කෝට්යාඩ් එකක් කියන එක නිකන් ලස්සනටම විතරක් දාන්න එපා. ඒක ඔයාගෙ ගෙදර අවකාශයන්ට ගැලපෙන්න කරගන්න. විශේෂයෙන්ම ගෙදරට අවශ්ය නියමිත වාතාශ්රය ලබාගන්න ඕන විදිහට. ගෙදර බිත්ති ඉඩමෙ මායිමට යන විදිහට තියෙනව නම් කාමර වලට එලිය සහ වාතාශ්රය ගන්න කාමර 2ක් මැදට වගේ තියන්න පුලුවන්. එහෙම ඉඩ තියනකොට ඔය පොඩි පොඩි හුජු කෑලි නැතුව අඩි 8 x 10 වගේ වත් ඉඩක් තියාගන්න. අත්තිවාරම් දානකොටම ලෙවල් පොඩ්ඩක් බලල අඩුමගානෙ අඟල් 4කවත් හෙවිඩියුටි පීවීසී බයටක් තියාගන්න වතුර බස්සවගන්න පුලුවන් වෙන්න. අනවශ්ය විදිහට ගස් වවන්න යන්න එපා. පොඩි ගහක් හෝ පැලයක් වවාගන්න. අනික උඩින් වහලයක් ගහනව නම් ගෙදර වහලෙට වඩා තරමක් උඩට වෙන්න ගහගන්න. ආරක්ෂාවත් බලල හොඳ යකඩ ෆ්රේම් එකක් එක්ක කරගන්න. එක්කො පර්ගෝලාස් දාන්න. විවෘතව තියෙනව නම් තමයි වඩා හොඳ මගේ මතය හැටියට. මොකද බාදාවකින් තොරව එලිය සහ සුළඟ එනව. අඟල් 3 වගේ ගැප් වලින් කම්බි කූරු වලින් ෆ්රේම් එකක් කලා නම් එලිය සුළඟ එක්කම ආරක්ෂාවත් තියේවි.
