දෙවිනුවර පෙරහැරේ කරඬුව

[waligamaya]

ඔය සිද්ධිය මෙහෙත් කතාවට ගියා. මහින්දයගෙ දෙවනිය ද මහින්ද විජේසේකරගෙ පුතෙක් ද කියල ෂුවර් නෑ. ඒත් දෙවුන්දර පෙරහැරේ සම්ප්‍රදායන් ගොඩක් තියනවා. මහින්ද ජනාධිපති උනාට පස්සෙ ගොඩක් දේවල් වෙනස් උනා. අපේ අම්මලගෙ මහ ගෙවල් තියෙන්නෙ දේවාලෙට ගෙවල් 6ක් විතර ඇතුලට වෙන්න. පොඩි කාලෙත් එහේ හිටිය නිසා සාමාන්‍යයෙන් දෙයක් දන්නවා.

මාතර කුඩු මර්වින් ගෙ පුතාට භාර දෙන්න යනව් අකියල කතාවක් තිබුනා. කෙල්ලෙක් පාරෙ බැහැල ගිහින් හමාරයි. ඔය වගේ ඈස්චර්යවත් යුගයක ආරම්භය පෙන්නන්න ද දන්නෙ නෑ මේ

 

[cedric1986]

වැරැද්ද ඇත්ගොව්වගේ නොවුනත් අන්තිමට වැරදිකාරයා වෙයි වගේ.

මොනාද අනේ උන්ට අයිඩියාස් දෙන්නෙ ඔයා...කට වහගෙන ඉන්නකො...

 

[Sri_Sampath]

දෙවිනුවර විෂ්ණු දේවාලයේ වාර්ෂික ඇසළ පෙරහැර පසුගිය පොහෝදා(10) වීදි සංචාරය කරද්දී එහි ප්‍රධාන හස්තිරාජයා මත වැඩමවමින් තිබූ ශ්‍රී සධාතුක කරඬුව දෙනෝදාහක් මහ සෙනග බලා සිටියදී බිම ඇද වැටීම පිලිබඳව මේවනවිට විශේෂ පරීක්ෂණයක් ආරම්භකර ඇත.

මෙසේ ශ්‍රී සධාතුක කරඬුව ඇලවී ඇද වැටෙන අවස්ථාවේ හස්තිරාජයා දෙපසින් ගමන් ගත් පරිවාර හස්තියෙකු මත සිටි තේනබදු කපු මහතා එය අල්ලා වලක්වා ගැනීමට යාමේදී පරිවාර හස්තියා මතින් ඇද වැටී තුවාල ලබා ඇත.

මෙම ශ්‍රී විෂ්ණු මහා දේවාලයේ බස්නායක නිලමේ ධූරය හොබවන්නේ ජනාධිපතිවරයාගේ සමීප ඥාතියෙකු වන පතල් හා කැණීම් කාර්ය්‍යංශයේ සභාපති ඩිෂාන් ගුණසේකර මහතාය.

දේවාලය අවට විෂ්ණු දෙවියන්ගේ රුවටත් වඩා උසින් ජනාධිපතිවරයාගේ හා බස්නායක නිලමේවරයාගේ කටවුට් සිය ගනණක් ප්‍රදර්ශනය කර තිබීම දෙවියන් හෑල්ලුවට ලක් කිරීමක් බවත් සධාතුක කරඬුව බිම වැටීම එහි ප්‍රතිඵලයක් විය හැකි බව ප්‍රදේශවාසීහු පවසති.

මේ සම්බන්ධයෙන් 'ශ්‍රී ලංකා මිරර්' කල විමසීමකදී දෙවිනුවර දේවාලයේ ප්‍රකාශකයකු කියා සිටියේ, ඇත්ගොව්වාගේ නොසැලකිල්ල නිසා මෙම අවාසනාවන්ත සිද්ධිය සිදුවූ බවයි.

එදින හස්තිරාජයා මත ශ්‍රී සධාතුක කරඬුව තැන්පත් කිරීමේදී ඇත්ගොව්වා මත්පැන් පානය කර, ගංජා මත්ද්‍රව්‍ය ද පාවිච්චිකර සිටි බව මේවනවිට අනාවරණයවී ඇතැයි ඔහු වැඩිදුරටත් පැවසිය.

source; mirror

මේ වගේ දෙයක් සිද්ද උනේ අසුබ සිදුවීමක පෙරනිමිත්තක් නිසාද?