පද පේළී - EK LYRICS THREAD PART 2

[Malinga]

මගේ වෙලා හීන ගෙනා
හිත නෑ ළඟ තියා ගන්න
කඳුලු ගොඩක් දුක වැඩි ලූ
ආදරේට ඔයා දුන්න
සංසාරේ අතර මඟදි
මතක් වුණොත් මගේ වෙන්න
මේ පපුවේ හරි මැද්දෙන්
ඉඩ තියෙනව ඇවිත් ඉන්න

හිත අස්සට ගැලැපෙන්නැති
මහමෙරකට හීන දීපු
රවටන්නැති ඔය හිත මං
පෙර භවයක නුඹෙයි කියපු
හිතාගන්න බැරි විදියට
මඟක් ඇවිත් නතර වෙන්න
වෙන් වෙන බව දන්නව නම්
නෑවිදින් ම තිබුණ ඉන්න

කවදාවත් අපිව අපෙන්
වෙන් කරන්න බැහැයි කියපු
ඔයා ගියා හිතත් අරන්
මගේ ළඟින් අරන් තියපු
හිතාගන්න බැරි විදියට
මඟක් ඇවිත් නතර වෙන්න
වෙන් වෙන බව දන්නව නම්
නෑවිදින් ම තිබුණ ඉන්න

මගේ වෙලා ..................


ගායනය :- අතුල අධිකාරි

 

[Malinga]

ජීවිතයේ සිහිනේ හමුවී මහද
ආද‍රයේ දෙව්දූ පෙනෙනා විලස
ඔබ එනවා හිනැහී හදෙහී රැඳුන
මේ හැඟුමේ මධුවී රැඳෙනා නිබඳ

ආදරියේ ආදරියේ
වළාපෙලින් ඇදී ඇවිත්
මගේ මුවේ සිනා නඟන්න

ඔබ තුරුළේ සැනහී වෙලෙනා ම හිත
ඒ මතකේ සිරවී රැඳුනේ මගෙ ම
වී ඔබ මා සසරේ පෙරුමන් පුරන
සුරඟන මා හදෙහී පිළිරූ සොඳුර

ආදරියේ .................


ගායනය :- අනුෂ්ක ගුණසිංහ

 

[lankanatha]

හීරෙනා පපුව දිගේ..
වේදනා කන්ද වගේ..
නුඹ ළඟින් උන්නු දිනේ..
දින පොතේ ලිව්වා මා..
ආදර වෙඩි උණ්ඩයෙන් මිය යමු තුටින්..
පෑරෙන මතකය අරන් සමරමු දිනක්..
ඔබ ඉන්න මානේ ඔහු ඉන්න වානේ..
අපි මවපු ගින්නේ අපි දැවෙනවානේ..

මා කළ පවත්
ඔබ කළ පවත්
ඔහු කළ පවත්
සසරේ දිගක්..

හුස්මට වුනත් පෑරෙනා හිතක උරුමේ..
ඇති නුඹට මා දුන් එදා..
ඔහු හා මමත් ඔබට පෙම් කරන අරුමේ
තැවුනේ ඔබයි සෑම දා....
විසඳන්න නෑ තව දුකක් ජීවිතේ...
විඳවන්න බෑ තව ගොඩක් ආදරේ..

මා කළ පවත්
ඔබ කළ පවත්
ඔහු කළ පවත්
සසරේ දිගක්..

මිය යමු ඉතින් ආදර වෙඩි උණ්ඩ වැස්සේ
ඔබ ළඟ එදත් ඉන්නවා...
ලෝකය කියයි දිනක ආදර කතාවේ..
අතරේ අපිත් ඉන්නවා...
විසඳන්න නෑ තව දුකක් ජීවිතේ..
විඳවන්න බෑ තව ගොඩක් ආදරේ..

මා කළ පවත්
ඔබ කළ පවත්
ඔහු කළ පවත්
සසරේ දිගක්..

 

[lankanatha]

ආදරයේ පාවෙන හැඟුමක්
ජීවිතයක් සෙව්වා..
පුරාණේ මගේ වූ ඔබේ ආදරේ
මිරිඟුවක් තනිකමක් විතරමයි

පෙම් සිහිනේ සිත සැනසූ සේයාවී
ඔබ මාගේ සිත රැවටූ මායාවී

මා ළඟින් ලංවෙලා ඔබ එදා කී කතා..
මගෙ දිළිඳු ලෝකෙ මාළිඟාවක් කළා..
ඒ තැනූ මාළිඟා සුන්වෙලා ගිය දිනේ..
අඬන්න කඳුළු ඉතිරි නොකර යන්න ඔබ කියා..

පෙම් සිහිනේ සිත සැනසූ සේයාවී
ඔබ මාගේ සිත රැවටූ මායාවී

වස්සානයේ තනිවෙලා තුරුළු වී උණුසුමේ
දෑඟිල්ලේ පැටලී උන් සැඳෑව සුන්දරයි
නුඹ මගේ හැම භවේ දිව්රලා සෙනෙහසින්
කී කතාව මාගෙ ලෝකෙ තනිවෙලා ගියා

පෙම් සිහිනේ සිත සැනසූ සේයාවී
ඔබ මාගේ සිත රැවටූ මායාවී

 

[DAMER]

ආදරියේ ආදරියේ
වළාපෙලින් ඇදී ඇවිත්
මගේ මුවේ සිනා නඟන්න


ගායනය :- අනුෂ්ක ගුණසිංහ

පට්ට..ඉස්සර නිතරම අහපු සිංදුවක්..

 

[lankanatha]

මේ තරම් දුක දරාගන්නට
නුඹට හැකි වුණෙ කොයින්දෝ
ඔබ එදා තුරුලට අරන් මා
කිවූ කවි අද මතකදෝ...

මම හිඳී ඔබ දෙස බලා අද
වාරු දෙන්නට නොහැකි වී
නෙත් තෙමෙයි මගෙ මතක් වී මා
උකුළෙ රඳවා වුන් හැටී...

දිය බිඳක් තොල් මත තබා අද
කුසට අහරක් නොම වැටී
මතක් වෙයි මට දුක් විඳන් ඔබ
මගේ කුස පිරවූ හැටී...

 

[Malinga]

ආදර මැදුරේ පිණි දිය ඉසිනා
කෝල නුඹේ සිනහව මනරම්
ජීවන ගමනේ සරතැස නිවනා
පාන නුඹේ මදහස මගෙනම්
ආදර හිත ළඟට නුඹේ තව ළංවෙන්නම්
මට කියා දියන් ආදරේ තරම්

සීත රාත්‍රියේ නිදනා තනිව මං
නේක ජීවිතේ රකිනා පතිවදන්
නුඹ මං වෙනවානම් මම තවත් බලන්නම්
රාත්‍රිය ම අඳුරු වුනේ ආලෝකය නැතිව වගේ
ඒක මගෙ හිතේ දවස ම මම තනිවුණා ම
නුඹ ගැන මම සිහි කළාම සතුට මගේ මයි

ආදර මැදුරේ .................

පාන හිනාවේ තිබෙනා මදහසින්
දෑස මුලාවී ලැබෙනා සෙනෙහසින්
නුඹ මගෙ වෙනවානම් පණ වගේ රකින්නම්
හැම දෙයක් ම මට ලැබුනේ සංසාරෙ ම පැතුව වගේ
පේන හිත වගේ එක දවසක් නැතිවුණා ම
නුඹ මා ළඟ නැවතුනා ම සුවඳ මගේ මයි

ආදර මැදුරේ .................


ගායනය :- සුමිත් මන්දනායක

 

[Malinga]

පට්ට..ඉස්සර නිතරම අහපු සිංදුවක්..

ඔව් ඒ කාලෙ සෑහෙන ජනප්‍රිය ගීතයක්

 

[lankanatha]

දුක පැවසූවෙමි අසනා කෙනෙක් නැතී
පාළු නැසූවෙමි තනියට කෙනෙක් නැතී
තැවුනේ දැවුනේ පිරිසිදු සිතකින්
එකම ළඳක් වෙත පෙම් කල උමතුවෙනි

 

[lankanatha]

සීත අරණේ සුපුල් නාමල සුවද ගැල් වු ජීවිතේ
සීත හිමගිර සීත නොදෑනේ දැනේ උණුසුම ආදරේ

ලතාවක් සේ වෙලී සියොලග පතමි රෑකවරණය ඔබෙන්
සදා දෝතින් මලක්සේ ඔබ වැලද ගන්නෙමි හදවතින්.........හදවතින්

වලාවක් සේ අයාලේ ගිය සිතට නිවහන ඔබ ලගයි
මහා කතරක ගෙවු තනි මග නිමා කල ඉම ඔබ නෙතයි..........ඔබ නෙතයි

 

[Sara531]

වින්දේ නුඹයි ආදරේ ඇති තරම්
සොයාගන්න බෑ කෙලවරක් කොයිතරම්
මා නුඹට දුන් ආදරේ ඒ තරම්
මට වැර්දුනේ ඒකමයි මේ තරම්
ඒකයි මේ තරම්
බෑ බලන්නට දෑස් දිහා ඈ නුඹේ හින්දා
මා නොවේ ඈ නුඹේ ජීවිතේ හින්දා
බෑ බලන්නට දෑස් දිහා ඈ නුඹේ හින්දා
මා නොවේ ඈ නුඹේ ජීවිතේ හින්දා

පිස දමන්නට ඕනේ නෑ වේලෙනා කඳුලූ
සිඳී නොයාවී වේදනා මේ හිතේ පිරුනූ
රිදි රිදි විඳවපූ වේදනා නිම නෑ
ආයෙ මගේ ලෝකයේ නුඹ කියා කෙනෙක් තව නෑ
බෑ බලන්නට දෑස් දිහා ඈ නුඹේ හින්දා
මා නොවේ ඈ නුඹේ ජීවිතේ හින්දා

දෑස් පියාගෙන මා නුඹේ තුරුලේ හිටි අයුරූ
කාත් කවුරැවත් අද ලඟ නෑ මිසක නෙතේ කඳුලූ
රිදි රිදි විඳවපූ වේදනා නිම නෑ
ආයෙ මගේ ලෝකයේ නුඹ කියා කෙනෙක් තව නෑ

වින්දේ නුඹයි ආදරේ ඇති තරම්
සොයාගන්න බෑ කෙලවරක් කොයිතරම්
මා නුඹට දුන් ආදරේ ඒ තරම්
මට වැර්දුනේ ඒකමයි මේ තරම්
ඒකයි මේ තරම්
බෑ බලන්නට දෑස් දිහා ඈ නුඹේ හින්දා
මා නොවේ ඈ නුඹේ ජීවිතේ හින්දා
බෑ බලන්නට දෑස් දිහා ඈ නුඹේ හින්දා
මා නොවේ ඈ නුඹේ ජීවිතේ හින්දා

 

[DAMER]

Hansiye - Iraj..................


සියුම් සෙවෙනි වු~

තුනී තටු අතරේ..
​

උණුසුමට වකුටු වී~

තනන්නට මට හිතයි..
​

විමානේ මාගේ~
​

හංස විල් නිල් තලේ..
​

හංසියේ සුදෝ සුදු~
​

හංසියේ මගේ.. ​

 

[Malinga]

මේ මුළු අහස ම මට මදි ඔබ ගැන
‍මෙතුවක් නොලිවූ ගීය ලියන්නට
පුංචි තාරකාවක් දැල්වෙන තැන
ඇත ඉඩ ඔබ ගැන ගීය ලියන්නට

සප්ත සමුදුරෙහි නිල් සායම් ඇත
එක පැහැයක් මදි ඔබ රුව අඳිනට
ඇසින් වැටෙන එක කඳුළු බිඳක් ඇති
මට ඔබෙ පිළිරුව සිතුවම් කරනට

මේ මුළු අහස ම ..............

සිත් දහසක් මදි ඔබ ගැන සිතුමට
එපමණ ගැඹුරක් ආදරයෙහි ඇත
එක සිතකින් ඒ ගැන සිතියැකි මට
ආදරයට සිත් දහසක් ලොව නැත

මේ මුළු අහස ම ..............


ගායනය :- වික්ටර් රත්නායක හා ශ්‍රීමතී තිලකරත්න

 

[Malinga]

සුවඳ මේ ඔබෙ නම්
සුවඳ විඳගන්නම්
ආදරේ නැතිනම්
මම එය දරාගන්නම්

සිතට දැනෙනා මිහිරි සිතුවිලි
ඔබ ගැනයි තුන් තිස් පැයේ
ඈත සිට එන සුලඟ කීවෙත්
ඔබ ගැනයි රහසින් වගේ
ඔබට එය නැතිනම්
මම එය දරාගන්නම්

සුවඳ මේ ඔබෙ නම් ...........

හදට හුරු නැති සො‍‍ඳුරු සිතුවම්
ළඟ මැවෙයි නිදි නැති රැයේ
දරන්නට බැරි දුකක් තිබුණත්
එය ද සතුටක් ලෙස සිතේ
ඔබට එය නැතිනම්
මම එය දරාගන්නම්

සුවඳ මේ ඔබෙ නම් ...........


ගායනය :- කුමාරසිරි පතිරණ

 

[Malinga]

මූසිලයා
මූසිලයා යන පෙරහැර මඟ අයිනේ බලා සිටින
ගුත්තිල පඬිඳුගෙ දෑසින් කඳුළක් වැටුණා
ඒ එක්කම හීන් හිනාවක් මුව නැඟුනා
මූසිලයා

පවසා නෙක මුසාවාද රවටා ගෙන මතු පරපුර
මූසිලයා වැජඹෙයි මහ ඇදුරකු අයුරු
මහමෙර සේ නිසංසලයි ගුත්තිල ඇදුරු
මූසිලයා

වයනා තන පදය අනුව රඟනා සිසු පරපුර මැද
මූසිලයා හිඳියි උඬඟු බැල්මෙන් වියරු
කුටියට වී තනි ව වයයි ගුත්තිල ඇදුරු
මූසිලයා

මූසිලයා .................


ගායනය - සනත් නන්දසිරි

 

[Malinga]

ආදරෙන් අපි උන්න කාලය
මයෙ හිතේ තුන් මාසෙකී
ඒත් කම නෑ ඒ දවස් ටික
මගෙ හිතට ලොකු කාලෙකී
හාන්කවිසියකුත් පෙමක් ගැන
නොදත් මං පොඩි කොල්ලෙකී
එක වයසෙ මුත් මට වඩා ඔබ
පෙමටනම් ලොකු කෙල්ලෙකී

එකවරක් බැලුවොතින් ආයෙත්
නොබලනා පෙනුමක් ඇතී
මකාගන්නට බැරිව ලතවෙන
හැඩක් නැති පෙනුමක් ඇතී
මට ඔයා කැමතියි කියූවිට
පුදුමෙනුත් පුදුමක් හිතී
හිතෙන් මම දවසක් පුරාවට
පිනුම් ගැහුවා හිතවතී

කුළුඳුලේ එක කෝඩු හීනෙක
යාවෙලා නුහුරෙන් වෙලී
හාදුවක රස මුලින් දැනුන ම
පපුවෙ මැද දැල්වුණි එළී
ගොතන් නැති කවි පද ම ඔබ ගැන
රෑ අඳුරෙ මැද වී ගුලී
ගැලපුවේ අඳුරේ නිසා මං
වැරදි වැරදී ඇලපිලී

ආදරෙන් අපි ...........


ගායනය :- ගාමිණී සුසිරිවර්ධන

 

[Malinga]

පොඩ්ඩක් හිනා දෙන්න
කවි සිතුවිලි උනන්න
ආදරයෙන් බලන්න
මට කවියක් ලියන්න
පොඩ්ඩක් හිනාවෙන්න

නපුරුම නපුරු කෙල්ල
‍පුපුරණ මල් වෙඩිල්ල
කාටත් නොවල මෙල්ල
දිලිසෙන ගිනි පෙනෙල්ල

පොඩ්ඩක් හිනා .........

ඔබ ළඟ සිටින් කල් ම
පි‍බිදෙයි සුවඳ මල් ම
නෙතඟින් බලන බැල්ම
හිත තුළ වඩයි ඇල්ම

පොඩ්ඩක් හිනා .........


ගායනය :- ජානක වික්‍රමසිංහ

 

[Malinga]

බුදුන් දැක නිවන් දකින්න මේ සංසාරේ
අපි ඇසු බණ මදි වුණා ද මේ දම් දීපේ
සිල් ගත්තා පින් කෙරුවා දිවා රෑ දෙකේ
අතරමන් වුණේ කොහොම ද අපේ ජීවිතේ

සාධුකාර දී ගිය ගිය පන්සල් ගානේ
පැතුවා හැමදා පේ‍වී අපි නිර්වාණේ
දැහැමි සිතින් පහන් තියා මහ බෝ සෙ‍වනේ
වැඳ වැටුණා ගාථ කියා අපි තුන්සරණේ

බුදුන් දැක නිවන් දකින්න ............

භාරහාර වී වැඳ වැඳ අටමස්ථානේ
කරුණා කෙරුවා පේවී මුණි සිරිපාදේ
සැදැහැ සිතින් නිවන් පතා දළදා මැඳුරේ
මල් පිදුවා ගාථ කියා අපි තුන් සරණේ

බුදුන් දැක නිවන් දකින්න ............


ගායනය :- චාමර වීරසිංහ

 

[shaminda peiris]

ප්‍රේමයේ නාමයෙන්
ප්‍රේමයේ අනුහසින්
බිඳුණු හදවත් පෙම්වතුන්ගේ
යළි සුවපත් වේවා!!

දෙතැනක තනිවී දෙගොඩ තලා යන
විරහා කඳුළු ගංගා සිඳේවා
කුමර කුමරියන් සිරවී සිටිනා
සිපිරි ගෙවල් සැම ආදර පවනේ
සැණෙන විවර වේවා!!
ආදර හදවත් නිවී නිවී සැනසේවා!!!

දූ දරුවන්ගේ පෙම්ලොව අභියස
කම්පා වී හසරක් නොම දැන
ගිනිගත් හදවත් දෙමාපියන්ගේ
තැතිගත් හදවත් නෑ මිතුරන්ගේ
යළි සුවපත් වේවා!!
ආදර හදවත් යළි යළි එක්වේවා!!!

හඬ මුසුව-බන්දුල විජේවීර

 

[shaminda peiris]

මා වාගේ ළඟින් උන් මා වාගේ
සිහිවේදෝ කෙනෙක් උන් මා වාගේ
ආදරේ බැඳුනේ කවුදෝ මා වාගේ
කොඳ මල් යහනේ සඳ කැළුමන් සේ රැඳුනේ

කාගේ මුසා බස් හින්දා ඈ
මා හා ඈ බිඳී ගියා වාගේ
මා සොයා එයිදෝ ඈ පෙර සිටියා සේ
රැජිනක් නැති වූ රජ කුමරෙකි මා ලෝකේ

පෙරදා උදයේ ඈ මා අසලම රැඳුනේ
ඊයේ වෙන දෑතක පැටලී උන්නේ
ලංවී තව කුමරෙකු හා පියමැන්නේ
හෙට රෑ කොහි නවතියිදැයි නැහැ දන්නේ

පායාවී තව සඳක් පායාවී
පීදේවී කුසුම් තව පීදේවී
ආදරේ ඉල්ලා පෙරදා ඈ මාගේ
දෙනුවන් අතරේ කඳුලැල් තවරා ආවේ

පද බැඳුම-කේ.ඩී.කේ ධර්මවර්දන
තනුව-නිමල් මෙන්ඩිස්
හඬ මුසුව්- ටී.ඇම් ජයරත්න