අද තමයි මේ ෆිල්ම් එක බලන්න හම්බවුණේ. හිතට වැදුණ ෆිල්ම් එකක් නිසා කිරියෙ ඉන්න මේ ෆිල්ම් එක නොබලපු අයට දැනගන්නත් එක්ක පොඩි ත්රෙඩ් එකක් දාන්න හිතුණා. 
අවුරුදු ගණනාවක සිට එකිනෙකාගෙන් වෙන්ව ජීවත් වුණු සහෝදරයෙක් සහ සහෝදරියක්, මොළයේ නහරයක් පිපිරීම හේතුවෙන් කෝමා තත්ත්වකට පත්වෙලා ඔක්සිජන් සැපයුම් යන්ත්රයක ආධාරයෙන් හුගක් ආසාධ්ය තත්ත්වයේ ඉන්න තමන්ගෙ තාත්තව බලන්න ඇමරිකාවේ, මොන්ටැනා ප්රාන්තයට අයත් ග්රාමීය ප්රදේශයක පිහිටලා තියෙන තමන්ගෙ මහගෙදරට පැමිණෙනවා. කොහොම වුණත් මේ සහෝදරියටත්, සහෝදරයටත් පොඩිකාලෙ තමන්ගෙ තාත්තා නිසා මුහුණ දෙන්න වුණු බරපතල සිද්ධියක්, ඔවුන් දෙන්නත් තාත්තත් අතර තිබුණු සබදතාවය සම්පූර්ණයෙන්ම පළුදු කරවන්න හේතුවෙනවා. ඒ වගේම මේ සිද්ධිය, මේ සහෝදරියත්, සහෝදරයත් අතරෙ තිබ්බ සබදතාවය බිද හෙළන්න මුල් වුණු හේතුකාරකයක් බවටත් පත්වෙනවා. තාත්තගෙ රෝගී තත්ත්වය නිසා ආයෙ මුණ ගැහුණු මේ සහෝදරියගෙ සහ සහෝදරයගෙ බිදුණු සබදතාවය ඔවුන්ට මේත් එක්ක මුහුණදෙන්න සිද්ධවෙන සිදුවීම් දාමයත් එක්ක නැවතත් වර්ධනය වෙන විදිහ තමයි 2021 වසරේ නිකුත් වුණු "Montana Story" කියන චිත්රපටයෙ ඇතුළත් කතාවෙන් නිරූපණය කරන්නෙ.
චිත්රපටයේ ප්රධාන චරිතයන් ද්විතවයට පණ පොවන "Owen Teague" සහ "Haley Lu Richardson"
"Scott McGehee" සහ "David Siegel" යන දෙපළගෙ තිරරචනයෙන් සහ අධ්යක්ෂණය ඔස්සේ නිර්මාණය වුණු මේ චිත්රපටයෙ ප්රධාන චරිත ද්විත්වයට "Owen Teague" සහ "Haley Lu Richardson" (වර්තමාන හොලිවුඩ් නිළියො අතර ඉන්න මං කැමතිම නිළියක්
) තමයි රංගනයෙන් දායක වුණේ. ඔවුන් දෙදෙනාම මේ සිනමාපටයෙදි ඉතාමත් විශිෂ්ට රංගනයක නිරත වෙනවා. ඉතාමත් තාත්වික, වගේම ස්වභාවික රංගනයක නිරත වෙන මේ දෙදෙනා අතරිනුත් "Haley Lu Richardson" විසින් ඉදිරිපත් කරන "Subtle performance" එක හුගක් කැපී පෙනෙනවා. ඇමරිකාවේ, මොන්ටැනා ප්රාන්තයේ ලිවින්ග්ස්ටන් කියන නගරයට අයත් "Paradise Valley" කියන ප්රදේශයෙදි රූපගත කරපු මේ සිනමාපටයේ කැමරා අධ්යක්ෂවරයා විදිහට කටයුතු කළේ "Giles Nuttgens" කියන කැමරා අධ්යක්ෂවරයායි. 35mm kodak films භාවිතා කරන සිනමා කැමරාවන් යොදාගනිමින් රූපගත කරපු දැකුම්කළු භූමි දර්ශන ඇතුලත් වුණු විශිෂ්ට කැමරාකරණයකුත් මේ චිත්රපටයෙන් ඔයගොල්ලන්ට දැකගන්න පුළුවන් වේවි. හොද තිරරචනයකින්, අධ්යක්ෂණයකින් සමන්විත වෙච්ච වගේම විශිෂ්ට රංගනයන්, කැමරාකරණයක් ඇතුළත් වුණු "family drama / Western" ගනයන්ට අයිති වුණු හොද චිත්රපටයක් බලන්න හොයන අයට මේ චිත්රපටය ඉහළින්ම 'recommend' කරනවා. 
චිත්රපටියෙන් උපුටා ගත්තු රූපරාමු කීපයක්
Last edited:
The Brutalist | Official Trailer | A24 (Oscars frontrunner of 2025) 
