විමල්ගේ බිල්ලා සහ රනිල්ගේ මල්ලා!

[shammee]

විමල්ගේ බිල්ලා සහ රනිල්ගේ මල්ලා!

රනිල් ලොකු උන්නැහෙගේ මල්ලා හෙවත් තිස්ස තුමා මේ කියන කතාව ඇත්තද?ඇත්තටම මේ කතාවල නියම තත්වය මොකද්ද?(ප්ලීස් දේශපාලනය එපා)

විමල් වීරවංශ යුද අධිකරණ බිල්ලා පෙන්වමින්
ජනතා ප්‍රශ්න යට ගැසුවද රනිල් එදා ජාත්‍යන්තර රෝම
ප්‍රඥප්තියට අත්සන් කිරීම ප්‍රතික්‌ෂේප කළ නිසා
කිසිවකු යුද අධිකරණයට ගෙන යා නොහැකියි
-තිස්‌ස අත්තනායක
පියසේන දිසානායක

විමල් වීරවංශ ප්‍රමුඛ ආණ්‌ඩුව යුද අධිකරණය නමැති බිල්ලා ඔසවා පෙන්වමින් ජනතා ප්‍රශ්න යට ගැසීමට උත්සාහ කළ ද රනිල් වික්‍රමසිංහ මහතා එදා අගමැතිවරයා ලෙස ජාත්‍යන්තර රෝම ප්‍රඥප්තියට අත්සන් කිරීම ප්‍රතික්‌ෂේප කළ නිසා ශ්‍රී ලංකාවේ කිසිදු පුරවැසියකු හෝ රණවිරුවකු ජාත්‍යන්තර යුද අධිකරණයට ගෙන යා නොහැකි බව එක්‌සත් ජාතික පක්‍ෂයේ මහ ලේකම් තිස්‌ස අත්තනායක මහතා පැවැසීය.

මේ අනුව තවදුරටත් යුද අධිකරණය සම්බන්ධව ගෙන යන අසත්‍ය ප්‍රචාරවලට නොරැවැටෙන ලෙස සිය පක්‍ෂය සමස්‌ථ ජනතාවගෙන් ඉල්ලා සිටින බව හෙතෙම පැවැසීය.
(ලින්ක් පල නොකරන ලෙස ලැබුන උපදේශයට ස්තුතියි malkavi !)

 

[tharinda76]

nodanimi !!

 

[shammee]

මෙන්න ඉතුරුටික-දිවයින

කොළඹ මාකස්‌ ප්‍රනාන්දු මාවතේ විපක්‍ෂ නායක කාර්යාලයේදී ඊයේ (13 වැනිදා) පැවැති පුවත්පත් සාකච්ඡාවේදී මේ බව අනාවරණය කළ තිස්‌ස අත්තනායක මහතා මෙසේද කීය.

ජනතාවට සහන මිලට ඉස්‌තරම් වර්ගයේ ඉන්ධන සැපයීමේ අරමුණින් ආරම්භ කළ තෙල් සංස්‌ථාව පාලන අධිකාරියේ අදූරදර්ශී සහ අකාර්යක්‌ෂම පාලනය ද දූෂණ වංචා සහ අක්‍රමිකතා හේතුවෙන් ද උග්‍ර අර්බුදකාරී තත්ත්වයකට පත්ව තිබෙනවා. ලෝක වෙළෙඳපොළෙන් අඩු මිලට ඉන්ධන මිලදී ගෙන අපේ රටේ ඒ ඉන්ධන නැවත සුද්දකොට ඊට නිෂ්පාදන වියදම් ද එකතු කරමින් ජනතාවට සහ ඒ ඒ ආයතනයන්වලට අලෙවි කරමින් රුපියල් කෝටි ගණන් ලාභ උපයා ජාතික ආර්ථිකයට මහඟු දායකත්වයක්‌ දුන් තෙල් සංස්‌ථාව මෙසේ පාඩු ලැබීම සම්බන්ධයෙන් ආණ්‌ඩුව වගකිව යුතුයි.

ලෝක වෙළෙඳපොළේ ඉන්ධන මිල ගණන් අඩුවී ඒ මිල ගණන් ස්‌ථාවර තත්ත්වයක පවතිද්දී ආණ්‌ඩුව ඒ සහනය ජනතාවට නොදී පෙට්‍රල් ලීටරයකින් රුපියල් 55 ක අධික ලාභයක්‌ උපයනවා. දූෂණ, වංචා සහ අක්‍රමිකතා හේතුවෙන් තෙල් සංස්‌ථාවේ සිදුවන පාඩුවට වන්දි ගෙවීමට සිදුව තිබෙන්නේ ජනතාවටයි.

තෙල් සංස්‌ථාව මගින් ආනයනය කෙරුණු පෙට්‍රල් තොගවල යකඩ මිශ්‍ර වී තිබෙන බව ද, ඩීසල් තොගවල වතුර මිශ්‍ර වී තිබෙන බවද, කර්මාන්තශාලා සඳහා යොදා ගැනෙන කළුතෙල් නියමිත ප්‍රමිතියෙන් තොර බව ද මේ වනවිට හෙළි වී තිබෙනවා. තෙල් සංස්‌ථාව, ශ්‍රී ලංකා වරාය අධිකාරිය සහ ගුවන් සේවාව ආදී අධික ලෙස ලාභ උපයමින් ජාතික ආර්ථිකයට උරදුන් මේ ආයතන පාඩු වී මෙසේ කඩා වැටී ජනතාවට බරක්‌ වී තිබෙන්නේ ආණ්‌ඩුවේ දේශපාලන ඇඟිලි ගැසීම්, දූෂණ, වංචා සහ අක්‍රමිකතා නිසයි.

එක්‌සත් ජාතීන්ගේ සංවිධානය ශ්‍රී ලංකාව සම්බන්ධයෙන් පත් කළ උපදේශක කමිටුවට එරෙහිව එම සංවිධානය කොළඹ කාර්යාලය වටලා විමල් වීරවංශ සිදු කළ උද්ඝෝෂණ ව්‍යාපාරය මේ වනවිට සම්පූර්ණයෙන්ම හුලං බැස තිබෙනවා.

එක්‌සත් ජාතීන්ගේ සංවිධානය මගින් ශ්‍රී ලංකාව සම්බන්ධයෙන් පත්කෙරුණු මේ උපදේශක කමිටුව මාර්ගයෙන් අපේ වීරෝදාර රණවිරුවන් යුද අධිකරණය ඉදිරියට පමුණුවාලීමේ කුමන්ත්‍රණයක්‌ තිබෙන බවට චෝaදනා එල්ල කරමින් ආණ්‌ඩුව ජනතාව රවටා සියලු ප්‍රශ්න මගහරිමින් සිටිනවා. කෙසේ නමුත් ජාත්‍යන්තර යුද අධිකරණයට අදාළ ගිවිසුමට අත්සන් කිරීම තරයේ ප්‍රතික්‌ෂේප කිරීමට අග්‍රාමාත්‍යවරයා වශයෙන් රනිල් වික්‍රමසිංහ මහතා එදා ගත් ඒ ඓතිහාසික තීන්දුව නිසා අපේ රටේ කිසිදු රණවිරුවකු හෝ පුරවැසියෙකු ජාත්‍යන්තර යුද අධිකරණය ඉදිරියට කැඳවීමේ හැකියාවක්‌ ඇත්තේ නැහැ. ඒ අනුව ජාත්‍යන්තර යුද අධිකරණ බිල්ලා මවා ආණ්‌ඩුවත්, විමල් වීරවංශලාත් උත්සාහ කරන්නේ රටත්, ජනතාවත් මුහුණ දී සිටින ප්‍රශ්න මඟහැර ජනතාවගේ අවධානය වෙනත් දිසාවකට යොමු කරවීමටයි. සිය ඉල්ලීම්වලින් වැඩි ගණනක්‌ ඉටුවූ නිසා මාරාන්තික උපවාසය අත්හල බවට පම්පෝරි ගසන විමල් වීරවංශගෙන් අප ප්‍රශ්න කරන්නේ ඒ ඉටුවූ ඉල්ලීම් මොනවාද යන්න පිළිබඳවයි. ඒමන්ද එක්‌සත් ජාතීන්ගේ සංවිධානය මගින් ශ්‍රී ලංකාව සම්බන්ධයෙන් පත්කෙරුණු උපදේශක කමිටුව තවමත් තිබෙන අතර, ඒ කමිටුව සිය විමර්ශන කටයුතු ද සිදු කරමින් සිටිනවා. ඒ අනුව එක්‌සත් ජාතීන්ගේ කොළඹ කාර්යාලය වටලා විමල් වීරවංශ කළ රංගනයෙන් සිදුවූයේ ශ්‍රී ලංකාව ජාත්‍යන්තර වශයෙන් අතිශය අපකීර්තියට පත්වීම සහ එමගින් සිදුවූ පාඩුවට ජනතාවට කරගැසීමට සිදුවීමයි.

මේ රටේ මානව හිමිකම් උල්ලංඝනය කෙරෙන හෙයින් ආධාර ලබාදීම වහාම නවත්වන්නැයිද ආධාර ලබා දෙන්නේ නම් ඊට අදාළ මානව හිමිකම් ආරක්‌ෂා කිරීම පිළිබඳ කොන්දේසි පණවන්නැයිද මහින්ද රාජපක්‍ෂ මහතා විපක්‍ෂයේ මන්ත්‍රීවරයකු වශයෙන් ජාත්‍යන්තරයෙන් එදා ඉල්ලා සිටියා අපට මතකයි. රටේ ජනතාවගේ මානව හිමිකම් ආරක්‌ෂා කිරීම වෙනුවෙන් ජාත්‍යන්තරයෙන් එබඳු ඉල්ලීමක්‌ කිරීම කිසිදු ප්‍රශ්නයක්‌ නැතැයි මහින්ද රාජපක්‍ෂ පාර්ලිමේන්තුවේදී එදා පැහැදිලිව කියා සිටියා.

විධායක ජනාධිපති ක්‍රමය අහෝසිකොට පාර්ලිමේන්තුවට වග කියන විධායක අගැමති ක්‍රමයක්‌ ඇති කිරීම පළාත් පාලන ක්‍රමය සංශෝධනය කිරීම සහ 17 වන ආණ්‌ඩු ක්‍රම ව්‍යවස්‌ථා සංශෝධනය යටතේ ව්‍යවස්‌ථා සභාව පිහිටුවා ස්‌වාධීන කොමිෂන් සභා සක්‍රීය කිරීම සම්බන්ධයෙන් රජය සහ ප්‍රධාන විපක්‍ෂය වන එක්‌සත් ජාතික පක්‍ෂය අතර සාකච්ඡා ආරම්භ වී තිබෙනවා.

කෙසේ නමුත් මේ අරමුණු වෙනුවෙන්ද දේශපාලන සිරකරුවෙකු වශයෙන් සිටින ජනරාල් සරත් ෆොන්සේකා මහතා වහාම නිදහස්‌ කරන ලෙස ඉල්ලමින්ද රට පුරා අප ආරම්භ කළ උද්ඝෝෂණ ව්‍යාපාරය අඛණ්‌ඩවම ඉදිරියට ගෙන යනවා.

 

[Mal Baba]

Meka Sampoorna Eththa

 

[Jdilexx]

shammee!!! oya pahila wadi

 

[migaramk]

ඔය ගිවිසුම අත්සන් නොකරට, ජිනීවා සම්මුතියට අපි බැඳිලා ඉන්නේ.
ඒක නිසා අපිට යුධඅදිකරණයට යන්න වෙනවා

 

[Chooty malli]

shammee!!! oya pahila wadi

 

[mobile phone seller]

lajja nadda mandha ape BLOG walin ussanna

 

[chamira.ala]

එක්‌සත් ජාතීන්ගේ සංවිධානය ශ්‍රී ලංකාව සම්බන්ධයෙන් පත් කළ උපදේශක කමිටුවට එරෙහිව එම සංවිධානය කොළඹ කාර්යාලය වටලා විමල් වීරවංශ සිදු කළ උද්ඝෝෂණ ව්‍යාපාරය මේ වනවිට සම්පූර්ණයෙන්ම හුලං බැස තිබෙනවා.

oyalata santhosada dan???? hodak karath narakai!!

 

[shammee]

ජිනීවා සම්මුතිය පුස්සක්?
මොහාන් සමරනියකගේ ලිපියක්
1864 ජිනීවා සම්මුතියෙන් (Geneva Convention) සම්පාදනය කොට රටවල් විසින් අත්සන් තැබෙනවා. මේ ජිනීවා සම්මුතියෙන් මූලික වශයෙන් යොමු වන්නේ සංග්‍රාම භූමියේ අනුගමනය කළ යුතු ක්‍රියාමාර්ග, විපතට පත්වන තුවාල ලැබූ පුද්ගලයන් සම්බන්ධයෙන් කොයි විදියට ද ක්‍රියා කළ යුත්තේ කියන කාරණය.
පසුව මේ ජිනීවා සම්මුතිය 1949 දී එක්සත් ජාතීන්ගේ පිළිගැනීමට ලක්වූ ලේඛනයක් බවට පත් වෙනවා. 1919 දී ලෝක සාමය ආරක්ෂා කිරීම හා මානව හිමිකම් සුරැකීම වැනි යහ පරමාර්ථ සහිත ලෝක සංවිධානයක් පිහිටුවනවා. මේ සංවිධානය ජාතීන්ගේ සංගමය යි. ජාතීන්ගේ සංගමය බිහිවෙන්නේ මිනිස් ඉතිහාසයේ එතෙක් සිදුවූ දැවැන්තම සංහාරයෙන් පසුවයි.
එනම් පළමු වැනි ලෝක යුද්ධයයි. එදා ලෝකයේ විවිධ රටවල් තීරණය කළා එවැනි සංහාරයක් යළි නොවීමට අන්තර්ජාතික යන්ත්‍රණයක් නිර්මාණය කළ යුතුයි කියලා. ඒ අනුව 1919 ජූනි මාසයේ පැරිසියේ අත්සන් කළ ගිවිසුමකින් ජාතීන්ගේ සංගමය බිහිවෙනවා. ජාතීන්ගේ සංගමයේ ප්‍රඥප්තිය අද අපි කතා කරන මානව හිමිකම් මූලධර්ම රාශියක් කැටි කරගත් ඓතිහාසික ලියැවිල්ලක්. මේවායේ ගැබ් වූ මානව හිමිකම් මූලධර්ම තමයි පසු කාලයේ දී වඩා විකාශනය වෙලා මානව හිමිකම් පිළිබඳ විශ්ව ප්‍රකාශනය බවට පත්වෙන්නේ.
අද ඒ අයිතිවාසිකම් මුල් කොටගෙන සම්පාදනය කෙරුණු නීති සෑම රටකම පාහේ ක්‍රියාත්මක වෙනවා. අපේ රටත් ඇතුළුව.
මම කියන්නෑ ප්‍රඥප්තියේ පොරොන්දු වූ සියලු දේ මනුෂ්‍යයාට ලැබී තිබෙනවා කියා. නමුත් අපි ඔබට සඳහන් කළා එහි ආරම්භක වාක්‍යයේ තියන දේ. ඒත් ප්‍රඥප්තිය සම්මත කිරීමෙන් පසුවත් ලොකු කුඩා යුද්ධ 150 ක් ලෝකයේ සිදුවෙලා තියෙනවා. ඒ යුද්ධවලින් මිලියන 20 කට වැඩිය මිනිස්සු මිය ගියා.
මේක ඉතාමත් යහපත් අදහස් සමූහයක්. එහි ඇතුළත් වෙනවා මනුෂ්‍යයාට අනිවාර්යයෙන් ම තිබෙන්න ඕනෑ අයිතිවාසිකම් මොනවාද කියලා. පටන් ගන්නේ ජීවත්වීමට ඇති අයිතියෙන්. ඉන්පසු තවත් තිහක් තියනවා. අධ්‍යාපනයට, සෞඛ්‍යයට, හොඳ ජීවිතයක් පවත්වාගෙන යන්න, විවාහ වෙන්න, මෙන්න මේ වාගේ දේවල්.
ඒකෙ පැහැදිලිව තියනවා විවාහයට ඇතුළත් වීමේ දී තමන්ට කැමැති කෙනෙක් එක්ක විවාහ වෙන්න පුළුවන් කියලා. කාගේවත් බලකිරීමකින් තොරව. මේකේ 19 වැනි වගන්තිය තමයි අද පුළුල්ව කතා කරන භාෂණයේ හා ප්‍රකාශනයේ නිදහස පිළිබඳ ගැබ්වෙලා තියෙන්නේ. ඒ අදහස මුල් කරගෙන තමයි අද ව්‍යාපාරිකයින් ආර්ටිකල් නයින්ටීන් කියන්නේ. ආර්ටිකල් නයින්ටීන් කියන්නේ අර භාෂණය හා ප්‍රකාශනය පිළිබඳ කියැවෙන වගන්තිය.
මානව හිමිකම් පිළිබඳ විශ්ව ප්‍රකාශනය නෛතික ලේඛනයක් නෙවෙයි. එය ප්‍රකාශනයක් පමණයි. කිසියම් රටකට කියන්න පුළුවන් අපි මේය ලේඛනය පිළිගන්නවා. අපි මේ ලේඛනයට ගරු කරනවා. මේක බොහෝ ශ්‍රේෂ්ඨයි කියලා. එහෙත් ඒ ලේඛනයේ ඇතුළත් අයිතිවාසිකම් භුක්ති විඳීමට අවශ්‍ය පසුබිම නිර්මාණය කරන කොන්දේසි මේකෙ ඇතුළත් වෙලා නෑ.
වෙන වචන වලින් කියනව නම් ආණ්ඩුව හරි වෙනත් පිරිසක් හරි ජීවත් වීමට මට ඇති අයිතිය පැහැර ගන්නවා නම් ඒ සම්බන්ධයෙන් මට යන්න පුළුවන් කොතෙන්ටද? ඒ සම්බන්ධයෙන් කරුණු කියන්න,, මට මගේ ජීවත්වීමේ අයිතිය රැක ගැනීම ආදිය සඳහා තිබෙන යන්ත්‍රණය කුමක්ද කියන දේවල් මේ ලේඛනයේ ඇතුළත්ව නෑ. මන්ද මේක ප්‍රකාශනයක් විතරයි. හුදෙක් ලියැවිල්ලක් පමණයි. මේ ලියැවිල්ල පිළිගන්නවා යයි කියන රාජ්‍යයන් ඒ ලියැවිල්ලේ ඇතුළත් අයිතිවාසිකම් තමන්ගේ ජනතාවට ප්‍රදානය කරන්න කිසිදෙයක් නොකළොත් ඒ රාජ්‍යයට එරෙහිව ගන්න පුළුවන් ක්‍රියාමාර්ග මේ ලියැවිල්ලේ ඇතුළත් වෙන්නේ නැහැ

 

[shammee]

lajja nadda mandha ape BLOG walin ussanna

බ්ලොග් වලින් උස්සන්න ලැජ්ජවෙන්නෙ මොකටද? මේක නං දිවයින පත්තරේ ලිපියක්.ඒ ගත්ත තැන කියන එක යුතුකමක්.ඒ හැර තහනම් නොකල ඕනම තැනකින් ප්‍රවෘති/තොරතුරු ගන්න එක තමයි තොරතුරු තාක්ෂණය කියන්නේ-විශ්වයම ගමක්.

 

[lkdood]

yes

Sri Lanka has not signed on with the international court ICC

Ranil's government did not sign it

 

[mobile phone seller]

බ්ලොග් වලින් උස්සන්න ලැජ්ජවෙන්නෙ මොකටද? මේක නං දිවයින පත්තරේ ලිපියක්.ඒ ගත්ත තැන කියන එක යුතුකමක්.ඒ හැර තහනම් නොකල ඕනම තැනකින් ප්‍රවෘති/තොරතුරු ගන්න එක තමයි තොරතුරු තාක්ෂණය කියන්නේ-විශ්වයම ගමක්.

BLOG horaa...... anungen ussala thamange wage pada show danawa

 

[shammee]

yes

Sri Lanka has not signed on with the international court ICC

Ranil's government did not sign it

එහෙනං මොකටද මේ බෙරිහං දෙන්නෙ?

 

[shammee]

BLOG horaa...... anungen ussala thamange wage pada show danawa

මෝඩයා පෙන්නනවා පුලුවන්නං ඒ බ්ලොග් මොනවද? මේ සේරම පත්තරවලින්
http://www.silumina.lk/punkalasa/20100207/_art.asp?fn=ar10020712

 

[Ravana.]

 

[smaldeniya]

මාත් අහල තියෙන විදිහට ලෝක අධිකරණය 2002 ද කොහෙද පිහිටවපුවාම ඒකට අත්සන් කරපු අයට විතරයි ඒක බලපාන්නෙ කියල ඒත් අපි අත්සන් කරලද නැත්ද කියල නම් දන්නෙ නෑ කො‍‍හොම උනත් මෙතන ෂෙයාර් කර ගත්තට ස්තුතියි අක්කෙ

 

[lkdood]

එහෙනං මොකටද මේ බෙරිහං දෙන්නෙ?

janathawage prashna amathaka wenawa ne owa kiwwama

 

[mobile phone seller]

මෝඩයා පෙන්නනවා පුලුවන්නං ඒ බ්ලොග් මොනවද? මේ සේරම පත්තරවලින්
http://www.silumina.lk/punkalasa/20100207/_art.asp?fn=ar10020712

ඔයා මාරම දක්ෂයි නෙ අපෙ ලිපි උස්සලා දාන්න.. වෙල්ඩන් කෙල්ලෙ....

 

[Jdilexx]

බ්ලොග් වලින් උස්සන්න ලැජ්ජවෙන්නෙ මොකටද? මේක නං දිවයින පත්තරේ ලිපියක්.ඒ ගත්ත තැන කියන එක යුතුකමක්.ඒ හැර තහනම් නොකල ඕනම තැනකින් ප්‍රවෘති/තොරතුරු ගන්න එක තමයි තොරතුරු තාක්ෂණය කියන්නේ-විශ්වයම ගමක්.

යන්න යන්න පැහිච්ච ආච්චි