පැරදුණු අය ලැයිස්තුවෙන් ගොඩ......
ඡන්දෙන් පැරදුණු අය ලැයිස්තුවෙන්
ගොඩ යැමට තැත් කරති
දයා ලංකාපුර
පසුගිය සඳුදා පැවැති මහ මැතිවරණයෙන් පරාජය වූ හිටපු මැති ඇමැතිවරුන් රැසක් ඔවුන්ගේ පක්ෂවල ජාතික ලැයිස්තුවෙන් පාර්ලිමේන්තුවට යාමේ දැඩි උත්සාහයක නිරතව ඇත.
මෙවර මැතිවරණයෙන් තේරී පත්වීමට නොහැකි වූ මහින්ද සමරසිංහ, එස්. බී. දිසානායක, විජිත් විජිතමුණි සොයිසා, නන්දිමිත්ර ඒකනායක යන මහත්වරුන් ඇතුළු කිහිප දෙනකු එක්සත් ජනතා නිදහස් සන්ධානයේ ජාතික ලැයිස්තුවෙන් පත් කිරීමට සන්ධාන නායකත්වය සළකා බලමින් සිටින බව එජනිස ආරංචි මාර්ග කියයි.
එක්සත් ජාතික පක්ෂ නායකත්වයෙන්ද පරාජිත අපේක්ෂකයින් එවැනි ඉල්ලීම් කර ඇතැයි එජාප ප්රකාශකයෙක් පැවැසීය.
ඉලංගෙයි තමිල් අරසුකච්චි පක්ෂය යටතේ මෙවර මැතිවරණයට තරගකොට පරාජය වූ දෙමළ ජාතික සන්ධානයේ නායකයකු වන සුරේෂ් ප්රේමචන්ද්රන් මහතා එම පක්ෂයේ ජාතික ලැයිස්තුවෙන් පත් කිරිමට යන බව දෙමළ ජාතික සන්ධාන ආරංචි මාර්ග කියයි.
මේ අතර මෙවර මැතිවරණයෙන් තේරී පත්වීමට නොහැකි වූ ජනතා විමුක්ති පෙරමුණේ නායකයින් දෙදෙනෙකු වන සුනිල් හඳුන්නෙත්ති සහ කේ. ඩී. ලාල් කාන්ත යන මහත්වරු ද ජාතික ලැයිස්තුවෙන් නම්කොට යවන ලෙස එහි සාමාජිකයන් විශාල පිරිසක් ජවිපෙ නායකත්වයෙන් ඉල්ලා ඇති බව දැනගන්නට තිබේ.
මැතිවරණ කොමසාරිස්වරයාගේ නිර්ණායක අනුව, කොමසාරිස්වරයා වෙත බාරදී ඇති ජාතික ලැයිස්තුවල නම් කිසිවක් වෙනස් කළ නොහැක. එහෙත් මැතිවරණයට තරග කොට පරාජයට පත්වූ අපේක්ෂකයින් ජාතික ලැයිස්තුවෙන් නම් කළ හැකි බව එම නිර්ණායක මගින් දක්වා තිබේ.
ඡන්දෙන් පැරදුණු අය ලැයිස්තුවෙන්
ගොඩ යැමට තැත් කරති
දයා ලංකාපුර
පසුගිය සඳුදා පැවැති මහ මැතිවරණයෙන් පරාජය වූ හිටපු මැති ඇමැතිවරුන් රැසක් ඔවුන්ගේ පක්ෂවල ජාතික ලැයිස්තුවෙන් පාර්ලිමේන්තුවට යාමේ දැඩි උත්සාහයක නිරතව ඇත.
මෙවර මැතිවරණයෙන් තේරී පත්වීමට නොහැකි වූ මහින්ද සමරසිංහ, එස්. බී. දිසානායක, විජිත් විජිතමුණි සොයිසා, නන්දිමිත්ර ඒකනායක යන මහත්වරුන් ඇතුළු කිහිප දෙනකු එක්සත් ජනතා නිදහස් සන්ධානයේ ජාතික ලැයිස්තුවෙන් පත් කිරීමට සන්ධාන නායකත්වය සළකා බලමින් සිටින බව එජනිස ආරංචි මාර්ග කියයි.
එක්සත් ජාතික පක්ෂ නායකත්වයෙන්ද පරාජිත අපේක්ෂකයින් එවැනි ඉල්ලීම් කර ඇතැයි එජාප ප්රකාශකයෙක් පැවැසීය.
ඉලංගෙයි තමිල් අරසුකච්චි පක්ෂය යටතේ මෙවර මැතිවරණයට තරගකොට පරාජය වූ දෙමළ ජාතික සන්ධානයේ නායකයකු වන සුරේෂ් ප්රේමචන්ද්රන් මහතා එම පක්ෂයේ ජාතික ලැයිස්තුවෙන් පත් කිරිමට යන බව දෙමළ ජාතික සන්ධාන ආරංචි මාර්ග කියයි.
මේ අතර මෙවර මැතිවරණයෙන් තේරී පත්වීමට නොහැකි වූ ජනතා විමුක්ති පෙරමුණේ නායකයින් දෙදෙනෙකු වන සුනිල් හඳුන්නෙත්ති සහ කේ. ඩී. ලාල් කාන්ත යන මහත්වරු ද ජාතික ලැයිස්තුවෙන් නම්කොට යවන ලෙස එහි සාමාජිකයන් විශාල පිරිසක් ජවිපෙ නායකත්වයෙන් ඉල්ලා ඇති බව දැනගන්නට තිබේ.
මැතිවරණ කොමසාරිස්වරයාගේ නිර්ණායක අනුව, කොමසාරිස්වරයා වෙත බාරදී ඇති ජාතික ලැයිස්තුවල නම් කිසිවක් වෙනස් කළ නොහැක. එහෙත් මැතිවරණයට තරග කොට පරාජයට පත්වූ අපේක්ෂකයින් ජාතික ලැයිස්තුවෙන් නම් කළ හැකි බව එම නිර්ණායක මගින් දක්වා තිබේ.
