මේ හේතුවෙන් ඇතැම් වෙළඳසැල්වල බිස්කට් සඳහා වට්ටම් ද ලබා දී තිබෙනු දක්නට ලැබේ.
ඇතැමුන් අධික ලෙස මිල ඉහළ නැංවීමට විරෝධය පා බිස්කට් මිලදී ගැනීම වර්ජනය කරන ලෙස සමාජ මාධ්ය ඔස්සේ ප්රචාරණයන් ද ගෙන යමින් ඇති අතර, ලංකා රසකැවිලි නිෂ්පාදකයින්ගේ සංගමය පවසන්නේ පාරිභෝගිකයින් බිස්කට් පරිභෝජනය නතර කළහොත් සිය කර්මාන්ත ශාලා වසා දැමීමට සිදු වන බවයි.
එහි සභාපති එස්.එම්.ඩී. සූරිය කුමාර මහතා පැවසුවේ පාරිභෝගිකයන් බිස්කට් මිලදී ගැනීම නැවැත්වුවහොත් තම කර්මාන්තය නවතා දැමීමට සිදුවී රැකියා පවා අහිමි විය හැකි බවයි.
අමුද්රව්යවල මිල ඉහළ යාමට සාපේක්ෂව සිය නිෂ්පාදනවල මිල ඉහළ දමා නොමැති බවත්, එය කර ඇත්තේ ලාභය ඉතා අවම වන අයුරින් බවත් ඔහු සඳහන් කළේය.
පසුගිය කාලයේදි රසකැවිලි නිෂ්පාදනය සදහා යොදා ගන්නා අමුද්රව්යවල මිල සියයට දෙසීයකට ආසන්න ප්රතිශතයකින් ඉහළ ගොස් තිබෙන බව ද ඔහු කීවේය.
නමුත් මේ අවස්ථාවේ ඔහු පවසා සිටින්නෙ නිශ්පාදකයා රැක ගැනිමට පාරිභෝගිකයා බිස්කට් පවතින මිල යටතේ මිල දී ගත යුතු බවයි.
