ලයිට් නිවාගෙන අහන්න...

[crazybuddy]

සඳේ ඔබ ඇයි ද මේ යාමේ
අහස කරා නැඟුනේ
සිතේ දුක හිරු නිවා දැම්මේ
නැතිවද ඔබ දන්නේ

ගිණි හිරු පායා සොමි සඳ බැසලා
මගෙ ලොව එළිය වෙලා
සඳේ ඔබ ඇයි ද මේ යාමේ
අහස කරා නැඟුනේ

ඔබ තරු වටකර හිනැහෙන යාමේ
ඈ දුර යහන් ගැඹේ
රෑ නොනිදාගෙන වැළපෙන මා හට
ඔබගෙන් කිමද පලේ

සඳ දෙස බල බල මා පැතු පැතුමන්
මෙතෙකයි කියන්න බෑ
හිරු මා දැව්වත් මා ලද උණුසුම
අමතක කරන්න බෑ
​

 

[crazybuddy]

සිනා තොටක් විය ඔබ පාමුල මා ලඳ සරදම්
මහෝගයක් විය ඔබෙන් ලැබූ අපමණ අභිමන්
නොහඬා ඉන්නම් ගිලිහුණු දා පෙම් ලොව මල්දම්
දුටුව නිසා ආදරයේ දෙව්රුව ඔබගෙන් මං

බෝසත් ඔබ සිත ළඟ උවැසිය වී දැහැණට වී
සිටියා මිස නොදනිමි කොහි සිටියා දැයි මල වී
පුදසුන් මත මියයද්දී සහසක් මල් පරවී
නොපිදූ මල තවමත් ඇත ඔබ ගැන බැතිබර වී

මගෙන් මිඳුණු ලොව ඔබට මිහිරි නම් එය සැපකී
ඔබට ළංව දුක බෙදාගන්න බැරිකම දුකකී
මෙවැනි බැදුම් අදහනු බැරි ලෝකය සිර ගෙයකී
එවන් ලොවක මේ හමුවීමත් වාවනු නොහැකී
​

 

[crazybuddy]

ආදයක් හින්දා
මේ හදවත දුක් වින්ඳා
මේ ටික කවදාදෝ සතුටක් වන්නේ
කියා දෙන්න සමිදේ
අනෙ මට කියා දෙන්න සමිදේ

මේ වන් දුකක් සදා
අන් සිතකට නොම වේවා
මතු උපදින උපදින හැම භවයකදී
ඔබ මට හිමි වේවා
මගෙ වී ඔබ මට හිමි වේවා

සංසාරයේ අපි ඈතයි
ඒ උරුමය දෑසේ කඳුළයි
සිත් වේඳනා ගිණි අවුලයි
දුක් ගින්නෙන් දැවුණේ දෙහදයි
මේ කඳුළැල් ශෝක ලතැවුල්
අප දෛවේ උරුම කලා

පෙර ආත්මයේ පවු පල දී
හද ආදරේ මල් පරවී
මැව් මාලිගා බිඳ වැටිලා
අපෙ ජීවිතේ දුක පිරිලා
සංසාරෙන් සංසාරේ
අපි පතාන ආ දෛවේ
​

 

[crazybuddy]

ඇඟෙ සිනහව තහනම් ගෙදරින් මට තහනම්
සැලවෙයි ගෙදරට ඇය හමුවුනොතින්
චර පුරුෂයො මා වටලා
යන එන හැමතැන මුර දාලා

යාබඳ නිවසේ ඇය ඉන්නේ
එනමුඳු ගව්වක දුර වැන්නේ
එනමුදු ගව්වක දුර වැන්නේ
යාබඳ නිවසේ ඇය ඉන්නේ

පෙලපත කුලගොත වෙනස් වෙලා
නෑදෑ පිරිවර හරස් වෙලා
නෑදෑ පිරිවර හරස් වෙලා
පෙලපත කුලගොත වෙනස් වෙලා
​

 

[crazybuddy]

ඈත ක්ෂීතිජයේ හැඩට රුවින්
දිලෙන තරුව ඔබ නම්
මේඝ වලා සළුපට අතරින්
මම ඔබ වෙත එන්නම්

ඉරට මුවාවෙන් සඳට මුවාවෙන්
අපි ඉමු පිළිසඳරේ
රන් දෝලාවෙන් කැඳවා යමි මං
කුමරිය නුඹ මාගේ

සඳළුතලාවේ මුණින් තලා වී
කඳුළැල් පිරුණු නෙතින්
සමුගන්නම් මම කුමරියෙ ඔබගෙන්
ආයෙත් දකිනු රිසින්

මෑත තුෂාරා බිඳු අතරේ
පිපුණු කුසුම ඔබ නම්
සඳ මඬලේ සඳ කුමරියනේ
මම ඔබ සුරකින්නම්
​

 

[crazybuddy]

බොල් පිණි වෑහෙන වේලාවේ
ඔබගෙන් සමුගෙන යා යුතු වේ
තාමත් ඔබ ඇත සුව නින්දේ
ඒකයි මා නොකියා යන්නේ

ගැලපිට නැඟලා ඈත ගම් බලා
පියමන් කරවන්නේ
තවත් නිවහනෙක ගිමන් නිවනතුරු
ඔබ සිහියට එන්නේ
ඔබගෙන් සමුගෙන මා යන්නේ

ඔබ අවදිව මා සොයනු එපා
ඈතයි මා ඉන්නේ
තවලම් කරුවෝ කවරදාක දෝ
එකම තැනක උන්නේ
​

 

[crazybuddy]

ලොවම එපා වී ලොවම කලකිරී
තැවී දැවී හිඳිනා වේලේ
ඔබේ දයාඹර එකම වඳනකින්
මගේ ආත්මය සුවපත් වේ

අසා අසෝභන නින්දා ගැරහුම්
වැලහින්නක සේ වැළපෙන මොහොතේ
පවනේ පාවෙන ඔබේ සුසුමකින්
පිපාසිතවු හද සිහිලැල් වේ

නගා නොමිනිසුන් නඟනා ගැරහුම්
මුවැත්තියක සේ බියපත් මොහොතේ
සිරුරේ තැවරුණු ඔබේ සුසුමකින්
මුළුගැන්වුණු සිත උණුසුම් වේ
​

 

[crazybuddy]

සිත ඔබට මුවා වී ඉකි බිඳිනා
ඔබ ඇය හා සිනාසි සුව විඳිනා
ප්‍රේම ලොවේ දොර කවුළු වැසී
සිත ඉකි ගසමින් හඬන හැටී
සිත පෙමට මුලා වූ දා ඉඳලා

සිත ඉවසන්නෑ කොපමණ සිතුවත්
දුක අඩු වී නෑ කොපමණ හැඬුවත්
ඔබ පෙම් කර නෑ මා පෙම් කෙරුවත්
සිත පෙමට මුලා වූ දා ඉඳලා

සිත පිළිගන්නෑ ඔබ ඇඟෙ කීවත්
දුක අඩුවක් නෑ ඔබ හමු වූවත්
ඔබ සමුගෙන නෑ ඇය සැනසූවත්
ඔබ ඇයට ළඟා වූ දා ඉඳලා
​

 

[crazybuddy]

මල සරසාගෙන මල් නැළවෙනකොට
ඒ මල දුටුවෙ මමයි
හිමිකාරයා මමයි ඒ මගේ මලයි
මල් වටකරගෙන මල් හිනැහෙන විට
ඒ ළඟ හිටියෙ මමයි
හිමිකාරයා මමයි ඒ මගේ මලයි

පියගැට මුදුනෙන් පිටු පා යනකොට
ආපහු හැරී බලා,
හිනාහුණේ මටයි, හිනැහුනේ මටයි
හිමිකාරයා මමයි ඒ මගේ මලයි

උඩමහ මළුවෙන් වැඳගෙන එනවිට
යන්නට ඉඩ හැරලා
අත වැනුවෙ මටයි, අත වැනුවෙ මටයි
හිමිකාරයා මමයි ඒ මගේ මලයි

​

 

[crazybuddy]

තිසර විලේ පියුම නෙලූ සිනාවේ
එළිය මගේ අරණ දොවා ගලා ඒ
ඒ සිනාවේ සැඟවුණා වේ
පෙර ඔබත් මමත් හෙලූ කඳුළු දුමාරේ

ආදරයේ හීන මවා ජීවිතයේ පාර කියා
සංසාර මඟට රන් එළිවැට සේමා
ඔබ ඉරත් හඳත් මගෙ අහසට ගෙනාවා

මාරුතයේ සිහිළ සඳා සෝ විරහී තාප නිවා
අනුරාග දෙනෙත අයැදින විලසේම
ඔබ විළත් බිඳුත් එක යහනට ගෙනාවා
​

 

[IveyStyle]

අමරණීය ගායකයින්ගේ අමරණීය ගීත

 

[tnnera]

good one... tnks

 

[nrjayasinghe]

good one... tnks

elazz

 

[nrjayasinghe]

Issarahata thawa denawa

 

[.::J@S::.]

Issarahata thawa denawa

patta machan. twa daanakn balan inno

 

[.::J@S::.]

සිංදු අපේ ජීවිතයට සෑහෙන්න සම්බන්ධයි බං.. සමහර සිංදු ඇහෙනකොට මාර වේදනාවක් හිතට දැනෙනවා..

ඒ වගේමයි සමහර සුවඳවල් එකපාරම එනකොටත්..
​

මේ සුවඳවල් කතාව නම් සිරා කතාවක්.

 

[AshenTM]

https://www.youtube.com/watch?v=SodmITTfk44

 

[nrjayasinghe]

https://www.youtube.com/watch?v=SodmITTfk44

 

[august]

pattta..thanks.

 

[bandara77]

හරිම ලස්සන සිංදු.... ස්තුතියි...