පද පේළී - EK LYRICS THREAD PART 2

[Hora_Nariya]

මල් මාලතී ලතා
අඳුරේ මිලාන වී
මේ පාළු රාත්‍රියේ
නොපිපී බලා හිඳී
මල් මාලතී ලතා...

හැඬූ සිතේ විඩා නිවා ඇදේ මාරුතේ
හැපී බිඳෙන ප්‍රේමයේ
සෝ සුසුම් ලෙසේ...
කිසිදාක නොමැත ආදරේට ලැබී ආදරේ

ගැලූ සිනා ගඟේ ගිලී ගියෙද ආදරේ
හඬා වැට් ප්‍රාර්ථනා
පෙම් උයන් තෙරේ...
කවදාක සුවඳ යළි දැනේද නැවුම් ස්නේහයේ

ගායනය - විශාරද එඩ්වඩ් ජයකොඩි

 

[Hora_Nariya]

රෑ තාරකාවෝ බැලුවා එබී
කිමදෝ නුවන් ඔබගේ කඳුළින් පෙඟී
ඊයේ දවාලේ අපගේ ලොවේ
ආශා ගඟුල් යා වුණා....

කඳුලැල් සලාලා නොහඬන් ළඳේ
මමමයි කෙදා හෝ ඔය දෑත ගන්නේ
ආශා විශාලයි ඉවසීම හීනයි
දෙදෙනා කෙනෙක් වී බැඳුණා සිතේ...

හඳුණන්නෙදෝ ඔබ මාගේ සෙනේ
ඉවසන්නෙදෝ ඔබ ඊයේ වගේ
හදවත කොණේ මා කඳුලක් තියෙනවා
කිසිදාක නොසිතූ නොපැතූ ලෙසේ...

ගායනය - ක්ලැරන්ස් විජේවර්ධන

 

[lankanatha]

මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව

සමනලිය නෙත ලැගුම් ගෙන හුන්
නුඹව පළවා හැරිය දා මං
උන්හිටිය තැන් අහිමි වීමෙන්
මවෙත වෙර බැඳ පිටව ගිය නුඹ
කඳුළු බිංදුව

මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව

නිදැල්ලේ ඔහෙ ඉගිල ගිය ඇය
මගේ විජිතෙන් වහන් වුණු සඳ
කොහේදෝ හිඳ ජීවතුන් මැද
මවෙත පෙම් බැඳ පැමිණි සකි සඳ
කඳුළු බිංදුව

මටම පෙම් කර
නෙතග නිවසන
සදා නොසිඳෙන
සුනිල උල්පත
කඳුළු බිංදුව

 

[lankanatha]

සඳ ඕනා
නුරා තොල් පෙති ඇති සීතල සඳ ඕනා
හිත ඕනා
උරා මල් පෙති ඇති රූ හිත මට ඕනා

අර පේනා ඈතින් පායා අරුමෝසම් පෑ නිල් සඳ ඕනා
ඈතින් පේනා අහසේ පායා අරුමෝසම් පෑ

මාෂා සොයා තාමත් නොයා
බලා හිඳී මේ දෙනෙත් විදාලා

දේදුන්නේ නෑ සායම් ගෑ මායම් නෑ
තාමත් කාගෙද නෑ
ඒ මුහුණේ ගෑ වත්සුණු නෑ තවරා නෑ
කිඳුරන් වාගෙම නෑ

නවතාලා හිත විමසාලා තරු ඉඟි පානා ඈ මට ඕනා
ඈ නවතාලා තරු ඉඟි පාලා හිත විමසාලා

ඈ නේනා රෑ ඕනා නෑ
තාමත් ඈ දුර නෑ
ආකාසේ රෑ තහනම් නෑ අහුරන්නෑ
තාමත් ඈ ළඟ නෑ

කොඳුරාලා රහසින් කීවා තව ලං වීලා සිප ගන්නෝනා
ඈ කොදුරාලා රහසින් කීවා තව ලං වීලා

මාෂා
වෙනදා මෙන් රතු තොල් පෙති දැනුනේ නෑ
සැලුනේ නෑ
වෙනදා මෙන් ඔය නෙතඟන සැලුනේ නෑ

අහසේ නෑ ක්ෂිතිජ ඉමේ නෑ නෙත් මානේ නෑ ආයෙත් එන්නෑ
රෑ අහසේ නෑ ක්ෂිතිජ ඉමේ නෑ නෙත් මානේ නෑ

මාෂා සොයා සියොතුන් පවා
ඔහේ ගියා පියාපත් විදාලා

 

[Hora_Nariya]

ඇසුවේද කවුරුන් හෝ ඔබෙන්
හැඬුවේ ඇයිද ප්‍රේමේ නමින්
විමසා නැතිද කිසිදා ඔබත්
කඳුළින් තුරන් වූ ප්‍රේමයක්

සතුටේ උපත කඳුළයි සදා
හද වේදනා දෝතින් ගෙනා
පවනේ සිසිල සුසුමයි සිතේ
පෙම් ප්‍රාර්ථනා බිඳ දා ගෙනා

පිපි මල් මතින් පියමං කලෝ
දිනුවේද කවදා ප්‍රේමයෙන්
විඳි වේදනා සතුටින් දරා
පැරදී ගියේ කවුදෝ එයින්

ගායනය - සුනිල් එදිරිසිංහ

 

[Hora_Nariya]

අඩවන් දෑසින් පවසනු රහසින්
ජීවිතයේ රස මේ යැයි විගසින්

පමා වෙවී හිඳිනට නැත වේලා
කාලය ඉගිලී යයි - ඉගිලී යයි
සුපුල් දෙතොල් රත් පැහැයෙන් තවරා
මී විත උතුරා යයි උතුරා...

අවුල් දුහුල් වල සිහිල් පහස් මැද
රඟනා රංගන නොනවත්වනු මැන
ඒ ගී හඬ මුළු ජීවිතයම සතු
රස බර සුළු මොහොතයි - සුළු මොහොතයි
රෑ සිහිනෙන් දිව ගෑ සැපතක් සේ
හෙට දින එය මිය යයි - මිය යයි...

ගායනය - ආචාර්ය වික්ටර් රත්නායක

 

[shaminda peiris]

නෙතින් නෙත බලාලා සිතේ දුක නිවා
අදින් පසු මියේවී අපේ ඒ කතා
රකින්නට සෙනේහේ හඬන්නට එපා
නිමාවක්‌ නොවේ මේ ඇරඹුමක්‌ නිසා

ඈත් බව දැනීලා ඔබේ හා මගේ
දුරක්‌ ආ නිසා දැන් දුකක්‌ මේ වගේ //
මහා සාගරේ සේ තිබුණත් හිතේ
කුමට හිමි වුණාදොa අහිමි ආදරේ

රකින්නට සෙනේහේ හඬන්නට එපා
නිමාවක්‌ නොවේ මේ ඇරඹුමක්‌ නිසා

පතන්නට පවා මා වරම් අහිමිවූ
හැඟීමක්‌ රිදුම් දේ හෙටට උරුම වූ //
දිනන්නට කිසිත් නෑ ලොවේ මින්මතූ
මගෙන් ඔබ ඈත්වී ගියායින් පසු

නෙතින් නෙත බලාලා.....​

 

[Hora_Nariya]

සියල්ල ඉදිරී ග‍රා වැටුණු දා
ඇයතින් නොමැරුණු මගේ මිනිස්කම
දැන හඳුනාගත් තනිකම නුඹටත්
මා‍ හැරයන්නට සිදුවෙයි නැවතත්

ප්‍රේම තාපයෙන් පර මල් යහනට
තවත් ළඳක් ‍එයි හෙට දවසේ
එතෙක් මෙතෙක් මා රැකගත් තනිකම
මා නුඹ එලවන්නෙද කෙලෙසේ

ඇ‍ය ‍හෙට ආවද පසුදින යාවිද
අදහනු බෑ ඇය ළඳක් නිසා
හිටපන් තනිකම ම‍ගෙ ගෙයි මිදුලෙම
හතර මායිමෙන් එහා නො‍යා

හිටපන් තනිකම ම‍ගෙ ගෙයි මිදුලෙම
හතර මායිමෙන් එහා නො‍යා...

ගායනය - සුනිල් එදිරිසිංහ

 

[lankanatha]

I used to try
To set aside
Some Time for being lonely

So many times
I prayed to find
Someone like you to hold me

All I know is that when I think of you
I'm not alone
I just simply close me eyes
And sing my song
And I am home
Loving where I belong

Do you believe in loneliness
I do now that's where I found you and I'll never let you go
When all I knew was onlyness
There you were
With you around
Who's lonely now

I feared the night
But now it's mine
'Cause something's out there for me

Let's take our time
I'm satisfied
With having you to own me

All I know is that when I think of you I'm not alone
I just simply close my eyes
And sing my song
And I am home
Loving where I belong

 

[Hora_Nariya]

පෝයට ඇවිලෙන හඳක් වගේ උන්
දියණියනේ කිම මේ
මලක් පර වුණා වාගේ
මලේ සුවඳ උඩු හුළඟේ ගියා වගේ......

ඉහිරුණු කිරකට නාඬන් වැළහින්නක සේ
අකුරු කරන් යළි පිබිදී හිරු මඬලක් සේ
අකුරින් ජය ගෙන නුඹ රැජිනක් වන දවසේ
මවක් වෙයන් නුඹ රිදවූ නුවරුන් හමුවේ...

ගිලිහුණු කඳුළයි මතු මුතු වී බබළන්නේ
වැලක හැදුණ ගෙඩි වැලකට නෑ බරවෙන්නේ
අකල් අනෝරා නින්දා වැහි වැටුණාවේ
නොසැලී හිනැහෙන් යසෝදරාවන් වාගේ....

ගායනය - කරුණාරත්න දිවුල්ගනේ

 

[lankanatha]

නුඹේ නමින් මා දුක් වී ගොතනා කවිවැල්
නුඹට සොඳුරු ගිතයක්ය සලනා රසුදැල්
උදේ හවා කාන්සියට හෙළනා කඳුළැල්
නුඹට සිහිල් පැන් පොදක්ය වඩනා මනලොල්

මා හැර ගිය දුකින් තැවී
නුඹට සාප කරනු බැරි
නුඹේ නපුරුකමට කිපී
සිතේ වෛර බඳිනු බැරි

නිදි නැති රෑ දෑස තෙමි
මතක සුවඳ වැළඳ ගනී
මා තනි වූ අයුරු පෙනී
නුඹ සැනහෙන් මට හිනැහී

 

[lankanatha]

මේ නගරය අලුත් වෙලා
වැව් දිය රැලි ගිලන් වෙලා
අත් අල්ලන් ඔහේ ඇවිද ගිය
පටු මාවත් පුලුල් වෙලා...

එදා අප දුටු පෙම්වතුන්
වෙලා අද හොද පිංවතුන්
අකුරු පොත් පත් පිරුණු අත් වල
එල්ලිලා අද පොඩි පුතුන්

පෙම් කරපු තැන් පුරුදූ
වසා සුවිසල් මැදුරූ
පෙම්වතුන් අද සිර වෙලා
පාලු කුටිවල අදුරූ

 

[Hora_Nariya]

සිහින ලොවක් දුටුවා මතකයි
සිහින ලොවෙන් ආවා මතකයි

සොඳුරු මිහිර සුව පහස ගෙනෙන ඒ
ආදර බර උණුසුම මතකයි
ඉර සඳු තරු කැට
පායන මිහිපිට
ආදරයෙන් බැඳුණා මතකයි

අප හදවත් එහි නොමියෙන ලෙස බැඳි
ආදරයෙන් පිරුණා මතකයි
සිතට දැනෙන දැනෙන සුව
ගතට දැනෙන බව
ඔබ රහසේ කීවා මතකයි

ගායනය - ක්ලැරන්ස් විජේවර්ධන

 

[Hora_Nariya]

රෝස කුසුමක් පිපේවී
රතු රෝස කුසුමක් පිපේවී
සොහොන් බිම මා වළ දැමූ තැන
රෝස කුසුමක් පිපේවී.....

ජීවිතේ කිසිදාක මෙ ලොවින්
ආදරේ දිය බිඳක් නො ලැබුව
ගැහැණියක පෙර දවස විසු වග
පිපුණු ඒ මල කියාවී.....

ම්ලාන වූ සිරුරින් තැනින් තැන
ආදරේ සරණක් සිඟා ගිය
අන්ත අසරණ යුවතියක ගැන
පිපුණු ඒ මල හඬාවී....

ගායනය - විශාරද නන්දා මාලිනී

 

[lankanatha]

හංස බෝට්ටුවේ නැගලා යන්න එන්න රව්මක්...
ඔබ එනකොට ඇදන් එන්න මල් පිරිච්ච ගවුමක්..
මල් පිරිච්චි ගවුමක්..

බේරේ වැවත් සුන්දරවී ඔබත් සුවද පියුමක්..
දකින දකින සැවෙම කියයි අන්න රෝස කුසුමක්...
අන්න රෝස කුසුමක්...

බේරෙ වැවට සඳ පායන මැදියම් රෑ අහසේ...
තරුමුතුකැට වෙලා පෙන‍ේ නෙතු පැටලී පහසේ...
හංස බෝට්ටුවට වෙලා අපි දොඩමළු වෙමු රිසිස‍ේ...
සුවද රොදට එකතුවෙලා ඔබේ මුළු ලොවටම රහසේ...

මල් වටකර බඹරු නටයි ගුම් ගුම් නද දෙමිනේ..
රන් සමනල රෑන් නටයි මල් වට හැඩ දෙමිනේ..
ඒ ලස්සන පෙනෙන්නෙ නෑ නෙතු ඔබටම හිමිවේ...
ජීවිත කාලෙම ඉන්නම් මුළු ඔබමයි මගෙ සිහිනේ..

 

[lankanatha]

මිදි ඇඹුලයි කියලා
කියූ කතාවේ මා තනිඋනා එදා..
චංචල ළඳක් උනාද ඔබ මා
ඇසුරු කලා කියලා..

මායිම් නැති ලෝකයක් කරා
අප පියවර මැනලා..
ජීවිතයේ මුල මැද අග සෙවුවා
හදින් හදක් පුබුදා..

සලා වැ‍ටුම් දහසක් ගෙවලා
මී වද පැණි පිරුවා..
රුචි රුචි කුසුමේ පෙති දිග හැරුනා
සිතුම් පැතුම් සනහා..

 

[~Titi~]

කඳුළු නැති නිසා හඬන්න
කඳුළු ගෙනාවද කියන්න
සුසුම් නැති නිසා හෙලන්න
සුසුම් ගෙනාවද කියන්න

 

[lankanatha]

මේ ගී එදා ඇගේ හඬින්
මා ඇසූ රාවයයි
මා ඇසූ රාවයයි

ඇගෙ පිළිරුව සිත ඇඳී
ජීවමාන වී හිඳී
මම හඬගා විමසමි
එපමණදෝ මට හිමි

ලොව සුවහස් දරුවනේ
දරු සෙනෙහස මට දැනේ
ඈත ඉඳන් අත වනා
මට අඬගසනුය පුතේ

 

[Hora_Nariya]

තනි වෙන්නට මගේ ලොවේ
පුරුදු පාළුවෙන්
රැගෙන යන්න සොඳුරියෙ ඔබෙ
සුවඳ මා ළඟින්...

සිව් වසරක පෙම් ගීතය
ගොළු වෙලා ගියාදෝ...
අලුත් ලොවක ඔබ සතුටින්
කිරුළු පැළඳුවාදෝ

මායාවකි ප්‍රේමය මා
හදවත රිදවූයේ.....
සෝ ගීයකි දුක්‌බර වූ
සැනසුම කොහි වේ දෝ.....

ගායනය - ආචාර්ය වික්ටර් රත්නායක

 

[thilina91]

අසුරු සැනින් එක මොහොතකදී
කාලය නැවති යලි ඇරඹී
විශ්වය අලුතින් බිහිවේවා
ඔබේම වී මා මගේම වී ඔබ
අපේම වී අප ඉපදේවා.....

What a song..