තිස්සට සෞඛ්ය ඇමති පට්ටම
එක්සත් ජාතික පක්ෂ මහලේකම් ධුරයෙන් ඉල්ලා අස් වූ තිස්ස අත්තනායක මහතා මීට නොබෝ වේලාවකට පෙර සෞඛ්ය අමාත්ය ධුරයේ දිවුරුම් දුන්නා. ඒ, මහනුවර ජනාධිපති මන්දිරයේදී ජනාධිපති මහින්ද රාජපක්ෂ මහතා ඉදිරියේයි. ඉකුත් දා එක්සත් ජාතික පක්ෂ මහලේකම් ධුරයෙන් ඉවත් වූ තිස්ස අත්තනායක මහතා ඉදිරි ජනාධිපතිවරණයේදී මහින්ද රාජපක්ෂ මහතාට සහය ලබාදීමට තීරණය කළා.
වසර 25ක් අඛණ්ඩව පාර්ලිමේන්තු මන්ත්රීවරයෙකු ලෙස කටයුතු කළ තිස්ස අත්තනායක මහතා 2005 වසරේ සිට එක්සත් ජාතික පක්ෂ මහලේකම් ධුරය හෙබවූවා. ඔහු මහනුවර දිස්ත්රික්කය නියෝජනය කරමින් අවස්ථා කිහිපයකදීම පාර්ලිමේන්තුවට තේරීපත් වුණු අතර, පසුගිය වර ඔහු පාර්ලිමේන්තුවට පැමිණියේ ජාතික ලැයිස්තුවෙන්.
තිස්ස අත්තනායක මහතා දිවුරුම් දෙනු ලැබුවේ විපක්ෂයේ පොදු අපේක්ෂක ලෙස තරග වදින මෛත්රීපාල සිරිසේන මහතාගෙන් හිස් වූ සෞඛය අමාත්ය ධුරයයි.
ඔය තැනට සුදුසු, කොච්චර නම් පරන පොරවල් ඉන්නවද බං අන්න්ඩුවෙ,
