දෙවියො මවපු මේ මිනිසා – දෙවියෝ රෑක දේ මිනිස&#3

[deepalsamantha]

දෙවියො මවපු මේ මිනිසා – දෙවියෝ රෑක දේ මිනිස&#3

පුංචි පුතුගේ ටිකිරි හිනා
මගේ පැලේ ‍රැව් දෙන්නා
අනේ පුතේ ලොව පෙන්නා
උඹට දෙන්න මට බැරුවා

දෙවියො දුන්න මගේ පුතා
නෙත් සඟලම අහිමි වෙලා
කොහේ කොතන වැ‍රැද්දිලා
දෙවියෝ ඇයි නපුරු වෙලා

අනේ කොහෙද මේ දෙවියා
කිව මැන හරියට හොයලා

මගේ හිමිගේ අංග විකල
වාරු නොමැති අත පා යුග
දෙවියො ඇවිත් අරන් ගිහින්
කයේ තිබුන හයි හත්තිය

ලේ කිරි කර පෙව් අම්මා
මගේ තනියට හිටි අම්මා
පිළිකාවක් උඩු දුවලා
දෙවියො ඇවිත් ගෙනිහිල්ලා

සරණට හිටි එකම පියා
ඔලුව තදින් නරක් වෙලා
පිස්ස කියල හඩු ගහලා
දෙවියො අහක බලා ගියා

අනේ කොහෙද මේ දෙවියා
කිව මැන හරියට හොයලා

නාකි වෙච්ච් මගේ දෝනි
දීග යන්න ඕනි වෙච්චි
දෙවියො නිදාගෙන ඉඳිද්දි
අකුණු ගහල ගියා පිච්චි

අනේ අපේ ලොකු එකාගෙ
මොලේ ගෙඩිය පුපුරලානෙ
ඌ කාගෙත් හිතවතානෙ
දේවියට අමතක වෙලානෙ

අනේ කොහෙද මේ දේවියා
කිව මැන හරියට හොයලා

දෙවියො දීපු හතරවෙනිය
පෙකිනි වැලත් ඔතන් හිටිය
මරුවා ගත්තා බිලිඳු කැටිය
දෙවියො මරන් ගත්තා පලිය

අනේ රෝස පාට මුහුණ
නෑ මුව කිරි ඉල්ලලා හැඬුම්
දස මස මා කුස රැක්කා
කල වරදක් නැත දන්නා

මට විතරද මේවා උනේ
නැතිවද අන් අයට උනේ
උන් හැම දෙවියෝ මවලා
අනේ කවරු අපෙ මවලා

අනේ කොහෙද මේ දෙවියා
කිව මැන හරියට හොයලා

- නයනි රණසිංහ

ගත්තෙ සිංහල බෞද්ධයා වෙබ් අඩවියෙනි....උඹලටත් බලන්න දැම්මෙ...

 

[Pinimuva]

අනේ කොහෙද මේ දෙවියා
කිව මැන හරියට හොයලා

 

[deepalsamantha]

බම්ප්