පද පේළී - EK LYRICS THREAD PART 2

[DAMER]

Cuckoo (2014) ටැමිල් ෆිල්ම් එකේ සිංදුවක කවර් එකක්ලු බන්.

තෑන්ක්ස් මචන්..

ෆිල්ම් එක හොයාගන්න ඕනෙ..

 

[nadeera84]

නැගෙන බිදෙන හැම සමුදුරු රැලි මත
නුබේ මුව හිනැහෙනු මා දුටුවා
නොදැනීම වාගේ ඒ මුව බොදකර
කදුලක් නෙත තනියට නැගුනා...

මතකද හැම රෑ පහන් වනතුරා
පැතු පැතුම් කෙලි සිනහා වදන්
දින ගෙවෙනා හැටි අප දැන හිටියා
අද නුබ කොහිදැයි සිත ඇසුවත්...

ඉරණම ලියැවී අප වෙන් කල දා
දෙගුරුන් හමුවේ සිත නිහඩයි
නුබ මියැදෙන බව දැන දැන සිතකින්
නෙලා ගම්ද සොදුරේ කෙලෙසින්..

මා තුරුලට ගෙන සුරතල් කරනට
අහිමි වුවත් මට සොදුරු වරම්
අන්සතු උයනක් නුබ හිනැහෙනයුරු
දැක තුටු වෙමි නැවතී මෙතෙකින්...



මේක මගේ ජීවිතේට ගොඩක් සම්බන්ද සින්දුවක්.ඒ වගේම මම ආසම සින්දුවක් මේක අහපු මුල්ම වතාවේ මම හිතුවේ මේක ලියපු කෙනා මම දන්නවද කියලා කොහොම උනත් මට මේක දුන්නේ දැනට අව්රුදු දෙකකට විතර කලින් කිබුලා අයියා,මලයා මෙන්න උබේ කතාවම සින්දුවක තියෙනවා මේක අහපන් කියලා

 

[nadeera84]

ආදරේ කටු සටහන් අපේ
ඉතිරි වී තියෙනවා නම් හිතේ
ආයෙමත් ආයෙමත්
ආයෙමත් වෙමු අපි අපේ

පාලු පෙත් වල පියමන්
කරපු අපේ පිය සටහන්
මතකේ ඔබේ තියෙනවා නම්
හමුවෙලා වෙන් නොවන ලෙස
ආයේ කරමුද අපි පෙම්...

හදවතේ තව ඉඩ ඇත්නම්
වෙන කෙනෙක් හෙම ලග නැත්නම්
පෙම් ලොවට පා විස්කම්
පෙර වගේ එක් වෙලා
කරමු අපේ පෙම ගෙත්තම්

 

[Rex921]

නැගෙන බිදෙන හැම සමුදුරු රැලි මත
නුබේ මුව හිනැහෙනු මා දුටුවා
.................

 

[hmhm95]

ලියා හසුන්පත්
තැන තැන හංගාපු
ගලා බොඳවයයි
මේ ඇස් දෙකෙන් තෙමූ....
වළාකුළට රෑ සඳ නෑවිත් ඉඳපු
එකම දවස අද විතරද මගෙ දෙව්දු.....


අවාසනාවට
රෝස මලක් පරවේ
කඩා වැටෙන්නට
උනු කඳුලක් වැලපේ
දරාගන්න බැරි
තරමට ආදරේයි.....
ඔයා රත්තරන් වරදක් කළා නොවේයි.......

 

[nadeera84]

සීත සුලන් රැලි නෙතු අද්දර හිනැහෙනවා
නීල නයන යුග හිරු එළියෙන් බබලනවා
මල පොකුරක් පිපුන සේ හිරු එළියක් දුටුවා සේ
යුග ගානක ආලවන්තකම් මට දැනෙනවා

මිහිරි මතකයන් හිත අද්දර රග දෙනවා
කෝල කොමළ හිත සිහිලැල්ලෙන් හිනැහෙනවා
රැළි යායක් නැගුනසේ පෙන කැටියක් පිපුන සේ
හිත යයක සෙනෙහෙවන්තකම් මට දැනෙනෙවා

ඒ සිත්වල සුවද සොයා ගනිමින්-ඔබටයි ආදරේ කියමින්
සෙනෙහස දිවියපුරා රකිමින්-මා ලැබූ සොදුරියේ
මගේ හදබැදී සිත්තමක් විලසින්
මිහිපිට දෙවගනක් මවමින්
ඔබමත රන්රුවක් තබමින්
මා දිනු දෙව්ලියේ

සිත අස්වදන්නදෝ මගේ නංගියෝ
නෙතු අද්දර හීන් හිනාවක් නගමුදෝ
දෙසවන ලග හිද කවි මුමුණන්නට
මල් මාවතකට ගෙන යන්නම්
හදවත ලග හිද ආල පුරන්නට
සසර පුරුද්දෙන් මා එන්නම්

ඒ සිත්වල සුවද සොයා ගනිමින්-ඔබටයි ආදරේ කියමින්
සෙනෙහස දිවියපුරා රකිමින්-මා ලැබූ සොදුරියේ
මගේ හදබැදී සිත්තමක් විලසින්
මිහිපිට දෙවගනක් මවමින්
ඔබමත රන්රුවක් තබමින්
මා දිනු දෙව්ලියේ

 

[C h o p p e]

නෙතු කඳුළු වලින් බොරු නොකර ඉඳින්
මගේ පුංචි නගේ රවටා දෙගුරුන්
නුඹ ඇයිද නගේ පෙම් බස් දෙඩුවේ
කිරි සුවඳ මුවින්...

 

[DAMER]

හිතට දැනෙන පේළි

 

[precious]

You and I
Close together
A new dimension
But if we dare
We will succeed..

 

[rcccc]

මොරසූරන වැසි ඇදගෙන හැළුනා...

මොරසූරන වැසි ඇදගෙන හැළුනා
මට මතකයි සමුගත් දිනයේ
මා සිතුවේ නැ ලොව ‍හැර යන්නට
අවිහිංසක නුඹ සිතයි කියා...

නිමල ආදරේ අවිහිංසක බව
ලෝකය නැ දැනගෙන උන්නේ
මාරුතයක් ඇවිදින් ඒ සුළඟේ
ඔබ අරගෙන ඈතට යනවා...

තරු නෙතු සඟවා ඔබ සැතපෙනවා
හැඬූ නමුදු ඉන් නොමැත පලේ
වත මල සිඹලා මම සමුගන්නෙමි
හෙට හමුවෙමු අපි අපේ ලොවේ...

-ආත්මා ලියනගේ-

 

[DAMER]

Jagath Wickramasinghe...............

ඔබේ සිනා ලඟ~

නෙත නැවතුනු දා..
​

ඔබේ කතා ලඟ~

සිත නැවතුනු දා..
​

ප්‍රේමය හැඳින්නෙමී~​

මේ ලෝ තලයේ..​

 

[Rex921]

ආදරේ මල් අතින් අරගෙන හිටි‍යදා හිනැහී......
මීදුමේ සුදු තුෂර බිඳුවක දවටිලා රැවටී......
නිල් විලූ තුරු ‍යටින්.....ඇවිද ගි‍ය සුලඟේ එතී.....
සුන්දරම මල් උ‍යන.....ඔබත් නැති ගිම්හාන‍යක් වී.....

ඔබට අමතක ඈත දවසක බැන්ද පෙම මිහිරි.....
වින්ද කරදර හිතින් බෝමැ‍යි දන්නවද සොඳුරි.....
ඔබේ ආදර ඉවුරු දෑලේ කඳුලු දි‍ය ඉහිරි.....
එදා වාගෙම අදත් ඒ ගඟ ගලා ‍ය‍යි නොබෙදී.....

හිතට තනිකම මකාලන්නට ආදෙරෙන් ලංවී.....
වෙන්ව ‍යන්නද හමුවුනේ ඔබ කි‍යන් මට කිඳුරී.....
මවා ආදර කඳුලු දෑසේ සිහින‍යේ පැටලී.....
බිඳුනු හදවත නොරිදවාගමි සිහින දුර නැවතී......

-Karunarathna Divulgane-

 

[rcccc]

සීතල සරත් සමේ නැගෙ තරිදාන...

සීතල සරත් සමේ නැගෙ තරිඳාන
වියරුණු ඝණ අඳුරට පෙම් කෙරුවාද
කුමරිය තනි යහනේ නිදි වැරුවාද
තනිකර ආ මට තව පෙම් කෙරුවාද...

සීතල සරත් සමේ නැගෙ තරිදාන
වියරුණු ඝණ අදුරට පෙම් කෙරුවාය
පෙම් සුව සැඟවුනු පෙම සිත හඬවාය
නුඹ නැති හැම රැයකම ගත උණුහුම්ය...

සයුරු සසල බව නිසලව දන්නේ වෙරළයි
සයුරේ රළ මුදු වෙරලට හැමදා රිදවයි..
සයුර මමයි මුදු වෙරල නුඹයි හරි පුදුමයි...

හැවිලි හැවේ වල්මත් වූ මගෙ කුමරාන
හීන ගහේ මල් පිපුනේ තව නැතිවාද..
හීන බිදෙයි නෙතු නොහැර හිඳින් කුමරාන...

-6th Lane-

 

[DAMER]

BnS...........

~අපටයි මේ මිහිතලේ~
..මව වේ අප දිවි සාගරේ..
~වැදු මෑණියන් සේ පුදනා~
..ලෝකයයි සොබාදමයි මේ..

 

[C h o p p e]

~අපටයි මේ මිහිතලේ~
..මව වේ අප දිවි සාගරේ..
~වැදු මෑණියන් සේ පුදනා~
..ලෝකයයි සොබාදමයි මේ..

good old days... RIP B&S

 

[DAMER]

good old days... RIP B&S

siraawata..

 

[nadeera84]

ඔබේ සිනා ලග නෙත නැවතුනු දා
ඔබේ කතා ලග සිත නැවතුනු දා
ප්‍රේමය හැදින්නෙමි //
මේ ලෝ තලයේ //

කුමටද උපමා ඉතිහාසයේ උන්
ප්‍රේමවන්තයින්ගෙන් ..
කුමටද ආදරයේ පෙම් සැමරුම්
පෙම් පාරාදීසේ ..
ඉමක් කොනක් නැති ආකාසේ
තරු පායා එන සේමා ..
ඉමකා නිමක් නැත පෙම් හදවත් තුළ
පෙම් සිතුවිලි බෝමා

ඔබේ සිනා ලග නෙත නැවතුනු දා
ඔබේ කතා ලග සිත නැවතුනු දා
ප්‍රේමය හැදින්නෙමි //
මේ ලෝ තලයේ //

 

[nadeera84]

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුළක දියවී
ප්‍රථම ප්‍රේමයයි බොඳව ගියේ...

ඔහුට පුදන්නට පූජාසනයේ
නොකිලිටි මල් පිපුණිද ළඳුනේ
පෙති ගිලිහී ගිය පරසතු කුසුමක
සුවඳ කොහේ කොතැනද රැඳුනේ...

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුළක දියවී
ප්‍රථම ප්‍රේමයයි බොඳව ගියේ...

ආ මග වැරදී ඔහුද ඔබද මා
දෛවයෙ තුංමංසල හමුවේ
බලා හිඳිනු මිස හඬා වැටෙන්නට
කඳුළක්‌ නැහැ දෙනුවන පිපුණේ..

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුළක දියවී
ප්‍රථම ප්‍රේමයයි බොඳව ගියේ...

 

[nadeera84]

නෙතට උළෙලක් විය එදා ඔබ
කඳුළු බිඳුවක් වුව මෙදා
මේ තරම් හිත පාරවන්නේ
මගෙන් වරදක් වුනිද මංදා...//

ඔබේ තොර වු ලොකයක්‌ ගැන
හිතන්නටවත් නොහැකි හින්දා
ඔබේ හිත වෙන අතක රන්දා
එපා දුක ගෙන එන්න කැන්දා

නෙතට උළෙලක් විය......

ඔබේ රුව රසඳුනක් වූවත්
කමක් නෑ මට තවත් ඇසකට
නමුදු ඒ රුව තවත් කෙනෙකුට
අයිති වෙනු බෑ දරාගන්නට

නෙතට උළෙලක් විය......

 

[nadeera84]

මට අවනත නැති මගේ ආදරය නිසා
සිත චංචල වී හැඬුවා රැය පුරා
කවුලු දොරින් සඳ සිටියා මදෙස බලා
මාවත් නොදනි කොතනක නවතීදෝ
මගේ ජිවිතේ කියා ..

වැහි ළිහිණියනේ ... වැහි ළිහිණියනේ
වැහි ළිහිණියනේ ... වැහි ළිහිණියනේ
මාවත් නොදනි කොතනක නවතීදෝ
මගේ ජිවිතේ කියා ..

රිඳුමන් දැන්නේ රහසින් හඬන්න
සංකා හින්දයි විදවන ජීවිතයෙන්
නික්ම යන්නවෙයි දිනෙක කියා දැවෙනා
ප්‍රේමවන්ත සිත් දැවෙනා බව හැගුනා

වැහි ළිහිණියනේ ... වැහි ළිහිණියනේ
වැහි ළිහිණියනේ ... වැහි ළිහිණියනේ
මාවත් නොදනි කොතනක නවතීදෝ
මගේ ජිවිතේ කියා ..//