පද පේලි .....

[amila_90210]

මෙහෙණියක වී සසර කතරින්
එතෙර වන්නට පාරමී පුරනා
ඔබ පෙම්වතියක් ලෙසින් එදා මා
පෙමින් එදා මා ළඟ උන්නා

නාමල් උඩුගම

 

[~Titi~]

අහස දෙදරා හඩන රෑ යාමේ කව්දෝ ආවා
සිහිනෙ රග පෑවා හිනැහෙමුද කීවා
අහස දෙදරා හඩන රෑ යාමේ කව්දෝ ආවා
සිහිනෙ රග පෑවා හිනැහෙමුද කීවා

හිත ගාව හිනහෙන්න දුන් කාලේ ඉවරයිද
ඔබ උන්නෙ මා ගාව ඒ හීනෙ විතරයිද
වස්සානෙ නැතුවාට මට ඉන්න ඔබ ගාව
හිත ඉල්ලලා නෙත හඩනවා සයනයේ තනිවෙලා

අහස දෙදරා හඩන රෑ යාමේ...

හීනයේ ගෙන ආව පෙම් සිසිල විද ගන්න
ලග ඉන්න සැනසෙන්න මට ආයේ තහනම්ද
හිත හඩනවා තාම තේරෙන්නෙ නැතුවාද
වස්සානයේ වැහි බිංදු සේ කදුලු දෑසින් ගලනවා

අහස දෙදරා හඩන රෑ යාමේ...

-Harini-

 

[conqureshadow]

රෝස තොල් සිඹිමි තොල් මත කඳුලු බිඳු රැඳෙයි
ඔබ ආදරේ කියාදුන්නෙත් ඒ වගේ තමයි
මේ රැයයි සඳයි හරියට ඒ ඔබයි මමයි
හීනයක් වගෙයි මගෙ සිත පාරවයි රිදෙයි......

පිච්ච මල් පිපී යහනේ සුවඳ මා දවයි
එක්ව කී කතා දෙසවන දෝංකාර දෙයි
ඔබ උන්නු තැන හදේ තාමත් හරිම උණුසුමයි
ඉවසන්න බැරි තවම ඔබගේ වෙන්ව යාමමයි.....

අඳුර ඉකි ගසයි සුසුමින් තරු නිවා දමයි
සොඳුර නුඹ ලඟින් නැතුවත් හිතට උණුසුමයි
කඳුලු බිඳු නැගී ඉඳහිට නෙතට අතවනයි
සිනාසෙමි නමුත් මේ උණු කඳුලු මගෙ නොවෙයි...

 

[m3pium]

මෙහෙණියක වී සසර කතරින්
එතෙර වන්නට පාරමී පුරනා..
ඔබ පෙම්වතියක් ලෙසින් එදා මා
පෙමින් එදා මා ළඟවුන්නා..

 

[Rex921]

ඔබ ඈත සඳ වී පා‍යා
මම මෑත තරුවක පිපිලා
මේ නිසල රැ‍යේ ලොව නිදනා
මා ඔබ ඔබ මා ලඟ ඉන්නා

අප දුරින් දුරක වුව තනි‍යේ
නෙත් සරින් පමණි හමුවූ‍යේ
ඒ ඈත් බවිනි හද පතුලේ
සෙනෙහසේ සොඳුරු බව පිරුනේ

මධු සඳ තරුවද හමුවීලා
සිටි‍යද ඔබ මා ලංවීලා
ඒ දුරක එදා අප පිපිලා
තිබු සොඳුරු සෙනේ ගඟ සිඳිලා

-බණ්ඩාර අතාවුද-

 

[amila_90210]

මෙහෙණියක වී සසර කතරින්
එතෙර වන්නට පාරමී පුරනා
ඔබ පෙම්වතියක් ලෙසින් එදා මා
පෙමින් එදා මා ළඟ උන්නා

නාමල් උඩුගම

මෙහෙණියක වී සසර කතරින්
එතෙර වන්නට පාරමී පුරනා..
ඔබ පෙම්වතියක් ලෙසින් එදා මා
පෙමින් එදා මා ළඟවුන්නා..

නංගි ..

ළඟවුන්නා හාකෝ

 

[amila_90210]

කඳු අතරේ බැඳි
මීදුම් පටල සේ
පියඹා යද්දී අපගේ ආලේ
තැවුල් නිවාගමු
නිම්තෙර නොබලා
මිලානවී යන අපගේ ආලේ
මිලානවී යන අපගේ ආලේ

- ආත්මා

 

[amila_90210]

අතීතය සිහිනයක් පමණයි සැබෑ සුවඳක් නෑ
එදා සෙනෙහෙන් නොබැඳුනානම් මෙදා වියොවක් නෑ

 

[conqureshadow]

සිහිනයේ පාවෙලා ඇවිත් මා ලගින් සැතපුනා
මා හදේ පෙම් කතා පොතේ කතාවක් ලියවුනා
සීතලේ ගතට ලං වෙල රහසකුත් කොදුරලා
ආදරේ සුවය මා සදා සිහිනයෙන් වින්දා
මිහිරාවියේ… සිහින කුමරි
මගෙ ආදරේ ඔබයි කුමරි
මා ජීවිතේ සදා සිහිනේ මිහිරාවියේ…
සමනල්ලු රැනේ ඇවිත් සිහිනයම හැඩ කලා
ආදරෙන් කී කතා අසා අපි වටා පියැඹුවා
පෙම් සුවේ මිහිරි ආදරේ අපි එක්ක විදලා
සමනල්ලු මල් රොන් සොයා පියඔලා දුර ගියා
මිහිරාවියේ…
සිහිනයෙන් අවදි වී ඉතිං මා ඔබව සෙව්වා
ඔබ සිටියේ නෑ මා ලගින් ආයෙ මා තනිවෙලා
සමනල්ලු රැනේ ඔබක් පියඹල ගියාදෝ
ආයෙමත් එන්නෙ මා සොයා සිහිනයෙන් විතරදෝ
මිහිරාවියේ…//

 

[conqureshadow]

සිතක් කෙලෙසද මේ තරම්
වේදනාවන් විඳින්නෙ
නෙතක් කෙලෙසද මේ තරම්
දුකට කඳුලැලි සලන්නේ //

ඔබෙන් වෙන්වි ගෙවන මොහොතද
කල්පයක් වී දැනේ නම්
ඔබෙන් තොර හෙට දිනක් ගැන මා
සිතා ගන්නෙ කෙලසෙදෝ

සිතක් කෙලෙසද......

සුසුම් කඳුලැල් සිහින පමණක්
උරුමයන් වී සදාකල් //
සතුට මොහොතක මිරිඟුවක් වී
බිඳී යන්නේ ඇයි මෙසේ​

 

[m3pium]

නංගි ..

ළඟවුන්නා හාකෝ

ඕඕඕ....

 

[Rex921]

සඳකැන් වැසිලා අඳුරේ එතිලා
ඝණදුරු රෑ තනිකම නෑ
සො‍යා එන්න ඝණදුර තරු නිවලා
මගේ එලි‍ය අද ඔබ පමණි

ජීවිතම සතු එකම සුවේ
හීසර පහරක වෙලෙනු පෙනේ
මේ ලොව මා සතු ඈ සතු ඒ නෙතු
අසල්වාසි‍යෙක් සො‍යනු දැනේ

මා නැත අන්සතු සිත් බිඳලා
දෑතම බැඳගෙන ඉඳිමි බලා
මේ ලොව ‍යම් දවසක අපි වෙන්වෙමු
රහස් අහස් තල‍යට පවරා

-වික්ටර් රත්නා‍යක-

 

[m3pium]

Peradaaka Susumak - Thikshana Anuradha

 

[DAMER]

Krishantha Erandaka..........

ඉක්මණ් නොවුනානම් අපි..
අපි අපගෙයි තාමත් හිතවතී..

 

[DAMER]

 

[conqureshadow]

අද තනියෙන් මා හඩන්නේ නෑ මා
මා දමා.. ඈ ගියා කියා...... මා දමා
සිත දුක් දෙන් නෑ.. අද මට තනි නෑ
ඔබ නෑ කියා
මා ලගින් මා සිතින් ඔබ ගියා කියා

පලුව වී අද මගේ හඩවන් නෑ ජීවිතේ..//
ඔබ දන්නෑ
අද මා ඔබේ නමින් තනි වෙන්නෑ

අද තනියෙන් මා හඩන්නේ නෑ මා
මා දමා.. ඈ ගියා කියා...... මා දමා
සිත දුක් දෙන් නෑ.. අද මට තනි නෑ
ඔබ නෑ කියා
මා ලගින් මා සිතින් ඔබ ගියා කියා

සිත හෑගුමන් වෙදනා
මට නොකියා පවුනා...//
ඔබ නෑතිදා
මා ලගින් මා සිතින්
ඔබ ගියා කියා...

අද තනියෙන් මා හඩන්නේ නෑ මා
මා දමා.. ඈ ගියා කියා...... මා දමා
සිත දුක් දෙන් නෑ.. අද මට තනි නෑ
ඔබ නෑ කියා
මා ලගින් මා සිතින් ඔබ ගියා කියා ……

 

[Malinga]

මල් හීනයේ රෑ පුරා
ළංවී හැඟුම් ගේනවා
මල් හී අරන් මල්සරා
හිත් මානයේ හැංඟුනා

පෙම් හීන බෝ මැවුවත් තුන්යාමයේ
විස්සෝපයෙන් පෑරේ මේ ජීවිතේ
මානෙන් බෝම නෑයන් රෑන මායිම් දැල් ගසා
ආලෙන් ලෝල හෘදේ ගින්න අවුලයි ඇස් වසා

දුක් ගින්න ඇවිලූවත් නිස්කා‍රනේ
මේ ආදරේ සිහිලැල් වැස්සක් වගේ
බෝ සංතාප සෝ සංකාව වාවන්නේ කෙසේ
නෑ මං ආයෙ වෙන්වෙන්නේ ම නෑ කොයි ලෙසේ

මල් හීනයේ ..............


ගායනය :- හේෂ් හා යමුනා විමලසේන

 

[conqureshadow]

වැසි බිදු සේම සැලේ
පිණිබිදු දෑස තෙමේ
අඩන්නෙ ඇයි සොදුරේ
කොහොමද ඔය හිත රිදුනේ

මිලාන නීල නුවන්
බලාන සුසුම් හෙලන්
හිදින්න බෑ මැනිකේ
හිනා වෙන්නපුරුදු ලෙසින්

වැසිබිදු සේම සැලේ...

බනින්න ඇති තරමක්
හිත තව ඔබෙ රිදෙනවනම්
මැනිකේ අහක බලන්
ඉන්න එපා තරහින් නම්
බලන්න එන්න හිතන්
තරු කැට මා ගැනපු තරම්
දන්නේ පුර අහසයි
සත්තයි බොරු නොකියමි මං

වැසිබිදු සේම සැලේ...

ආවේ සිදාදියෙන්
නොවෙනස් වූ එකම සිතින්
කොහොමද නපුරු උනේ
ආදරයෙන් පිරුනු හිතක්
ඔය තරමට සැක නම්
කුමටද සිත් රිදවන්
මම සමුගෙන යන්නම්
සොදුරියෙ ඔබ සැනසේ නම්

 

[Malinga]

අපි කාසි සොයල මහ ලොකුවට ඉතුරු කරල නෑ
ඉතුරු කරපු කාසි වලින් ඉඩම් ගත්තෙ නෑ
කොළඹ හතේ තට්ටු ගනන් ගෙවල් හැදුවෙ නෑ
පිටරට ගියාට අපි ළඟ ඔය බොරු සෝභන නෑ

කාසි සොයන්නට සිතමින් පිටරට යනවා
ගෙදර පවුල දරු පැටවුන් අමතක වෙනවා
අනේ අපොයි රෑ දහවල් සූදු කෙළිනවා
දන්නෙම නැතුවම මිනිසුන් තිරිසන් වෙනවා

සල්ලි තියෙනකන් යාලුවො ගොඩක් ඉන්නවා
වැරදුණාම ගෙදර පවුල යලි සිහිවෙනවා
කරපු වැරදි සිහිවෙනකොට සිත ලතවෙනවා
අතේ සතේ නැතුව ආයෙ මෙරටට එනවා

අපි කාසි සොයල ............


ගායනය :- චන්දන

 

[Malinga]

දුක දැනුනා සිත රිදුනා
මට දැනුණූ දුක දන්න නිසා
නුඹට දුකක් නොපතමි කිසිදා
මා හැර ගිය දිනේ මා හැර ගි‍ය දිනේ
මා හැර ගිය දිනේ වැළඳ මුසා
සිතේ රිදුම් මතකයි සැමදා

මගෙ සිත තැවුණු තරම් රිදිලා
නොරිදූණු නුඹේ සිත නැත හඳුනා
කඳුළැලී කඳුළැලී කඳුළැලි අතරින් නුඹව මවා
යලි යලී යලි යලී යලි යලී පැතුවේ නුඹව තමා
නුඹව තමා

මට දැනුණූ දුක ...............


ගායනය :- දිමංක වෙල්ලලගේ