සුන්දර ලිප්ටන් සීට් වෙත Pics 30 +

[thilina.rp]

TFS.......... rep++

 

[gepa]

ලංකාවේ බලන්න තියන සුන්දර තැන් අතරින් තවත් එක් සුන්දර තැනක් තමයි ලිප්ටන් සීට් කියන්නේ.මේ ලිප්ටන් සීට් කියන නාමය මෙතනට පටබැ‍ඳෙන්නේ බ්‍රිතාන්‍ය ජාතිකයෙක් නිසයි.ඔහු තමයි ලිප්ටන් ‍තෝමස්.1864 දි නැවක කැබින් බෝයි කෙනෙක් විදියට සේවය කරලා ඝනකධිකාරීවරයෙක්,පොත් තබන්නෙක් සහ ගෙයින් ගෙට ගිහින් භාන්ඩ විකුනන අලෙවිකරුවෙක් විදියට සේවය කරලා අවසානයේ සහකාර තේ පරීක්ශකයෙක් විදියට නිව්යෝක් වල වැඩ කරලා තියෙනවා.

1980 වර්ශයේ මේ ලිප්ටන් මහත්තයා ලංකාවට එන්නේ ලංකාවට තේ වගාව හඳුන්වාදුන් ජේම්ස් ටේලර් මහත්මයගේ ව්‍යාපාර කටයුක්තකට.එහෙම ආපු ගමනේ ලිප්ටන් මහත්මයා ලිප්ටන් නමින් තේ වර්ගය ලංකාවට හන්දුන්වා දෙමින් දඹේතැන්න වත්ත සහ දඹේතැන්න තේ කර්මාන්ත ශාලාව ආරම්භ කලා.ඒ පූනාගල කඳේ අක්කර 925ක භූමියක.

මේ ලිප්ටන් මහත්මයා ස්වභාව සැන්දර්යට බෙහෙවින් ඇලුම් කල කෙනෙක්.. ඒ නිසා මේ පූනාගල කන්දේ දඹේතේන්න වත්තේ ඔහුට අංශක තුන්සිය හැටකින් බලන්න පුලුවන් වෙන විදියට අසුනක් නිර්මානය කලා.ඒ අසුන තමයි අද Lipton seet නමින් හැඳින් වෙන්නේ..

මෙතනට එනවා නම් පාරවල් දෙකක් තියනවා. එකක් හපුතලේ නගරයෙන් අනික බන්ඩාරවෙල හරහා.මගේ ගමන පටන් ගන්නේ බන්ඩාරවෙල නගරයෙනෙතනින් පටන් අරන් පූනාගල හරහා ලිප්ටන් සීට් ගිහින් එනකොට දඹේතැන්න හරහා හපුතලේ නගරයට සේන්දු වෙන්නයි මම මේ ගමන පටන් ගත්තේ.

මට සම්පූර්න ගම ඉවර වෙනකොට හිතුන විදියට ලස්සනම පාර පූනාගල පාර තමයි.ඒ පාරෙන් එනකොට ටිකක් විතර මිනිස්සුන්ගෙන් ඈත් වෙලා අවට පරිසරයේ ලස්සන විඳින්න පුලුවන්.මුලින්ම මේ ගමන බන්ඩරවෙල ටවුමෙන් පටන් අරන් ටිකක් දුරක් එනකොට දඹේතැන්න වතු යායට අයිති පරන තේ ෆැක්ටරියක් හම්බවෙනවා.ඒ ෆැක්ටරිය ගාවින් වාහනයක් ඇතුලට දානවා නම් වෙනම ටිකට් පතක් ගන්න වෙනවා..ඒ කැතරින් ඩිවිශන් එකට ඇතුල් වෙන්න..එතැන් පටන් ලිප්ටන් සීට් එකට යනකන්ම ඊතල මගින් සලකුනු ලකුනු කරලායි තියෙන්නේ.ඒක හංද කිසිම අවුලක් නැතුව ගමන යන්න පුලුවනි.

මගේ ගමන පටන් ගන්නකොට උදේ පාන්දර 6.30ට වගේ වෙන්න ඇති. ඒ හඳා ඉර නැගගෙන එන්න ඔන්න මෙන්න වෙලාවක ඈතින් කන්දුකරේ පෙනුනේ මෙහෙම..පින්තූරේ වමට එලි කරපු කේල්ලක් තියෙන්නේ නරියා කන්ද..

යන පාර දිගටම මේ විදියට පාර ලකුනු කරලයි තියෙන්නේ

මේ යන අතරමග සුන්දරත්වය

උදේ පාන්දර ඉඳලාම දලු කඩන අය ඒගොල්ලන්ගේ පාඩුවේ වැඩ

පහලින් පොඩියට ඈතට විහිදෙන ලයින් ගම්මාන බලාගන්න පුලුවන්.මේ පින්තූරේ නම් පොඩියට කෝවිලකුත් පේනවා

වත්තට අයිති වාහන වල ගෙනියන කිරි

මමත් මගේ ගමන හෙමින් හෙමින් ඉදිරියට ඇදුනා

යන මාර්ගයේ කඳුවැටිය පැත්තේ බැඳ ඇති ගල්බැමිවල තැනින් තැන සුදු පිරියම් කළ චතුරස්‍රාකාර කොටුවල පරිසරය හා මිනිසා අතර ඇති අවියොජනීය සම්බන්ධතාවය හා පරිසරයෙහි හා ජලයෙහි ඇති වටිනාකම දැක්‌වෙන රුවන් වැකි ඉංග්‍රීසි බසින් ලියා තිබෙනවා. ලිප්ටන් මහතා නිකම්ම ව්‍යාපාරිකයකු පමණක්‌ නොව කලාකාමි පරිසරවේදියෙකු බව ඉන් කියා පානවා.

දෙපස පරිසරය එන්න එන්නම වචනයෙන් විස්තර කරන්න බැරි තරමට සුන්දර දසුන් මවා පානවා

ඔහොම ටිකක් දුර යනකොට ලිප්ටන් සීට් වෙත යන පාරට අපි ලඟා වෙන්වා.මෙතනින් ටිකට් එකක් එහෙම අරගෙන තමයි යන්න ඕනි.වාහනයටත් යන පිරිසටත් වෙනම ටිකට් ගන්න ඕනි

තමන්ගේ ජීවිතයම වත්තේ දලු කඩන එක ගැන පොඩි දුකකුත් මූනේ තියනවා වගේ

මුලු ගමනේ කිලෝමීටර් 13.5 වගේ ගියහම අපි අවසානයට ලඟා වෙනවා

මෙතන ඉඳන් අංශක 360ක ප්‍රමානයෙන් වටපිටාව අපිට බලන්න පුලුවනි.ලිප්ටන් මහත්තයත් මෙතන ඉඳලා එහෙම බලලා තියනවා..මේ දවස් වල මෙතනට උදෙන්ම එනවා නම් මීදුම නැතුව පැහැදිලිව වට පිටාව බලාගන්න පුලුවන්.කොහොම උනත් අපි මෙතනට එනකොට උදේ 8ට වගේ උනා.ඒ වෙනකොට වලාකුලු වලට වැහිලයි තිබුනේ

ලිප්ටන් නාමයෙන් තියන තේ සමාගමෙන් මෙතන පස්සේ කාලෙක ලිප්ටන් මහත්තයගේ අනු රුවක් ඉදි කරලා තියනවා.ඒ කාලෙ එයා මේ විදියට ඉන්දගෙන වටේ සිරි නරඹන්න ඇති. කාට උනත් මෙතන ඉඳගෙන පිංතුරයක් ගන්න තහනමක් නෑ

ගොඩක් ව්දේශිකයන් මෙතන ඇවිත් මෙහි සුන්දරත්වය විඳිනවා. ඒ වගෙම මෙතනට ආවොත් මේ තියන පුන්චි අවන්හලේ උනු උනු රොටියක් එක්ක ප්ලේන්ටියක් බොන්න මතක කරන්නත් එපා..

මේ වත්ත පුරාවටම යනකොට ලිප්ටන් මහතා ලියූ වදන් තේ වත්ත පුරාවටම ලියා තිබෙනවා

ඒ වගේ තිබුනු තවත් එක් වැකියක් මගේ හිත ගත්තා

'මිනිසෙකු යහපත් අයෙකු වීමට සිතන්නේ නම් ඔහු විසින් ඉටු කළ යුතු ප්‍රථම කාර්යය වන්නේ සත්ත්ව හිංසාවෙන් වැළකීමයි. අප ජීවත්වන භූමිය එකම සමාජයක්‌ ලෙස සිතමින් එය ආදරය හා ගෞරවය පැතිර වීමට යොදා ගත යුතුයි.''

මෙතනට ලංකාවේ පලාත් නවයෙන් 5ක්ම දර්ශනය වෙනවා..ඒ තම දකුන නැගෙනහිර සබරගමුව ඌව සහ මධ්යම කියනපලාත්.රාත්‍රී කාලයේ අහස පැහැදිලි නම් දෙවුන්දර තුඩුවේ ප්‍රදීපාගාරයේ අලෝකය වගෙම ත්‍රිකුනාමලයේ ප්‍රදීපාගාරයේ ආලෝකයත් බලාගන්න පුලුවන්

ඔන්න ඔහොම මගේ ලිප්ටන් සීට් සංචාරය අවසන් වෙනවා.ඉතුරු කිලෝමීටර් 8ක දුර මම දඹේතැන්න හරහා හපුතලේට ඇවිත් මගේ සංචාරය නිමා කරනවා.ජීවිතයේ ඔබත් වරක් හරි ඇවිත් යන්න පරිසරයේ සුන්දරත්වය විඳින්න එන්න හොඳ තැනක් විදියට මේ සුන්දර ලිප්ටන් සීට් හඳුන්වන්න පුලුවන්.

බ්ලොග් එකටත් එක්කම දිගට ලිව්වා.කස්ටිය බැලුව නම් අමතක නොකර කමෙන්ටුවක් වත් කොටාගෙන යන්ට.තවත් සංචාරක සටහනකින් හමු වෙමු​

අයියේ උබ මන් දන්න පොරක් නේ...

ekane..elaz

 

[hmhm95]

Matath patta Asaii bn Yanna Bike walin Yanna Puluwan Weida...Api set akakata..matara Inda??

 

[akmaadj]

MAth baluwa street view ekan jaya wewahttps://goo.gl/maps/g3EUecb8Kon

 

[gepa]

Matath patta Asaii bn Yanna Bike walin Yanna Puluwan Weida...Api set akakata..matara Inda??

ඊසි යන්න පුලුවන් බොස්...බයික් එකෙන් යන එක තමයි හොඳම

 

[gepa]

MAth baluwa street view ekan jaya wewahttps://goo.gl/maps/g3EUecb8Kon

ela ela

 

[Extra One]

ela +6

 

[magadia]

add rep 7+

 

[sasi1017]

මචන් අවුරුදු නිවාඩුවට යන්න හිතෙනවා.තව විස්තර ටිකක් දාපන් තව බලන්න තියෙන තැන්, නවතින්න පුළුවන් තැන් වගේ.

 

[sudnish]

Thanks..trip ekak yanna baluwe 28 denek withara bus ekakata yanna barida?

 

[Hasistranger]

Spuiri macho

 

[supunset]

TFS..+10

 

[kash123]

patta machan
You must spread some Reputation around before giving it to gepa again.

 

[Mr:Virus]

අපිත් ලගදි ගියා. මාර ලස්සනයි තැන. යන පාරත් කියල වැඩක් නෑ. පට්ටම ලස්සනයි.

 

[The maniac]

අපේ පැත්තෙනේ බන්

 

[CJ-lion]

good post

 

[Kadawara_Malli]

Dambathenna Estate.. my home during my small age.. miss that beauty and lush green
Good post machan

 

[Willl_Turner]

trip bump

 

[gepa]

Thanks..trip ekak yanna baluwe 28 denek withara bus ekakata yanna barida?

දොර දෙකේ එකක් නම් දඹේ තැන්නට විතරයි යන්න වෙන්නෙ මචන්..ඉතුරු ටික පයින් ගියත් අවුලක් නෑ හැබැයි

 

[gepa]

Thanks..trip ekak yanna baluwe 28 denek withara bus ekakata yanna barida?

මචන් අවුරුදු නිවාඩුවට යන්න හිතෙනවා.තව විස්තර ටිකක් දාපන් තව බලන්න තියෙන තැන්, නවතින්න පුළුවන් තැන් වගේ.

මේ කිට්ටුවම නම් දියලුම මුදුනට යන්න පාරක් තියනවා.තව ඇඩිශම් යන්න පුලුවන්.තව බන්ඩාරවෙල නම් දෝව පන්සල් බලන්නත් ප්[උලුවන්..ඉන්න තැන නම්, ඕනි තරම් තිබේ