ඉන්දියාවේ හෙමින්ම යන මනස්කාන්ත දුම්රිය ගමන

NRTG

Well-known member
  • Oct 19, 2019
    34,086
    179,238
    113
    Colombo, Sri Lanka
    ඉන්දියාවේ හෙමින්ම යන මනස්කාන්ත දුම්රිය ගමන

    vEbyEH7.jpg


    ඉන්දීය බොක්ස් ඔෆිස් වාර්තා අනුව 'දිල් සේ' බොලිවුඩ් චිත්‍රපටයට යහපත් ප්‍රතිචාර නොලැබුණ ද, වසර 25කට පසුවත් තවමත් එහි ගීතයක් ජනප්‍රියව පවතියි. 'චයියා චයියා' ගීතය මතකයේ රැඳී ඇත්තේ එහි ආකර්ෂණීය තාලය නිසා පමණක් නොව, එය සම්පූර්ණයෙන් ම ධාවනය වන දුම්රියක් මත රූගතකර ඇති බැවිනි. සශ්‍රීක කඳුකර ප්‍රදේශ, තේ වතු පසු කරමින් උස් ආරුක්කු පාලම් හරහා පැරණි මාදිලියේ එන්ජිමෙන් දුම් පිට කරන දුම්රිය සෙමින් සෙමින් ඉදිරියට ඇදෙද්දී, බොහෝ හදවත් පැහැරගත් ඉන්දීය නළුවෙකු වන ෂාරුක් ඛාන් සහාය නර්තන ශිල්පීන් පිරිසක් සමග එය මත එහෙ මෙහෙ දුවයි.

    මම ද මේ දුම්රියේ ගමන් කර ඇත්තෙමි. නමුත් ඛාන්ගේ ගමනට වඩා මගේ ගමන සුවපහසුබවින් වැඩි සහ අවිනිශ්චිතබවින් අඩුවූවක් විය. නිල්ගිරි කඳුකර දුම්රිය (නීලගිරිය යනු "නිල් පැහැති කන්ද" ය) NMR ලෙසින් හෝ ඊටත් වඩා ආදරයෙන් "සෙල්ලම් කෝච්චිය" ලෙසින් ප්‍රදේශවාසීන් හැඳින්වීම, මේ ගමන පිළිබඳ ජනප්‍රිය කතාවට කදිම උදාහරණයකි.

    t9mFOqE.jpg


    අතිශය බෑවුම් ප්‍රපාතයක පිහිටි දුම්රිය මාර්ගය හේතුවෙන්, තමිල් නාඩු ප්‍රාන්තය හරහා ධාවනය වන මෙම දුම්රිය ඉන්දියාවේ මන්දගාමී ම දුම්රිය ලෙස සැලකේ. නීලගිරි කඳු පාමුල පිහිටි මෙට්ටුපාලයම් නගරයේ සිට උඩගමණ්ඩලම් (මෙය බ්‍රිතාන්‍යයන්ගේ පහසුව තකා 'ඌටකාමුන්ඩ්' ලෙස ව්‍යවහාර කෙරුණු අතර, පසුව ඉන්දියානුවන් විසින් 'ඌටි' ලෙස කෙටි කරන ලදී) කඳුකර නගරය දක්වා කිලෝමීටර් 46ක දුරක් ආවරණය කිරීමට දුම්රියට පැය පහකට ආසන්න කාලයක් ගත වේ. ආපසු පල්ලම් බැසීමේ දී ඉන් පැයක් අඩුවුව ද, මහා මාර්ගය හරහා එම ගමනට ගත වන්නේ ඉන් අඩකට ත් අඩු කාලයකි.

    ClrvZMi.jpg


    පැහැදිලිව ම, A ස්ථානයේ සිට B ස්ථානය දක්වා යාමට කිසිවෙකු නිල්ගිරි කඳුකර දුම්රිය මාර්ගය භාවිත නොකරන අතර, ඔවුන් එයට ගොඩවන්නේ උමං 16ක්, පාලම් 250ක් සහ ද්විත්ව වංගු 208ක් සහිත, යුනෙස්කෝ ලෝක උරුමයක් ලෙස නම් කර ඇති ජෛව විවිධත්වයෙන් පොහොසත් බටහිර ඝාට්ස් කඳු පන්තිය හරහා ධාවනය වන දුම්රියක ගමන් කිරීමේ ප්‍රීතිය උදෙසා ය.

    epybard.jpg


    මා ඉන්දියානු රුපියල් 600ක (ලංකා මුදලින් රු. 2200ක් පමණ) වටිනාකමින් යුත් පළමු පන්තියේ ප්‍රවේශ පත්‍රයක් අතැතිව, සීතල උදෑසනක ඌටිහි දී නීල වර්ණ දුම්රියට ගොඩවූයේ මෙම අතිවිශිෂ්ට නීලගිරි අත්දැකීම විඳ ගැනීමේ ආශාවෙනි. (දෙවන පන්තියේ ප්‍රවේශ පත්‍රයේ මිල මින් අඩකට වඩා අඩු ය. එහෙත්, එහි ආසන මත මෘදු කුෂන් නොමැත.)

    sX86Xnk.jpg


    මෙම දුම්රිය මෙහෙයුම් කටයුතු සිදු කෙරෙන දක්ෂිණ දුම්රිය සමාගමේ මහජන සම්බන්ධතා පිළිබඳ ජ්‍යෙෂ්ඨ නිලධාරී ඩී. ඕම් ප්‍රකාශ් නාරායන් මට පැවසුවේ, "ඔබ දුම්රියට ඇතුළු වුණාට පස්සේ වෙන ම මානයකට ඇතුළු වුණා වගෙ හැඟීමක් දැනේවි," යනුවෙනි.


    czVMYw3.jpg


    මම කුඩා දුම්රියට ගොඩ වූ විට ඔහු අදහස් කළේ කුමක්දැයි මට දැකගත හැකි විය. නිල්ගිරි කඳුකර ප්‍රදේශයේ දැකිය හැකි බවට පොරොන්දු වූ දසුන් ළඟා වන තුරු, දරුවන් සිටින පවුල් හතරැස් ජනේල වටා රොක් වී සිටියහ. දුම්රිය අඳුරු උමං හරහා ගමන් කරන විට ඔල්වරසන් දෙමින් සහ අත්පුඩි ගසමින් විවේකී මනෝභාවයකින් සිටි සියලු මඟීන් අතර ප්‍රබෝධවත් හැඟීමක් ඇති විය.

    8Oj3Kz7.jpg


    ඌටි යනු ඉන්දියාවේ පැරණිතම කඳුකර නිවාඩු නිකේතන අතරින් එකකි (බ්‍රිතාන්‍ය ඉන්දියාවේ බ්‍රිතාන්‍යයින් දැඩි තාපයෙන් මිදීම සඳහා ගියේ ඉහළ උන්නතාංශවල පිහිටි මෙම නගර වෙත ය). දැන්, සීතල විවේකයක් හෝ මධුසමයක් සඳහා මෙය ඉන්දීය සංචාරකයින් අතර ජනප්‍රියව පවතියි. අද එය ජනාකීර්ණ කුඩා නගරයක් වන අතර, නාගරික ඉන්දියාව තුළ යටත්විජිතවාදයේ ශේෂයන් සැඟවී ඇති ප්‍රදේශයකි. නමුත් අප ඌටි පසු කර පිටව යන විට, ලව්ඩේල්, වෙලිංටන්, ඇඩර්ලි සහ රනිමීඩ් වැනි දුම්රිය ස්ථාන නාමයන් හරහා බ්‍රිතාන්‍ය රාජධානිය පිළිබඳ මතක සැමරුම් දිස්වන්නට විය.

    jsIMStP.jpg


    බ්‍රිතාන්‍ය කාලෙ ඉඳලා කිසි දෙයක් වෙනස් වෙලා නෑ වගෙයි පේන්නේ, හරියට කාලය මෙතැනින් නතරවුණා වගේ," පවුලේ සාමාජිකයින් සමග මෙම දුම්රියේ මෑතකදී ගමන් කළ ශරණ්‍යා සීතාරාමන් පැවසුවාය. "මෝස්තරකාර තොප්පි දාගත්ත යුරෝපීය කාන්තාවෝ මේ පුංචි ස්ටේෂන්වලින් කෝච්චියෙන් බැහැලා ගිය විදිය අපට මවා ගන්න පුළුවන්."

    බ්‍රිතාන්‍ය රාජධානියේ යටත්විජිත සමයේ නිර්මිත කාර්යාල, බංගලා (ඇතැම් ගොඩනැගිලි මේ වන විට අවන්හල් ලෙස භාවිත කෙරේ) සහ දේවස්ථාන ආදී පැරණි ගොඩනැගිලිවල ශේෂයන් නිල්ගිරි කඳුකර ප්‍රදේශයේ දී තවමත් දැකිය හැකි ය. එහි යටත්විජිත සමය පිළිබඳ හැඟීම කෙතරම් ප්‍රබල ද යත්, ඌටි සිට පැයක පමණ දුරක පහළින් පිහිටි කූනූර් දුම්රිය ස්ථානය, ඩේවිඩ් ලීන්ගේ 1984 චිත්‍රපටයකට අනුවර්තනය වූ ඊ.එම්. ෆොස්ටර්ගේ නවකතාවක් වූ A Passage to Indiaහි චන්ද්‍රපූර් නමැති ප්‍රබන්ධිත නගරයේ කොටසක් ලෙස යොදා ගැනිණි.

    HR2dkIM.jpg


    "මේ දුම්රියේ ගමන් කරන මිනිස්සු තවමත් දකින්නේ අවුරුදු 100කට කලින් හිටි මිනිසුන් දැක්ක දේ ම යි," නිල්ගිරි ප්‍රදේශයේ සිට වාර්තාකරණයේ නිරත වූ විශ්‍රාමික මාධ්‍යවේදියෙකු වන ඩී. රාධාක්‍රිෂ්ණන් පැවසීය.

    දුම්රිය දෙපාර්තමේන්තුවේ වසර 30කට අධික කාලයක් සේවය කර ඇති නාරායන් මීට එකඟවෙයි: "සංවර්ධනය මුවාවෙන් ඌටි සහ කූනූර් ප්‍රදේශවල ස්වභාවික සම්පත් සූරාකෑමට ලක්ව තිබෙනවා. පාරෙන් යද්දී මේ බව දකින්න පුළුවන්. ඒත්, මේ දුම්රියෙන් ගමන් කරද්දී, එහෙම දෙයක් සිදුවුණුබවට සලකුණක්වත් නැහැ."


    nF1PkII.jpg



    තේ දලු වෙත නැමුණු දලු නෙළන්නියන් සහ මෝසම් කාලයෙන් පසු පෝෂණය වූ දිය ඇලි සහිත තේ වතු පසු කරමින් අපි ඉදිරියට ඇදුණෙමු. මම දිගින් දිගට ම දුම්රියේ සර්ප දඟර සහ වංගු දැකීමට ජනේලයට හේත්තු වී, ළඳු කැලෑවල සිටින අයාලේ යන ගවරෙකු (ඉන්දියානු බයිසන්) හෝ අලියෙකු දැක ගැනීමේ අදහසින් දෑස් යොමාගෙන සිටියෙමි. විවිධ දුම්රිය ස්ථානවල දුම්රිය නතර කළ පසු මඟීන් හිරි ඇර ගැනීම සහ ඡායාරූප ගැනීම සඳහා පිටතට බැසීම නිමක් නොමැතිව සිදුවිය (ඇතැම් දුම්රිය ස්ථානවල දී මඟීන්ට ගොඩවීමට සහ බැසීමට නතර කළ අතර, ඇතැම් ස්ථානවල නතර කරන ලද්දේ වාෂ්ප එන්ජිමට ජලය පිරවීමට ය). කූනූර්හි දුම්රිය නැවතුම බොහෝ දිගු වූ අතර, මෙතෙක් තැනිතලා ප්‍රදේශයක ගමන් කිරීමට භාවිත කළ ඩීසල් දුම්රිය එන්ජිම වෙනුවට කඳුකර ප්‍රදේශවල ගමන් කිරීම සඳහා වැඩි බලයක් ලබා ගැනීමට වාෂ්ප එන්ජිමක් සවි කිරීමට එම කාලය ගත විය.

    0GIcV8g.jpg


    නිස්කලංක දර්ශන සහ දුම්රියේ මෘදු පැද්දීම මා නිද්‍රාශීලී තත්ත්වයකට ඇද දැමීය. ජලය පිරවීම සඳහා දුම්රිය නතර කළ එක් අවස්ථාවකදී මම ඉන්දියාවේ ඕනෑ ම දුම්රිය ගමනක අනිවාර්ය අංගයක් වන මසාලා වඩේ සහ උණු තේවලින් සප්පායම් වීමි.

    මෙට්ටුපාලයම් ආසන්නයේ පිහිටි තැනිතලා ප්‍රදේශයේ හැදී වැඩුණු, දැන් මැංගලෝර්හි වෙසෙන මාධ්‍යවේදිනී සුභා ජේ. රාඕට ඇගේ ළමා කාලයේ සිට ම මේ දුම්රිය ගමන පිළිබඳ ඒ හා සමාන මතකයන් තිබේ. "ඇත්තට ම අපිට බිමට බැහැලා කෝච්චිය එක්ක ඇවිදින්න වුණ ත් පුළුවන්," ඇය පැවසුවාය. "වැඩිහිටියන් විදිහට අපි දැන් මේ දුම්රිය ගමනේ සුන්දරත්වය ගැන කතා කළ ත්, පුංචි කාලේ අපි මේ අත්දැකීම අත්වින්දා, වාෂ්ප එන්ජිමේ ශබ්දය යි, දුමාරය යි එක්ක වුණත්."


    9IH8rJ6.jpg


    නිල්ගිරි කඳුකර දුම්රිය, බටහිර බෙංගාලයේ ඩාර්ජිලිං හිමාලයානු දුම්රිය සහ උතුරින් පිහිටි හිමාචල් ප්‍රදේශ්හි කල්කා ෂිම්ලා දුම්රිය සමග 'ඉන්දියාවේ කඳුකර දුම්රිය මාර්ග' නම් යුනෙස්කෝ ලෝක උරුම ලැයිස්තුවට ඇතුළත් වේ. ඒ සියල්ල ම බ්‍රිතාන්‍ය පාලනයෙන් ලැබුණු දායාද වන අතර ගිම්හාන කාලයේ දී ශීතල කාලගුණයක් සහිත ප්‍රදේශයකට පහසුවෙන් ළඟා වීම සඳහා ඒවා ඉදි කෙරිණි. එහෙත්, රාධාක්‍රිෂ්ණන් පෙන්වා දුන්නේ, "ඒගොල්ලෝ දුම්රිය මාර්ග හැදුවේ සම්පූර්ණයෙන් ම ඔවුන්ගේ සැප පහසුව සඳහා මිසක් ඉන්දියානු ජනතාවගේ යහපත වෙනුවෙන් නෙවේ. ඒගොල්ලො යනකොට ඒවා ආපහු ගෙනියන්න පුළුවන් වුණා නම් ඒවා අරගෙන යන්න තිබුණා."

    cNIeSe9.jpg


    ඔවුන්ගේ අභිප්‍රාය කුමක් වුව ත්, මෙම දුෂ්කර කඳුකරයේ දුම්රිය මාර්ගය ඉදි කිරීම අතිශයින් අභියෝගාත්මක විය. යුනෙස්කෝ සංවිධානයට අනුව, "මෙම දුම්රිය මාර්ගය, මීටර් 326 සිට මීටර් 2,203 දක්වා පරාසයකින් යුක්තව, එකල භාවිත වූ නවීනතම තාක්ෂණය යොදා ඉදි කර තිබේ." මාර්ගයේ ඇතැම් කොටස් (කල්ලාර් සහ කූනූර් අතර කොටස වැනි) ඉතා බෑවුම් සහිත බැවින් විශේෂිත දැති තලව් හා දව රෝද පද්ධතියක් භාවිත කිරීමට සිදුවූ බව නාරායන් පැහැදිලි කළේ ය. මෙයින් අදහස් කරන්නේ ලිස්සා යාම වැළැක්වීම සඳහා පීලි මැද තියුණු දැති සහිත අමතර පීල්ලක් (දැති තලව්ව) මඟින් කෝච්චි පෙට්ටියේ ඇති දැති සහිත රෝදයක් (දව රෝදය) මගින් ග්‍රහණය කිරීමට සැලැස්වූ බව ය. ඉදිකිරීම් සැලසුම් කිරීම සහ අධීක්ෂණය කිරීම සඳහා බ්‍රිතාන්‍යයන් විසින් කුලී පදනම මත බඳවා ගත් මුල් ස්විට්සර්ලන්ත ඉංජිනේරු කණ්ඩායම විසින් එය සැලසුම් කරන ලදී. මෙම සැලසුම නිල්ගිරි කඳුකර දුම්රිය මාර්ගයේ හැර අද වන විට වෙනත් ස්විස් දුම්රිය මාර්ග කිහිපයක පමණක් දක්නට ලැබෙන අතර ඒවා අද දක්වා ම ක්‍රියාත්මක වේ.

    U6d2JCv.jpg


    දුම්රිය මාර්ගය ඉදිකිරීම 1891 වසරේදී ආරම්භ වූ අතර, නිම කිරීමට වසර 17ක් ගත විය. දුම්රිය ආරම්භ වී ගත වූ 115 වන වසර මෙය වෙයි. බ්‍රිතාන්‍ය නිලධාරි ජෝන් සලිවන් කඳුකරයේ පිහිටි මෙම සුන්දර ගම්මානය සොයා ගනිමින් එය බ්‍රිතාන්‍ය රාජධානියේ ගිම්හාන ඍතුවේ විවේකස්ථාන ලැයිස්තුවට එක් කර හරියට ම වසර 200ක් වන බැවින්, 2023 වසරේදී සන්ධිස්ථාන සංවත්සරයක් සැමරීමට ඌටි සූදානම් වේ. එනම්, නිල්ගිරි කඳුකර දුම්රිය, ඌටි ගම්මානය ආරම්භයේ සිට ගත වූ කාලයෙන් අඩක් නියෝජනය කරන ඌටි උරුමයේ කොටසකි.


    MhnnQn5.jpg


    රාධක්‍රිෂ්ණන් පවසන පරිදි මෙම දුම්රිය සේවය ආර්ථික වශයෙන් ලාභදායී නොවන බැවින් එය වසා දැමීමට අවස්ථා කිහිපයකදී ම සැලසුම් කර තිබිණි. නමුත්, මෙම දුම්රිය ඌටි සංචාරක ක්ෂේත්‍රයේ අත්‍යවශ්‍ය අංගයක් වන හෙයින්, එම සැලසුම් ඉදිරිපත් කළ සැණින් ප්‍රතික්ෂේප විය. "ගොඩක් අය මෙහෙට එන්නේ මේ කෝච්චියේ යන්න ඕන නිස යි. නිල්ගිරි කඳුකර දුම්රිය නැති ඌටියක් ගැන හිතන්නවත් බෑ," ඔහු පැවසීය.
    අවසානයේ අපි ඌටියෙන් පිටත් වී සන්සුන් හා විවේකී පැය හතරකට පසු මෙට්ටුපලයම් වෙත ළඟා වූ විට රාඕ පැවසූ දෙයක් මගේ මතකයට නැගිණි: "මේ කෝච්චියේ ගමන් කරන එක, සන්සුන් කාලයක් දෙස ආපසු හැරී බැලීමක්."

    AyktPBO.jpg


    එය එදිනෙදා ජීවිතයේ ආතතියට සහ ව්‍යාකූලතාවන්ට ප්‍රතිරෝධකයක් බව මට දැනුණු අතර, දුම්රියේ වේගයට ගැලපෙන පරිදි මගේ ම මනස මන්දගාමී වූ විට, එය හරියට ම මට අවශ්‍ය ආකාරයේ ආපසු හැරීමක් විය.



    Source.
    BBC.com
    චායාරූප අන්තර්ජාලයෙනි
     
    Last edited:

    Solo Rider

    Well-known member
  • Sep 4, 2020
    31,652
    1
    143,767
    113
    96
    හෝමාගම
    ලන්කාවෙත් තිබුනලු ඉස්සර හැටන් ඉදන් රාගල/ නුවර එලියා පැත්තට narrow gauge පාරක්
    මේ හැත්ත එක යකඩ වලට විකුනල

    තිබ්බ නන් හොද ගානක් හම්බ කරන්න තිබ්බ

    ---

    මට හරියට මතක නැ විස්තර නන්

    සාමාන්‍යෙන් උඩරට මාර්ගෙ ආනතිය තිබ්බෙ 1/44 ලු. එ කියන්නෙ කොච්චිට අඩි 44ක් දුරක් යනකොට අඩි 1ක් කන්ද නගිනව
    එත් මෙ රාගල පාර තිබ්බෙ 1/14 වගෙ ගානක්ලු.

    ට හි#න නැග්මක්
     

    1sam

    Well-known member
  • Mar 25, 2016
    2,466
    5,176
    113
    TFS.
    ලස්සන දුම්රිය ගමනක්.

    ලන්කාවෙත් තිබුනලු ඉස්සර හැටන් ඉදන් රාගල/ නුවර එලියා පැත්තට narrow gauge පාරක්
    මේ හැත්ත එක යකඩ වලට විකුනල

    තිබ්බ නන් හොද ගානක් හම්බ කරන්න තිබ්බ

    ---

    මට හරියට මතක නැ විස්තර නන්

    සාමාන්‍යෙන් උඩරට මාර්ගෙ ආනතිය තිබ්බෙ 1/44 ලු. එ කියන්නෙ කොච්චිට අඩි 44ක් දුරක් යනකොට අඩි 1ක් කන්ද නගිනව
    එත් මෙ රාගල පාර තිබ්බෙ 1/14 වගෙ ගානක්ලු.

    ට හි#න නැග්මක්
    ඒක නානුඔය ඉඳලා රාගල දක්වා තිබුන UPR (උඩ පුස්සැල්ලාව රේල්වේ) පටු ආමාන මාර්ගය.

    ඒක වහලා දැම්මෙත් සුද්දන්ගේ කාලෙම මිසක් අපේ අය නොවෙයි.

    බෑවුම් 1/24 හෝ 1/16 වගේ තමයි මතක.

    රේල් පාර වහලා තිබුනාට, සියලුම දුම්රිය ස්ථාන වල බඩු බාරගැනීම/නිකුත් කිරීම 70 දශකය(සමහර විට 80 මුල) වෙනතුරුම තිබුනා.

    මගෙත් ආසම සබ්ජෙක්ට් එකක් තමයි පරණ දුම්රිය
    ------ Post added on Jul 12, 2023 at 3:12 AM
     

    War Fighter

    Well-known member
  • Mar 22, 2017
    5,710
    1
    18,010
    113
    Wow! TFS

    TFS.
    ලස්සන දුම්රිය ගමනක්.


    ඒක නානුඔය ඉඳලා රාගල දක්වා තිබුන UPR (උඩ පුස්සැල්ලාව රේල්වේ) පටු ආමාන මාර්ගය.

    ඒක වහලා දැම්මෙත් සුද්දන්ගේ කාලෙම මිසක් අපේ අය නොවෙයි.

    බෑවුම් 1/24 හෝ 1/16 වගේ තමයි මතක.

    රේල් පාර වහලා තිබුනාට, සියලුම දුම්රිය ස්ථාන වල බඩු බාරගැනීම/නිකුත් කිරීම 70 දශකය(සමහර විට 80 මුල) වෙනතුරුම තිබුනා.

    මගෙත් ආසම සබ්ජෙක්ට් එකක් තමයි පරණ දුම්රිය
    ------ Post added on Jul 12, 2023 at 3:12 AM
    දාමුකෝ thread එකක්
    ------ Post added on Jul 12, 2023 at 4:54 AM
     

    shenat

    Well-known member
  • May 13, 2007
    45,723
    67,606
    113
    ආශ්චර්යමත් රටක
    TFS machan 😎😎

    ලන්කාවෙත් තිබුනලු ඉස්සර හැටන් ඉදන් රාගල/ නුවර එලියා පැත්තට narrow gauge පාරක්
    මේ හැත්ත එක යකඩ වලට විකුනල

    තිබ්බ නන් හොද ගානක් හම්බ කරන්න තිබ්බ

    ---

    මට හරියට මතක නැ විස්තර නන්

    සාමාන්‍යෙන් උඩරට මාර්ගෙ ආනතිය තිබ්බෙ 1/44 ලු. එ කියන්නෙ කොච්චිට අඩි 44ක් දුරක් යනකොට අඩි 1ක් කන්ද නගිනව
    එත් මෙ රාගල පාර තිබ්බෙ 1/14 වගෙ ගානක්ලු.

    ට හි#න නැග්මක්

    :yes:

    මේකෙ තව ත්‍රෙඩ් එකක් තිබුණා ඕක ගැන
    ------ Post added on Jul 12, 2023 at 5:25 AM
     

    aneasarayana

    Well-known member
  • Oct 13, 2013
    3,898
    3,631
    113
    ලන්කාවෙත් තිබුනලු ඉස්සර හැටන් ඉදන් රාගල/ නුවර එලියා පැත්තට narrow gauge පාරක්
    මේ හැත්ත එක යකඩ වලට විකුනල

    තිබ්බ නන් හොද ගානක් හම්බ කරන්න තිබ්බ

    ---

    මට හරියට මතක නැ විස්තර නන්

    සාමාන්‍යෙන් උඩරට මාර්ගෙ ආනතිය තිබ්බෙ 1/44 ලු. එ කියන්නෙ කොච්චිට අඩි 44ක් දුරක් යනකොට අඩි 1ක් කන්ද නගිනව
    එත් මෙ රාගල පාර තිබ්බෙ 1/14 වගෙ ගානක්ලු.

    ට හි#න නැග්මක්
    ඕපනායකට වෙනකන් තිබුණ කෝච්චි පාරටත් ඕකම තමයි කරේ. තිබුණා නම් සුපිරි ගමනක්. ඒ කොටස පාඩුයි කියලා වහලා තියෙන්නේ දන්න විදියට.
     

    Tricle_Buwa

    Well-known member
  • Sep 15, 2019
    6,403
    9,726
    113
    TFS.
    ලස්සන දුම්රිය ගමනක්.


    ඒක නානුඔය ඉඳලා රාගල දක්වා තිබුන UPR (උඩ පුස්සැල්ලාව රේල්වේ) පටු ආමාන මාර්ගය.

    ඒක වහලා දැම්මෙත් සුද්දන්ගේ කාලෙම මිසක් අපේ අය නොවෙයි.

    බෑවුම් 1/24 හෝ 1/16 වගේ තමයි මතක.

    රේල් පාර වහලා තිබුනාට, සියලුම දුම්රිය ස්ථාන වල බඩු බාරගැනීම/නිකුත් කිරීම 70 දශකය(සමහර විට 80 මුල) වෙනතුරුම තිබුනා.

    මගෙත් ආසම සබ්ජෙක්ට් එකක් තමයි පරණ දුම්රිය
    ------ Post added on Jul 12, 2023 at 3:12 AM
    E kale oka gena tred ehema giya. Mataka widihata @Mr PERERA wage
     

    Lakshan-Seram

    Well-known member
  • May 31, 2011
    23,712
    11,587
    113
    127.0.0.1:8080/Kandy
    TFS.
    ලස්සන දුම්රිය ගමනක්.


    ඒක නානුඔය ඉඳලා රාගල දක්වා තිබුන UPR (උඩ පුස්සැල්ලාව රේල්වේ) පටු ආමාන මාර්ගය.

    ඒක වහලා දැම්මෙත් සුද්දන්ගේ කාලෙම මිසක් අපේ අය නොවෙයි.

    බෑවුම් 1/24 හෝ 1/16 වගේ තමයි මතක.

    රේල් පාර වහලා තිබුනාට, සියලුම දුම්රිය ස්ථාන වල බඩු බාරගැනීම/නිකුත් කිරීම 70 දශකය(සමහර විට 80 මුල) වෙනතුරුම තිබුනා.

    මගෙත් ආසම සබ්ජෙක්ට් එකක් තමයි පරණ දුම්රිය
    ------ Post added on Jul 12, 2023 at 3:12 AM
    Tfs