පද පේළී - EK LYRICS THREAD PART 2

[Good Heart]

මුතු ඇට මාල පොටක් ගෙල පළඳාපු ළඳක්
දුටුවම මූණ ටිකක් මැවෙනව හීන හතක්
වැව ළඟ මල් නෙලද්දි ලස්සනයි
කෙකටිය මල් නෙලද්දි ලස්සනයි
වැව ළඟ මල් නෙලද්දි ලස්සනයි
මගේ මුතු මාල ගිරවි ලස්සනයි

දුටුව දිනම නුඹමයි මගේ සිත අරගත්තේ
හැම හීනෙම නුඹ විතරයි නැවතිලා ඇත්තේ
දැක ගන්නට හැමදාමත් තුන් පෑ තිස්සේ
ඉවසිල්ලක් නැහැ තාමත් හදවත ගැස්සේ

සුදු නෙළුමක් වගේ පිපුණු වැව්‍ දිය මත්තේ
නුඹ පමණයි මගේ හිත තුළ රජවෙලා ඇත්තේ
ඇවිදින්නට එනවානම් පිනිමල් වැස්සේ
සොඳුරු රහස පවසන්නම් හදවත අස්සේ

 

[Good Heart]

කිරි ඉද්ද ගහට සුද අරගෙන සඳ එන දවසට
සිහිනයක් වෙලා ඔබ හිඳින්න මගෙ ඇසිපිය යට
ඒ ඇති මැණිකේ මට ඒ ඇති මැණිකේ මට
සිහිනයක් ලෙසින් ගිලිහී යන අපෙ හෙට දවසට

අප නැතැයි කියා වැරුවද ගස් වැල් මල් සම්පත
ගඟ නතර වුණාදැයි කියන්න මුවදොර නොම දැක
පසු තැවෙන අපේ සිත් තනි කර ලොව දුර ගමනක

මේ නුවර එදා වගෙමයි අප පෙමින් ඇවිද ගිය
මුහුණුවර දන්න ගස් වැල් අප නැතත් පඳුරු ලන
ජීවිතය කියා දී එකිනෙක පරමල් හිනැහෙන

 

[crazybuddy]

තව ටික දොහයි මාසේ අන්තිම වෙන්න..
මගෙ රත්තරන් අම්මේ..
මං පඩි අරන් අද හෙට එනතුරු ගමට..
තිස්තුන් කෝටියක් දෙවිපිහිටයි නුඹට..

වනන්තරේ මහ රූස්ස ගහකොල බිමට සමතලා කර අම්මේ
රාස්සයින් වගෙ යන්ත්‍ර සූත්තර මහ සද්දෙන් යනවා අම්මේ
සිමෙන්ති කළුගල් ලොරි පිට පටවා වේල්ල බඳිනා හැටි අම්මේ
බලාන ඉන්නට දවසක නුඹවත් එක්කරගෙන එන්නම් අම්මේ

බිම් තැන්නේ මං දහදුක් විඳලා මෙදා ගමට ආදා අම්මේ
නුඹේ අතින් මගෙ දෑතේ කරගැට අතගාලා නාඬන් අම්මේ
මහියංගනයේ හේවිසියේ හඬ සැන්දෑවට ඇහුණම අම්මේ
සිල් අරගෙන නුඹ ඉන්නා තාලය අනේ මතක්වෙනවා අම්මේ

වත්ත පහල පොල්අතු අහුලන්නට උදෙන්ම යන්න එපා අම්මේ
උදේ රැයින් ඔය පිණිබාලා නුඹ ලෙඩාදුකා වෙයි මගෙ අම්මේ
ගිණිමද්දහනේ බැරි බැරිගාතේ ගම්මැද්දේ නොගිහින් අම්මේ
රැයක් නෑර මට හීනෙන් පෙනි පෙනි මං එනතුරු ඉඳහන් අම්මේ

---------------------

සැරයටියෙන් අපි යනෙනතුරා
සංසාරේ අපි එකට ඉමූ
සංසාරෙන් අපි සමුගන්නා දා
ඒ ගමනත් අපි එකට යමූ

ජීවන මංපෙත මලින් සැදී ගිය
යුගයක නොව ඔබ හමුවූයේ
කටුකොහොලින් පිරි කළල් දියේ මා
තනිව මියෙද්දිය හමුවූයේ

මින්මතු මන්පෙත මලින් සදන්නෙමි
ලතැවුල් සෝ ගී නෑසෙන සේ
පමණක් නොව මේ සංසාරේ
උපදින උව මතු සංසාරේ

මතු සංසාරේ මා හුරුබුහුටිව
පෙම් කරනා කල එළැඹෙන දා
කුළුදුල් නැකතින් හමුවන පැතුමන්
පතමුව සසරින් නික්මෙන දා

සංසිදුවා සිතු පහන් කරන්නෙමි
මේ පෙම කුළුදුල් පෙමය සිතා
එන්නෙමි පසුපස සංසාරේ
කැපවෙමි ඔබ සිතු ගැනම සිතා

---------------------

දේවදාර ගස් අතරින් එබී බලස සඳවතියේ
මාත් එක්ක මේ පාරෙන් ආයෙ එන්නෙ නෑ
මින් පස්සේ මං විතරයි ඈ එන්නේ නෑ

පුංචි ළැදැරියක වාගේ මගෙ සුරතේ දැවටීලා
ඒ කාලෙ ඈ ආවා ඔබත් දන්නවා

මියුරුසරින් ඇය මා හා තෙපලූ ඒ ප්‍රාර්ථනා
සුළඟේ පාවී ගිය දා මා තනි වූවා

---------------------

ගඟ අද්දර මා සිහිල් සෙනේ සැනහී
හද සන්තක විය අනුහස් ආසිරි ගී
ඔබ හමුවේ මා මුව ගොලු වූවා

ගඟ අද්දර පෙම් කැඳවුම් රස දැහැනේ
ඉහ ඉද්දර පිපි ප්‍රාර්ථනා සිහිනේ
පිබිඳුණි ආශා ගිණිසිළු සේමා

මල්සර දුනු අර ළමැද හොවාලා ඉරණම් පවස නිවා
සංසුන් වූ තරමින් නොසැලෙනවද බාලේ බැඳි රන්දම්
ඔබ හා ආයේ ආයේ පෑහී තුශාර සුසුම් හොවා
චමත්කාරයේ රන් රේඛා අප සැලෙන හදින් දුටුවා

ගඟ ඉද්දර බිම් තෙපුල් පවන් අතරේ
මනපුෂ්පිත මෘදු සුපුල් සිනා විසිරේ
මා හද රහසේ බැඳුනා පහසේ

ගඟ දිය රැලි ඔබ නාඬන් කිසි දවසේ
ගඟ දිය සුළි මැද උණුසුම් සුව ගැවසේ
ඔබ රුව ඡායා සැඟවේ පායා

මල්සර දුනු අර ළමැද හොවාලා ඉරණම් පවස නිවා
සංසුන් වූ තරමින් නොසැලෙනවද බාලේ බැඳි රන්දම්
ඔබ හා ආයේ ආයේ පෑහී තුශාර සුසුම් හොවා
චමත්කාරයේ රන් රේඛා අප සැලෙන හඳින් දුටුවා

---------------------

පායා සීත රැයේ පාවී නිල් අඹරේ
දිලෙනා තරුවේ තනි වූ තරුවේ
ඈ නෑ මා සෙවනේ

තනි තරුවේ ඔබ විලසින්
තනි වී ඇත මා සසරේ
යළි මේ භවයේ නෑ හමුවන්නේ
ඈ යළි නොයෙනා ඔබේ ලොවේ

මඳපවනේ රැඳි විලසින්
හඬ තාම ඇසේ ඇයගේ
රෑ තනි යහනේ මේ දුක් සිහිනේ
පමණද උරුමය ජීවිතයේ

 

[crazybuddy]

අතැඟිලි බැඳුනේ ඇයි මේ විලසින්
ඔබ හමුවෙන්න කලින්
සෙනෙහස ඔබගේ කෙලෙස විඳින්නද
අන්සතු ළඳකි මං

ඔබ ළඟ ඉන්නට ඔබ දැකගන්නට
මා හට නොමැත වරම්
මිහිපිට මා හට නැහැ වෙන සතුටක්
ඔබ රුව දකින තරම්
සෙනෙහස ඔබගේ කෙලෙස විඳින්නද
අන්සතු ළඳකී මං

සිත සිත ඔබ ගැන හිනැහෙමි ලතැවෙමි
වෙන මා කරමි කුමක්
හමුවුණෙ ඇයි අපි ඇසුරු කරන්නට
එය මා හිතට දුකක්
සෙනෙහස ඔබගේ කෙලෙස විඳින්නද
අන්සතු ළඳකී මං

සිතු පැතු හැම දේ නැහැ ඉටුවන්නේ
ලොව අපි පතන ලෙසින්
මතු එක්වෙනතුරු යළි වෙනවෙමු අපි
ඔබහට ආයුබොවන්
සෙනෙහස ඔබගේ කෙලෙස විඳින්නද
අන්සතු ළඳකී මං

---------------------

මෘදු මුහුණේ සුව ඳැනුණේ
ප්‍රිිය ළඳුනේ මට විතරද
ඔබෙ සුසුමේ සුව දැණුනේ
හිමි සඳුනේ මට විතරද

පුළුලුකුලේ සුව යහනේ
නිදිවැරුවේ මං විතරද
උරතලයේ හිස රන්ඳා
සුව වින්ඳේ මං විතරද

ඉඟ නෙරියේ රැළි බින්ඳේ
ප්‍රිය ළඳුනේ මං විතරද
ඉඟ නෙරියේ රැළි සැඳුවේ
හිමි සඳුනේ මගෙ විතරද

---------------------

හමුවනා නෙත් දහක් අතරින්
ඔබේ දෑසම සොයා ඇවිඳින්
ඔබට මෙත්රම් ළංව ඉන්නේ
නොලැබෙනා බව දැන දැනයි

අයාලේ ගිය හීන අතරේ
ගොඩගසා මහ වේදනා
මමම විතරද පෙම් කරන්නේ
ආත්මය පරදුව තියා

ඔබව හිමිවේ නම්
ඔයා අදහන්නම්
ආදරෙයි මං රත්තරනෙ දැන්
නැතුව ඉන්නට බෑ ඔයා

තෙතමනේ ඇති පපුව ගැඹුරේ
උණනවා පෙම් දිවිතුරා
අද ඉඳන්වත් ඉමුද සෙනෙහෙන්
පුංචි වෙනසක්වත් එපා

ඔබව හිමිවේ නම්
ඔයා අදහන්නම්
ආදරෙයි මං රත්තරනෙ දැන්
නැතුව ඉන්නට බෑ ඔයා

---------------------

අදහන්නත් බෑ ඔබමද මේ පෙර උන්නු එයා
හිමිවෙන්නේ නැහැ කවදාවත් මා පතපු කෙනා ඔයා
රැවටුණා නොවෙයි මෙමා විශ්වාස කලා
විශ්වාසය කඩකෙරුවේ රත්තරනේ ඇයි ඔයා

දෙනෝදාහක් වනද්දී අත් ඔබට විතරක් ළං වෙලා
පිදූ සෙනෙහස මදි වුණාදෝ වෙන හිතක ගියෙ එල්ලිලා
අනේ ඔබ මට ඇත්තටම පෙම්කලා නම්
මේ තරම් මට දුකක් නැහැ එහෙනම්

කඳුළු අතරේ ගැහෙන මතකේ රිඳුම් දෙයි තනිකම් පෙලා
ඔබට විතරක් කල නිසා පෙම් කාත් කවුරුත් නැතිවෙලා
අනේ ඔබ මට ඇත්තටම පෙම් කලා නම්
මේ තරම් මට දුකක් නැහැ එහෙනම්

---------------------

ඔබ මාගෙන් දුරස් වෙලා - මට තනිකම උරුම කලා
ඔබ ගැන මට සිහිවීලා - රෑ තනියෙම ඉකිබින්දා
ආදරයෙන් මා රවටා - මා දෙස නොබලාම ගියා
මේ නෙතඟට කඳුළු තියා - මා තනිකර ඔබ ගියදා

ආදරය කඳුළක් වනබව දැන සිටියෙ නෑ මා කිසිදා
දැන සිටියා නම් මා පෙරදින අහිමිය මේ දුක් දොම්නස් මට
වේදනාව ඇයි මේ තරමට සිනහව අහිමිද මේ මා හට
කියාදුන්නෙ ආලය පෙරදින ඇයි ඔබ වෙනකෙකුගේ තුරළක

ජීවිතය තනිකම සැමදා හිමිනැත සොම්නස් මට කිසිදා
පෙම්කල ඔබ අන්සතු වනදා පතනෙමි ආසිරි දුක් සඟවා
වේදනාව ඇයි මේ තරමට සිනහව අහිමිද මේ මා හට
කියාදුන්නෙ ආලය පෙරදින ඇයි ඔබ වෙනකෙකුගේ තුරළක

---------------------

මඟ බලා හඬන දෙනෙතේ කඳුළැල් ඉහිරිලා ගලන මොහොතේ
නොමැකෙනා මතක අපගේ තවමත් මැවෙනවා දකින සිහිනේ
හදවතේ පෙර වගේ හදගැස්මම ඔබයි අද මගේ
ඇයි ළඳේ ඔබ මගේ හැම හුස්මට පවා පෙම් කලේ

කී කතා පෙරදා මුකුලු කර සිහිවෙලා රහසේ
වේදනා සඟවා තුරුළුකර වැළපුනා අඳුරේ
දාලා යන්නට බෑ ලැබුණු උණුසුම
හැරදමා සමුගෙන යන්න නම් මට
ඇයි මේ තරම් ළං වුණේ

පෑ සිනා පෙඟුණා කඳුළු මැද කුරුටු ගෑ මතකේ
පෑරුණා විඳිනා දුකට හිත කෙඳිරි ගෑ පපුවේ
වාවගන්නට බෑ තාම තනිකම
හීනෙකින්වත් නෑ යන්නෙ කිව් ඔබ
ඇයි මා කෙරෙන් වෙන් වුනේ

---------------------

ආවා සේ ඈ දුර ගියා ආරාධනා ගිලිහුණා
කඳුළේ හීතලේ සුසුමේ රඳවලා
අඳුරේ මා තබා සඳ සේ බැස ගියා
ආවා සේ ඈ දුර ගියා ආරාධනා ගිලිහුණා

එකම මඟක ගියෙ ඒ කාලේ පැතුම් අතුරලා
සඳට කී කතා තනි වේවී හැඟුම් ගොළු වෙලා
ඔබගේ මෘදු ගී රාවේ නැඟ ඒ හද වීනාවේ
රුව නෑ නෙතු මානේ නුඹ නෑ නැවතිලා

---------------------

ඉකිගසා හඬන අතීතයක
කඳුළු එක්ක ගණුදෙණු කරනා
මට මගේ නොවන
මගේම ආදරයක් ආදරයක් තිබුණා

හීනෙන් හිනැහී තුන්යම මා රවටා
මැදියම් මහ රෑ අදටත් හිත ඉඟිලෙනවා
නින්දෙන් ඇහැරී කළුවරේම යලි සොයනා
මට මගේ නොවන මගේම ආදරයක් තිබුණා

රිඳුමක් වාගේ කිසිදා සුව නොවෙනා
සුසුමින් විතරක් නිරතුරුවම පිරිමඳිනා
උහුලණු බැරි තැන උණු කඳුළුම වඟුරවනා
මට මගේ නොවන මගේම ආදරයක් තිබුණා
​

 

[crazybuddy]

He takes you out and he takes you up
'cause he can show you so much
I go to bed and tomorrow again
there's a lot of work to be done

He gives you gold and he'll promise you
the whole world will be yours
I just can tell you I love you so
even though my odds are low

I'm not an actor I'm not a star
and I don't even have my own car
But I'm hoping so much you'll stay
that you will love me anyway

The dirty games and the neonshows
this is the world he knows
Watching the stars satisfies my soul
thinking of him makes me feel so cold

The fancy cars and the restaurants
you're just so fond of the man
Sometimes I wonder if you are blind
can't you see, he's got dirt on his mind

 

[crazybuddy]

කඳුළු වැස්සක් වෙලා මතක ගංඟාවකින්
දෝර ගැලුවාද සුදු නංගියේ
පිපුණු මල් යායකින් එකම සුවඳක් සොයා
මසිත හැඬුවාද මෙතරම් නගේ

සඳට සැඟවී හොරෙන් ඈත අහසේ පුරා
දිළෙන තරුවත් නුඹයි මා සිතේ
නෙතට දුර ඈතකින් ආයෙ හිනැහී ඇවිත්
මසිත සනසන්න මනමාළියේ

ඈත දුර ඈතකින් හමන සුළඟේ පවා
පිපුණු මල් සුවඳ සඟවා තියා
කඳුළු දෝතින් දරා මලට ලෙංගතු වෙලා
සැඟව ඉන්නම් නුඹේ මතකයෙන්

---------------------

සුවඳ මලක සුවඳ පොඳක් වෙන්න බැරිව ලතැවී
සුවඳ දුන්නු නුඹේ සිතට ගින්දර දී ලතැවී
දැවෙන නුඹේ සිත්මල ළඟ සිනා සිසී රඟ දී
අහිමිව ගිය නුඹ ගැන දුක දැනුණා සුදු නංගී

ආදරේට ළං වී නුඹ මට ඔවදන් දුන්නා
නුඹේ බහට අවනත නොවු මා ගැන නුඹ තැවුණා
නුඹේ සිතට දුක උපදින හීන හිතින් මැව්වා
නුඹට දුන්නු දුක ඇවිඳින් මා වටකර දැවුණා

ප්‍රාර්ථනා හීන මවා නුඹ කඳුළැලි බීවා
සමාවෙන්න කියන්න බැරි තරමට දුක දුන්නා
ඒත් නුඹේ හදපතුලින් සමාව මට දුන්නා
සුදු නංගී මගේ වෙන්න පින් කලාද මන්දා

 

[crazybuddy]

දෙගුරුන් කඳුළැල් සලනා හැම දවසකම
මිනිහෙක් වෙන්නට සිතුවා හැම මොහොතකම
මගේ ලෝකෙ මම තනිවුණු බව දැනුණාම
මටත් හොරෙන් මගේ ලෝකෙ ගියා අඳුරට

මගේ ලෝකෙ මම විඳිනා මදුවිත සතුට
දෙගුරුන් දුක් වින්ඳා කඳුළැල් සලාගෙන
මිනිසුන් මා දෙස බැලුවේ අමුතු විදියට
තනියමවත් නැඟිටින්නට බැරිවෙලා මට

මා තනිවූ මේ ලෝකෙන් බේරගන්නට
බැරි වුණාට මා බිහිකල අම්මේ ඔබට
ඔබ සලනා දුක් කඳුළැලි මැදින් මම අද
පතනවා මතු භවයෙදි හොඳ පුතෙක් වෙන්නට

---------------------

දුටුව දා පටන් ගුරුසිත නොරිදා ඉන්න
සිතුව දියණියේ නුඹෙ ඇස් කඳුළින් මොකද
පොත් මිටියට හිස නමාන අඬන්නෙ ඇයිද
සියළුදෙනා පාසල නිමවෙලා ගොස් ඇත

හැමදාමත් පාසල වෙන හිනැහිලා උදේ
එනමඟ බලමින් ඉන්නේ ගුරුතුමා ඔබේ
නොහිතන පැත්තකින් දකින දියණිය මාගේ
පෙම්වතා නොවෙයි මම ගුරුතුමයි පන්තියේ

ශිල්ප සතර කියාදෙන්න ආවෙ සතුටකින්
සැඟව යන්න වෙනවා දරුවනේ නුඹලගෙන්
නොලැබෙන දේ පතනා දියණියක් ඇත දුකින්
කිළිටි නොකර මගෙ ගුරුසිත යනවා මං අරන්

---------------------

අකුරු කරනවද මගෙ දුව පාඩම් පොත අතේ තියාන
සිතින් දකිනවද මගෙ දුව හිත අරගෙන ගිය කුමාරාන
පාඩම් පොත අතේ තියාන සිතින් දකිනවද කුමාරාන

වදෙන් පොරෙන් නුඹ සිරකර කූඩුවෙ දොර අපි මුරදාන
සිතින් දුවන නුඹ අල්ලා නවතාගෙන ඉන්නද කොහොම
කූඩුවෙ දොර අපි මුරදාන නවතාගෙන ඉන්නද කොහොම

සිතෙන් සිතට තහංචි නෑ නුඹ ලෝකය දැනගත්තාම
අකල් පෙමින් තැවුල් සදා නුඹ එයි ගෙට කඳුළු පුරෝන
තහංචි නෑ දුව හැමදාම නුඹ ලෝකය දැනගත්තාම

---------------------

මිරිවැඩි නැතුවට මඩ ගැවුණු පය මට හැඩ හින්දයි මං පැතුවේ
ඩෙස් බංකුවෙ නම් එකට කොටා අපි එක පන්තියෙ හිදිමින් හැඬුවේ
මිරිඟුව දැක්කද හිතන්න බෑ මට සතුටින් අද නුඹ සරසවියේ
එදා වගේ මං ඉණිවැට අද්දර තාම බලනවා නෑ දුටුවේ

අපිට හොරා ඇස් එකට බලා සතුටින් හිටියත් ඒ කාලේ
කමත ගොඩේ නිල් මානෙල් වල හැඩ බලන් හිටියා අපි හැමවාරේ
තිත්ත පැටව් දන් කහට කොටන්නට රෑණේ එන හැටි තරු වාගේ
අද මම තනියම දොළ ඉවුරේ හැඩ දැන් නෑ මුළු ගම්මානේ

සිදාදියට නොභියව පියමැන්නේ දකින්න නුඹෙ රුව මුවාවෙලා
වත්තෙ කෝවිලට රතු පටි මදි මට භාර බැඳලා නුඹ දෙන්න සොයා
නිල් මල් ඉහිරුනු අරන් දුන්නු මං කුඩේ දැක්ක විට ඈත තියා
ලස්සන කුමරෙකු අතිනත අල්ලන්, මම යන්නම් නුඹෙ සතුට නිසා

---------------------

වෙරළු ගෙඩි පැහෙන කාලේ නුඹ බැන්ඳ ආලේ
පුන්සඳ වගේ බැබලුනා
රට දෙල් වැටෙන කාලේ දුක දීලා ආයේ
මගෙ ලෝකෙ කළුවර වුණා

මාදූවෙ ගං ඉවුර ඇයි බොරවෙලා
නුඹෙ පය නැතුව හැඩපාර දුක්බර වෙලා
ගඟ අයිනෙ අපි දෙන්නා කරමින් කතා
මැව් හීන උහුලන්න බැරි දැන් තමා

වැලි කූඩ ගොඩ දැම්මෙ නුඹ ගැන හිතා
දුක් වින්ඳෙ සතුටින් නෙ නුඹ මගෙ නිසා
හැමදාම කෙම්මුරට දෙවියන් පුදා
ඉල්ලන්නෙ නුඹ දෙන්න මං තනිවුණා

---------------------

එක් වී නම් රිඳවන්න එපා
රිඳවූවත් හැර යන්න එපා
ආදරේ නම් හඬවන්න එපා
හැඬවූවත් ඔබෙ ආදරෙ අඩුකරලන්න එපා

ඔබ මැව් හීනේ අද මා තනි වී යාදෝ
ඔබ නාවොත් මා මැව් හීනේ බොඳවී යාදෝ
ඔබ නැති ලෝකේ මට සැනසී ඉන්නට හැකිදෝ
එක්වූයේ අප මේ ලෙස වෙන් වී යන්නටදෝ
ඔබෙ ජීවිතේ මගෙ නම් ඇයි විරහ සරඳම්

හීනෙන්වත් ඔබහට වරදක් මා නොකලෙම්දෝ
යළි මාගේ ජීවිතයට ඔබ පැමිණේවීදෝ
හිරු බැසයන මේ ඝණ අඳුරේ මා තනිවේදෝ
ඔබගේ ආදරෙ අද බැසයන හිරු වාගේදෝ
ඔබෙ ජීවිතේ මගෙ නම් ඇයි විරහ සරඳම්

---------------------

වන්දනා කලත් සංසාරෙම අපි ආදරයෙන්
නෙලාගන්න බැරි තරමට පිපුණෙ ඇයි දුරින්
පූජා කෙරුවෙමි සෙනෙහස සංසාරෙම ඔබේ නමින්
මගෙ ආත්මය ඔබ ළඟමයි ඔබ අරන් ගිහින්

ඔබ දුන්නු සිහින අරගෙන සිත දුරක ගිය තරම්
මට කියා දෙන්න සිතට රිඳුම් ඇයිද මේ තරම්
නුඹ හින්දා කඳුළු වලින් නෙත තෙමෙන තරම්
හැමදාකම මගෙ ඇස්දෙක නුඹ සොයන තරම්

නෙතු මඟහැරලා යනකොට මට දැනුණු දුක තරම්
රිඳවන්නට නම් එපා තවත් හිතක් මේ තරම්
නුඹ නොදැක ගෙවන හැම මොහොතම දුක් විඳින තරම්
යළිත් එන්න මගෙ ඇස්දෙක මඟ බලන තරම්

 

[rcccc]

නිම් තෙරක් නොදුටු මේ ලෝකයේ...

නිම් තෙරක් නොදුටු මේ ලෝකයේ
රුදු සපුන් නිබඳ සරනා බිමේ
ඔබේ සිනා වත මගේ නවාතැන
අරුණු විහිදුවාවී ජීවිතයේ

රැල් නගා ගලන ගංගා දියේ
මං වසා දමනු හැකිදෝ කෙසේ
සොයා සයුරු දිය හඹා ඇවිත් ගඟ
සදා සැඟව යාවී සාගරයේ

සිල් බිඳී මුවන් කැලඹූ වනේ
බිම නොලා නෙලූ පල මාවතේ
සදා ඔබේ ගිම් බෙදාගනිම් මම්
තැවුල් සැඟව යාවී මාරුතයේ

-සුනිල් එදිරිසිංහ-

 

[^Buddhika^]

සිහිනෙන් සිහිනෙට ඔබ එනවා
මොනවාද හිමිහිට මුමුණනවා
හදවත රිදුමද නවතිනවා
මොහොතින් යළි නොපෙනී යනවා..

බඳ වට සුදු ඔසරිය ඇඳලා
මල් පොකුරක් ඔබෙ අත තබලා
ලඟදිම මනමාලිය කරලා
ගෙනයන්නෙමි ඔබ මගෙ කියලා

මී අඹ වනයේ ගී හඬ පතුරා
කාවද අමතන්නේ.....
ලස්සන මුහුණට ඇස්වහ දෙන්නද
ඔය හැටි හිනැහෙන්නේ.....
මිහිබට දෙවඟන ඇවිදින තාලෙට
කොහොමද ඇවිදින්නේ.....
ලා නිල් පාටට දිලිසෙන හින්දාද
ඇස් දෙක නලවන්නේ....

 

[prageeth119lk]

මං මුලාවී පාර හොයාගෙන
හසරක් අසමින් යන ගමනේ
මං මුලාවූ සමනළියකගෙනි
පාර අසා තිබුනේ...

... ඇයත් නොදන්නිය ඇය යන මානය
උන්හිටි තැන් මතකයේ අඩමානය
පාර කියන්නේ කෙලෙසද මා හට
ඇයටද පාරක් ඇති නැති ගානය

අප හමුවූයේ මන්දැයි නොදනිමි
පාර ඇසූයේ ඇයිදැයි නොකියමි
අපේ ගමන අද නවතනු හැකිනම්
අප යන ගමනද අද මෙතැනින් නිමි

කපුගේ මහත්තයගෙ

 

[C h o p p e]

රවටා ගියාට රහසේ
සතුටින් හිඳින්න දිවියේ
නැතිවත් ඔයාගේ සෙනෙහේ
ඔබමයි පතන්නේ සසරේ
හමුවන්න බෑ කිසිදා යලී
ඔබ දන්නේ නෑ හඬනා හැටී
හඬනා හැටී...

ඔයා මගෙන් වෙන් වෙලා හරියටම අවුරුද්දක් වෙන්න ආවා.... ඒත් මම එතනමයි.. ඔයාව අමතක කරන්න මට පුළුවන්කමක් තිබුනා නම් මම අද මේ වගේ ලියන්නේ නෑ... ඔයා කාත් එක්ක හරි ජීවිතේ සතුටෙන් ඉන්නවා නම් එච්චරයි... ඒ කෙනා මට වෙන්න බැරි උන එකයි මට දුක.... ඒ දුක හැමදාටම තියේවි.... I miss u S****
​

 

[prageeth119lk]

ඔයා මගෙන් වෙන් වෙලා හරියටම අවුරුද්දක් වෙන්න ආවා.... ඒත් මම එතනමයි.. ඔයාව අමතක කරන්න මට පුළුවන්කමක් තිබුනා නම් මම අද මේ වගේ ලියන්නේ නෑ... ඔයා කාත් එක්ක හරි ජීවිතේ සතුටෙන් ඉන්නවා නම් එච්චරයි... ඒ කෙනා මට වෙන්න බැරි උන එකයි මට දුක.... ඒ දුක හැමදාටම තියේවි.... I miss u S****
​

උන්මාදනියේ වෙන්වී යන පිටුපාලා
සංවේගය ඉවසමි මම කඳුළු හලාලා
ඔබගෙන් තව පැල්පතකට එළිය ගෙනේවා
මට දුන් දුක වෙන හදවතකට නොදැනේවා

ඔබේ දෙනෙත් අභියස එක රුවක් මැවේවා
ඉබේ සැලෙන සිත මින්පසු වෙනස් නොවේවා
අගේට දිවි කුසලානයෙ මිහිර පිරේවා
මගේ දුකත් ඔබෙ සන්තෝසයට හැරේවා

අව්වෙහි ඇති සැඩ රැස් මාලා අඩුවේවා
ගව්වෙන් ගව්වට සුවිසල් මැදුරු මැවේවා
දුක දොම්නස බාධක කම්කටොලු දැවේවා
සිහිනෙන්වත් පීඩාවක් ඔබට නොවේවා

 

[crazybuddy]

කඳුළක් වැටේ නම් පිසලන්න ආයේ
ඔබ හමුවන්නේ කවදද ආයේ
සිතේ රැඳෙන්නේ ඔබගේම රුවමයි
හසරැල් දිනූ ලොව එක්තැන් වෙලා

අප හමුවුණු ඒ ගහකොළ කොතැනේ
සිත රිඳවන්න මෙසේ
ආදර ලොවකට කොතැනද මායිම
වෙන්වුනු හිත්වල මතක ලොවේ
එක්වන්නට බැරි නම්

සිත සිහිනයකී නෙත එක රැයකී
යලි සසඳන්න බැරී
පාළුව තනිකම විඳගත හැකි නම්
ළං වුන වුන් දුර ගියද ලොවේ
එක්වන්නට බැරි නම්

 

[crazybuddy]

නෙතින් නෙත බලාලා සිතේ දුක නිවා
අදින් පසු මියේ වී අපේ ඒ කතා
රකින්නට සෙනේහේ හඬන්නට එපා
නිමාවක් නොවේ මේ ඇරඹුමක් නිසා

ඈත් බව දැනීලා ඔබේ හා මගේ
දුරක් ආ නිසා පෙම් දුකත් මේ වගේ
මහා සාගරේ සේ තිබුණත් හිතේ
කුමට හිමිවුණාදෝ අහිමි ආදරේ

පතන්නට පවා මා වරම් අහිමි වූ
හැඟීමක් රිඳුම් දේ හෙටට උරුම වූ
දිනන්නට කිසිත් නෑ ලොවේ මින් මතූ
මගෙන් ඔබ ඈත් වී ගියා ඉන් පසූ

 

[crazybuddy]

ආදරය සුන්දර වරදකී
කිසිදා සමාවක් නම් නැතී
මට පෙන්නලා ආලේ හැටී
උඹ දුන්නු දුක හොඳටම ඇතී

ඉඳුවර නුවන් දෑලේ වැටී පෑහී
දැහැනේ වෙලී උන්මාද වූයේ මා
වෙනකෙකු දිහා බැලුමට යලිත්
මට නෙත් නැතැයි කෙඳිරුවේ කවුරුන්දෝ

පුළුරැලු තලා වීනා බඳේ දැවටී
රතැඟිලි බැඳී නිම්නාදයේ අනුරා
හද ස්වර තලා කම්පිත වෙවී
මට මා පවා නැති කලේ කවුරුන්දෝ

----------------

අතීතය සිහිනයක් පමණයි
හැබෑ සුවඳක් නෑ
එදා සෙනෙහෙන් නොබැඳුනා නම්
මෙදා වියොවක් නෑ

තැනූ මන්දිර බිඳී වැටුණත්
නෙතේ කඳුළක් නෑ
සිනහ වෙන්නට වරම් නොලදත්
හිතේ කිළුටක් නෑ

සොබාදහමට නොවන අවනත
ලොවේ කිසිවක් නෑ
ඔබේ පැරදුම මිසක කිසිදා
ලැබූ දිනුමක් නෑ

----------------

ඇසට අසුවන මායිමේ
බඹර සැනකෙළි මල් විලේ
ලසෝ ලැව්ගිණි ඇව්ලුනා සිත
ඔබ මගෙන් වෙන් වූ දිනේ

සියපතක් මත විසුල පිණිකැට
සැඬ සුලං වැද සරසරින් හෙත
මගෙන් රිඳවුම් දෙව්නු මොහොතක
ඔබේ වත මට නැගෙයි සිහියට

සතර අතකිපි විහිද විකසිත
මලේ මල් මී මමන යුරුදැක
ඔබේ ලවනත සැදුන මීවිත
මත් කලා මතකයි මගේ සිත

----------------

නෙතට උළෙලක් විය එදා ඔබ
කඳුළු බිඳුවක් විය මෙදා
මේ තරම් හිත පාරවන්නේ
මගෙන් වරදක් වුණිද මන්දා

ඔබෙන් තොරවූ ලෝකයක් ගැන
හිතන්නටවත් නොහැකි හින්දා
ඔබේ සිත වෙන අතක රන්දා
එපා දුක ගෙන එන්න කැන්දා

ඔබේ රුව රසඳුනක් වූවට
කමක් නෑ මට තවත් ඇසකට
නමුදු ඒ රුව තවත් කෙනෙකුට
අයිති වෙනු බෑ දරාගන්නට

----------------

ඔබ දන්නවා එක කඳුළු බිඳක්
හිත යටට වෙලා දුක් විඳින තරම්
ඒ කඳුළ වුනත් නෙතු අඟට ඇවිත්
යළි ඔබේ පයට පෑගෙනවා නම්

එක මලක් තනන්නට රුවට රුවින්
ගහ වැළ දුක් ගින්දර විඳින තරම්
ඒ පිපෙන මලක් කළු දෙඹරු ඇවිත්
විෂ තුඩින් පෙලා රිඳවනවා නම්

දස මසට වඩා පුරනා පෙරුමන්
ලොව හදන වඬන මව්වරුනි උතුම්
මට කියාදෙන්න ලොව ඇතිද ඉතින්
වෙන අරුතක් මේ ජීවිතය තරම්

----------------

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලාගිය කඳුළක දියවී
ප්‍රථම ප්‍රේමයයි බොඳව ගියේ

ඔහුට පුඳන්නට පූජාසනයේ
නොකිළිටි මල් පිපුණිද ළඳුනේ
පෙති ගිලිහී ගිය පරසතු කුසුමක
සුවඳ කොහේ කොතැනඳ රැඳුනේ

ආ මඟ වැරදියි ඔහුද ඔබද මා
දෛවයෙ තුන්මංසල හමුවේ
බලා හිඳිනු මිස හඬා වැටෙන්නට
කඳුළක් නෑ දෙනුවන පිපුණේ

----------------

පින්සර ඔබ හැර පිළිබඳ සිතුවිලි
වෙනතක දළුලාදෝ
ඔබ ගැන මා ගැන මතකය අමතක
කරන්න පුළුවන්දෝ

සිහිනෙන් ගෑ මෘදු සුවදක් වාගෙයි
මිහිරි අතීතය හැඟුනේ
ඔබට මේ තරම් මා පෙම් කළ බව
වෙන් වනතුරු නෑ දැනුනේ

ජලයෙ මාලුවන් කොපමණ හිටියත්
කොහොමද නාඬා ඉන්නේ
ඔබ මිස වෙන අය නොපැතූ හින්දයි
මේ හැටි හිත පෑරෙන්නේ

----------------

පිවිතුරුය පළමු පෙම
බිහිසුණුය බිඳුණු දින
ලෙංගතුය සුවඳ ඔබ සුදු හාමිනේ
තනිකඬය තවම මම

වස්සාන කාලයක හිත දවා
අකුනුසැර නෙත් කෙවෙනි බොඳ කලා
මල් යාය බඹර ගී හඬ තලා
කැකුළු පෙම මල් නටුව හැරගියා

කප්තුරට යදම් බැඳි තටු සලා
සක්මනට නුහුරු සිත තනි කලා
අවරගිර තරු වැටෙන් ගිලිහිලා
සුභ නැකත රන් හුයට පැටලුනා

----------------

රෝස තොල් සිඹිමි තොල් මත කඳුළු බිඳු රැඳෙයි
ඔබ ආදරේ කියාදුන්නෙත් ඒ වගේ තමයි
මේ රැයයි සඳයි හරියට ඒ ඔබයි මමයි
හීනයක් වගේ මගෙ හිත පාරවයි රිදෙයි

පිච්ච මල් පිපී යහනේ සුවඳ මා දවයි
එක්ව කී කතා දෙසවන දෝංකාර දෙයි
ඔබ උන්නු තැන හදේ තවමත් හරිම උණුසුමයි
ඉවසන්න බැරි තවම ඔබගේ වෙන්ව යෑමමයි

අඳුර ඉකිගසයි සුසුමින් තරු නිවා දමයි
සොඳුර නුඹ ළඟින් නැතිවත් හිතට උණුසුමයි
කඳුළු බිඳු නැගී ඉඳහිට නෙතට අත වනයි
සිනාසෙමි නමුත් මේ උණු කඳුළු මගෙ නොවෙයි

----------------

සුළඟ නුඹ වගේ සිත් මල වටා එතෙයි
මල් සුවඳ හොර හොරෙන් යන්නටම හදයි
වැස්ස නුඹ වගේ සිත් මලට ඇදවැටෙයි
මලේ පාට නොසේදීම පුදුමයක් තමයි

සිත හැඳිනුවෙන් නුඹයි
පසුපසම එළව එළවාවිත්
සැනසුවෙත් නුඹයි
නුඹ මගේ හිත අරන් ගියා
පුදුමයක් නොවෙයි

සිත තනි කලෙත් නුඹයි
මගේ හිතේ සියුම් තැන් සොය සොය
රිඳෙව්වෙත් නුඹයි
ඒත් නුඹෙන් සිත නොමිදෙයි
පුදුමයක් තමයි

 

[crazybuddy]

සඳ අහිංසකයි හිතට පෙම්බර
මට එහෙම හිතුනෙ හුඟක් ඉස්සර
අද මගේ ලෝකෙ රැඳුනත් අඳුර
මට ආයෙ එපා සෙනෙහෙ ගින්දර

මුළු සංසාරෙම පැතුව ඔය හිත
මගෙ දිවිය ලෙසින් රැකපු සෙනෙහස
අද වංක වුනා අහිංසක මට
ශාපයක් වෙමින් සෙනෙහෙ නාමෙට

ගීතයක් වුණා පාරවන හිත
මිරිඟුවක් වගේ ඔබේ සෙනෙහස
යලි පතන්නෙ නෑ තනිවේවි ලොව
මම හඬන්නෙ නෑ ආයෙ සදහට

----------------

ආදරය නමින් හිත පුරණ පෙරුම්
ඔබ දන්නවා නම් පෙම් හිතක තරම්
හැරයාද ඉතිං යළි නොඑන සිතින්
ආදරයක ගින්දර විඳ ඇති නම්

ඔබ යන්න ගියත් නොගියාම වගෙයි
දුක් කඳුළු සුසුම් ගෙන නොගියෙ කිමැයි
ඔබ නමින් ඇවිලෙනා සිත මාගෙයි
මේ හෙළන සුසුම් ඔබගේම තමයි

ඔබ අයිති වුණත් ආදරය නමින්
සංසාරෙ පුරාවට ඔබ ඔබගෙයි
ඔබ නමින් රතු වෙනා දෑස මගෙයි
සැනසෙන්න හෙළන මේ කඳුළු ඔබෙයි

----------------

තහනම් ගෙයි මලකින් මල් සුවඳ ගත්තට
සමාවෙන්න නොසිතා සිදුවෙච්ච වරදට
ආදරයට ශාප නොදී දවස තිස්සෙම
සමාවෙන්න මට ඒ පව නිවාගන්නට

එකම වරද මගෙන් වෙච්ච මතක් කර කර
හදවත රිඳවන්න එපා ඉතින් තව තව
කඳුළු පොකුරු මල් රඳවා නුවන් දොරකඩ
උහුලන්නට බැරි දඬුවම් එපා මෙච්චර

නිදියහනේ ඈතින් වේදනා විඳ විඳ
හිටියා ඇති අමනාපව සොඳුර අඬ අඬ
සමාවෙලා වරදට දරුවන්ගෙ නාමෙට
පමා නොවී හිනාවෙන්න හදාගෙන හිත

 

[rcccc]

ආදරේ කටු සටහන් අපේ...

ආදරේ කටු සටහන් අපේ
ඉතිරිවී තියෙනවනම් හිතේ
ආයෙමත්..ආයෙමත්..ආයෙමත්...
වෙමු අපි අපේ...

පාළු කෙත්වල පියමන්
කරපු අපි පිය සටහන්
මතකේ ඔබෙ තියනවානම්
හමුවෙලා වෙන් නොවන ලෙස
ආයෙ කරමුද අපි පෙම්...

හදවතේ තව ඉඩ ඇත්නම්
වෙන කෙනෙක්හෙම ලඟ නැත්නම්
පෙම් වලට පා විස්කම්
පෙර වගේ එක්වෙලා
කරමු අපෙ පෙම් ගෙත්තම්...

-නලින්ද රණසිංහ-

 

[crazybuddy]

වැව් කන්ඩියේ මදපවනේ සුවඳ දිදී
සුපිපී දිලෙනවා නා මල ඔබට ලැදී
නෙලාගන්න හැදුවත් අපි ඈත වැඩී
සුවඳ දිදී ඉන්නම් මම ඔබට බැඳී

හිරු නෙත් විහිදලා ඔරවයි දවල් පැයේ
සඳ රැස් විහිදලා අයැදියි සෙනෙහෙ මගේ
කාටත් නොදුන් සෙනෙහස ඔබ නමට බැඳී
නාමල ඔබෙයි ඔබ මගෙයි රත්තරනේ

පොළොවත් නුහුලනා දුක් ගිනි දෙන්න එපා
අහස් තරම් දුර ඈතට යන්න එපා
කුසුමක් ළඟට විෂ කටුවක් වන්න එපා
කඳුළක් තරම් ඔබ වියොවක් දෙන්න එපා
​

 

[crazybuddy]

දුර රටක තනිවෙලා
එහි කලක් ගෙවාලා
ආවේ නැව් නැඟලා
රට කාසිය සොයලා
ආවෙ දහදුක විඳලා
අම්මව බලන්න කියලා
අද වගේ නෑ එදා
මට මතකයි අම්මා
අපි කෑවද බිව්වද මන්දා
කවුරුත් සොයා බලාලා
නෑ මගෙ දුක සැප අහලා
මට හිටියෙ ඔයා විතරයි අම්මා

අතේ සතේ නැතත් මගේ
පුතේ කියයි අම්මා මගේ

අපිට සල්ලි තියෙනකන්
යාලුවො නම් ඕන තරන්
හැබැයි ඒ සේරම අපිට තියෙනකන්
නැති බැරිකම ආපු ගමන්
යාලුවො කෝ දාලා ගිහින්
එදාට දැනෙයි කරපු මෝඩකන්
ඒ වගෙද මව්පියන්
අතහැර යයිද ඉන්නකන්
ඒ තමා අපිට පෙනෙනා දෙවියන්
නැතිදා අතහැර නොයමින්
යළි නැඟිටින්න අත දෙමින්
එයාලා ඉඳියි අපේ සෙවනැල්ල ලෙසින්

 

[crazybuddy]

නැතිදාට වුණත් නෑ වෙනසක් ළඟින් ඉන්නවා
හැමදාම අපේ සතුටම පතමින් පසුවෙනවා
සිතුවාද ටිකක් මේ ගැන විමසුවොත් වටිනවා
දුකට සැපට අපි ළඟ තුන්දෙනෙක් ඉන්නවා

අපි ඉපදුණු දා පටන්ම දහ දුකක් විඳිනවා
කුසේ තියෙන දේ හරි දීලා සනසනවා
පොඩි ලෙඩක් දුකක් හැදුනම ඒ ගැන දුක් වෙනවා
මුලු දිවා රැයේ ඇය තුරුලේ උණුසුම දෙනවා
අපි හින්දම ඇයහට නිවනක් නැතිවෙනවා
නිවන් ගියත් අම්මා අප ළඟම ඉන්නවා

අපි වරදක් කෙරුවම බත්පත තහනම් කරලා
දැඩි නීති රීති දමලා ගුණදම් ඉගැන්නුවා
අපෙ අනාගතේ ගැන හිතලම නුඹ වැඩ කෙරුවා
කිසි කෙනෙකුට අතපාන්න නෑ ඉඩ තියලා
මගෙ දරුවනේ කියා දෑතින් අප තුරුළු කලා
තාත්තාගෙ රැකවරණය ඇත දිවිය පුරා

හරි හම්බකරපු දේ පිරිමැස්මෙන් සුරකිනවා
මදිපාඩු වෙතත් ඇය ඉවසන් දරාගන්නවා
මුළු නිවසට සිරිතක දෙව්දුව කැන්දන් එනවා
ඇගෙ සිනහවකට දුක් දොම්නස් සැම කැපවෙනවා
දෙවනි වරට ඇයගෙන් අපි යළි උපදිනවා
මුළු සසර පුරා සොඳුරිය අප ලඟින් ඉන්නවා