සිංහල නම - මලබොඩ
උද්භිත විද්යාත්මක නාමය - Myristica dactyloides
කුලය - MYRISTICACEAE
ඕවලාකාර විශාල පත්ර සහිත මීටර් 19 -20 පමණ උසට වැඩෙන ශාකයකි. පත්රයේ අග තරමක් රවුම්ය. මෘදු පොත්තක් ඇත. එය අළු කහ පැහැයක් ගනී. ලා කහ පැහැති ලීය ලිස්සන සුළුය. දුඹුරැ කහ පැහැති ළපටි කොටසක් සහිතය. එමෙන්ම බූවක් සහිතය.
මල් පිපෙන අතර ඒවා ලා කහ පැහැතිය. මස් සහිත ඵලයක් ඇති අතර එය ඕවලාකාරය. බීජවල වර්ණය දීප්තිමත් දුඹුරැ පැහැතිය.
මෙම ශාකයේ පොත්ත මෙන්ම පත්ර ආදිය ඖෂධීය ගුණයකින් යුක්තය.
සිංහල නම - ගල් කරද
උද්භිත විද්යාත්මක නාමය - Humboldtia laurifolia
කුලය - LEGUMINOCEAE
මෙම ශාකය සාමාන්යයෙන් මීටර් 4.5 - 5 පමණ උසට වැඩෙන ශාකයකි. අග්රස්ථය නොපිහිටයි. කදේ බෙදුනු අතු රිකිලි පිහිටා ඇති අතර පක්ෂවත් පත්ර කෙලවර උප පත්රයක් දැකගන්නට පුළුවනි.
ඵලය ගෝලාකාරය. සුදු පැහැති මල් පිපෙයි. බිම් ස්ථර ශාකයක් වන මෙම ශාකය පැණි නිපදවයි. මේ නිසා මෙම ශාකය අතරට කුහුඹුවන් පැමිණෙනු දැකගත හැකිය.
සිංහල නම - කළුවර
උද්භිත විද්යාත්මක නාමය - Diospyrus ebenum koenig
කුලය - EBENECEAE
අනුරාධපුර පොලොන්නරැව මාතලේ මොණරාගල දිස්ත්රික්ක වල බහුලව දැකගත හැකිය ඉතා දුර්ලභ ශාකයකි. කළුවර ශාකය තරැණ අවධියේදී ශාක කඳමැද කුඩා කළු පැහැති තීරැවක් පිහිටන අතර එය වටා සුදු පැහැති මාංශමය කොටසක් පිහිටා ඇත.
පසුකාලීනව ගස පරිනත වන විට මෙම කොටස මැකී යයි. කළුවර ගස වසරකට මි.මීටරයක් පමණ උසයයි. කළුවර ප්රභේද 22ක් පමණ ශ්රී ලංකාවේ ඇති බව තහවුරැ වී ඇත.
කළුවර ගස මීටර් 20 - 24 පමණ උසට වැඩේ. අතු ඉතා සමීපව පිහිටා ඇත. තුරැ හිස පළල්ව වැඩේ. ගසේ මුල නිතර අඳුරැ ස්වභාවයක් ගනී. පත්ර සෙ.මි. 6 පමණ දිගට වැඩේ. පළල මි.මී 25කි. දල්ල ළා කොළ පාටය. මාර්තු මැයි කාලවලදී අලුත් රිකිලි අග ඇති පත්රවල මල් හටගනී. ගසේ පොත්ත තුනීය කළු පැහැතිය. ඇතුලත කහ පැහැතිය.
සිංහල නම - බදුල්ල
උද්භිත විද්යාත්මක නාමය - Semecarpus gardneri
කුලය - ANACARDIACEAE
මෙම ශාකයේ බීජ මෙන්ම ඵලයද ආයුර්වේද වෛද්ය විද්යාවේ කටයුතු සදහා භාවිතා කෙරේ. බදුල්ල ගසේ කිරි ඇති අතර ඒවා විෂ සහිතය. මෙම ශාකයේ හට ගන්නා ඵලය රතු වර්ණයක් ගනී.
දිගටි ඉලිප්සාකාර පත්ර දරණ මෙම ශාකය සාමාන්යයෙන් මීටර් 15 - 16 පමන උසට වැඩේ. ශාකයේ පොත්ත අළු වර්ණයක් ගනී.
