පද පේළී - EK LYRICS THREAD PART 2

[thilzz]

මුවරද බර පිපි මල් ගොමු අතරේ නැත ආදරේ
දේදුන්නේ පැහැ රේඛා අතරේ නැත ආදරේ
හඳ පානේ ගඟ දිය රැලි අතරේ නැත ආදරේ
ඝන අඳුරේ හුදෙකලාව නැගි කඳුලකි ආදරේ

 

[sudu pusa]

මට ආරාධනාවක් කලාදෝ
ඔය දෑසේ කොනින් කී කථාවෙන්
බිතුසිතුවම් ලෙසින් ජීවිතේහී
ආදරෙයි ආදරෙයි සැමදා මා....

මල් යාය කී දේ මට වාසනාවන්ත
සුවදින් නැවුම් ගී ලියා දී වගේ
පෙර අත්බවේදී බැදුනා වගේ
ඔබ ආවාද මගෙ රැයට අරුනෝද වී....

දිවිනිම්නයේ අතරමං වී සිතින් හඬන
මට පාර පෙන්වූ තරු නෙත් ඔබේ
රැකගන්නෙමී ඔබව නිකැලල් මගේ
ඔබ ප්‍රේමාදරේ මියෙන තුරු ස්නේහයේ....


​

 

[sudu pusa]

නටුවෙන් ගිලිහුන පින්න මලක්
සුළඟට පාව ඇවිත්
මගෙ හද මඬලේ නතර වෙලා
සෙනෙහස් සුව විදිමින්....

නටු අග තිබුනට ලස්සන වන මල
කවුරුත් නෑ එහි රැව දුටුවේ
පින්න කැකුලියේ ඔබෙ සුවඳින් මගෙ
ජීවිත යහනම සුවඳ උනේ
ලස්සන පින්න මගේ නුඹ සුවදයි සෑම කලේ
මගෙ හද ගත්ත ලදේ ඔබ මගෙමයි සෑම කලේ....

බැද්දේ පිපුනු මල ඉබේ පර නොවී
ගත්ත නිසා මගෙ හදේ ලැගුම්
පින්න කැකුලියේ ඔබ සුරකින්නෙමි
තිබෙන තුරා මගෙ හදේ සුසුම්
ලස්සන පින්න මලේ නුඹ සුවදයි සෑම කලේ
මගෙ හද ගත්ත ලදේ ඔබ මගෙමයි සෑම දිනේ....


​

 

[DAMER]

මට ආරාධනාවක් කලාදෝ
ඔය දෑසේ කොනින් කී කථාවෙන්



​

 

[DAMER]

මුවරද බර පිපි මල් ගොමු අතරේ නැත ආදරේ
දේදුන්නේ පැහැ රේඛා අතරේ නැත ආදරේ
හඳ පානේ ගඟ දිය රැලි අතරේ නැත ආදරේ
ඝන අඳුරේ හුදෙකලාව නැගි කඳුලකි ආදරේ

සෑහෙන කාලෙකින්..

 

[Good Heart]

මා නුවන් පුරා... නිල් අහස වසා
මා ලවන් පුරා... මල් සුවඳ සලා
මල් හීන වැසි වැටෙනා... විල් තෙරේ
උණ පඳුරු සෙවනේ...
රෝස මල් සිප ඇදෙන.. පෙම් සුළඟේ
ආකාස කුසුම්... යහනාවේ

මට දැනෙනවා ආදරේ
මට හැඟෙනවා ආදරේ

නිල් අහස තරම් ආදරේ අරන්
ඔබෙ නිල් ඇස් දෙකේ හංඟලා
ඇසිපිය නොසලන් සිප ගන්න හෙමින්
සඳ වතුර සඳ දිගේ ගලනවා

මට ආදරේ හැඟෙනවා
මට ආදරේ හැඟෙනවා

මල් සුවඳ තරම් ආදරේ අරන්
මගෙ සිත ළඟ නතර වෙලා
පෙම් බඔර තුඩින් මුවරද සැලෙමින්
විල් තෙරේ මල් සුවඳ ගලනවා

මට ආදරේ දැනෙනවා
මට ආදරේ දැනෙනවා

 

[^Buddhika^]

​

මුහුද හඬන වෙලාවේ වෙරළේ තනියේ මේ යාමයේ
මම නාඳුනන ඈ කාගෙදෝ... තනිව හඬන ඈ කවුරුදෝ...

මෙලෙස තනි වෙලා ඔබ කවුරුදැයි කියා
පවසන්න පැකිලෙන්නෙපා
කඳුළු පිස දමා ඔය මුහුණ පෙන්නලා
හිනැහෙන්න හසරැල් මවා

සිතිජ ඉමව්වේ දුර ඈත දනව්වේ
මුසුවේවි සංකා ඇගේ
ඈ හෙලන කඳුළඑලි මුහුදටම යා වෙවී
මුහුද හඬයි ඈ හා බැඳී​

 

[^Buddhika^]

කඳුළු බිඳක් මා වෙනුවෙන්
නොසැලෙන්නයි ඔබේ ඇසින්
ආදරයේ අනුකම්පා
අයදින්නට එපා මගෙන්

කුලුදුල් සෙනෙහස ඔබගේ
පුදකල දා එකම සිතින්
ඔබ දෙගුරුන් නොපැතු මා
ලොව තනිවේ නම්

එකමග යනමුත් කිසිදා
හමු නොවෙනා දෙදෙනෙකු නම්
තනි වෙන්නම් සැමදා මා
ඔබ සැනසේ නම්

 

[rcccc]

පාවෙලා යන්න මට ඉඩක් දෙන්න...

පාවෙලා යන්න
මට ඉඩක් දෙන්න
හීනයක් වෙන්න
මොහොතක් තනිව ඉන්න
ජීවිතේ පුරා පැතූ
සිහින බොඳ වෙන්න
පෙර ඔබ එන්න...

ආදරේ ගලා හැලෙනා
දිය ඇල්ල ඔබ වෙන්න
මා දවා ඒ ආදරේ
උනුහුම සොයා යන්න
මතකයක් පමනයි
ඉතිරි වී ඇත්තේ...

-kasun & indrachapa-

 

[Rex921]

තනි වෙන්නට මගේ ලොවේ පුරුදු පාළුවෙන්.....
රෑගෙන යන්න සොදුරියෙ ඔබෙ සුවද මා ලගින්.....

සිව් වසරක පෙම් ගීතය ගොලුවෙලා ගියාදෝ.....
අලුත් ලොවක ඔබ සතුටින් කිරුලු පැලන්දුවාදෝ.....

මායාවකි ප්‍රේමය මා හදවත රිදවූයේ.....
සෝ ගීයකි දුක් බරවූ සැනසුම කොහි වේදෝ.....

-Victor Rathnayaka-

 

[DAMER]

Sunil Edirisinghe.............

පොළවේ උරුමේ කියමින්~

බිලිදී විහිගුම් ගුණදම්..
​

දහසින් මියෙනා සටනින්~
​

අඟලේ හිමිකම් හොයමින්..
​

ලොව නහවා සෝ කඳුලින්~

සැනහේ ජය පැන් පුරමින්..
​

මිනිසා සුවඳයි මල සේ~
​

නුවණින් එළියයි හිරු සේ..

පරවී වැටිලා~
​

ඒ හිරු මල මේ දෙරණේ..
​

 

[rcccc]

ක්ෂිතිජ රේඛා ලංවුනා...

ක්ෂිතිජ රේඛා ලංවුනා
පෑතුම් දෑසේ දිස්වුනා...ආදරේ
නොනිමි ආශා දෑල්වුනා
නුවන් සරයෙන් මත්වුනා...ජීවිතේ
දෑනෙන්නේ විශ්වයයි...

ක්ෂිතිජ රේඛා ලංවුනා ආදරේ
නොනිමි ආශා දිස්වුනා ජීවිතේ
නෑවතුනේ කාලයයි
සිනාසෙන මන්දාකිණි

සිතුම් අහසේ පායලා දිලිසේ
සුසුම් සුලගේ යාවුනා රහසේ
හෑරගියේ තනිකමයි
නෑවතුනේ කාලයයි

දෙනෙත් කඳුලින් වෙන්වෙලා
සිතුම් අහසේ පායලා...දිලිසේ
නිවී මහදේ වේදනා
සුසුම් සුලඟේ යාවුනා...රහසේ
දෑනෙන්නේ විශ්වයයි...

ක්ෂිතිජ රේඛා ආදරේ...ආදරේ
නොනිමි ආශා ජීවිතේ...ජීවිතේ
හෑරගියේ තනිකමයි
උතුරා යයි ආරාධනා...

සිතුම් අහසේ පායලා දිලිසේ
සුසුම් සුලගේ යාවුනා රහසේ
හෑරගියේ තනිකමයි
නෑවතුනේ කාලයයි...

-kasun & indrachapa-

 

[Pan-X]

සංසාර සිහිනයේ පෙම් අප්සරා නුඹයි
මේ වසන්තය පුරා සිත ඔබට පෙම්කරයි
මං ඔබට ආදරෙයි මගෙ ආදරේ නුඹයි....

නාමලක් වගේ සිතුම් සෙනෙහසින් පිරේ
ආදරෙන් අරන් ඇවිත් තුරුලු වන්නෙමි
සදපාන නුඹ වැනී නිල් අහසෙ නැලවුනි
මගෙ නෙත් පුරා ගැලූ අනන්ත සතුට නිම් නැතී.....

මා ඔබෙන් පැතූ පැතුම් ආදරෙන් ගෙනා
රෝස මල් යහන් ගැඹේ සිහින තාරුකා
මනමාල සිත පුරා දඟකාරකම තියා
ඔබ මා ලගින්ම නතර වන්න ආදරෙයි කියා....

​

 

[Tig®ess]

කල්බලා පිපුනා පුංචි තරුවක්..සඳ ලඟින් අහසේ..
ඒ තාරකාවක් සඳක් වී..ඔබේ දෑතේ බැදී අද දවසේ...

ඉඟිලිලා සමනල් හැඟුම්..අරුණ ගෙන එයි නව පැතුම්..
අවදිවී නොපියූ නෙතින්..සෙනෙහසේ මාවත සොයන්..

මල් සිනා වැට පීදිලා..රොන් පිරී සුපහන් වෙලා..
තුන් සිතින් හිනැහී බලන්..මං ඔබේ ලොව රජවෙලා..

කල්බලා පිපුනා...

සිව්දිසා පිං සෝදමින්..එයි ගලා නොපහන් දසුන්..
නෑසුනා නොපිරූ ලෙසින්..මුතු සරින් කව් ගී ගයන්..

ඔබ නෙතේ ආලෝකයෙන්..දිනූ ලොව විමසා බලන්...
ගෙවා ආ මඟ ඔබ රැදී..මහා නුග තුර සේ ඉදී......

කල් බලා පිපුනා...

<සුනිල් එදිරිසිංහ සමඟින් සංඛනී එදිරිසිංහ>

 

[DAMER]

Nanda Malini.............

නිලම්බරේ සුදු පරවි රෑන් යන දිනක් උදාවේවා~
දොරින් දොරට හසරල රැලි තෙරපෙන කලක් උදාවේවා~

සුභ උදෑසනක් වේවා!
​

 

[රජ්ජුරුවෝ]

කඳුළු බිඳක් මා වෙනුවෙන්
නොසැලෙන්නයි ඔබේ ඇසින්
ආදරයේ අනුකම්පා
අයදින්නට එපා මගෙන්

කුලුදුල් සෙනෙහස ඔබගේ
පුදකල දා එකම සිතින්
ඔබ දෙගුරුන් නොපැතු මා
ලොව තනිවේ නම්

එකමග යනමුත් කිසිදා
හමු නොවෙනා දෙදෙනෙකු නම්
තනි වෙන්නම් සැමදා මා
ඔබ සැනසේ නම්

මන් හතර වසරේදී විතර මේ සින්දුව ගොඩක් ජනප්‍රියයි.

 

[Rex921]

can't post lyrics.

 

[rcccc]

මේ ආදරයද කියන්න සොඳුරියේ මට...

මේ ආදරයද...
කියන්න සොඳුරියේ මට...

ඔබ මගේ මා ඔබේ
අපිට අපි නැත්නම්
කුමට අපගේ ජිවිතේ
පරම පිවිතුරු පෙම්වතුන් නම්
එකට මියයන එක හොඳයි
කවුද අප හට එසේ කීවේ
එයද සත්‍ය ආදරේ...

මේ ආදරයද...
කියන්න සොඳුරියේ මට...

අද හමුවී අද නැලවී
ඉන්න ඉඩනැත්නම්
කුමට අපගේ ජිවිතේ
පරම පිවිතුරු පෙම්වතුන් නම්
එකට මියයන එක හොඳයි
කවුද අප හට එසේ කීවේ
එයද සත්‍ය ආදරේ...

-Dee R Cee Members-

 

[Good Heart]

සංසාර සිහිනයේ පෙම් අප්සරා නුඹයි
මේ වසන්තය පුරා සිත ඔබට පෙම්කරයි
මං ඔබට ආදරෙයි මගෙ ආදරේ නුඹයි....

​

 

[Good Heart]

කලා වැව හිඳෙනවා
ආයෙමත් පිරෙනවා
මගේ හිත බිඳෙනවා
ආයෙමත් හැදෙනවා

හිඳුන වැව් පතුලේ
කටු කොහොරු පෙනෙනවා
රිදුන හිත් මඩලේ
සෝ සුසුම් දැවෙනවා

පිරුණු වැව් ජලයේ
සුදු නෙළුම් සරනවා
හැදුන හිත් මඩලේ
පෙම් සුවඳ දැනෙනවා