බෝධි පූජාව

[chanakacm]

බෝධි පූජාවක් නිවැරදිව තියන්නේ කොහොමද
බෝධි පූජාවකින් ආශිර්වාද ලැබෙන්නේ කොහොමද

 

[අංගුලිමාල]

කොහොම තිබ්බත් එකයි බං. ඔය ආශිර්වාද පූජා කියන ජාතිය තනිකරම බොරුවක්. බුදු හාමුදුරුවොම කියල තියනවද කොහෙද ගස් ගල් වලට වැඳල පිහිට බලාපොරොත්තු වෙන්න එපා කියල.

 

[asliyanage]

සත්‍ය වශයෙන්ම මේ ගැන අවබෝධයක්‌ ලබාගන්න. බෝධි පූජාව යනු කුමක්‌ද? බුදුරජාණන් වහන්සේ සාරාසංඛ්‍ය කල්ප ලක්‍ෂයක්‌ මුළුල්ලේ පිරූ පාරමිතාවන්ගේ බලයෙන් ඒ බෝධීන් වහන්සේ මූලයෙහි වැඩහිඳ සියලු කෙළෙස්‌ දුරු කළහ. සියලු ඥන සම්භාරයන් උපදවා ගත්හ. ඒ උතුම් ඥනසම්භාරය හා බුදුරජාණන් වහන්සේගේ බුදුගුණ මෙනෙහි කරමින් සිදුකරන උතුම් පූජාවයි. මේ පූජාව සිදුකරන්නේ ලෙඩුන්ට නොවේ. අබල දුබල අයට නොවේ. වෙනත් ප්‍රශ්නයක්‌ නිසා නොවේ. බෝධි පූජාව සිදුකරන්නේ බුදුරජාණන් වහන්සේගේ බුදුගුණ මෙනෙහි කර තමන්ගේ සිතේ සැනසීම ලබාගැනීම සඳහාය. උතුම් ඥන සම්භාරය මෙනෙහි කිරීම සඳහාය. බොහෝ දෙනෙක්‌ මෙය වරද්දාගෙන ඇත. අපලයක්‌ ලෙඩක්‌ වුවොත් පමණයි, බොහෝ විට බෝධි පූජා කරන්න එන්නේ. බුදුදහම ක්‍ෂණික පපඩම් වගේ කියල හිතාගෙන වෙන්න ඇති එසේ කරන්නට පුරුදු වී ඇත්තේ.





http://www.divaina.com/2011/05/29/siya06.html

http://www.lakehouse.lk/budusarana/2010/12/13/tmp.asp?ID=vision01

 

[praneeth.pj]

කොහොම තිබ්බත් එකයි බං. ඔය ආශිර්වාද පූජා කියන ජාතිය තනිකරම බොරුවක්. බුදු හාමුදුරුවොම කියල තියනවද කොහෙද ගස් ගල් වලට වැඳල පිහිට බලාපොරොත්තු වෙන්න එපා කියල.

උබේ කතාව 100% ඇත්ත. ඊට පස්සේ ගස් වල කොඩි එල්ල ලා කියනවා, මගේ අපල දුරුවෙන්න කියලා. ඔව්වා ඔක්කොම මිත්‍යා දෘෂ්ටි , ඒ කියන්නේ හිත තමන් විසින් ම රවටා ගැනීම. ඒකන් අහිතක් මයි වෙන්නේ. නමුත් ඇසතු බෝ රුකට ගරු කරන්න ඕනේ, බුදු රජාණන්වහන්සේට පිහිටක් උන නිසා. ඒකෙන් ශ්‍රද්ධාව වැඩි කරගන්න ඕනේ. බුද්ධ සාසනය නම් චතුරාර්යය සත්‍යයයි, එනම් ඇලීම් හා ගැටීම් වලින් මිදීමෙන් ලබන අවබෝධයයි නොහොත් නිවීම.

 

[නැකැත් රාල]

බෝධි පූජාවක් නිවැරදිව තියන්නේ කොහොමද
බෝධි පූජාවකින් ආශිර්වාද ලැබෙන්නේ කොහොමද

බෝධි පූජාවක් හරියටම තියන විදිහ පන්සලේ හාමුදුරුවන්ගෙන් අහන්න. බෝධිපුජාව තියලා හාමුදුරුවන්ටම ආරාධනා කරලා පන්චසීලය ගන්න. බෝධි පුජාවෙන් අනිවා සෙතක් වෙනවා. නූතන විද්‍යාවට අහුවෙන්නේ අටවිසි බෝධීන් වහන්සෙලා ආර්ද්‍රතාවයෙන් ඉතාම වැඩි ගස් කියන තැනට විතරයි.

 

[asliyanage]

ඔබ, ත්‍රිවිධ චෛත්‍ය වන්දනා කරන අයුරු නිවැරැදි ද?


තාථාගතයන් වහන්සේ පිදීම ට සුවඳ මල් ආදිය ගෙන ජේතවනාරාමය වෙත පැමිණෙන සැදැහැතියන් බොහෝ දෙනා ඒවා පිදීම ට තැනක් නැතිකමින් බුදුන් වහන්සේ වැඩසෙන ගඳකිලිය දොරකඩ අසල තම තමන් ගෙන ආ දෙය දමා යන්නට වූ හ. මේ කාරණය අනේපිඬු සිටාණන් දැන ආනන්ද තෙරුන් ට ප්‍රකාශ කළේ ය. ආනන්ද තෙරුන් බුදුන් වහන්සේ කරා එළඹ "ස්වාමීනි, තථාගතයන් වහන්සේ නොමැති කල් හි මේ විහාරය මහජනයා ට පිහිටක් නැති තැනක් වන්නේ ය, මිනිසුන් ට සුවඳ මල් ආදිය ගෙනැවිත් පිදීම ට තැනක් නැත්තේ ය," වශයෙන් බුදුරජාණන් වහන්සේ ට කරුණ දන්වා සිටියේ ය.

එ හි දී භාග්‍යවතුන් වහන්සේ "ආනන්දය, චෛත්‍යය තුනක් ඇත්තේ ය. ශාරීරික, පාරිභෝගික හා උද්දේසික ය යි චෛත්‍යය තුනක් ඇත්තේ ය" යි වදාළ සේක.

"ස්වාමීනි, තථාගතයන් වහන්සේ වැඩසිටිනා කාලයෙ හි චෛත්‍යය කළ හැකි දැ" යි ආනන්ද ස්ථවිරයන් වහන්සේ විචාල හ.

"ආනන්දය, ශාරීරික චෛත්‍යය නො කළ හැකි ය. එය කළ හැකි වන්නේ බුදුන් පිරිනිවී කල් හි ය. උද්දෙසිකය ට ශාරීරික පාරිභෝගික වස්තු නැත. සිතින් ආදරය කිරීම් මාත්‍රයෙන් උද්දේශික චෛත්‍යය වන්නේ ය. බුදුන් විසින් පරිභෝග කළ මහා බෝධි බුදුන් වහන්සේ ඇති කල් හි ත් නැති කල් හි ත් චෛත්‍යයක් ම වන්නේ ය" යි වදාළ සේක. මෙය සඳහන් වන්නේ කාලිංග බෝධි ජාතකයෙ හි ය.

එ ම දේශනාවේ "උද්දෙසිකං අවත්ථුකං මමායන මත්තමෙව හොති" යන පාඨයේ අරුත හරිහැටි තේරුම් නො ගෙන ඇතැම්හු උද්දේසික චෛත්‍යය වස්තුවක් නො වේ ය යි කියති. ආනන්ද ස්ථවිරයන් වහන්සේ වැඳුම් පිදුම් කිරීම ට වස්තුන් විමසූ කල උද්දේසික චෛත්‍යය යනුවෙන් දක්වන ලද්ද වස්තුවක් නො වේ නම් එය නිෂ්ඵල හිස් වචනයකි. බුදුරජාණන් වහන්සේ එබඳු හිස් කතා නො කියන්නා හ. උද්දේසික චෛත්‍යය සිතීම් මාත්‍රයක් පමණක් නම් මෙ හි දී ශාරීරික, පාරිභෝගික චෛත්‍යය දෙක පිළිබඳ ව දක්වා වදාරනවා මිස පලක් නැති ව උද්දේසික චෛත්‍යයක් ගැන නො වදාරන්නා හ.

එ සේ නම් "උද්දෙසිකං අවත්ථුකං" යනුවෙන් හැඳින්වෙන්නේ කුමක් ද? මෙයින් කියවෙන්නේ උද්දෙසිකය ට පාරිභෝගික වස්තු හෝ ධාතුන් නොමැති බව ය. උද්දේසික චෛත්‍යය වස්තුවක් නො වන බව දැක්වීම ට නම් කිව යුත්තේ 'උද්දෙසිකං අවත්ථුකං'කියා නො ව උද්දෙසිකං අවත්ථු' කියා ය. ශරීරයේ කොටසක් වීමෙන් ශාරීරික චෛත්‍යය වේ. පරිභෝග කළ වස්තුවක් වීමෙන් පාරිභෝගික චෛත්‍යය වේ. බුදුන් වහන්සේ ගේ ශ්‍රී දේහය මේ ආකාර ය යි ශ්‍රද්ධාව ඇතිකර ගැනීම උද්දේසික චෛත්‍යය යි.'මමායන මත්තමෙව' මමායන මාත්‍රය ම උද්දේසික චෛත්‍යය යි ගතහොත් එය විහිළුවකි. එ සේ ගතහොත් සිදුවන්නේ උද්දේසික චෛත්‍යය කියා වැඳුම් පිදුම් සිදුකරන්න ට වන්නේ තමා ගේ ම දසිත ට ය. එයින් වන්නේ මහත් අවුලකි.







http://networkedblogs.com/EQuI9

http://www.divaina.com/images/bud15jan/bud17.html

http://nidhuk.blogspot.com/2012/05/blog-post.html