කුසුමක් වුව නුඹ
කුසුමක් වුව නුඹ
නෙක නෙක සිහින සිත පුරවන අතරමග
දිවි කතරෙහි අහඹු විලසක නෙත ගැටුණ
සිහිනෙන් වත් නොසිතු ලෙසකින් හද බැඳුන
සඳ කිඳුරියෙ නුඹයි සැනසුම සිත සොයන
පෙර කෙදිනක නොවිඳි සෙනෙහස් පෑ සේයා
මා හද සසර හුරුවෙන් සැලුණා චායා
රෑ ඝන අඳුර තරුපති විනිවිදි සේයා
මා සිත් අඹරෙ සැතපෙන් සොමි සේ පායා
පෙර අත් බවෙක එක සිත් වී ඉන්ට ඇති
ඒ හුරුවෙන්ම නැවතත් හමු වන්ට ඇති
එනමුදු නුඹේ සුළැඟිලි සරසන්ට බැරී
පෙර අකුසලෙක බල මහිමය වෙන්ට ඇති
පමා වී පිපුණ මුත් නුඹ මා නෙතු මානේ
උයනකි ඒ රුදුරු නුහුසෙකු හිමි පෑයේ
එමලෙහි රුව සුවඳ විඳගමි සිත රහසේ
හද වේදනා දියකරලමි හිස් අහසේ
සිහින් සරින් හැඬවෙත්දී හදෙහි සර
විදසුන් වඩන්නට සිතුවිලි ඉඩ නොදෙත
මොර දී හඬන්නට සිතුණත් යම් විටෙක
ඔබෙ සෙනෙහස නමින් මියැදෙමි දිනෙන් දින
ළතැවුල් තෙරපුණත් මා නෙතු පිය අස්සෙන්
නහවමි හද මඬල උණු සුසුමන් වැස්සෙන්
සිත් මල පෙළා ලන රුදු හැඟුමන් ඔස්සෙන්
සඟවමි සෝ සුසුම් මුව ඇඳි මදහාසෙන්...
මලිත්තා........෴
කුසුමක් වුව නුඹ
නෙක නෙක සිහින සිත පුරවන අතරමග
දිවි කතරෙහි අහඹු විලසක නෙත ගැටුණ
සිහිනෙන් වත් නොසිතු ලෙසකින් හද බැඳුන
සඳ කිඳුරියෙ නුඹයි සැනසුම සිත සොයන
පෙර කෙදිනක නොවිඳි සෙනෙහස් පෑ සේයා
මා හද සසර හුරුවෙන් සැලුණා චායා
රෑ ඝන අඳුර තරුපති විනිවිදි සේයා
මා සිත් අඹරෙ සැතපෙන් සොමි සේ පායා
පෙර අත් බවෙක එක සිත් වී ඉන්ට ඇති
ඒ හුරුවෙන්ම නැවතත් හමු වන්ට ඇති
එනමුදු නුඹේ සුළැඟිලි සරසන්ට බැරී
පෙර අකුසලෙක බල මහිමය වෙන්ට ඇති
පමා වී පිපුණ මුත් නුඹ මා නෙතු මානේ
උයනකි ඒ රුදුරු නුහුසෙකු හිමි පෑයේ
එමලෙහි රුව සුවඳ විඳගමි සිත රහසේ
හද වේදනා දියකරලමි හිස් අහසේ
සිහින් සරින් හැඬවෙත්දී හදෙහි සර
විදසුන් වඩන්නට සිතුවිලි ඉඩ නොදෙත
මොර දී හඬන්නට සිතුණත් යම් විටෙක
ඔබෙ සෙනෙහස නමින් මියැදෙමි දිනෙන් දින
ළතැවුල් තෙරපුණත් මා නෙතු පිය අස්සෙන්
නහවමි හද මඬල උණු සුසුමන් වැස්සෙන්
සිත් මල පෙළා ලන රුදු හැඟුමන් ඔස්සෙන්
සඟවමි සෝ සුසුම් මුව ඇඳි මදහාසෙන්...
මලිත්තා........෴
