මහජනයාට ඒත්තු ගැන්වීම.
(ඇ) කැබිනට් ඇමැතිවරයකු ලෙස කටයුතු කරන පැමිණිලිකරු නීතිගරුක පුද්ගලයකු නොවන අපරාධකාරයකු බවට මහජනයාට හුවා දැක්වීම.
(අෑ) පැමිණිලිකරු රටේ යහපාලනයක් ස්ථාපිත කිරීමේ අරමුණ පිළිබඳව මහජනතාව ඉදිරියේ ඇති විශ්වාසය අහිමි කිරීමද වේ.
එහෙත් චම්පික රණවක ඇමැතිවරයා විසින් ඉදිරිපත් කර ඇති නඩු 02ක ප්රතික්ෂේප කරන ලෙස ඉල්ලමින් ‘මව්බිම’ පුවත්පත කොළඹ දිසා අධිකරණය හමුවේ හරස් ඉල්ලීම් 02ක් ඉදිරිපත් කළේය. එම හරස් ඉල්ලීම්වලින් සඳහන් කර තිබුණේ ‘මව්බිම’ පුවත්පත සහ එහි සභාපති ටිරාන් අලස් මහතා සම්බන්ධයෙන් පැමිණිලිකාර පාඨලී චම්පික රණවක ඇමැතිවරයා ද්වේෂ සහගත ආකාරයෙන් ප්රකාශ නිකුත් කර ඇති බවයි.
2016 වසරේ ජූලි මස 14 වැනිදා බත්තරමුල්ල පවත්වන ලද ප්රවෘත්ති සාකච්ඡාවකදී චම්පික රණවක ඇමැතිවරයා ‘මව්බිම’ සම්බන්ධයෙන් මෙලෙස අදහස් පළකර තිබූ බව ‘මව්බිම’ පුවත්පත අධිකරණය හමුවේ ගොනු කළ හරස් ඉල්ලීමේ සඳහන් විය.
මම ටිරාන් අලස්ට එකක් කියනවා. පත්තරවලින් තමුන්නාන්සේ හැදුවා කරු ජයසූරිය විනාශ කරන්න. රනිල් වික්රමසිංහ මහත්තයා විනාශ කරන්න. ඒ වගේම තව තවත් දේශපාලකයෝ බය කරලා තම සාක්කුවට ගන්න. අපිව එහෙම සාක්කුවට ගන්න බෑ. ඔය මාධ්යවලින් අපිව විනාශ කරන්න බෑ.”
යනුවෙන් චම්පික රණවක ඇමැතිවරයා චෝදනා නඟා තිබූ බව ‘මව්බිම’ පුවත්පත අධිකරණයේ ගොනු කළ හරස් ඉල්ලීම්වලින් සඳහන් කළේය.
චම්පික රණවක ඇමැතිවරයා සිදුකර ඇති මෙම ප්රකාශවලින් ‘මව්බිම’ පුවත්පත් සමාගම දේශද්රෝහියකු ලෙස හුවා දක්වමින් රැවටිලිකාර ආයතනයක් ලෙස කියා පෑමට උත්සාහ කර ඇති බවද එම හරස් ඉල්ලීම්වලින් සඳහන් කර ඇත.
එම ප්රකාශ හරහා ‘මව්බිම’ පුවත්පත දේශපාලකයන්ට තර්ජනය කරමින් මඩ ගැසීම සිදුකරන පුවත්පත් ආයතනයක් ලෙස හුවා දැක්වීමට පාඨලී චම්පික රණවක ඇමැතිවරයා ක්රියා කර ඇති බවත් ඒ හරහා ඔහු ‘මව්බිම’ පුවත්පත් සමාගමට බරපතළ අගතියක් මෙන්ම අපහාසයක් සිදුකර ඇති බවද අධිකරණය හමුවේ ගොනුකළ හරස් ඉල්ලීම්වලින් වැඩිදුරටත් සඳහන් කර තිබිණි.
මේ හේතුවෙන් චම්පික රණවක ඇමැතිවරයා ගොනු කර ඇති නඩු දෙක ප්රතික්ෂේප කරන ලෙසත් ඔහු විසින් සිදුකර ඇති අපහාසය වෙනුවෙන් ඔහුගෙන් රුපියල් බිලියනයක වන්දියක් අය කර දෙන ලෙස ඉල්ලා ‘මව්බිම’ පුවත්පත ගොනුකළ හරස් ඉල්ලීම්වලින් අධිකරණය වෙතින් අයැද තිබිණි.
මෙම නඩු දෙක ඉකුත් 07 වැනිදා කොළඹ දිසා විනිසුරු ජටිල රත්නායක මහතා ඉදිරියේ විභාගයට ගත් අවස්ථාවේදී පැමිණිලිකාර පාඨලී චම්පික රණවක ඇමැතිවරයා වෙනුවෙන් පෙනී සිටි නීතිඥ එම්.සී. ජයරත්න මහතා කරුණු දක්වමින් මෙම පැමිණිලි ඉදිරියට පවත්වාගෙන යෑමට තම සේවාදායකයා බලාපොරොත්තු නොවන බව දන්වා සිටියේය.
මේ හේතුවෙන් අදාළ නඩු 02ක ඉල්ලා අස්කර ගැනීමට අවසර දෙන ලෙසද රණවක අමාත්යවරයා වෙනුවෙන් පෙනී සිටි නීතිඥවරයා අධිකරණයෙන් ඉල්ලා සිටියේය.
ඊට ප්රතිචාර දක්වමින් ‘මව්බිම’ පුවත්පත් සමාගම වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා මහතා කරුණු දක්වමින් පැමිණිලිකාර රණවක ඇමැතිවරයා ගොනුකළ මෙම නඩුවලින් සිදුවූ අපහාසය වෙනුවෙන් රුපියල් බිලියනයක වන්දියක් අයකර දෙන ලෙස ඉල්ලා තම සේවාදායකයන් හරස් ඉල්ලීමක් ගොනුකර තිබුණද පැමිණිලිකාර අමාත්යවරයා මෙම නඩු දෙක ඉල්ලා අස්කර ගැනීමට අවසර ඉල්ලා සිටින්නේ නම් ඒ පිළිබ½දව විරුද්ධ නොවන බව දන්වා සිටියේය.
එහි ප්රතිඵලයක් ලෙස අදාළ නඩු 02ක ඉල්ලා අස්කර ගැනීම සඳහා පැමිණිලිකාර පාර්ශ්වයේ නීතිඥවරයාට අවසර දුන් දිසා විනිසුරුවරයා අනතුරුව එම නඩු දෙක ගාස්තු නොමැතිව නිෂ්ප්රභ කිරීමට තීන්දු කළේය.
මෙහිදී ‘මව්බිම’ පුවත්පත වෙනුවෙන් නීතිඥ ජී.ජී. අරුල්ප්රගාසම් මහතාගේ උපදෙස් මත නීතිඥ සුගත් කල්දේරා මහතා සමඟ ජනාධිපති නීතිඥ රොමේෂ් ද සිල්වා මහතා පෙනී සිටියේය.
“මව්බිම” පුවත්පතේ පළවූ වාර්තා මඟින් ඇමැති පාඨලී චම්පික රණවක මහතාට එල්ලවී තිබුණේ ඉතා බරපතළ චෝදනා කිහිපයකි. එක අතකින් එම චෝදනා විශාල මූල්ය වංචාවකට අදාළ වන අතර තවත් පැත්තකින් අපරාධ චෝදනාවකට ප්රස්තුත වන කාරණාය. රුපියල් කෝටි 150ක් තරම් විශාල වන්දියක් ඉල්ලා ‘මව්බිම’ට විරුද්ධව නඩුවක් ගොනු කිරීමට ඇමැතිවරයා තීරණය කළේද මෙම කාරණා බොහෝ බැරෑරුම් බව හොඳින් දන්නා නිසා විය යුතුය. හදිසියේම නඩු දෙක ඉල්ලා අස්කර ගැනීමට චම්පික රණවක ඇමැතිවරයා තීරණය කළේ මන්ද යන්න අපටද ප්රශ්නයකි.
– mawbima
