මේ ෆොන්ට් එක පේනවද දන්නෙ නෑ හැබැයි.
නැත්තං මේ ලින්ක් එකට යන්න.
http://www.lankatruth.com/sin/index...-11-41&catid=35:2008-10-13-08-30-14&Itemid=63
ලෝක උරුමයක් වන සීගිරියේ සිංහපාදය අසල වැසිකිළි පෙළක් ඉදිකිරීම අරඹා ඇති අතර, ප්රදේශවාසීහු මෙයට දැඩි විරෝධය පළ කර ඇත. ප්රදේශවාසීහු විමසා සිටිය්යේ සීගිරි පර්වතයේ මෙවැනි ඉදිකිරීමකට ඇති අයිතිය කුමක් ද යන්නයි. මෙම වැසිකිලි පෙළ මධ්‍යම සංස්කෘතික අරමුදල හා ජපානයේ ආයතනයක් එක්ස සිදු කරන අතර, මෙහි විමර්ශන කටයුතු පුරාවිද්‍යා දෙපාර්තමේන්තුව විසින් සිදු කරමින් පවතී.
මෙම වැසිකිලි පෙළ ඉදිකිරීම සම්බන්ධයෙන් කළ විමසීමකදී මධ්‍යම පළාත් පුරා විද්‍යා අධ්‍යක්ෂ ජනරාල් ඩි.ඩි.විජේපාල මහතා පවසා ඇත්තේ මෙම වැසිකිලි පෙළ ඉදිකිරීම සම්බන්ධයෙන් තීන්දුව ගනු ලැබුවේ 2007 වසරේදී බවත්, එයට මුදල් වෙන්වීමෙන් පසු මෙලෙස වැඩ ඇරඹු බවත්ය.
කෙසේ වෙතත් මෙම ඉදිරිකිරීම සම්බන්ධයෙන් මතුවන විරෝධය නොතකා සිදු කරමින් පවතින අතර, මෙම ඉදිකිරීම මගින් ලෝක උරුමයේ සංස්කෘතික වටිනාකම අහිමි වී යන බව ප්රදේශවාසීහු චෝදනා කරති. මේ ආකාරයෙන්ම මීට පෙර සීගිරි ගලේ සිටි බඹරුන් විනාශ කිරීමේ අමනෝඥ තීරණයක් රජය විසින් ගනු ලැබූ බවත්, ඒ සම්බන්ධයෙන්ද ප්රදේශවාසීහු සිය විරෝධය දැක්වූ නමුත් එය කිසිදු සැලකිල්ලකට නොගෙන බඹර වද ඉවත් කළ බවත්, එහි අනිටු විපාක මාස තුනක් ඉක්ම යාමට ප්‍රථමයෙන් දැකගන්නට ලැබී ඇති බවත් ප්රදේශවාසීහු පවසති. ඔවුන් පවසන්නේ සීගිරි පරිවතය සම්බන්ධයෙන් තමන්ට ඇත්තේ පරම්පරාගත අත්දැකීම් බවත්, එම අත්දැකීම් මත තමන් නගන විරෝධය නොතකා රජය සිදු කරන අමනෝඥ ක්‍රියාකාරකම්වල ප්‍රතිපලය වන්නේ මෙම ලෝක උරුමය අනාගතයට අහිමි වීම පමණක් බවයි.
කෙසේ වෙතත් පුරා විද්‍යා දෙපාර්තමේන්තුවේ අනුදැනුම මත සිදු කරන මෙම ඉදිකිරීම සම්බන්ධයෙන් සංස්කෘතික ඇමැතිනී ප්‍රවිත්‍රාදේවී වන්නිආරච්චි මහත්මිය හෝ සංස්කෘතික අමාත්‍යංශය නිහඬ පිළිවෙතක් අනුගමනය කිරීම අවාසනාවට කරුණකි
