පද පේළී - EK LYRICS THREAD PART 2

[precious]

කඳුළු දෙන්න මට හඬන්න
සත් සමුදුරු ගොඩ ගලන්න
සුසුම් දෙන්න මට හෙලන්න
සක්වල ගල සසළ වන්න..

හිත උපන්න ආලවන්ත
ඒ රුව කෝ මට කියන්න
මගේ තනියට මා පමණයි
ඇය එවන්න මා බලන්න

කඳුළු දෙන්න මට හඬන්න...

ලිහිණියනේ පියාඹන්න
ඇය ඇති තැන සොයා යන්න
මා මිය යන බව පවසා
ඇය එවන්න මා බලන්න

කඳුළු දෙන්න මට හඬන්න..

 

[yasi96]

හඳ පානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට
නෙත් දාහක් පසු කර විත් මට හිමි දෙනුවන දුටු විට
හඳ පානක් වූයේ නුඹ නොවෙදෝ මා සිත් අහසට.....

දූවිලි හුළඟින් පිරුණත් ඉපදුන නගරේ
මට නුපුරුදු ගමට එන්න බෑ - මේ නගරය අත්හරින්න බෑ
මගෙ උරුමය රැඳුනත් මා ලද ගම් පියසේ
මේ නගරයේ කූඩු වෙන්න බෑ - ගම්මානය අත්හරින්න බෑ

අප දෙන්නා මුණ ගැස්වූ මේ මහ නගරේ
අතැර නුඹට ගමට යන්න බෑ - මේ නගරය අත්හරින්න බෑ
මගේ සිතෙන් නුඹ සිතනා මතු යම්දවසේ
මේ නගරේ පාළු වෙන්නෙ නෑ - මං තනියෙන් ගමට යන්නෙ නෑ

හඳ පානක් සේ ඇවිදින් ගම්මානෙන් මේ නගරෙට
ගංගාවක් තරමට සිහිලස පිදුවයි නුඹ මා හට
නෙත් දාහක් පසු කර විත් මට හිමි දෙනුවන දුටු විට
හඳ පානක් වූයේ නුඹ නොවෙදෝ මා සිත් අහසට.....

 

[LOL_SEEN]

අපේ වැල ඇත සැගවීලා....! අපේ වැල ඇත ලියවීලා

 

[amoeba2576]

​

නිසඟ පවඟ මත හිනැහි හිනැහි පිණි මල් මතින් වඩිනු දෙව්ලියේ
රතු තඹර මල් සුවඳ විහිදා බිඟුන් බමනා ඈ වටා

ඇගේ නිකිණි සිනහ මල් කිණිති සැලෙන විට
දැනෙන දැනෙන හැඟුමන්
රණ තිසරු රුවැති ඇගෙ ලකල් ළමැදෙ මම
සිහින සිහින වින්දෙම්

සප්ත ස්වරයයි , සුවඳ හමනා...
සප්ත ස්වරයයි ඒ,සුවඳ හමනා...

හිත පුරා විසිරි මුතුලතා..
ඉහිරුනා රුවැති හද පතා..
හීන මුසු වුනු පාට තැවරුනු
දෑස අභියස නැවතිලා..
ඇගෙ නිකිනි සිනහ මල් කිනිති සැලෙන විට
දැනෙන දැනෙන හැඟුමන්...
රණ තිසරු රුවැති ඇගෙ ලකල් ළමැදෙ මම
සිහින සිහින වින්දෙම්...

ගායනය : රූනි
පද රචනය : හසිත විතානගේ
සංගීතය : නයන කරුණානායක

 

[DAMER]

හිත පුරා විසිරි මුතුලතා..
ඉහිරුනා රුවැති හද පතා..
හීන මුසු වුනු පාට තැවරුනු
දෑස අභියස නැවතිලා..
ඇගෙ නිකිනි සිනහ මල් කිනිති සැලෙන විට
දැනෙන දැනෙන හැඟුමන්...
රණ තිසරු රුවැති ඇගෙ ලකල් ළමැදෙ මම
සිහින සිහින වින්දෙම්...


ගායනය : රූනි
පද රචනය : හසිත විතානගේ
සංගීතය : නයන කරුණානායක

පට්ට සිංදුව බන්..

 

[Sara531]

සෙනෙහස උතුරා වාං දමන කොට
සොරොව්වෙ දොරගුළු වහන්නෙ කොහොමද
මා හද වෑ බඳ නම් රලපනාව
උසුලන බර නුඹ නොදනියි මිහිරිය.....


අතුරා දිය රැළි පාවඩ සීතල
මග සරසා ඇත නුඹ පිළිගන්නට
පිපෙන්න මා හද වැවේ ගැඹුරු තැන
සියපත ඉඳුවරයක් ලෙස දෙව්දුව......

නියඟය නොඑනා බව නම් සත්තයි
වෑ බඳ මහමෙර පරදන සවියයි
වැව් දිය බර රලපනාව උසුලයි
පිපෙන්න මේ වැව තැනුවේ නුඹටයි.....

 

[yasi96]

සාගරේ තරම්
ආදරේ අරන්
සරා සිහිනයේ නැවතිලා

පිරූ මතකයෙන් සිනා මල් හොයන්
පැතු සේ මා සිතුම් පුදලා
නුරා මල් හැඟුම් ඇහැරලා
සදා ජීවිතේ නුඹ වෙලා

ආදර කවියේ දුරක ගිහිල්ලා
ජීවිත හීනෙට පාටක් දුන්නා
හීසර හිත යට කොනකින් තියලා
සුළඟට ඒ පෙම් කතාව කිව්වා

තනිකම රෑ තුරුලේ උන් දා
හොරෙන්ම ඇවිදින් හිටියද මන්දා

සාගරේ තරම් ආදරේ අරන්
සරා සිහිනයේ නැවතිලා
පිරූ මතකයෙන් සිනා මල් හොයන්
පැතු සේ මා සිතුම් පුදලා

පාවෙන සුසුමේ උණුහුම හංගා
හීතල දෙතොලින් දෙකොපුල ඉම්ඹා
සාගර රළ හා තනුවක රංදා
ආදර ගීයම කවියක් ලිව්වා
ඇසි පිය ගෑ ඒ සිහිනේ දුටු දා
සෙනෙහෙට ගැඹුරක් කොහෙන්ද මංද

 

[DAMER]

හිතට දැනෙන පේළි

 

[Malinga]

හිරු ලස්සනයි සඳු ලස්සනයි
හිරු සඳු වාගේ ඔබ ලස්සනයි

අවිහිංසකයි ඔබ අවිහිංසකයි
මානෙල් මලක් මෙන් අවිහිංසකයි
දෝතින් නෙලාලා සුරකින්නෙමී
කඳුළින් දොවාලා පුබුදන්නෙමී

හිරු ලස්සනයි ..................

ඔබ සුන්දරයි ඔබෙ සිත සුන්දරයි
මා පින්බරයි ඔබ ලැබුවේ මමයි
දේවත්වයෙන් පිදු සෙනෙහේ කුසුම්
පරවී නොයේවා සසරේ සොවින්

හිරු ලස්සනයි ..................


ගායනය :- අතුල ශ්‍රී ගමගේ

 

[amoeba2576]

හද පොදි බැදි දුක දියකර පා කර
ඔබේ ලොවට මා මොහොතින් එනවා....

 

[amoeba2576]

පියමැන්නේ ඇයිද එසේ
රිදවාලා මසිත මෙසේ
දුර ගවුවෙ මා ඉන්නේ
මතකයේ රැදුනා ඒ සිතුවිල්ලේ
සෙවනැලි මාවතේ ඇදි ඒ ජිවිතේ
රැලි මත සාගරේ මතුවේවා සදා මේ සිහිනේ

සියුමැලි රැදි ඒ දෙකොපුල් කී කතා
ඇසේ සවන පුරවා මගේ දෑනේ
අත්වැල බැදගෙන වැල්ලෙ ඇදි ඒ රූ රටා
මැකි ගිය රැල්ලෙන් විසර රැයේ

සිත ගත්තේ නැතුව නොවේ
සැමදා එලෙස බලා ඇයි ඉන්නේ
හද අරනේ රැදුනු සෙනේ
පුබුද සොයනු දැනේ
නැතුවත් මේ භවේ
මතු එන ජිවිතේ සැමද ඒ සෙනේ

 

[Malinga]

පසිඳුරන් පිනවූ මේ මනු ලොවේ ඉපදී
සැනසුමක් කියලා හිතාලා ගණඳුරෙන් රැවටී
මිරිඟුවක් සොයාලා දිවා රෑ මීවිතෙන් සැනහී
ලෝ සතුන් යනවා නිමක් නෑ මෝහයේ දැවටී

මහමෙරේ මෙරු සේ දවාලා පියාපත් තණ්හා
ආදරේ කියලා සෝයා යති වේදනා ආශා

පසිඳුරන් පිනවූ මේ .............

දල්වලා මනසේ පහන් ටැඹ අඳුර විනි විදලා
කඩතුරා ඉරලා බලමු ලොව මෙත් නුවණ් ඇරලා

පසිඳුරන් පිනවූ මේ .............


ගායනය :- භද්‍රජි මහින්ද ජයතිලක

 

[Malinga]

ගමන නොනිමෙයි ‍ලෝකයේ මේ
පුරුදු ජීවන මං තලේ
ගැටෙන සැප දුක මාරු වී යයි
පුරුදු ජීවන මං තලේ

වැටෙන මල් පෙති පාවුණා‍ වේ
සුළං රැළි ඔහෙ යන අතේ
යලිත් ගහ කොළ පාළු නෑනේ
රිකිලි නංවා ලියලැවේ
ගැටෙන සැප දුක මාරු වී යයි
පුරුදු ජීවන මං තලේ

ගමන නොනිමෙයි .....

කොහේ ද සීතල ජලාශයක රැළි
ගැටී ගැටී එයි සුළං වැදී
අපේ ම සිරුරේ අපේ ම ඩාදිය
නිවී නිවී යයි සුළං වැදී
ගැටෙන සැප දුක මාරු වී යයි
පුරුදු ජීවන මං තලේ

ගමන නොනිමෙයි .....

ගලා බසී දිය පහර සෙමින්
වැලිතලා සදා සමතලා බිමේ
හැපී ගලක යලි සලා වැටුම් දී
නඟා නඟා හඬ දිවේ දිවේ
ගැටෙන සැප දුක මාරු වී යයි
පුරුදු ජීවන මං තලේ

ගමන නොනිමෙයි .....


ගායනය :- නාරද දිසාසේකර

 

[Sara531]

තුරුලේ නිතර සතපා
පැතු ලෝකෙ මට ගෙන ආ
හරි ලස්සනයි ඔබගේ ආදරේ මටනම්

දෑත මගෙ පටලා
දුර ඈත යමු දෙදෙනා
මට ඉස්තරම් ඔබගේ ආදරේ හැමකල්

ඔබගෙන් තරම් පෙම නෑ මෙතෙක් කල් අත්වුණේ
මොන දේ වුණත් ඔබටයි සදාකල් ආදරේ

රැඳිලා මේ හිත මානේ
හැමදා මා පණ වාගේ
ඔබමයි මාව ජීවත් කළේ
කිසිදා නෑ හැර යන්නේ
හිතෙනා කල් දිවි මගේ
ආසයි ඉන්න දැවටී හදේ

ඔබගෙන් තරම් .........

දැනෙනා සීතල යාමේ
හැමදා ඉන්නට ඕනේ
සිනහා පැළඳ මුවගේ මගේ
උපමා නෑ පබඳින්නේ
ඔබමයි මා නමඳින්නේ
අපගේ ප්‍රේම පූජාසනේ

තුරුලේ නිතර සතපා .........

ගායනය- චිලී තිලංක

 

[amoeba2576]

කාගෙද සරෝ මේක

 

[Captain jack sparrow]

නුඹේ සිතට පුන්සඳ පායලා වගේ
සිනා කිකිණි මල් පිපුණා දෙතොල දිගේ
එදා නැගුණු ආදර කැක්කුමට මගේ
ජාති ජාති නුඹ මට වාසනා නගේ

අරුංගලේ දිස්නය ඇස් දෙකට අගේ
මාල පොටේ මුතු අමුණා මුවග අගේ
දෙපෝදාට අහසේ තරු රෑන වගේ
ආල සිතක් බැඳුණයි රන් රුවට නුඹේ

නුඹේ සිතට පුන්සඳ පායලා වගේ
සිනා කිකිණි මල් පිපුණා දෙතොල දිගේ
එදා නැගුණු ආදර කැක්කුමට මගේ
ජාති ජාති නුඹ මට වාසනා නගේ

නළල් තලට මුතු තැලි පට කිමද දඟේ
අතැඟිල්ලට රන් මුදුවක් නොවෙද අගේ
ළතැවිල්ලට මංගල පෝරුවක් කොහේ
සැනසිල්ලට දුරු රටකට යමුද නගේ

නුඹේ සිතට පුන්සඳ පායලා වගේ
සිනා කිකිණි මල් පිපුණා දෙතොල දිගේ
එදා නැගුණු ආදර කැක්කුමට මගේ
ජාති ජාති නුඹ මට වාසනා නගේ

ගී පද - සුනිල් ආර්. ගමගේ
ගී තනු - රෝහණ වීරසිංහ
ගායනය - සුනිල් එදිරිසිංහ

 

[Malinga]

හිත් අහසට පායන සඳවත ඔබනම්
නිල් දෑසින් දුන් හිනාව මගෙ ළඟ තියපන්
ඔය හීනෙම ඉන්නට ඉඩ දෙනවානම්
ළඟින් ඉදන් සැමදා ඔබගේ වෙන්නම්
සංසාර පෙම් හීනයේ
සංවේඝනා මාරුතේ
හිත් අහසෙ ඇඳි ජීවිතේ
පින්තාරු කෙරුවා හදේ

කොල් බැල්මෙන් පාන සෙනෙහෙන්
ඔබ මාගෙමයි මට දැනේ
පේන දසුනින් ගේන හැඟුමින්
මගෙ හීනෙ මන්මත් කළේ

හිත් අහසට ..................

නීල නෙතුනම් බැල්ම දුන්නත්
ඔය දෑසෙමයි නැවතුනේ
කෝල කම්නම් නෑනෙ මටනම්
ලංවෙන්න ආසයි පනේ

හිත් අහසට ..................



ගායනය :- රකිත, මනෝජ් හා සදලි

 

[Malinga]

මට ඔයා මගෙ පණ වගේ
ළඟ නැතත් මගෙ ළඟ වගේ
හිත පුරා රැඳි සෙනෙහසින්
ඔබ මවෙත පිදූ දේ ආදරේ

ඔයා මගේ පණ වාගෙලූ
මට දරාගන්න බැරි ඒකලූ
හිනා වෙන්නෙ සඳ වාගෙලු
මට බලා ඉන්න බැරි ඒකලූ
සඳ හොරා ගත්තේ එක රෑකලූ
මට හිතා ගන්න බැරි වෙන්නලූ
මට නිදාගන්න බැරි ඒකලූ

මට ඔයා මගෙ පණ වගේ ............

ඔයාවමයි මට ඕනෙලූ
මට කියාගන්න බැරි ඒකලූ
ඔයාටමයි මං ආසලූ
මට ඔයා නැතිව බැරි ඒකලූ
අපි හිනාවූනේ එක පාරලූ
රෑ හීනෙන් පේන්නෙ මාවලූ
මං ඒ හීනේ හරි ලස්සනලූ

මට ඔයා මගෙ පණ වගේ ............

මට හොරා මගෙ ළඟට එයි
අත අරන් මට තුරුළු වෙයි
හිත පුරා රැඳි සෙනෙහසින්
ඔබ මවෙත පිදූ දේ ආදරේ

මට ඔයා මගෙ පණ වගේ ............


ගායනය :- දිලුම් හා සමීර

 

[Malinga]

සීතල වැස්සේ තෙමෙන්න ආසයි ඔයාව තුරුලුකරන්
උණුසුම ඔබගේ විඳින්න ඇත්නම් පපුවට මුහුණ තියන්
සුරතල් තාලෙට කථා කියන ඔය මුව මත දෙතොල තියන්
හාදුවකින් මුව තෙමන්න ලෝබයි ඔය නෙත් දිහා බලන්

ලෙන්ගතු තාලෙට සිනහ නඟන විට
අන් නෙත් ඔබ ළඟ බැඳෙයි කියා
ඉරිසියාවකුත් හිතට නැගෙනවා
සත්තයි ඒ ඔබ මගේ නිසා
සත්තයි ඒ ඔබ මගේ නිසා

සීතල වැස්සේ ................

ඔයත් එක්ක තනිවී ඉන්නා විට
මට වෙන මොනවත් ඕනෑ නෑ
අතැඟිලි අතරේ පොඩිවෙන කම්පෙති
රතුවෙන විට ඉවසන්නත් බෑ
මේ සිත මටනම් කීකරු නෑ

සීතල වැස්සේ ................


ගායනය  :- රොෂාන් ෆනෑන්ඩු

 

[Malinga]

ආදරේ දැනුනේ දැනුනේ ඔය නෙතු මගේ දිහා
නිතරම බලලා බලලා ආදරෙ නොකී නිසා
කාටත් රහසින් රහසේ නුඹ මට ඉඟි කරලා
ආයෙත් ආයෙත් මාගේ හීනෙක තුරුලුවෙලා
හිතක් රිදෙන තරමට හිත හිරිවැටිලා
දැනෙන්නේ ම ඔය නෙතු මගෙමයි කියලා
ආදරේ හෙව්වා නුඹට ළංවීලා මං
අතින් අල්ලාලා ආදරේ කියලා මං
ආදරේ කියලා නුඹට ළංවීලා මං
අතින් අල්ලාලා ආදරේ කියලා මං

තනියක් දැ‍ණුනේ දැණුනේ නුඹ මගෙ ළඟට වෙලා
තාමත් නෑනේ නෑනේ කියලා හිතුන නිසා
ආයෙත් මාගේ දෙනෙතේ කඳුළැල් සැරසීලා
ඔය නෙතු මානේ ඉඳලා හිත මගෙ සැනසීලා
හිතක් රිදෙන තරමට හිත හිරිවැටිලා
දැනෙන්නේ ම ඔය නෙතු මගෙමයි කියලා
ආදරේ හෙව්වා නුඹට ළංවීලා මං
අතින් අල්ලාලා ආදරේ කියලා මං
ආදරේ කියලා නුඹට ළංවීලා මං
අතින් අල්ලාලා ආදරේ කියලා මං

මාගේ ම වීලා නුඹ ඉන්නේදැයි කියා
මුලු රෑ එළිවෙන තුරා හිත ඇහුවා
ආදරේ හෙව්වා නුඹට ළංවීලා මං
අතින් අල්ලාලා ආදරේ කියලා මං
ආදරේ කියලා නුඹට ළංවීලා මං
අතින් අල්ලාලා ආදරේ කියලා මං


ගායනය :- රකිත් වරවිටගේ