පද පේළී - EK LYRICS THREAD PART 2

[amila_90210]

ලීශා
හිම කැට අතුරා
වීදි සරසළා
ඔබ මා නිසා
ලීශා..
ලෙනින්ග්‍රාදයේ
හිම කැටි අතරේ මා හා වෙලී

ශෙහාන් කෞශල්‍ය

 

[IsuruP123]

කාත් කවුරුවත් නැති බව දැන දැන
මාත් මගේ හිතත් රාත්‍රියක තියලා
නුඹත් ගියා නම්
හෙටක් තියේවිද
මටත් ඉරක් නැගෙනා

සාංකාව ඇහැරෙන ඝන අඳුරේ
ආත්මයම මගේ රාත්‍රියම වැන්නේ
ඈත් වෙන්න නම්
ඇයි තුරුලෙම උන්නේ

වේදනාව ඇවිලෙන දිවි කතරේ
දෑස් ඇරන් හිඳ තවත් පලක් නැත්තේ
ඒත් කියන්නම්
හමුවෙමු මතු භවයේ

 

[IsuruP123]

ඔබ මා හමු වේ නම්
එකම කතාවක් එකම වතාවක්
යළිත් කියන්නට
ඔබ මා හමු වේ නම්.......

අතීතයට පිය මනිනු බැරි
ඒ පෙම් දැහැනේ නටඹුන් ද නැති
පිණි කඳුළක් සේ මැකී ගිහින්
සිතේ ඉතිරි වූ එකම කතාවක්
යළිත් කියන්නට
ඔබ මා හමු වේ නම්.....

සිනා පිරුණු නෙතු දකිනු බැරි
මා ඔබ හමු වූ මාවත වෙන් වී
මහ පවුරක් සේ නැඟී ඇවිත්
මුවේ පිපේ නම් එකම සිනාවක්
යළිත් දකින්නට
ඔබ මා හමු වේ නම්.......

 

[rcccc]

තරු කැට වැහි වහිනා වස්සානයේ...

තරු කැට වැහි වහිනා වස්සානයේ
ඔය ඇස්වල දිස්නය දැකලා
මෙතුවක් කල් නිහඬව උන් හදවත මගේ
ගැහෙනා හඬ යළි මට දැනුනා...

නිම්නැති පෙම් ගඟුලේ පවනේ වෙලී
දෝතින් ගෙන හදවත දීලා
ඔබ පමණක් හඳුනන ඒ හදවත පුරා
මම ආදරේ කෙරුවා...

තනිවෙන්නෑ අපි කවදාවත් ආයේ
හඬවන්නෑ කඳුලැලි හිමි නෑ ආයේ
වෙන්වෙන්නෑ මුලු දිවියේම සෙනෙහේ වෙලී
අපි ආදරේ කෙරුවා...

හීනෙන් වත් හිමිවී නැති ආදරේ
මගෙ ලෝකෙට ගෙනවිත් දීලා
තනිකම රජකම් කෙරු මගේ ජිවිතේ
ජිවිතේ දුන්නා..
පසුතැවෙනා තරවටු දඟකම් මගේ
ආදරෙන් ඉවසා ඔබ ආදරේ කෙරුවා...

-Himashel Alwis-

 

[DAMER]

ලීශා
හිම කැට අතුරා
වීදි සරසළා
ඔබ මා නිසා
ලීශා..
ලෙනින්ග්‍රාදයේ
හිම කැටි අතරේ මා හා වෙලී

ශෙහාන් කෞශල්‍ය

ඔබ මා හමු වේ නම්
එකම කතාවක් එකම වතාවක්
යළිත් කියන්නට
ඔබ මා හමු වේ නම්.......

තරු කැට වැහි වහිනා වස්සානයේ
ඔය ඇස්වල දිස්නය දැකලා
මෙතුවක් කල් නිහඬව උන් හදවත මගේ
ගැහෙනා හඬ යළි මට දැනුනා...


-Himashel Alwis-

 

[IsuruP123]

මොංගෝලියානුවනී කහවන් ආසියාවේ
කොකේසියානුවනී සුදුවන් යුරෝ දේශේ
නීග්‍රෝවරුනී කළුවන් අප්‍රිකාවේ
උරය පලා සැතකින් බලන් රුහිරූ
එක රතු පැහැයෙන් ගලා හැලෙන අයුරු

සිංහල ජනයිනි රුහුණු මායා පිහිටි රටේ
දමිල ජනයිනි යාපාපටුනේ මඩකලපුවෙ තිරිකුණාමලේ
මුස්ලිම් ජනයිනි බේරුවල හම්බන්තොට තිහාරියේ
උරය පලා සැතකින් බලන් රුහිරූ
එක රතු පැහැයෙන් ගලා හැලෙන අයුරු

බොදුනුවනී දන් පින් හී යෙදෙන පංසලේ
කිතුණුවනි යදින යාතිකා දෙව්මැදුරේ
මුස්ලිමුනී කියන කුරාණය පල්ලියේ
උරය පලා සැතකින් බලන් රුහිරූ
එක රතු පැහැයෙන් ගලා හැලෙන අයුරු

බමුණනි වරෝ වෙල්ලාවට පූන නුලෙන් දිය ලණු බැඳගෙන
රජකයිනි ගනිව් සිහසුන වෙල්ලා හැලියෙන් සෝදා අතපය
සිහල ගිනි දණ්ඩේ - දමිල වෙඩි උණ්ඩේ
ගෝත්‍රවාදී ඉලක්ක වලකා සිහලුනේ යමව් යාපා පටුනට
දමිලයිනි වරෝ රුහුණට

උරය පලා සැතකින් බලන් රුහිරූ
එක රතු පැහැයෙන් ගලා හැලෙන අයුරු

~විශාරද නන්දා මාලනි~

 

[IsuruP123]

සඳේ.. ඔබ ඇයිද මේ යාමේ
අහස කරා නැඟුණේ
සිතේ දුක හිරු නිවා දැමුවේ
නැතුවද ඔබ දන්නේ
ගිනි හිරු පායා සොමි සඳ බැසලා
මගෙ ලොව එළිය වෙලා
සඳේ ..ඔබ ඇයිද මේ යාමේ
අහස කරා නැඟුණේ

ඔබ තරු වටකර හිනැහෙන යාමේ
ඈ දුර යහන් ගැබේ
රෑ නොනිදාගෙන වැලපෙන මා හට
ඔබගේ කිමද පලේ

සඳ දෙස බල බල මා පැතු පැතුමන්
මෙතෙකැයිකියන බෑ
හිරු මා දැව්වත් මා ලද උණුසුම
අමතක කරන්න බෑ

~රූකාන්ත ගුණතිලක~

 

[IsuruP123]

ඔබෙන් තොර ලෝකයක්
කොයින්දෝ...
ඔබෙන් තොර හීනයක්
ඔබෙන් තොර මාවතක්
ඔබෙන් තොර ගීතයක්
කොයින් දෝ...

දකින හැම රූපය ම ඔබේ රුව සේ පෙනේ
අසන හැම ගීතයක ම ඔබේ කටහඬ ඇසේ
ඔබේ කටහඬ ඇසේ...

පියවරෙන් පියවරට ඔබයි සැරි සරන්නේ
ඇසිපියෙන් ඇසිපියට ඔබ පමණි සිටින්නේ
ඔබ පමණි සිටින්නේ...

 

[IsuruP123]

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුළක දියවී
ප්‍රථම ප්‍රේමයයි බොඳව ගියේ...//

ඔහුට පුදන්නට පූජාසනයේ
නොකිලිටි මල් පිපුණිද ළඳුනේ
පෙති ගිලිහී ගිය පරසතු කුසුමක
සුවඳ කොහේ කොතැනද රැඳුනේ

ආ මග වැරදී ඔහුද ඔබද මා
දෛවයෙ තුංමංසල හමුවේ
බලා හිඳිනු මිස හඬා වැටෙන්නට
කඳුළක්‌ නැහැ දෙනුවන පිපුණේ

~කරුණාරත්න දිවුල්ගනේ~

 

[~Titi~]

Lassanaiiii ♫♫
​

 

[BEN TANNYSON]

කල්ලඩි පාලම පාමුල සින්දු කිව්ව මාළුවෝ
ඇයි ගොළු ගැහුණේ
සිතාරයට වෙඩි වැදුණද යාළුවෝ
සිතාරයට වෙඩි වැදුණද යාළුවෝ

මහ පොළොව ඉතිං දෙකට තුනට බෙදී යාවි යාළුවෝ
ගංගා මහ මුහුදු කලපු නොබෙදේවිද යාළුවෝ
උඹලා කොයි දෙස කොයි රටකට යනවද මාළුවෝ

කල්ලඩි පාලම පාමුල සින්දු කිව්ව මාළුවෝ...

අපෙ උතුරු දකුණු සංගීතය දෙකට බෙදෙයි යාළුවෝ
මෘදංග ගැට බෙර හදවත් පැලී යාවි යාළුවෝ
උඹලාගේ සින්දු ඉතිං කොයි රටේද මාළුවෝ

කල්ලඩි පාලම පාමුල සින්දු කිව්ව මාළුවෝ

 

[DAMER]

කල්ලඩි පාලම පාමුල සින්දු කිව්ව මාළුවෝ
ඇයි ගොළු ගැහුණේ
සිතාරයට වෙඩි වැදුණද යාළුවෝ
සිතාරයට වෙඩි වැදුණද යාළුවෝ

සෑහෙන කාලෙකින්..

 

[BEN TANNYSON]

සෑහෙන කාලෙකින්..

ow mchn dn wadiya enne na

 

[DAMER]

ow mchn dn wadiya enne na

පරණ මෙම්බර්ස්ලා දැන් කලාතුරකින් දකින්න හම්බවෙන්නේ මචෝ..
එළ එළ..ඔය එන යන වෙලාවට පදයක් දෙකක් කොටලා යන්න..

 

[amila_90210]

මගේ නාමලී බැඳී ආදරේ
මනමාලියයි මැණිකේ ඔයා
ඔරුවේ නැගී එහි පා වේවි
අමනාපයෙන් පිට වී ගියේ

 

[BEN TANNYSON]

පරණ මෙම්බර්ස්ලා දැන් කලාතුරකින් දකින්න හම්බවෙන්නේ මචෝ..
එළ එළ..ඔය එන යන වෙලාවට පදයක් දෙකක් කොටලා යන්න..

aniwa Mchn

 

[~Titi~]

​

 

[hawk24]

අළු පාට වළාකුළු
කථාවක් නෑ
තරු නිවී තරු නිවී
රාත්රියේ
සඳක් නැති අහසේ
අරමුණක් නැතුව මං
ගිනි අරන් ගිනි අරන්
මොනවත් හොයන්
උල්කාපාතයක් අහසේ ගිනි අරන්
අළු වෙලා පොළවට වැටෙනා
උල්කාපාතයක් //
උල්කාපාතයක්
අහස් කාන්තාරයේ
නන්නාඳුනනා ජීවිතේ
ආලෝක වර්ෂ ගෙවා
ආදරේ අරමුණක් සොයා
පොළවට වැටෙනා
දේවතා එළියක්
ගිනි ගත්ත
තරු එළියක්
උල්කාපාතයක් අහසේ ගිනි අරන්
අළු වෙලා පොළවට වැටෙනා
උල්කාපාතයක් //
උල්කාපාතයක්

ගායනය - ඉන්ද්රචාප ලියනගේ
සංගීතය - ඉසුරු කුමාරසිංහ, ඉන්ද්රචාප ලියනගේ
ගී පද - චින්තන ධර්මදාස

 

[IsuruP123]

ගායනය: අබේවර්ධන බාලසූරිය

කල්පනා ලොව මල් වනේ
සිහින රජදහනේ...
ආදරේ... ආදරේ.......

නීල අහසේ තාරකාසේ
ඈ නුවන් දල්වා බලන්නී
ප්‍රේමයේ මායා දැලින් මා
සිත් නුවන් බදවා තබන්නී

මා වටා සහසක් යුගත් පා
ඈ රුවින් පිළිරු මැවිලා
පාවයයි මුළු ජීවිතේ සුදු
මීදුමින් දැවටී එතීලා

 

[hmhm95]

කල්පනා ලොව මල් වනේ
සිහින රජදහනේ...
ආදරේ... ආදරේ.......

නීල අහසේ තාරකාසේ
ඈ නුවන් දල්වා බලන්නී
ප්‍රේමයේ මායා දැලින් මා
සිත් නුවන් බදවා තබන්නී

මා වටා සහසක් යුගත් පා
ඈ රුවින් පිළිරු මැවිලා
පාවයයි මුළු ජීවිතේ සුදු
මීදුමින් දැවටී එතීලා

මගේ ආසම 1ක්
​