මම මේ ත්රෙඩ් එක දැම්මෙ අද ගොඩක් ජනප්රිය වෙල තියෙන 'සිඳූ' කතාවෙ තීරණාත්මක අවස්ථාවකින් පස්සෙ කතාව ඉස්සරහට යන්නෙ කොහොමද කියන එක ගැන කට්ටියගෙ අදහස් දැන ගන්න. මෙ ගැන කියල අදහස් දක්වපු හැමෝටම ස්තූතියි.
ෆැන්ටසි කතාවක් ගැන මේ තරම් කතා කරන්න පිස්සුවක්ද කියල සමහරු හිතන්න පුලුවන්. ඒත් මේ කතාවෙන් සමාජයට කිසියම් හොඳ දෙයක් දෙනවා කියන එක බොහෝ දෙනාගෙ අදහස වෙනවා
ඉතින් ඒ හින්දා මේ කතාවෙ ඉදිරිය ගැන කතා කරන එකේ තේරුමක් තියෙනව කියන එක තමයි මගේ හැඟීම. මේ කතාවෙන් පොඩි හාමුදුරුවන් ඇතුලු කුඩා ළමුන්ගෙන් සමාජයක එකමුතුව සහයෝගයෙන් ජීවත් වීම ගැන හොඳ ආදර්ශයක් දෙනවා. ඒ වගේම ලොකු හාමුදුරුවොන්ගෙන් බුදු දහමේ ඇති වැදගත් බවත්, මිථ්යා දෘෂ්ටික ආකල්පවල ඇති නිස්සාර බවත් කියා දෙනවා. ඇත්තම කිව්වොත් මම මේ කතාවෙන් යම් දෙයක් ඉගෙන ගත්තා. ඕනවට වඩා බැඳීම ඇති කර ගන්න එක දුකට මුල බව මට හොඳින් තේරුම් ගියා.
මගේ අදහසේ හැටියට නම් පොඩි හාමදුරුවොයි සිඳූයි වෙන් වෙන්නෙ නෑ. මොනව හරි දෙයක් වෙලා සිඳූ ගමේම ඉන්නවා. තාවකාලිකව ගියත් ආපහු එනවා. ඊට පස්සෙ ඒ දෙන්නගේ සාමූහික බැඳීමෙන් කතාව ඉස්සරහට යයි කියල මට හිතෙනවා. මේ තාක් කල් වුනා වගේ ඉදිරියටත් 'ටිපිකල්' මෙගා නාට්යයක් නොවී හරවත් ලෙස කතාව දිග හැරෙයි කියල අපි බලාපොරොත්තු වෙමු.
මෙම ත්රෙඩ් එකට අදහ්ස පල කරාපු හැමෝටම නැවත වරක් ස්තූතියි. අපි බලමු කතාව ඉස්සරහට යන්නෙ කොහොමද කියලා.
