#ඔබත්_පතිවත_සුරකින_උතුම්_කාන්තාවක්_වෙන්න
පතිවත කියන්නේ විවාහක කාන්තාවක් විසින් රැකිය යුතුම ශීලයක්..තමන්ගේ සැමියා හැර වෙන කිසිදු පුරුෂයෙකුගේ පහසක් නොපතා සිටීම පති ශීලයයි..අද සමාජයේ නම් පතිවත සුරකින කාන්තාවන් ඉතාමත් සුළු පිරිසක් නේද ඉන්නේ ..ඉතින් මේ නිසාම තමයි අපරාධ සිදු වෙන්නේ...තමන්ගේ බිරිද අන් පුරුෂයෙක් සමග සිටිනවා දකින්න කිසිම සැමියෙක් කැමති නැහැ..ඉතින් මෙහෙම තහනම් ගහේ ගෙඩි කනවා තමන්ගේ ස්වාමියා දැනගත්තම සිදු වෙන්නේ ලොකු විනාශයක්..මිනී මැරුම් පවා සිදු වෙනවා..එපමණක් නොවේ ඇය ගැන තිබූ විශ්වාසය බිදී යනවා..කාමය වරදවා හැසිරීමේ අකුසල් කර්මය කරගත් නිසා නිරයේ දුක් විදින්න සිදු වෙනවා..තිරිසන් ආත්ම ලබනවා..මිනිස් ආත්මයක් ලැබුවත් නැවත ඇයට යහපත් යුග දිවියක් ගත කිරීමට නම් හැකි වෙන්නෙ නැහැ..ආදරය සෙනෙහස නොලැබී යනවා..
මෙහෙම හිතන්නකෝ..ඔබ කාන්තාවක් නම් ඔබ කොපමණ යහපත් බිරිඳක් ලෙස ස්වාමියාට ආදරයෙන් සලකාගෙන හිටියත් ඔබේ සැමියා ඔබව නොසලකා හැර අන් ස්ත්රීන් වෙත යනවනම් ඔබට දුක හිතෙනවා නේද ?සැමියා ගැන වෛරයක් ඇති වෙනවා නේද ? ඔබටත් හිතෙනවා නේද ඔබේ සැමියා අන් ස්ත්රීන්ට ඇලුම් කරන නිසා ඔබටත් අන් පුරුෂයෙක් සමග ඇසුරක් පවත්වන්න...එපා කවදාවත් ඒ වරද නම් කරන්න එපා..ඔබේ සැමියා ඒ ලෙස වරදේ බැදෙනව නම් ඔබ ඔහුට වෙනදට වඩා ආදරය කරන්න..සැමියා මොන ආකාරයෙන් හැසිරුනත් ඔබ දුක් වෙන්න එපා..හිත හදාගන්න..එහෙම වෙන්නෙ ඔබ පෙර කෙරූ අකුසල් කර්මයක් නිසා වෙන්න පුලුවන් ..ඔබ මේ භවයෙත් ඒ වරදම කලොත් ඔබට එයින් ගැලවීමක් නම් නැහැ..ඒ නිසා සැමියා වරදේ බැදුනට ඔබ නම් වරදේ බැදෙන්න එපා..පෙර කෙරූ අකුසල කර්මයක් ගෙවනවා කියලා හිතාගෙන හිත හදාගන්න ..ධර්මයට යොමු වෙන්න..ධර්මය ශ්රවණය කරන්න ..එයින් ඔබේ හිත සැනසෙයි..දිවිහිමියෙන් පතිවත සුරකින්න..තමන්ට අපමණ ආදරය කරන කන්නගීව අතහැර කෝවලන් නාට්යාංගනාවකගේ පහස පැතුවා..කෝවලන් එසේ වරදේ බැදුනු පමණින් කන්නගීත් වරදේ බැදුනද? නැහැ නේද ? ඇය දිවිහිමියෙන් පතිවත ආරක්ෂා කලා..අන් පුරුෂයෙකුගේ පුංචි ස්පර්ශයක්වත් ඇය පැතුවේ නැහැ..ඉතින් ඇය ඒ ආකාරයෙන් පතිවත ආරක්ෂා කල නිසා නේ ඇයට පතිවතේ බලය පෙන්වන්න හැකි වූයේ..පතිවතේ බලයෙන් නේද ඇය පඩි රට ගිනි බත් කලේ..පතිවත බලයෙන් නේද ඇය වදුරු වසංගතය මැව්වේ..පතිවත බලයෙන් නේද ඇය පතිවෘතාවට අධිපති දෙවගන ලෙස දේවත්වය පත්වුනේ..මතු බුදු බව ප්රාර්ථනා කරන්නෙත් ඇයමයි නේද ?
පතිවත රකින කාන්තාවක්ට සත්යක්රියා කොට ඕනෑම දෙයක් කල හැකියි..පතිවත යන වචනය ඇසූ පමනින් අපිට මතක් වෙන්නේ යශෝදරා දෙවිය..බුදු රජාණන් වහන්සේගේ සෙවණැල්ල වූ උතුම් යශෝදරා උත්තමාවිය..සද කිදුරු ජාතකයේ සද කිදුරිය වී ඉපදී ඇය පතිවත් බලයෙන් තම ස්වාමියාගෙ ප්රාණය නිරුද්ධ වූ සිරුරට නැවත ප්රාණය ලබා දුන්නා..මණිචෝර ජාතකයේ සුජාතා නම් කාන්තාවක් වී ඉපිද තම ස්වාමියා නොකෙරූ වරදකට ඔහුගේ හිස ගසා මරනා ලෙස බඹදත් රජු නියෝග කරද්දී පතිවත් බලයෙන් සත්යක්රියා කොට තම නිර්දෝශි ස්වාමියාව මරණයෙන් මුදවා ගත්තා..මේ ආකාරයෙන් හැම ආත්මයකම ඇය පතිවත සුරකිමින් ඔහුගේ පසුපසම පැමිණියා ..ඇය උපන්නේ ඔහු වෙනුවෙන්ම පමණයි..ඇයගේ මේ පතිවත් බලය නිසා ශක්ර දෙවිදුන්ගේ පඩිපුල් ආසනය අනන්ත අප්රමාණ වාරයක් උනු වෙලා ඇති..සම්බුලා ජාතකයේ සම්බුලා දේවිය ලෙස ඉපදී සිටියේ ගෞතම බුදුන්ගේ කාලයේ විසූ කොසොල් රජුගේ අගමෙහෙසිය වූ මල්ලිකා දේවියයි..ඇයද පතිවත රැකි කාන්තාවක්..එක් ආත්මයක ඇය සම්බුලා දේවිය ලෙස ඉපිද පතිවත් බලයෙන් සත්යක්රියා කොට කිසිම වෛද්යවරයෙක්ට සුව කිරීමට නොහැකි වූ තම ස්වාමියාට වැලදී තිබූ කුශ්ට රෝගය සුව කලා..
ඉතින් මේ අයුරින් ඇයි බැරි කාන්තාවක් ලෙස ඔබලට පතිනි ශීලය ආරක්ෂා කරන්න ..බැරි නැහැ නේද ? ඔබලට පුලුවන් නේද මේ උතුම් පතිනි ශීලය දිවිහිමියෙන් සුරකින්න..යශෝදරා දේවිය වගේ..කන්නගී වගේ..විශාකා උපාසිකාව,මල්ලිකා දේවිය වගේ අද සිට හිතට අරගෙන පතිනි ශීලය සුරකින්න..පතිවත සුරකින කාන්තාවන්ට යන යන ඕනෑම තැනකදී දෙවියන්ගේ ආරක්ෂාව ආශිර්වාදය ලැබෙනවා..විශේෂයෙන් පතිවත සුරකින කාන්තාවන්ට පත්තිනි දේවියගේ ආරක්ෂාව ආශිර්වාදය ලැබෙනවා..උතුම් වූ යශෝදරා උත්තමාවියගෙ ආශිර්වාදය ලැබෙනවා..ඔබටත් පුලුවන් පතිවත ආරක්ෂා කරගනිමින් පතිවත් බලයෙන් සත්යක්රියා කරන්න..පතිවත සුරකින කාන්තාවක්ට පතිවත් බලයෙන් කල නොහැකි දෙයක් නැහැ..ඕනෑම දෙයක් කල හැකියි..පතිවත සුරකින ස්ත්රියකට මරණින් මතු නිසැකවම දෙව්ලොව උපත ලැබිය හැකියි...අද සිට ඔබත් තමන්ගේ ස්වාමියා පමණක් පතන පතිවත සුරකින උතුම් ස්ත්රියක් වෙන්න..හීනයකින්වත් අන් පුරුෂයෙකුගේ පහසක් නම් පතන්න එපා..එය බරපතල පාප කර්මයක්..යශෝදරා මහරහත් තෙරණියට වැදුම් පිදුම් කර ඇයගේ ආශිර්වාදය ලබාගන්න ...
අසමින් මේ දහම් අගනෝ ගෙන සිතට..
යටැසින් රවාවත් නොබලන් තම හිමිට..
වසමින් රන් රසසේ එකසින් අදර කොට..
උපදින් යශෝදරා විලසින් අදර කොට
රැක පතිදම් යශෝදරා බිසවුන් ලෙසට..
දුක සැප දෙකෙහි වෙනසක් නොව එක ලෙසට..
එක හිමි පතා සිටියොත් ලදුනි බැති කොට..
සැක නැත සග පවග සුව මතු ලැබෙනවට..
තෙරුවන් සරණයි
