මගේ හිතට
මහා තනිකමක්
දැනෙද්දි
මගේ හිත මටත් හොරෙන්
දූවගෙන ගිහින්
ඔබ හිටපු තැනක නතර උනා
ඉස්සර වාගෙමයි
පුන්චිම වෙනසක් වත්
එතන තිබුන් නෑ
ඒත් එකම එක වෙනසක්
මගේ හිතට
තදින්ම දැනුනා
ඒ ඔබ නැති
" හිස්කම "...
ඔබව මට මුනගැහෙනකොට
ඔය ඇස් වල
දුක පිරිල තිබුනා
මොකක්දෝ වේදනාවකින්
මූන මිරිකෙමින් තිබුන
කතා කරනකොට
දුක හන්ගගෙන වචන එකතු කර කර
පරිස්සමට ...
ඒත් අන්තිමට ඔබ ඇත්තම කිව්ව
" මම මගේ ජීවිතය අතැරල දාල තියෙන්නෙ "
පස්සෙ කාලෙක
ඔයා යන්න ගියා..
නොකියාම නොබලාම
සමහර විට ඔබ අදත්
ඔබ ඉන්න තැන ඉදන්
මේ කතාව කියවනව ඇති...
පහුගිය දවසක
මම
අපි
නිතරම
ඇවිදන් ගියපු පාරෙ
තනියට ඇවිදන් ගියා
වේලිච්ච හුලග
වලාකුලු නැති අහස
මගේ තනිකම
තවත්
වැඩි කලා...
ජීවිතයේ මග හැරුන යමක්
හදා ගන්න බැරි තරමට
නෙතු අගින් වැටුනා
යම් දුකකට කියා ගන්න බැරි තරමට
මම නුඹට ආදරය කරා
කවුරුවත්
ආදරය නොකරන තරමට...
මම උත්සහ කලා
ඔය හිතට ජීවත් වෙන්න
හේතුවක් හදල්ල දෙන්න ..
ඒත් අත්හැරපු
ජීවිතය ගැන
ඔබ නිතරම කතාකලා
දවසක් ඔබ
කෝපි මල් හිනාවක් එක්ක මා ලගට ඇවිත්
" මම ආයෙත් ජීවත් වෙන්න තීරනය කලා "
ඒ දුක අත් හැරපු සතුටටද වෙනත් කාරනාවකටද කියන්න මට අදටත් බැහැ...
අපි
ආදරය කරපු දවස් වල
මූණෙන් මූණ බලාගෙන
මුමුණපු කතන්දර
අතීතයක් විතරයි ..
ඒත්
මූණෙන් මූණ
බලන් හිටපු තැන්
තාමත් එහෙමමයි...
Code:
Lonely lovers(. ආදර රැහැනින් තනි වුනු පෙම්වතුන්.)
