PART 08
පරණ සිද්දි දෙකටම මම සදමාලිට සමාව දීලා අමතක කරලා දැම්මා ...අපි දෙන්නම බොහොම සතුටින් හිටියා ...හීනෙකින්වත් හිතුවේ නැහැ ආයෙමත් ඒ වගේම දෙයක් වෙයි කියල ...එදා සදමාලි ගෙදර ඉදන් කැම්පස් එන දවසක් ...එයා ගෙදර ඉදන් කැම්පස් එන දවස කියන්නේ අපි අනිවාර්යෙන්ම මීට් වෙන දවසක් ...එයා කලින් එනවා ..එදත් සදමාලි වෙනද වගේම කලින් ඇවිත් තිබුණා මගට ...මමත් මගදී එයාව හම්බ වුණා ..දැන් දෙන්නම නැග්ග කැම්පස් එක පැත්තට යන බස් එකක ....ගොඩක් වෙලාවට අපි දෙන්න හම්බ වෙලා කතා බහ කරන්නේ කැම්පස් එක ලග පාර්ක් එකේ ..එහෙම නැත්නම් beach එකට යනවා ...ඔය place දෙකම තියෙන්න කැම්පස් එකට මෙහා ....ඒක නිසා මගින් බහින්න ඕනි ....මට සිද්දිය මතක නෑ හරියටම ...මොකක් දෝ දේකට අපි දෙන්න තරහ උනා බස් එකේදී...දැන් දෙන්නම නෝ කතා නෝ සිනා ....දැන් beach එකට යන හෝල්ට් එකත් කිට්ටු වේගෙන එනවා ....සදමාලි බහින්න ලස්තියක්වත් නැහැ ..
"අපි බහින්න යමු නේද ...? දැන් බහින්න තැනත් කිට්ටුයි "
සදමාලි මා දෙස හැරිවත් නොබලයි ..තවමත් වා කවුළුවෙන් එලිය බලාගෙනම සිටියි ..
"මොකද අනේ මේ...තාමත් ඔයා තරහ වෙළද මගේ එක්ක ...පිස්සු නැතුව යමු බහින්න ...."
ඇයගෙන් කිසිදු ප්රතිචාරයක් නැත ....
දැන් බහින හෝල්ට් එකත් පහු වුණා ....මට දැන් අසු හරදාහට කේන්ති යි ...ඇයි අප්පා ..මෙච්චර වෙලා තරහ වෙලා ඉන්න මොකක්ද කලේ මම ...
දෙන්නම් බැස්ස කැම්පස් එකට හැරෙන හෝල්ට් එකෙන් ...
"ඇයි ඔයා බැස්සේ නැත්තේ beach එක ගාව හෝල්ට් එකෙන් .."
"මම මොකටද බහින්නේ "..
මට ලෙල්ලටම තද වුණා ...එදා නම් බස් හෝල්ට් එකේ සෙනග ඉන්නවා කියලා බැලුවේ නැහැ ...ලුණු ඇඹුල් එක්කම බැන්න ...
ඒ ගමන අඩන්න පටන් ගත්තා
දැන් ඉතින් ආයේ සනසවන්නත් වෙන්නේ මටමනේ ..බොහොම අමාරුවෙන් ඇඩිල්ල නතර කර ගත්තේ ...එහෙන්මම ආයෙමත් beach ගිහින් බෝඩිමට ඇරලවල මමත් ගියා යන්න ගෙදර ....හැබැයි මේ සිද්දියත් මට ගොඩක් හිතට වැදුනා ...
ඔය අතරේදී සදමාලිගේ අම්මා අපේ ගෙදරට කතා කරලා අපි දෙන්නගේ සම්බන්දෙ ගැනත් කියල තියෙනවා ...අපේ ගෙදරින් මගෙන් සදමාලි ගැනත් ඇහුවා ...මමත් ඉතින් අපේ සම්බන්දෙ ගැන කිවුවා ....දවසකුත් දා ගත්තා සදමලිගේ ගෙදර යන්න...
ඊට කලින් මට ඕනි උනා සදමලිගේ ගෙවල් පැත්තේ රවුමක් දාන්න ...යාලුවෝ දෙන්නෙක්ට කතා කරලා සීන් එකත් කියල සදමාලි ගෙදර ගිය දවසක අපිත් ගියා එයාලගේ ගෙවල් හොයාගෙන ..කලින් සදමාලි මට එයාලගේ ගෙවල් තියෙන ඉස්සවුව කියල තිබුනේ ..ඒක නිසා වැඩි අමාරුවක් උනේ නැහැ එයාලගේ ගෙවල් වලට යන අතුරු පාර හොයා ගන්න ...අපි අතුරු පාර දිගේ ගොඩක් ඇවිදගෙන ගියා ..එයා කියපු විස්තර අනුව lane එක මුලමයි තියෙන්න ඕනි ...ගොඩක් ඇතුලට යන්න ඕනි නැහැ .....හැබැයි එයාලගේ ගෙවල් හරියටම තියෙන තැන හොයාගන්න බැරි උනා ....මොකක්දෝ මන්ද හේතුවකට lane එකේ ගෙවල් මට එච්චරම ඇල්ලුවේ නැහැ ...ලග ලග වගේ ගෙවල් තිබ්බෙත් ...හොයාගන්න බැරි උන නිසා අපි ආවා ...
දාගත්ත දවසත් උදා වුණා ...දැන් අපේ ගෙදරින් යන්න ලෑස්තිය සදමලිගේ ගෙදර ...සදමලිටත් වගේම මටත් සතුටුයි ....අපි ගියා එයාලගේ ගෙදර ...එයාලගේ වත්තට අපි ඇතුල් වෙන කොටම මට තේරුණා තාත්ත වගේම අම්මත් ටිකක් upset ගියා කියලා ...ඒකට හේතුව උනේ එයාලගේ ගෙවල් එච්චර පිළිවෙලක් තිබුනේ නැහැ ..වැඩි වෙලාවක් හිටියේ නැහැ එහෙ ..ඉක්මනටම ආවා ගෙදර ...ගෙදර යනකම්ම මට දෙහි කැපුවා ...සම්බන්දෙ නතර කරන්නත් කිවුවා ...ගෙදර ගිය ගමන් සදමලිගේ ගෙදරටත් කතා කරලා කිවුවා මේක වෙන්නේ නැහැ...අපි කැමති නැහැ කියල...
උඹ දන්නේ නෑ මම බීපු දවස් වලට කෙල්ලට බයින හැටි..... ලොල්....
