පෞද්ගලික බස් රථ ධාවනයේ යොද වන්නේ නම් පිළිපැදිය යුතු නීති රීති මාලාවක් සමස්ත පළාත් මාර්ගස්ථ ප්රවාහන අධිකාරියේ සභාපති සම්මේලනය විසින් අද නිකුත් කළා.
රියදුරු - කොන්දොස්තරවරුන් පිළිපැදිය යුතු කරුණු පිළිබඳව දැනුවත් කිරීම සඳහා දඹුල්ලේදී අද පැවැති මාධ්ය හමුවකදී සමස්ථ පළාත් මාර්ගස්ථ ප්රවාහන අධිකාරියේ සභාපති සම්මේලනයේ කැඳවුම්කරු නිලන්ත ඒකනායක මහතා එම නීති ඉදිරිපත් කළා.
බස් රථයේ රියදුරු සහ කොන්දොස්තරවරයා එන්නත් දෙකම ලබාගෙන සිටිය යුතු යි.
රියදුරු - කොන්දොස්තරවරයා ඇතුලු බස් රථයේ ගමන් කරන සෑම මගියකුම ගමන ආරම්භයේ සිට අවසානය දක්වා මුව ආවරණ පැළඳ සිටිය යුතුය.
මගියකු හෝ වෙනත් අයකු බස් රථය තුළ මුව ආවරණ ඉවත් කර සිටින්නේ නම් එහි වගකීම් කොන්දොස්තරවරයාට පැවරෙන බවත් ඔහුට විරුද්ධව නීතියානුකූල ක්රියා මාර්ග ගැනීමට කටයුතු කළ යුතුය.
බස් රථ ධාවන කාලය අකුරටම ක්රියාත්මකත්මක කළ යුතුය.
රජයේ සහ පෞද්ගලික අංශවල සේවකයන්ට, විවිධ වෘත්තිකයන්ට ප්රමුඛස්ථානය ලබා දිය යුතුය.
බස් රථයේ මගීන් ප්රවාහනය කිරීමේදී අසුන් ගත් මගීන් පමණක් ප්රවාහනය කළ යුතු බවත්, කිසිඳු ආකාරයකින් වැඩිපුර මුදල් මගීන්ගෙන් ලබා ගැනීම තහනම් වේ.
බස් රථවල ජංගම වෙළඳාම, සිඟමනේ යෙදීම, බුලත්විට සැපීම, ආහාරපාන ගැනීම, දුම්වැටි භාවිතය සම්පූර්ණයෙන්ම තහනම් වන අතර එහි වගකීම කොන්දොස්තරවරයාට පැවරෙනවා.
සිවිල් ඇඳුමෙන් සැරසුණු පරීක්ෂකවරුන් දිවයින පුරා යොදවා තිබෙන බවද, මෙම නීති පිලිපැදීමකින් තොරව සිටින අයට කිසිඳු සොයා බැලීමකින් තොරව ධාවන බලපත්ර අත්හිටුවන බව ද නිලන්ත ඒකනායක මහතා සඳහන් කළා.
මෙම දැඩි කොන්දේසි බස් රථවලට පනවා ඇත්තේ වසංගතය නිමා කර ගැනීම සඳහා බස් රථ හිමියන්, සේවකයන්ගේ ආරක්ෂාව, මෙන්ම ව්යාපාරය පවත්වාගෙන යෑම සඳහා බවත්, සඳහන් කළ නිලන්ත ඒකනායක මහතා සෑම බස්රථ හිමියකුටම එක් බස් රථයකට රුපියල් පනස් දහසක් වටිනවා වාර්ෂික පැකේජ ක්රමයක් ප්රවාහන රාජ්ය අමාත්යාංශය මගින් හඳුන්වා දී තිබෙන බවත් පැවැසුවා.
එම පහසුකම් සියල්ල සපයන අතර, බස් රථ සියල්ලම නොමිලේ විෂබීජහරණය ට ලක් කිරීම, බස් රථ ගාල් කොට තබන නැවතුම්පොළවල් විසබීජහරණය කිරීම, පේරාදෙණිය විශ්වවිද්යාලය සමඟ එක්ව සිදු කරන බවද ඒ මහතා සඳහන් කළා........
Source: nethgossip.lk
