Sakkaya ditti kiyanne mokakda pitakayata anuwa?
"කය" කියන්නෙයි "කාය" කියන්නෙයි එකක් නෙවෙයි 2ක්
සක්කාය කියන එකේ "කාය" කියන්නේ "රූප , වේදනා, සංඥා, සංඛාර" කියන ස්කන්ධ පංචකයයි
කාය කියන එකට "කය" (ශරීරය ) කියලා අරගන තමයි සක්කාය දිට්ඨිය ණැති කරන්න කට්ටිය "මම නැති කරන්න ඕනේ" කියන්නේ
එතකොට ඔය "කාය" ටික සත් කියලා ගත්තම "සක්කාය" වෙනවා.
ඒ කියන්නේ පංච උපාධානස්කන්ධයටයි සක්කාය කියන්නේ.
"සත්" කියන්නේ නිච්ච සුඛ අත්ත සුබ කියන එකයි
සක්කාය කියන්නේ පංචඋපාධානස්කන්ධයටයි
"
ආර්ය්යාවෙනි, ‘සත්කාය, සත්කාය’ යි කියනු ලැබේ. භාග්යවතුන් වහන්සේ විසින් කවර දහමෙක් ‘සත්කාය’ යි වදාරන ලද්දේ ද? ඇවැත විසාඛයෙනි, භාග්යවතුන් වහන්සේ විසින් මේ උපාදානයනට ප්රත්යය වූ ස්කන්ධ පස ‘සත්කාය’යි වදාරන ලද්දේය. හෙ කෙසේය යත්: රූපොපාදානස්කන්ධය, වෙදනොපාදානස්කන්ධය, සංඥොපාදානස්කන්ධය, සංස්කාරොපාදානස්කන්ධය, විඥානොපාදානස්කන්ධයි. ඇවැත විසාඛයෙනි, භාග්යවතුන් වහන්සේ විසින් මේ පඤෙචාපාදානස්කන්ධ ‘සත්කාය’ යි වදාරන ලදී."
(මජ්ජිමනිකාය, මූල පන්නාසකය, චූල යමක වර්ගය, චූළවෙදල්ල සූත්රය)
https://thripitakaya.org/tipitakaya/Index/41?s=143
පංචස්කන්ධය නිච්චයි, සුඛයි, අත්තයි, සුබයි කියලා ගන්න එක නිසයි පංචඋපාධානස්කන්ධය හැදෙන්නේ
අනිච්ච දේ නිච්චයි කියලා
දුක්ඛ දේ සුඛ කියලා
අනත්ත දේ අත්ත කියලා
අසුබ දේ සුබ කියලා අරගන අසෘතවත් පෘතජනයා විපල්ලාස 4ක් හදාගන ඉන්නේ
විපල්ලාස කියන එකට වචන ගොඩයි
අවිද්යාව, මඥ්ඥනාව, මෝහය, ප්රපංච, මිත්යාදිට්ඨි, අයෝනිසෝමනසිකාරය, යථාභූතය නොදන්නාකම
සංඥා, චිත්ත, දෘෂ්ටි කියන වස්තු ටිකයි ඔය උඩින් කිව්ව විදිහට විපල්ලාස වෙන්නේ. එතකොට විපල්ලාස වුනාට පස්සේ ඒවට කියනවා
සංඥාවිපර්ය්යාස,
චිත්තවිපර්ය්යාස,
දෘෂ්ටිවිපර්ය්යාසය කියලා
සෝවාන් පුද්ගලයාගේ විපල්ලාස මෙන්න මේ විදිහට ඉවර වෙලා තියෙන්නේ
නිච්ච, අත්ත කියන 2ම සම්පූර්ණයෙන්ම නැති වෙලා යනවා
දිට්ඨි විපල්ලාස වල (නිච්ච, අත්ත, සුඛ, සුබ කියන 4 ම) සම්පූර්ණයෙන්ම ඉවරයි
සංඥා විපල්ලාස වල නිච්ච, අත්ත ඉවරයි (ඒත් සුඛ, සුබ තියනවා)
චිත්ත විපල්ලාස වලත් නිච්ච, අත්ත ඉවරයි (ඒත් සුඛ, සුබ තියනවා)
සෝවාන් පුද්ගලයාටත් උපාධානස්කන්ධයක් ගොඩ නැඟෙනවා, ඒත් දෘෂ්ඨියක් නෑ (දිට්ඨි විපල්ලාස වල නිච්ච, අත්ත, සුඛ, සුබ කියන 4 ම සම්පූර්ණයෙන්ම ඉවර නිසා)
ඒ කියන්නේ දිට්ඨි විපල්ලාසය නැති නිසා සක්කායදිට්ඨිය නෑ
ඔන්න ඕකයි සෝවාන් පුද්ගලයාට සක්කායදිට්ඨිය නෑ කියලා කියන්නේ.
එතකොට ඔය සක්කායදිට්ඨිය නැති කරගන්නේ කොහොමද?
"
මහණ, ඇස දුක් විසින් දන්නහුගේ දක්නහුගේ සත්කායදෘෂ්ටිය ප්රහීණ වේ. රූ දුක් විසින් දන්නහුගේ දක්නහුගේ සත්කායදෘෂ්ටිය ප්රහීණ වේ. චක්ෂුර්විඥානය දුක් විසින් දන්නහුගේ දක්නහුගේ සත්කායදෘෂ්ටිය ප්රහීණ වේ. ඇස්පහස දුක් විසින් දන්නහුගේ දක්නහුගේ සත්කායදෘෂ්ටිය ප්රහීණ වේ. ඇස්පහස නිසා සුව වූ හෝ දුක් වූ හෝ නොදුක් නොසුව වූ හෝ යම් මේ වෙදනායෙක් උපදී නම් හෙ ද දුක් විසින් දන්නහුගේ දක්නහුගේ සත්කායදෘෂ්ටිය ප්රහීණ වේ"
(සංයුත්තනිකාය 4 , සක්කායදිට්ඨිප්පහාන සූත්රය, )
https://www.thripitakaya.org/sutta/index/1678
ඇසට ඔය වගේම තමයි කනට, නාසයට, දිවටත්.....
ඇසේ පහස කියන්නේ ආශ්වාදය
"
සක්කායදිට්ඨිය සියළු මිත්යාදෘෂ්ඨියට පදට්ඨාන යැ. සක්කායදිට්ඨිය නාමරූපයට පදට්ඨාන යැ. නාමරූපය සක්කායදිට්ඨියට පන්දට්ඨාන යැ "
(ඛුද්දක නිකාය, පෙටකොපදෙසෙ, සප්තම භූමි )
https://www.thripitakaya.org/tipitakaya/Index/1034?s=24109
ඒ කියන්නේ සක්කායදිට්ඨියෙන් මිදුනාම සියළු මිත්යාදිට්ඨි වලින් මිදෙනවා
(පදට්ඨාන කියන්නේ පාදම, මූලික වෙනවා කියන එක)
සක්කාය දිට්ඨිය ගැන මීමුරේ හාමුදුරුවන්ගේ පැහැදිළි කිරීම මේ
