දියඇලි thread

[rochel1977]

77. දම්බොර ඇල්ල

උස මීටර් 10යි. මේ ඇල්ල පිහිටලා තියෙන්නේ ලබුගම ජලාශ්‍රය ආශ්‍රිතවයි. මේකට ගමේ අය දෙමළ ඇල්ලත් කියනවා. ඒ ඉස්සර මේ පැත්තේ කුලී වැඩ කරන්න ආපු දෙමළ සේවකයෝ මේ ඇල්ලෙන් වැඩ ඉවර උනාට පස්සේ නාගත්ත නිසා කියලා කියනවා. වක් ඔයෙන් තමයි මේ ඇල්ල හැදෙන්නේ. හංවැල්ල ඉඳලා ලබුගමට ගිහින් එතනින් තුන්මෝදර පාළම පහු කරලා 1km ගියාම දකුණට හැරිලා දම්බොර කියන ගම්මානයට යන්න ඕනේ. ගම්මානේ ඉඳලා 3km ඈතින් තමයි මේ ඇල්ල පිහිටලා තියෙන්නේ.

​

 

[rochel1977]

78. මහා බඹරකිරි ඇල්ල

උස මීටර් 3යි. පිහිටලා තියෙන්නේ මාතලේ දිස්ත්‍රික්කයේ රත්තොට නගරයට ආසන්නව ඉලුක්කුඹුර මාර්ගයේ. මිටමොලව ගත්තු අතක හැඩය මේ ඇල්ලේ සටහන් වෙනවා. මේ ඇල්ල බලන්න එන ගොඩ දෙනෙක් මෙතනින් නාන්න ගිහින් ජීවිත අහිමි වෙලා තියනවා. දැනට මේ ඇල්ලෙන් නාන්න ගියපු 17 දෙනෙක් මියගිහින් තියනවා. කොච්චර බෝඩ් ගහලා තිබුනත් නාන්න එපා කියලා අපේ පණ්ඩිත සෙට් දෙකක් දාලා ලෝඩ් වෙන්න ගිහිං නැති වෙනවා. මේ ඇල්ලෙන් බට උපයෝගී කරගෙන අවට ගෙවල් 40කට පමණ පිරිසිඳු පානීය ජලය සැපයෙනවා.

පින්තූර අයිතිය දොස්තර අශාන් ගීගනගේ​

 

[jnkdon]

noted.....!!!

 

[rochel1977]

79. තාලිය වැටුනු ඇල්ල (අලකොල ඇල්ල)

උස මීටර් 50යි. පිහිටලා තියෙන්නේ මාතලේ දිස්ත්‍රික්කේ අල කොළ වත්තේ. අලකොල කියන නම වැටුනේ ඉස්සර මේ වත්ත අයිති සුද්දගේ නම ඇලන් කෝලන් ලු. ඉතිං අපේ අය මේ ඇල්ලට අලකොල ඇල්ල කියලා නම දාලා තියනවා.

තාලිය වැටුණු ඇල්ල කියලා නම වැටුනේ කොහොමද කියලා දන්නේ නම් නෑ.

ගුරුගොඩ ඔයෙන් තමයි පෝෂණය වෙන්නේ. මේ ඇල්ලේ අතු ගංගාවක් හුළු ගඟට එකතු වෙනවා.

පින්තූර අයිතිය දොස්තර අශාන් ගීගනගේ​

 

[rochel1977]

80. ජෝඩු ඇල්ල (බඹරැල්ල නකල්ස් ඇල්ල)

උස මීටර් 45යි. පිහිටලා තියෙන්නේ නකල්ස් රක්ෂිතයේ. දෙපැත්තේ ගලා හැලෙන ජල ධාරාව සමාන්තරව ගලා හැලෙන නිසා මේ ඇල්ලට ජෝඩු ඇල්ල කියලා කියනවා. පෝෂණය වෙන්නේ මොරගහ ඔයෙන්. පසුව හුළු ගඟට එකතු වෙලා පසුව මහවැලි ගඟට එකතු වෙනවා. නුවර ඉඳලා වත්තේගම, බඹරැල්ල හරහා පන්විල පැත්තට 24km යන අතර මේ ඇල්ලට යන 1km එකක අඩි පාර හම්බුවෙනවා.

පින්තූර අයිතිය දොස්තර අශාන් ගීගනගේ

​

 

[rochel1977]

81. බඹරැල්ල සාරි ඇල්ල

උස මීටර් 25යි. පිහිටලා තියෙන්නේ නකල්ස් රක්ෂිතයේ. බඹරැල්ල ටවුමේ ඉඳලා විනාඩි 5ක දුරින් තමයි මේ ඇල්ල පිහිටලා තියෙන්නේ. සාරියක පොටක් වගේ ඇල්ල පහලට වැටෙන නිසා මේ ඇල්ලට සාරි ඇල්ල කියනවා.

පින්තූර අයිතිය දොස්තර අශාන් ගීගනගේ

​

 

[dmsupun]

Niyama wadak kolla

 

[rochel1977]

82. ලෙබනන් වතුයාය දියඇල්ල අංක 1

උස මීටර් 30යි. පිහිටලා තියෙන්නේ නකල්ස් රක්ෂිතය කිට්ටුව තිබෙන ලෙබනන් කියන වතුයායේ. මේ වත්තේ දිය ඇලි දෙකක් පිහිටලා තියනවා. පළවෙනි එක තමයි මේ ලෙබනන් දිය ඇල්ල නොම්බර 1. මේ දිය ඇලි වලට හරියටම නමක් නෑ. නකල්ස් කඳු උඩින් එන ජල පහරවල් කීපයක් එකතු වෙලා හැදෙන දොළ පාරකින් තමයි මේ ඇල්ල හැදෙන්නේ. මේ ඇල්ල පහළ විශාල පොකුණක් තියනවා. මේ වත්තට යන්න පුළුවන් බඹරැල්ල පන්විල මාර්ගයේ 5.5km අතරේ

පින්තූර අයිතිය දොස්තර අශාන් ගීගනගේ

83. ලෙබනන් වතුයාය දියඇල්ල අංක 2

උස මීටර් ආසන්න වශයෙන් මීටර් 20යි. පිහිටලා තියෙන්නේ ලෙබනන් වත්තේම තමයි. හැබැයි මේ ඇල්ල ගැන පිට කව්රුත් දන්නේ නෑ. දන්නේ මේ වත්තේ ජීවත් වෙන මිනිස්සු විතරමයි.

​

 

[rochel1977]

84. කොස්ගම ඇල්ල

උස මීටර් 20යි. පිහිටලා තියෙන්නේ හුළුගඟ බඹරැල්ල පාරේ කොස්ගම කියන ගමේ. මේ ඇල්ල පෝෂණය වෙන්නේ හුළු ගඟේ අතුරු ගංගාවකින්.

​

 

[rochel1977]

85. ඉහළ හුන්නස්ගිරි ඇල්ල

උස මීටර් 50යි. මීට පහතින් තියන හුන්නස්ගිරි ඇල්ලට ප්‍රධාන පෝෂක දිය ඇල්ල තමයි මේ. පෝෂක දොළ පහරවල් 5ක් මගින් තමයි මේ දිය ඇල්ල නිර්මාණය වෙන්නේ.

පින්තූර අයිතිය දොස්තර අශාන් ගීගනගේ​

 

[rochel1977]

86. දියකෙරෙල්ල ඇල්ල

උස මීටර් 45යි. පිහිටලා තියෙන්නේ හුන්නස්ගිරියේ මීමුරේ කියන ගම්මානේ. මේ ඇල්ලෙන් පහලට වැටෙන ජලයෙන් විශාල ඝෝෂාවක් නගනවා. පහළට වැටෙන ජලයෙන් දෙවන ඇල්ලකුත් නිර්මාණය වෙනවා. මේ ඇල්ල ළඟම ඇත්පාර කියලා පොඩි අඩි පාරකුත් තියනවා. කුඩා තාපසාරාමයක් මේ හරියේ පිහිටලා තියනවා. මේ ඇල්ල හීන් ගඟ සමග එකතු වෙලා පසුව මහවැලි ගඟට එකතු වෙනවා. මීමුරේ ගම්මානේ ඉඳලා කැලැව ඇතුලෙන් 12km ගියාම මේ ඇල්ල හමුවෙනවා.

පින්තූර අයිතිය හර්ෂ මාතරගේ​

 

[rochel1977]

වැරදි නිවැරදි කිරීමක් බව කරුණාවෙන් සළකන්න

26. ඕළු ඇල්ල.

උස 200m. පිහිටලා තියෙන්නේ කෑගල්ල දිස්ත්‍රික්කයේ, යටියන්තොට ප්‍රාදේශීය සභාවේ අමනාවෙල ග්‍රාමසේවා වසමේ. කෑගල්ල දිස්ත්‍රික්කයේ දෙවැනි උසම දිය ඇල්ල. කොටස් හතරකට කඩා හැලෙන මේ ඇල්ල වැටෙන ස්ථානය ඕළු දොළ කියලා කියනවා. පසුව වී ඔය එක්ක එකතු වෙන මේ ජලය යටියන්තොට සමන් දේවාලය අසලින් කැළණි ගඟට එකතු වෙනවා. මේ ඇල්ලෙන් මේ අවට ගොවි ජනපද ගොඩකට ජල පහසුකම් සපයනවා.

[/QUOTE]

 

[Zaku]

 

[name-X]

ela!! bump!!!

 

[rochel1977]

87. ලිහිනියන් කෙලින ඇල්ල

උස මීටර් 30යි. පිහිටලා තියෙන්නේ රත්නපුර දිස්ත්‍රික්කයේ පැල්මඩුල්ලේ පාතකඩ සිංගප්පුලි කන්දේ. නම පට බැඳෙන්නේ මේ ඇල්ල අවට තියන අන්දකාර ස්වභාවය නිසා ලිහිණියන් කූඩු බඳින්න මේ ස්ථානය තෝරගන්න නිසාවෙන්ලු. නියන් කාලෙට මේ ඇල්ලේ වතුර අඩු උනාම හොල්මනක ස්වරූපය ගන්න නිසාවෙන් ගම්මු ඒ අවස්ථාවල කොහොඹ දෙවියන්ට යදීම් කරනවාලු.

​

 

[danlix]

patta

 

[rochel1977]

88. ගැරඬිගිනි ඇල්ල

ඇල්ලේ උස මීටර් 100යි. මේ ඇල්ල එක්ක තව පහළ තියන ඇලි එක්ක මුළු උස මීටර් 270යි. පිහිටලා තියෙන්නේ නුවර - නුවරඑළිය මාරගයේ රම්බොඩ කියන ගමේ ඉහළ කොටසේ. ගලහා රක්ෂිතයේ පටන් ගන්න දොළ පහරකින් ගල්බිත්තිය හරහා පුනා ඔය හරහා මේ ඇල්ල හැදෙනවා.

​

 

[rochel1977]

89. බිසෝ ඇල්ල

උස මීටර් 15ත්-20ත් අතර. පිහිටලා තියෙන්නේ මාතර ඉඳලා පස්ගොඩ නගරේ 5 km ගියාම තියන රොටුඹ ගමේ තල්ගස්තැන්නේ. නම ගැන තොරතුරු හොයාගන්න බැරි උනා. තව බිසෝ ඇලි ලංකාවේ දෙක තුනක්ම තියනවා.

පින්තූර අයිතිය අන්ජනා ගුණතිලක​

 

[xxc]

TFS+

 

[ranilplus]

Thanks Machan,
හැබැහින් දකින්න බේරී උන දිය ඇලි කීපයක්ම දන ගත්තා ,නිවාඩුවක් හම්බ උන ගමන් ඒවත් බලන්න යන්න ඕන,ඉස්සර scouting කරන කලේ මේ බොහොමයක් කවර් කරලා තියනවා, job කරන්න ගත්තට පස්සේ week end 1ke film1k 2k බලල බුදිය ගන්න 1ක තමා කරන්නේ, අර සැර අල්ල කියල දාල තිබ්බ 1ක මට මතක විදිහට සේර ඇල්ල වගේ.