සුන්දර ගීයක ඇරබුම,..

twisted · Mar 3, 2013

crazycasper said:
thawa oni

monawada?

heta wardplace waren

මැවිසුරු · Mar 6, 2013

Clarence Unplugged With Marians 2013
Sunday 24th March 2013 - Maharagama Youth Center
Tickets Available - 2000, 1000, 500
Contact - 0772255667

rombo · Mar 9, 2013

buddikahl said:
[FONT=&quot]ලක්ෂ්මන් හිල්මිගේ මාලති නුඹයි ගීතය කව්දෝ දාලා තිබ්බා දැක්කා.ඇත්තටම හිල්මි දක්ෂ ගායකයෙක්.මාලති නුඹයි.සොදුර ජීවිතයේ,සිත හඩන අයුරු.රිදී පාට කල වැනි ගීත අග්‍ර ගණයේ ලා සැළකිය හැක..මොහු මරා දමන ලද්දේ කැසට් නිෂ්පාදකයන්ය.වාණිජ මට්ටමෙන් උපරිමයට ම ගිය අජිත් මුතුකුමාරණ ගේ පවා ඇතම් ගීත විශිෂ්ට මට්ටමක පැවතිනි..ඕන දේයි එපා දේයි මොවුන් ලවා කියවා බැංකු ගිණුම් වල බැර පැත්ත වැඩි කර ගැනීමට උපුල් ජයසිංහ.රන්ජිත් ප්‍රේමලාල් වැනි අය ගත් ඉක්මන් තීරණ නිසා මෙරට ගීත කලාව කනත්තට පියවර මැන්නේය....
හිල්මිගේ සින්දුවක් දාන්න හිතුවේ ඒකත් මතක් කරගෙනම..............

සිත හඩන අයුරු දෙවොල ගිනි අරන්....
මම දනිමි සොදුර නුඹ තැවුනු තරම්...........
හද පෙළෙනු කිමද අවරගිර බලන්.....
මම එළිය ගෙනෙමි නුඹට ඇති තරම්..........

දෙවොල යනු කන්‍යාභාවයයි.බටහිර ලෝකේ කොහොම වෙතත් අපේ සමාජයේ කන්‍යාභාවය ඉහළින් සලකයි.(මාගේ අදහස ද තාක්ෂණිකව අප කෙතරම් දියුණු වූවත් සංස්කෘතිය රැක ගත යුතු බවයි..ලක්ෂ 14 බ්‍රෑන්ඩ්නිව් ඔපරේෂන් ගැන මම නොදනමි.)ඇයගේ කැමත්තෙන් හෝ අකැමත්නෙන් ඇයව දූෂණයට ලක් වී තිබේ.ඒ බව ඇය ප්‍රේමවන්තයාට පවසා තිබේ.ඔහුගෙන් ඇයට යහපත් ප්‍රතිචාරක් ලැබෙමින් පවතී.
කළුවරට පිපුනු මලද මලකි නම්..........
අර මෙළෙක සොයන කෙනෙකු නොවෙමි මං....
නෙතු අගිසි වලට සතුට උනන කන්...........
ඔය කදුලු පබළු තැවොල මට දියන්..........
මීට කලින් දෙවොල යැයි කිවූ කන්‍යාභාවය මෙතනදී මෙළෙක නමින් හදුන්වයි.මට ඒකෙන් ඇති වැඩක් නැත.උඹව විවාහ කරගත්තදාට උඹේ හිතට සතුට ලැබෙයි...එතකම් ඔය කදුලු වලින් දිළිසෙන ඇස් දෙක මට දියන්..........
විෂ පෙවුනු බඹරු කොහෙද මට කියන්..........
විත පොකුරු ඇනුනු තැන් කොහෙද බලන්........
හිත රිදෙන තැනට කරුණු ඇද අරන්....
කිසි දිනෙක නුඹට එරෙහි නොවෙමි මං..............
උඹට ඔය අපරාදේ කරපු එකා කියපන්.ඒ හොයගෙන ගිහින් උගෙන් පළිගන්න නෙවෙයි.....ඒ තැනට ඌ පත්වුනේ කොහොමද කියල දැනගන්න.හැබයි කවදාවත් උඹෙන් මේ ගැන ආය අහන්නේ නෑ,,අපි සතුටින් ඉමු.එච්චරයි.
[/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot][/FONT][FONT=&quot] [/FONT]

නියමයි .. ස්තුතියි

rombo · Mar 9, 2013

sasliit said:
යාළුවනේ මේ ගීතය ඔබ වෙත ගෙන එන්නෙ මගේ පෞද්ගලික අත්දැකීමක් ඔබ සමග බෙදා ගන්න.... ගීතය විචාරය කරන්න ඕනෙ නෑ... කතාව කිව්වහම ඔබට හොදටම වැටහේවි....

මේ සිද්දිය වුනේ පහුගිය ජනවාරි 19 වෙනිද.... මගේ ලගින් නෑදෑ වෙන නංගියෙක්ගෙආදර වන්තය හිටියෙ විදේශ රටක (දෙන්න විවාහ ගිවිසගෙන).... ඉතින් මේ දෙන්න යෝජිත සම්බන්ධයක් වුනත් නිතරම දුරකතනයෙන් කතාකරල ගොඩාක් ආදරෙන් බැදිල හිටියෙ... මේ නංගිය ගොඩාක් මා එක්ක එකතුයි. එයාට අයියල නෑ. ඒ නිසා වෙන්න ඇති... කොහොම හරි මේ කෙල්ල හරි දග මල්ලක්... මගෙත් එක්ක විනෝදෙන්මයි ඉන්නෙ... හිතේ තියෙන හැමදේම මට කියනව... මේ කොල්ල ගැනත් කියනව... එයා හොදයි වගේ... එයා හරම කිව්ව... එයා මෙහෙම කිව්ව... කියල කියවනව වෙලාවකට වදයක්....

කොහොමින් කොහොමහරි මේ අපේ කිරිල්ලිගෙ කුරුල්ල ගිය දෙසැම්බර් මාසෙ ආව.... අම්මේ බලන්න එපායැ අපේ කෙල්ලගෙ සතුට... හිත මූණට ඇවිත්... සන්තෝසෙන් පිරිල... ඒ ආදරවන්තයත් ආයෙ පණවගේ තමා අපේ කෙල්ලට.... එයා මේ සැරේ ඇවිත් තියෙන්නෙ විවාහ උත්සවය අරගෙන යන්න... අපි ඇහුව ඇයි නංගිව එක්කරගෙන යන්නෙ නැත්තෙ කියල... එහෙම එක්කරගෙන යන්න අමාරුයි... තවම වීසා ප්‍රශ්ණ, ගිහිල්ල එයාව එහෙට ගන්නව කිවුව... ඇත්ත ඒ ප්‍රශ්ණ ගැනත් අපි සාධාරණ වෙන්න එපැයි... කෙල්ලගෙන් මම ඇහුවම කමක්නෑ එයා ඉතින් මාව ඉක්මනින් එහෙට ගනීවිනේ කිව්වා... ඇත්ත කොල්ල ඒ දේ කරයි... ඩොකියුමන්ට්ස් ඔක්කොමත් රෙඩි... මාස කිහිපයක් විතරයි ප්‍රමාද වෙන්නෙ... ඉතින් කෙල්ලටත් ප්‍රශ්ණයක් නෑ කියනවනේ.... ඒක නෙමෙයිනෙ මට ඔයාලට කියන්න ඕන කාරනය....

ඔන්න ඉතින් විවාහය ජනවාරි මුල ගත්ත හරිම ලස්සනට. දෙන්න හොදින් සන්තෝසෙන් ජීවත් උනා... සති දෙකකට විතර පස්සෙ මේ 19 වෙනිද කොල්ලට නැවත රට යන්න උදාවුනා... මමත් ගියා නංගියත් එක්ක... අනේ කොල්ල ගොඩාක් දුකෙන්... ඒත් අපේ එකීනම් කාගෙන ඉන්නවද කොහෙදො .... වැඩි සද්දයක් නෑ.... දෙන්න අත්දෙක ඈත් කලේ නම් හරිම වේදනාවෙන්.... කොල්ල ඉතින් ගියා... අපි මෙයාව ආයෙත් ගෙදර ඇරළුව ... වැඩි සද්දයක් නෑ කෙල්ල... මමත් වද දෙන්න ගියේ නෑ....

මෙන්න පස්සෙන්ද නැන්ද මට කෝල් එකක් දෙනව එන්න කියල... මමත් ගියා... ගියාම නැන්ද කියනව පුතේ කාමරේමයි ඔයාවත් පොඩ්ඩක් අවවාදයක් දෙන්න කියල.... මම ගියා කාමරේට කෙල්ල ඉන්නව කොට්ටෙට ඔළුව තියාගෙන..... මමත් ඉතින් පට්ට දාර්ශණිකය වගේ මෙයාට ලෝකෙ නැති අවවාද දෙනවා... බනිනවා... යථාර්තය කියල දෙනව...

කෙල්ල නැගිට්ට... ෆෝන් එකේ හෑන්ඩ් ෆ්‍රී එක මගේ කණට තිබ්බ... මෙන්න යනව ගීතයක්.... දෙයියනේ.. පිස්සු හැදෙනව... මටත් උඩ බිම නෑ.... මෙන්න මගෙනුත් ඇස් දෙකෙන් කදුළු කට කට ගාල වැටෙනව........ ගීතයකට මෙච්චර බලයක් කොහෙන්ද ලැබුනෙ.... හරියට මාලනී බුලත්සිංහල මෙයාගෙ සිද්ධිය බලාගෙන ඉදල අඩන්න වගේ ගීතය කියනව... අපි දෙන්න අඩනව. අඩනව නෙමෙයි නිකම්ම ඇඩෙනව..කොහෙන් හොයාගත්තද මන්ද මේ ගීතය....

ජීවන සටන ජයගන්න ඔබේ පෙම්වතියන්, බිරිද, දරුවො තනිකරල ඔබ ඈත දුර රටකට යන්නෙ රජ සැප විදින්න නෙමෙයි තමා.... ඒත් ඔබ දන්නවද ඔබේ සෙනහසට, රැකවරණයට හුරුවුනු බොළද, අහිංසක, පුංචි හදවත් වලට ඔබේ අඩුව දරාගන්න අමාරුයි, හරිම අමාරුයි.... පුළුවන් හැම මොහොතෙම ඒ සෙනෙහස ඔවුන්ට ලබා දෙන්න..... ඔවුන්ට ජීවිතේ ගත කරන හැම මොහොතකම, තනිවන, දුක්වන, පාළුව දැනෙන හැම මොහොතකම ඔබව සිහිවෙන බව තේරුම් ගන්න..... මේ ගීතය එසේ තම ජීවිතයේ තම සැමියා, ආදරවන්තයා, පිය නැතිව තනිවන, දුක්වන, පාළුව දැනෙන සියළුම බිරින්දෑවරුන්, කාන්තාවන්, දූ දරුවන්ට උපාහාරයක්ම වේවා.....

ඔබට මම මෙච්චරටම ආදරේකලා කියල ඔයා මාව තනිකරල පිට රටකට පියාබනකල්ම මට තේරුනේ නෑ... මගේ සතුට නැතිවෙලා... ජීවිතේම කළුවර වෙලා, පාළුවෙලා.... හැම මොහොතකම ඔබ සිහිවෙනවා.... ඒ තරමටම පිස්සුවෙන් වගේ ඔයාට මම ආදරේ කරන බව, නිදි නැතිව රෑ පුරා ඔයාව සිහිකරන බව, ඔයාව මට ඕන බව ඔයාදන්නව නේද...................

මෙන්න මේක තමා මම අහපු ගීතය.....

ඔබට මා ආදරය කල බව මෙතරම්
මා දමා ඔබ
දුරු රට යනතුරු නොදනිම්...

වළාවකින් ඔබ
වැසී ගියා බොල් අහසේ
සිනා පහන් වැට
නිවී ගියා සැඩ සුළඟේ...

ඉරත් මැරී
පුන් සඳත් මැරී
ලොව අඳුරේ
කෙසේද ඉන්නේ
පාළු පැලේ
නිදි පැදුරේ....

පද - සුනිල් ආරියරත්න
තනුව - එච් එම් ජයවර්ධන
ගායනය - මාලනී බුලත්සිංහල

තවත් ගීතයක් තව ටිකකින්.............

පිස්සු හැදෙනවා .... ස්තුතියි .... sasliit සහෝ

rombo · Mar 9, 2013

user52 said:
සමහර ගීතවල මහා සැගවුනු අරුත් නැතිවුනත් ගොඩක් අය ඒ ගීත වලට ආදරය කරන්නේ ඒ ගීත්වලින් තමන්ගේ ජීවිතය හෝ ජීවිතයේ අතිදැකීමක් පුනරාවර්ජනය කරන නිසා වෙන්න පුලුවන් මේ ගීතයත් ඒ වගේ තමයි මගේ ජීවිතේ එක් කාලයක් මේ ගීත රචකයා අපූරුවට විග්‍රහ කරනව.........

පැන මඩ කඩිති වැව් තාවුලු වැහි කාලේ
පෙන්නා මග නොමග නොවැටී යන තාලේ
මව හා ගුරුවරයා ලෝකයක් වෙනස් කරන්නට හැකියාව ඇති ප්‍රබල චරිත දෙකක් මොකද ළමයා කියන මැටි ගුලිය ඔපමට්ටිම් කරල ලොකයට දෙන්නෙ ඔවුන් නිසා එයිනුත් ගුරුවරයාගේ චරිතය ඉතා ප්‍රබලයි. මේ ගිතය මෙකී උත්තම ගුරුවරයාගේ හා ඔහුගේ පවුලේ සැබැ අදුර ලෝකයට පෙන්වන ඉතා අගනා නිර්මානයක්.
මේ ගුරුවරයා දරුවන්ට ශිල්ප ශාස්ත්‍ර දුන්නේත් මගපෙන්වීම් කලේත් අවවාදයට වඩා ආදර්ශයෙනි. වැහි කාලෙ මඩ කඩිති වලින් එගොඩ වෙනහැටි ජීවිතේ බාදක වලට නොවැටී මුහුන දෙනහැටි අපට උගන්වන්න එතුමා දැරූ අප්‍රමාන වෙහෙස.............

සිප් කිරි පෙවු මූසිලයන් උඩුමහලේ
අපෙ ගුරුතුමා යයි තාමත් ඉස්කොලේ
මේ ගුරුතුමාගෙන් ශිල්ප ඉගෙනගත් සමහරුන් උඩුමහල් වල වැජබෙනව... ඔවුන්ට පහල මහල් ගැනවත් උඩුමහලට ආ හැටි වත් අමතක කල ඔවුන් මූසිලයන් ම වේ. නමුත් මේ කිසිවකින් නොසැලුනු අපේ ගුරුතුමා ඉස්සර වගේම තවමත් ඒ විදිහමයි මේ මූසිලයන් උඩුමහලෙන් පොලවට වැටුන දවසක ඉස්සර වගේම නැවතත් ආදරෙන් හරි පාර කියාදේවී.........

සාමා අමර විකුනති බස්පොලේ කජු
කුමාරෝද පිටු දන්දෙති එයින් මතු
උගත මනා ශිල්පය පිල්කඩ නොපැතූ
වේවැල වටා ඉකිබිද දඩුවමක් පැතූ
සාමාලා අමරලා ඒනම් කුඩා දරුවන් කුඩාකලදිම ගුරුතුමා මහන්සියෙන් දෙන්න හදන ශිල්ප අතහැරල දාල ඔවනට එහි අගයක් දැනෙන්නෙ නෑ ඒ නිසයි වටිනා පොතපත ඉරා රටකජු ගොටු හදන්නෙ..... නමුත් ශිලපය බලාපොරොත්තු වන්නෙ ඒ දෙය නෙවෙයි එමනිසා ඒ ශිල්පයම නැවත ගුරුතුමාගෙන් දඩුවම් පතන්නේ ඒ නිසයි
සෑම දෙයක්ම මුදලට යටවන යුගයක කුඩා දරුවන් පවා මුදල් පසුපස දුවන යුගයක මෙකී ගුරුතුමාගේ නොමිලයේ ලබා දෙන ශිල්ප වලට අත්ව ඇති ඉරනම රචකයා උපහාසාත්මකව ඉදිරිපත් කරයි.

රන්මසු පට පිලී අබරන උරන වෙලා
සමන් පිච්ච කැකුලිය එහි මිලින වෙලා
ගුරු නිවහනම කදුලට උල්පතක් වෙලා
ලොකු හාමිනේ ඇත බිතුසිතුවමක් වෙලා
මේ ගුරුතුමා දරුවන්ට ශිලප ලබාදුන්නේ මුදල් අපේක්ශාවෙන් නොවන නිසා එතුමා මුදලින් පොහොසතෙක් නෙවෙයි. අලුත් ඇදුම් ස්වර්නාභරන හා දෑවැද්ද ඔවුනට නොමැති නිසා සමන් පිච්ච කැකුලියක් වන් ගුරුතුමාගෙ දියනිය ගෙදරටම නාකිවන අන්දම හා ඒ නිසා ගුරු නිවහන පුරා පැතිරීයන ශෝකය මෙන්ම සුන් වූ බලාපොරොත්තු සමග කරකියාගත හැකි දේයක් නොමැතිව මෙකී ගුරුතුමාගෙ බිරිද අනාගතය ගැන කල්පනා කරන අන්දම මෙම පද පේලි වලින් රචකයා අසන්නාගෙ සිත් තුල මනාවට විචිත්‍රනය කරන අයුරු...

පාසලේ උසස් පෙල කරනකාලේ පන්තියේ බොහොදෙනක් මාව පන්තියෙන් කොන්කලේ ඔවුනට මෙන් මිලෙන් අදික ජංගම දුරකතන පරිඝනක හෝ ලැප්ටොප් මා සතුව නැති නිසා. වතාවක් කෙනක් මගෙ දිහා බලාගෙන "හිගන්නන්ට කොහෙන්ද බන් ඔවා" කියල හිනා උනා. මොකක හරි මිලගනන් ඇහුවාම "ඇයි උබ ගන්නද ඇගිල්ලෙ තරමට ඉදිමියන් බන්" කිව්වා. මම කරන්න ආසාවෙන් හිටිය සමහර පාථමාලාවන් මට කරන්න බැරි උනේ තාත්තා ලග සල්ලි නැති නිසා අම්මා ලග ඒ මුදලට හරියන්න උකස් කරන්න මාලයක් වලල්ලක් වත් නොතිබුනු නිසා.
අපේ ලග නැදැයන් අපිට උත්සව වලට ආරාදනා නොකලේත් මට ජීවිතේ මුලින්ම හම්බවෙන්න තිබුනු රස්සාව නැතිඋනේත් අපේ නැයන්ට අපිව නැයන් කියන්න තිබුන ලැජ්ජාව නිසා.
මගේ තාත්තා දහස් ගනනකගෙ දෑස පැදපු කෙනෙක් තාත්තට මට හැම සැපස්ම්පතක්ම දෙන්න බැරි උනා නමුත් තාත්ත මට දුකක් දුන්නෙත් නැ.... හැම සරදමක්ම නොලැබීමක්ම අරමුනක් වූ මම අද කිහිප දෙනෙකුගෙ ප්‍රධානියා වශයෙන් ආයතනයක තීරන ගන්නවා....... මට සරදම් කරපු උන් මගෙන් සප් එකක් ඉල්ලනව ජොබ් කට්ටක් හොයාගන්න ඒ තමයි මගේ තාත්තා මුදලට යටනොවුනු පින......
මෑතකදි සාම විනිසුරු කෙනක් උන තාත්තා මට හැමදාම කියන කතාවක් තියනවා "අපිට සැප සම්පත් නැති උනාට අපි කාටවත් ණය නැ, කාටවත් දුක් දීල සල්ලි හම්බකරලවත් නැ ඒ නිසා උබට වරදින්නෙත් නැ"

හැගීම්බර වීම නිසා ගීතයේ අදහසට හානියක් උනානම් සමාවෙන්න.....

dath kimbula said:
උඹට දැන් හරි ගිහිල්ල තියනව නම් ඒ හරි යාමට 50% හේතුව උඹේ අම්මයි, තාත්තයි මචං......
මේ ත්‍රෙඩ් එකේ දී මම බුදුන්ට, දෙවියන්ට, මගේ දෙමවුපියන්ට, ගුරුවරුන්ට එක් කරන මේ අත් දෙක එකතු කරල උඹේ තාත්තටත් වදිනවා............
උඹේ තාත්තා වගේ මිහි පිට වැඩ ඉන්න දෙවිවරු නිර්ලෝභීව, දෙන පඩිය ගැන බලන්නේ නැතුව, වෙස්සන්තරවරු වගේ දුන්න ශිල්ප ශ්‍රාස්ත්‍රයෙන් තමා අපි අද මේ තැන් වල ඉන්නේ.........

අවන්කවම ඇස වලින් මටත් හොරෙන් කදුළු එනවා යාලුවනේ මේවා කියවනකොට .... මගෙත් තාත්ත හිටියනම් කියල හිතෙනවා

argan · Mar 9, 2013

sudu වැද්දා · Mar 10, 2013

මචන්ලා ... මගේ හිතට වදින එක ගීතයක් තමයි
“ සදකඩ පහණක ...“ කියන ගීතය,

මේක චිත්‍රපට ගීතයක්. චිත්‍රපටයේ හැටියට කොල්ලෙකුයි කෙල්ලෙකුයි යාළු වෙලා ඉන්දෙද්දි කොල්ලා රට යනවා. රට ගිහින් එද්දි ගෙදරින් කෙල්ලව වෙන එකෙක්ට බන්දලා දීලා...

තව අරුතක් තියෙනවා දැරියක් ඉන්න සැමියෙක් නැති ගණිකාවක් ගැන.

අනේ මන්දා මටනම් රට ගියේ නැති වුනාට අනිත් ටික නම් නියමෙට සෙට් වෙනවා

thari_on · Mar 19, 2013

dath kimbula said:
[FONT=&quot]සැදැ කලුවර කුර ග ගා විත් - ඔබේ පැල්පත මගේ දසුනින්[/FONT] [FONT=&quot]
ඈත් වූ සද -මගෙ සරා සද
තනිවෙලා මා තනි වෙලා............[/FONT]
[FONT=&quot]ආ...ආ...ආ....ආ....ආ..........[/FONT]
[FONT=&quot]
[/FONT]
[FONT=&quot]සත්‍ය ලෙසටම මතු පිට පෙනෙන ආකාරයට මේ ගීතය විප්‍රලම්භ ශෘංගාරය දනවන්නක්. එකිනෙක පේන දුරින් සිටින යුවලක්, කළුවර වැටෙද්දී තමන් ගේ දර්ශනය මැකීයන බව සහ එයින් පසුව කාන්තාව තනි වී කරනා ලතැවිල්ලක්, දුටු වනින් ම අපේ සිත් තුළ ඇදෙනවා. කාරණය ඒ නම්, මාගේ සකියෙනි, මා ඔබෙන් පැණැසෙන්නේ මේ යෙදුමේ අර්ථය කුමක් ද යන්නය.......[/FONT]
[FONT=&quot]
[/FONT]
[FONT=&quot]“ගව් ගනන් දුර ජීවිතේ බර - මගේ හිස මත බර වෙලා....................”[/FONT]
[FONT=&quot]
[/FONT]
[FONT=&quot]ප්‍රේමයේ විරහවෙන් වේදනා විදින ඇයට එක්වන්ව ම ජීවිතේ බර හිස මත බර වී ඇති බව මතක් වන්නේ ඇයි? අප දන්නා පමණින් ප්‍රේමය නිසා ජීවිතේ බර මදක් සැහැල්ලුවනවා විනා වැඩි වීමක් නැත. එයින් අපට පෙනෙන කරුණ අප මේ ගීතයේ රසවින්දනාත්මක පාර්ශවය ලෙස යම් නොමග යාමක් ගොස් ඇති බව නොවේද?[/FONT]
[FONT=&quot]මම අපේ සස්ලිට් සොයුරා සමග සිදුකල දීර්ඝ විග්‍රහයේ දී පෙන්වා දුන් කරුණ මෙසේ පළ කරමි...........[/FONT]
[FONT=&quot]
[/FONT]
[FONT=&quot]තම ආත්මය අලෙවි කරමින් තම සැමියා රකින බිරිදක ගේ ළතැවිල්ල[/FONT]

[FONT=&quot]සැදැ කලුවර කුර ග ගා විත්[/FONT]

[FONT=&quot]සැදැ කලුවර කුර ග ගා විත් - ඔබේ පැල්පත මගේ දසුනින්[/FONT]
[FONT=&quot]ඈත් වූ සද -මගෙ සරා සද - තනිවෙලා මා තනි වෙලා............[/FONT]
[FONT=&quot]ආ...ආ...ආ....ආ....ආ..........[/FONT]

[FONT=&quot]වළාකුළකුදු නොමැති අහසේ - මළානික වූ මගේ සිතිවිළි[/FONT]
[FONT=&quot]ගල් ගැසී ඇත පාළු වී ඇත - අදුර පමණක් රජවෙලා.........[/FONT]
[FONT=&quot]ආ...ආ...ආ....ආ....ආ..........[/FONT]

[FONT=&quot]ඔබේ ලෝකය මගේ ලෝකය අතර ඇත්තේ රැයක් පමණයි[/FONT]
[FONT=&quot]ගව් ගණන් දුර ජීවිගේ බර - මගේ හිස මත බර වෙලා........[/FONT]
[FONT=&quot]ආ...ආ...ආ....ආ....ආ..........[/FONT]

[FONT=&quot]අදුර ගලා යන විට ඇය ඔහු ගෙන් සමුගෙන යා යුතුය. එනිසා කළුවර මෝරා එන විට ඇය ගේ දසුනින් ඔහු සිටින පැල්පත ඈත් වී යයි. එම දසුන ඈත් වූ විට ඇය මේ ලොව තනි වේ. ඒ තනි වීම ඇගේ සදවත විනිවිදින එකකි. ඒ ඇය සිය ස්වාමියා පෝෂණය කරනු පිණිස සිය සිරුර අළෙවි කරනා නිසාය. ඔහු ගේ පහස තරම් ආදරණිය පහසක් ඇයට ගණුදෙණුකරුවන් ගෙන් නොලැබේ. එනිසාය ඇය තනිවන්නේ..............[/FONT]
[FONT=&quot]
[/FONT]
[FONT=&quot]වළාකුළකුදු නොමැති අහසේ - මළානික වූ මගේ සිතිවිළි[/FONT]
[FONT=&quot]ගල් ගැසී ඇත පාළු වී ඇත - අදුර පමණක් රජවෙලා.........[/FONT]

[FONT=&quot]සද වලාකුළින් වැසූ කල්හි දැනෙන රමණිය සුන්දර සිත්තම ඇය අත්දකින්නේ නැත. එනම් ස්ත්‍රී-පුරුෂ සම්භෝග සුවය ඇය විදින්නේ නැත. එනිසා ය ඇගේ සිතුවිළි මළානික වන්නේ. ප්‍රේමණිය හැගීම් උතුරා යා යුතු මොහොතක පවා ඇය ගේ සිතිවිලි මළානික වන්නේ ඇය ගේ ගණුදෙණුකරුවන් ඇයගෙන් ලබන්නේ ඇගේ තුණුසපුව පමණක් විනා, හැගීම් නොවන බැවිණි. මේ නිසාය මළිනික වූ ඇගේ සිතුවිළි ගල් ගැසෙන්නේ.......ඇය වටා සම්භෝග ප්‍රහර්ෂය නැත. ඇගේ ලොව ඇත්තේ මේ අවස්ථාවේ දී අදුරම පමණි.[/FONT]

[FONT=&quot]ඔබේ ලෝකය මගේ ලෝකය අතර ඇත්තේ රැයක් පමණයි[/FONT]
[FONT=&quot]ගව් ගණන් දුර ජීවිගේ බර - මගේ හිස මත බර වෙලා........[/FONT]

[FONT=&quot]ඇය නිවෙසට එනවිට උදයයි. ඒ මිනිසුන්ට, සතුන්ට, ගහවැලකොළට උදයකි. නමුත් ඇය රාත්‍රීයේ කරන කටයුත්තේ වෙහෙස නිසා දිවා කළ නිදිදෙවිදුව සරණ යයි. එවිට ඇයට ඇත්තෙන් ම රාත්‍රිය වන්නේ අපේ දහවලය. සැමියා ගේ ලොව සහ ඇගේ ලොව අතර නිරතුරුව ඇත්තේ රැයකි. මේ සියළු ම වේදනා දරන්නේ ඇය ගව් ගණන් වූ මේ ජීවිතයේ බර දැරීමට බව අපට අවසානයේ දී කියා පායි.[/FONT]

[FONT=&quot]රචකයා වූ මඩවල එස්. රත්නායකයන් කොතරම් සුක්ෂ්ම ලෙස මෙම පද පෙළ හසුරවා ඇතිද යන්න පිළිබද විශ්මයට පත්වීමෙන් වැළකීමට අපට නොහැකිය. එසේම බලන්න මේ ගීතයට යොදා ඇති මන්ද්‍ර ස්වර කලාපයේ සංගීතය. වස්දඩුව වුව වැයෙන්නේ මන්ද්‍ර ස්වරයෙනි. නන්දා ගේ විලිපීය කටහඩ, අවසන දී ඇය [/FONT][FONT=&quot]ආ...ආ...ආ....ආ....ආ.......... ලෙස ගායනා කරන [/FONT][FONT=&quot]අලප් කොටස මේ ගීතය අපේ හදවතේ ඇති ගැඹුරුතම තැන දක්වා මෙහි අර්ථය අතික්‍රමණය කරවයි. 1079 වසරේ සිට තවමත් පරම්පරා ගණනක් රසවතුන් ආනන්දයෙන් ප්‍රඥාව කරා එලඹවන මෙවන් ගීත අපට දායාද කළ සියළුම සුධීන් වෙත අපේ පින අනුමෝදන් කරවමු.!!!![/FONT]

niyamai machan :yes:

thari_on · Mar 20, 2013

dath kimbula said:
හදිස්සියේ ඔළුව දාල යන්න ආවට දැක්කම නම් රිප්ලයි නොකර බැරියෝ.........!!!!!!

මම පෞද්ගලිකව දන්න දෙයක්, ගීතයේ රචිකාව අපේ පවුලේ මිතුරියක් නිසා
අසුරු සැනින් එක මොහොතක දී..............

ප්‍රවීන නිවේදිකා කුසුම් පීරිස් මහත්මිය ගුවන් විදුලියේ වැඩ කරන කාලයේ දී ඉතාම ළගම ඇසුරක් තිබුණු කෙල්ලෙක් සහ කොල්ලෙක් ඉදලා තියනවා. හැම දෙනාම හිතා ගෙන ඉදලා තියෙන්නේ මේ දෙන්නා පෙම්වතුන් කියලා.....නමුත් එහෙම දෙයක් තිබිල නෑ.
පස්සේ කාලෙක ආපු යෝජනාවකින් තරුණිය විවාහ වෙනවා. ඒ එක්කම ඇය තීරණය කරණව රැකියාවට සමුදෙන්න.
තුසුම් ආන්ටි ඇර ගෑණු ළමයගෙන ඇහුවාම මේ සම්බන්ධයක් වගේ තිබ්බ දේ ගැන ඇය කිව්වලු මම බලං හිටියේ එයා මගෙන් අහනකං, හේතුව ම ගෑනු ළමයෙක් නිසා මට ෆස්ට් මූව් එක කරන්න බෑ නේද අක්කේ කියලා. ඇත්තටම අර ගෑණු දරුව ඉදලා තියෙන්නේ මේ කොල්ලා ගැන ප්‍රේමයෙන්.
ගෑනු දරුව රැකියාවෙන් ඉවත් වුණ දවසේ කුසුම් ආන්ටි කොල්ලට කියල තියනව, ඇයි අර ළමය ගෙන් ඇහුවෙ නැත්තේ එයා හිතේ තියා ගෙන නේ ඉදලා තියෙන්නේ කියලා, ටිකක් චෝදනා මුඛයෙන්. අර කොල්ලා කිව්වලු අනේ අක්කේ මම ඇහුවෙ නැත්තේ බෑ කිව්ව නම් අපේ මේ මිත්‍රත්වයත් ඉවරනේ, ඇත්තට ම මම එයාට ආදරේ කලා, එයා පොඩ් හරි ඉගියක් දෙනකන් මම හිටියේ, නමුත් එහෙම පෙන්නුවේ නැති නිසා මම අහන්න ගියේ නෑ කියලා.
පසුව දවසක අර ගෑණු දරුව හමු වුණාම කුසුම් ආන්ටි මේ ගැන ඇයට පවසලා තියනවා. ඇය වැළපෙමින් කියල තියෙන දේ තමා මේ ගීතයට පාදක වෙලා තියෙන්නේ. ඇය කිව්වලු, අනේ අක්කේ, ලෝකය නතර වෙලා ආයෙ අපි අතීතයට ගියොත් මම එයාට ආදරේ කරනව කියලා එයාට කියනව කියලා................(ටිකක් ඉන්නනම්.....ස්ක්‍රීන් එක පේන්නේ නැති තරමට ඇස් දෙක බොද වෙලා....මේ ගීතය මගේ ජීවිතයට ඉතාමත් සමීපයි.......!!!)

අසුරු සැනින් එක මොහොතක දී - කාලය නැවතී යළි ඇරඹී
විශ්වය අළතින් බිහිවේවා-ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

යෙහෙළියන් ගෙ ඉගි දිනක සැබෑ වී - ඔබේ ම කුළ ගෙයි පතිනිය වන්නට
එන සෙවනැල්ලක හමු වෙවා.....
ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

සෙනෙහෙ විමානේ කිරුළ දරන දා - සිගිති තොලක කිරි සිනා දකින්නට
මතුයම් දවසක හැකි වේවා......
ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

මමත් මේ ලෝකෙ නතරවෙලා ආයෙ පටන් ගත්ත තැනට ගියොත් මම කරපු ඒ වැරැද්ද කරන්නේ නෑ මචංලා..................!!!!
මම යන්නම්.....ආයෙ රිප්ලයි ලියන්න බෑ මචංලා...සොරි...!

adenawa

wrom · Mar 20, 2013

sasliit said:
කසාද බැදල අම්මටත් වඩා ගෑනිව ලොකු කරගෙන හිටිය.... හැබැයි ගෑනි කියන්නෙ කවුද කියල තේරුම් ගන්න , ගෑනිගෙ ආදරේ අම්මගෙ ආදරේට වඩා අඩුයි කියන්න ගොඩක් කාලයක් ගියා....
හරියට යෝධ ඇලේ බැම්ම වගේ... මොකද සැතපුමක් ගියාම තමා තේරෙන්නෙ අගලක බැස්මක් මේකෙ තියෙනව කියලා......
බිරිදකගේ සෙනෙහෙ ගියා... යෝද ඇලේ නැම්මේ...
ඔබෙ සෙනෙහස සුවද දිදී.... දැනුනා මට අම්මෙ.....

සින්දුව මොකද්ද කියල කියන්න ඕනෙ නෑනේ.....

maxa aaaaaaaaaa.........

H@suri · Mar 22, 2013

uaks desilva · Mar 22, 2013

sasliit said:
ලක්ෂ්මන් හිල්මි ගායනා කරන මේ සින්දුව අහනකොට කවුරුවත් මේකේ තේරුම ගැන හිතුවද?

රීදී පාට කළ පාතුඩු පයට පෑගිලා
නපුරු වී ඔයා මා සලලෙකුට සම කළා
සුමුදු මුදු දෙපා තුඩු වල පහස නොදැනෙනා
යකඩ පය මගේ නුඹ ළඟ හඬා වැළපෙනා

විඳින වේදනා මදි මට නගයි චෝදනා
උහුල ගන්න බැරි ගින්දර හිතේ ඇවිලුනා
පිරී ඉතිරිලා ගිය බස් රථයෙ ගොඩ වෙලා
බලා උනිමි අසරණ වී කඳුළු සඟවලා

නොදැන ඔබ එදා මට බැන වදින්නට ඇති
ජාති ජාති වත් තරහක් මගේ නම් නැති
එදා යුද බිමේ මතකය ඔයාටත් ඇති
සදා කල්ම නොමියෙන රණ විරුව මම වෙමි..!!

මේ ගීතයට පාදක වුන සිදුවීම මේකයි►
කොට්ටාව හන්දියෙන් අවිස්සාවේල්ල බස් රථයකට නැගුනු තරුණියක් බස් රථයේ සෙනග නිසා සෙමින් සෙමින් ඉදිරියට යන්නට විය... බස් රථය වේගයෙන් ඉදිරියට යමින් පවතී. හෝමාගම මංසංධියේදී සෙනග සුළු ප්රෙමාණයක් බැස ගිය අතර තවත් සෙනග නගින්නට විය. ඒ අතර හැඩි දැඩි පෙනුමෙන් යුතු උස මහත තරුණයෙක් බසයට අපහසුවෙන් ගොඩ උනි. සෙනග අතරින් ඉදිරියට පැමිණ ඔහු කලින් කී තරුණිය අසල සිට ගත්තේය. බස් රථය ඉදිරියට ඇදෙන්නට විය.

ටික වේලාවකින් තරුණිය ගස්සා තරුණයාට රැවුවාය. නැවතත් සුළු මොහොතකින් තරුණිය රවන්නට විය. තෙවනි වර තරුණිය කට හඩ අවදි කලාය !!

''තමුසේ මහ වනචරයෙක් !! දැන් තුන්පාරක්ම මගේ කකුල පෑගුවා . තමුසේට අක්කලා නංගිලා නැද්ද. කෙල්ලෙක්ට බස් එකකවත් යන්න නෑ. ඔච්චර අමාරුනම් සල්ලි කීයක් හරි දීල ගෑනියෙක් අරං ගිහිං බුදිය ගනිං''

බස් රථයටම ඇසෙන සේ කෑගැසු තරුණිය නිසා තරුණයා දෙස බස් රථයේ සියලු දෑස් යොමු විය. තරුණයා කෙතරම් හැඩි දැ‍ඩි උවද ඔහුට ඒ වචන දරා ගත නොහැකි විය. ක්ෂණයෙන් ඔහුගේ දෑස් රූරා කදුලු කැට කඩා වැටෙන්නට විට. ඔහු තම හඩ අවදි කලේය.

''ම‍ගෙන් වරදක් උනා නම් මට සමා වෙන්න නංගි. මම යුධ හමුදාවේ. පුදුකුඩුඉරිප්පු අවසාන සටනෙදී මට බොම්බයක් පෑගිලා මගේ කකුල මට නැති උනා. මගේ දකුණු අතත් හරියට වැඩ කරන්නේ නෑ. ජීවත් වෙන්න ඕන නිසා ජීවත් වෙනවා නංගි. එදාම මැරිල ගියා නම් අද ඔයා මට බනින්නේ නෑනේ. මට සමාවෙන්න මගේ බොරු කකුලට හැගීම් දැනීම් නෑනේ නංගි ඒකයි එහෙම උනේ. ආය පාරක් මට සමාවෙන්න''

තරුණයා කදුළු පිරි දෑසින් කියාගන කියාගන ගියේය. එසේ කියා තරුණයා පනාගොඩ යුධ හමුදා කදවුර අසලින් බැස ගියේය. ඔහුට ආසනයක් නොලැබීම ගැන බස් රථයේ සියලු සෙනග කම්පා වූ අතර තරුණිය ඉතා වේගයෙන් අඩන්නට විය.

අප රණවිරුවන්ට මීට වඩා සැලකිය යුතුය. අපේ පණ බේරුවේ ඔවුන්ය. අප ඔවුනට නිසි තැන දී ගරු කල යුතුය. දෙවියන්ද ඔවුන්ව පුදනු ඇත.

පත්තරය තිබ්බ එකක් මේක...

MARU KATHAWA 1KA MACHOOOOOOOOO

handysameera · Mar 22, 2013

අපේ සිංහල සින්දු වල දේශීය ගතිය නැති කලේ සිරස
Super Star කියල මගුලක් ගේනවා
බලපන් තාලෙට සින්දු කියන එවුන් කපනවා
හු හු ගගහ කෑ ගහන එවුන්ව තෝරනවා
ඒ මදිවට අපේ ලස්සන සින්දු remix කරනවා
අර තනුජා කරන programme එකට ගේන එවුන් බලපල්ලා
උන් හිතන් ඉන්න උන් හරි ගායකයෝ කියල
අනේ අම්මප මග බලලවත් අහන්නේ නැ ඔකුන්ගේ සින්දු
අශාන්ති හිතන් ඉන්න එකී සිංහල සංගීත රැජින කියල
මොන උනත් අපේ සිංහල කොල්ලෝ රැවටිලා නැ
මේ වගේ නුලකින් එක තේරනව.අපේ රට ඒ තරම් අවාසනාවන්ත නැ
මේ නුල වැටන්න දෙන්න එපා කොල්ලනි :yes:

janaka5130 · Mar 22, 2013

handysameera said:
අපේ සිංහල සින්දු වල දේශීය ගතිය නැති කලේ සිරස
Super Star කියල මගුලක් ගේනවා
බලපන් තාලෙට සින්දු කියන එවුන් කපනවා
හු හු ගගහ කෑ ගහන එවුන්ව තෝරනවා
ඒ මදිවට අපේ ලස්සන සින්දු remix කරනවා
අර තනුජා කරන programme එකට ගේන එවුන් බලපල්ලා
උන් හිතන් ඉන්න උන් හරි ගායකයෝ කියල
අනේ අම්මප මග බලලවත් අහන්නේ නැ ඔකුන්ගේ සින්දු
අශාන්ති හිතන් ඉන්න එකී සිංහල සංගීත රැජින කියල
මොන උනත් අපේ සිංහල කොල්ලෝ රැවටිලා නැ
මේ වගේ නුලකින් එක තේරනව.අපේ රට ඒ තරම් අවාසනාවන්ත නැ
මේ නුල වැටන්න දෙන්න එපා කොල්ලනි

ඇත්ත කතාව

greenthunder · Mar 22, 2013

dath kimbula said:
හදිස්සියේ ඔළුව දාල යන්න ආවට දැක්කම නම් රිප්ලයි නොකර බැරියෝ.........!!!!!!

මම පෞද්ගලිකව දන්න දෙයක්, ගීතයේ රචිකාව අපේ පවුලේ මිතුරියක් නිසා
අසුරු සැනින් එක මොහොතක දී..............

ප්‍රවීන නිවේදිකා කුසුම් පීරිස් මහත්මිය ගුවන් විදුලියේ වැඩ කරන කාලයේ දී ඉතාම ළගම ඇසුරක් තිබුණු කෙල්ලෙක් සහ කොල්ලෙක් ඉදලා තියනවා. හැම දෙනාම හිතා ගෙන ඉදලා තියෙන්නේ මේ දෙන්නා පෙම්වතුන් කියලා.....නමුත් එහෙම දෙයක් තිබිල නෑ.
පස්සේ කාලෙක ආපු යෝජනාවකින් තරුණිය විවාහ වෙනවා. ඒ එක්කම ඇය තීරණය කරණව රැකියාවට සමුදෙන්න.
තුසුම් ආන්ටි ඇර ගෑණු ළමයගෙන ඇහුවාම මේ සම්බන්ධයක් වගේ තිබ්බ දේ ගැන ඇය කිව්වලු මම බලං හිටියේ එයා මගෙන් අහනකං, හේතුව ම ගෑනු ළමයෙක් නිසා මට ෆස්ට් මූව් එක කරන්න බෑ නේද අක්කේ කියලා. ඇත්තටම අර ගෑණු දරුව ඉදලා තියෙන්නේ මේ කොල්ලා ගැන ප්‍රේමයෙන්.
ගෑනු දරුව රැකියාවෙන් ඉවත් වුණ දවසේ කුසුම් ආන්ටි කොල්ලට කියල තියනව, ඇයි අර ළමය ගෙන් ඇහුවෙ නැත්තේ එයා හිතේ තියා ගෙන නේ ඉදලා තියෙන්නේ කියලා, ටිකක් චෝදනා මුඛයෙන්. අර කොල්ලා කිව්වලු අනේ අක්කේ මම ඇහුවෙ නැත්තේ බෑ කිව්ව නම් අපේ මේ මිත්‍රත්වයත් ඉවරනේ, ඇත්තට ම මම එයාට ආදරේ කලා, එයා පොඩ් හරි ඉගියක් දෙනකන් මම හිටියේ, නමුත් එහෙම පෙන්නුවේ නැති නිසා මම අහන්න ගියේ නෑ කියලා.
පසුව දවසක අර ගෑණු දරුව හමු වුණාම කුසුම් ආන්ටි මේ ගැන ඇයට පවසලා තියනවා. ඇය වැළපෙමින් කියල තියෙන දේ තමා මේ ගීතයට පාදක වෙලා තියෙන්නේ. ඇය කිව්වලු, අනේ අක්කේ, ලෝකය නතර වෙලා ආයෙ අපි අතීතයට ගියොත් මම එයාට ආදරේ කරනව කියලා එයාට කියනව කියලා................(ටිකක් ඉන්නනම්.....ස්ක්‍රීන් එක පේන්නේ නැති තරමට ඇස් දෙක බොද වෙලා....මේ ගීතය මගේ ජීවිතයට ඉතාමත් සමීපයි.......!!!)

අසුරු සැනින් එක මොහොතක දී - කාලය නැවතී යළි ඇරඹී
විශ්වය අළතින් බිහිවේවා-ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

යෙහෙළියන් ගෙ ඉගි දිනක සැබෑ වී - ඔබේ ම කුළ ගෙයි පතිනිය වන්නට
එන සෙවනැල්ලක හමු වෙවා.....
ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

සෙනෙහෙ විමානේ කිරුළ දරන දා - සිගිති තොලක කිරි සිනා දකින්නට
මතුයම් දවසක හැකි වේවා......
ඔබේ ම වී මා- ම ගේ ම වී ඔබ
අපේ ම වී අප ඉපදේවා......!!!!

මමත් මේ ලෝකෙ නතරවෙලා ආයෙ පටන් ගත්ත තැනට ගියොත් මම කරපු ඒ වැරැද්ද කරන්නේ නෑ මචංලා..................!!!!
මම යන්නම්.....ආයෙ රිප්ලයි ලියන්න බෑ මචංලා...සොරි...!

ඒ ගතවුණ කාලය ආපහු ගන්න බැහැ සහෝදරයා. මටත් ඔයිටසමාන අත්දැකීමක් තියනවා. අදටත් මම ඒ මුණ හොයනවා. සමහරවිට මට ලැබේවි, සමහරවිට නොලැබේවි. ඒ දේ කොහොම සිද්ද වුනත් අපි කටින් කතානොකර ඇස්වලින් කතාකරකර ඉඳපු පුංචි කලේ මුළු ජිවිතේ පුරාවටම මතකයේ තියේවි.මේ සින්දුව අපි අතරේ බෙදාගත්තට ගොඩක් ස්තුතියි.