පද පේළී - EK LYRICS THREAD PART 2

[Sara531]

සුළඟ නුඹ වගේ සිත් මල වටා එතේ
මල් සුවඳ හොර හොරෙන් අරන් යන්නටම හදයි
වැස්ස නුඹ වගේ සිත් මලට ඇදවැටේ
මලේ පාට නොසේදීම පුදුමයක් තමයි

සිත හැඳිනුවෙත් ඔබයි
පසු පසම එළව එළවාවිත් සැනසුවෙත් නුඹයි
නුඹ මගේ සිත අරන් ගියා පුදුමයක් නොවෙයි

සිත තනිකලෙත් නුඹයි
මගෙ සිතේ සියුම් තැන් සොය සොය රිදවුවෙත් නුඹයි
ඒත් නුඹෙන් සිත නොමිදේ පුදුමයක් තමයි

Artist : Karunarathna Diwulgane
Lyrics : Yamuna Malani Perera
Melody : Gunadasa Kapuge

 

[Sara531]

කඳුළින් අවසන් වන පෙම් පුවතක
හෙට දවසක් නොගෙනෙනු මැන පෙම්වත
මේ මල් යෞවනයේ

හිර කරලනු බැරි සෙනෙහ හැඟුම්
දිය උතුරා පිටාර යයි දෙනෝදහක්
ඇස් වලින් රිදුම් ලැබ පෙම් සිත බලා හිඳියි

උහුලා ගනු හැකිවෙද මේ සෙනෙහස සිඳී බිඳී යා නම්

මහිකත රැඳි තුරු ලතා ගුලාවක සඟවා මා පැතුමන්
පියා සලන්නට එපා බිඟුන් ලෙස රහසින් දැක
අන් මල්උහුලා ගනු හැකිවෙද ඔබෙ උණුහුම නිවී මැකී යා නම්

ගායනය : දමයන්ති ජයසූරිය

 

[Sara531]

මා ඔබත් එක්ක සුහද කතාවක්
ඔබේ ඇසුත් එක්ක ප්‍රේම කතාවක්
තොරතුරු විමසනවා ආගිය තැන් පවසනවා
සංසාරේ හුරු පුරුදුයි කියල කියනවා
කියල කියනවා

මා ඔබත් එක්ක දිගට කතාවක්
ඔබේ ඇසුත් එක්ක ප්‍රේම කතාවක්

රස රහස් කියනවා විටකදී ඉඟිත් කරනවා
ඇවිදින්නට තනිවෙන්නට යමුද අහනවා
යමුද අහනවා

සඳ හිරුත් එක්ක හොරෙන් කතාවක්
තරු මාත් එක්ක ප්‍රේම කතාවක්
වරදක් නැහැ කියනා
කවුරුත් නොම එයි සිතෙනා
සිපගන්නට ලංවෙන්නට එන්න අහනවා
එන්න අහනවා

මා ඔබත් එක්ක සුහද කතාවක්
ඔබේ ඇසුත් එක්ක ප්‍රේම කතාවක්

Artist : Karunarathne Diwulgane

 

[Sara531]

සරා සඳේ සිනා සේලේ
ගිලිහී වැටිලා
වලා තලේ ඔබේ දෑසේ
සිනහා මැවිලා
තනිවී අඳුරේ සුසුමේ වෙලිලා......

වැතිරී සීත මීදුම් යායේ
හදේ වේදනා
හඬා වැටේ එදා ඇසූ
ඔබේ ගීතිකා

සරා සඳේ......

සැඟවී ඈත මේ හිම යායේ
කොහේ පාවෙලා
මිලාන වී ගියාද ඒ
සිනා වාසනා

Artist : H. R. Jothipala

 

[Malinga]

දකින්න ආසයි හිමිදිරිය වගේ
දොඩන්න ආසයි පොඩි එකෙක් වගේ
බලන්න ආසයි හඳ එළිය වගේ
ඉඹින්න ආසයි මල් සුවඳ වගේ

ඇස් දෙක කරනා පෙම් කතා
දැක අහල පහල අය ලැජ්ජ වෙලා
මුහුණ පුරා නැඟුණු පෙම් සිනා
දැක මගෙ හිත හොඳට ම කෝල වෙලා

දකින්න ආසයි ..................

වරද ‍කළේ ඔබ‍ ම නොවේ ඔබේ ඇස් දෙකයි
බලන්න එපා ඔය විදියට මට ලැජ්ජ හිතෙයි
මල් පෙත්තක් වගේ ඔබේ මූණ සිඹින්නට පෙරුම් පුරයි
එකට ඉඳන් මං හීන දකින්නට හරි ආසයි


ගායනය :- අසංග ප්‍රියමන්ත පීරිස්

 

[Malinga]

ජීවන ගීතයෙ පසුපස ‍වැයෙනා
මිහිරි තනුව වෙන්නම්
සෙනෙහස් සුසුමද ඔබ වෙනුවෙන්
මන් ළයේ තබාගන්නම්

දුක් කරදර ළඟ ඔබ වැටෙනා කළ
සිත දිරියක් වෙන්නම්
සතුටු සිනා රැළි නැගෙනා විටදිත්
ඔබේ ළඟින් ඉන්නම්

ජීවන ගීතයෙ ................

ඔබේ ලෝකයට පසලොස්වක සඳ
ලෙසින් එළිය දෙන්නම්
ගවු සිය ගවු දුර ඔබ හා යන්නට
අවසර ඉල්ලන්නම්

ජීවන ගීතයෙ ................


ගායනය :- ලක්ෂමන් හේවාවිතාරණ

 

[amoeba2576]

තුරු හිස සිඹ සිඹ වැද මද නළ
මුමුණන විට ගී සවනට
අපි ඇල් හේනේ පැල් මැස්සේ
ගැයූ ගීත එයි සිහියට
හිත වාවනු බැරි වී එන්නට
හිතුනත් ආපසු ගම රට
හෙට අදට වඩා හොඳ වේ යැයි
කොඳුරයි රහසින් යටි හිත

අර සඳ පළුවෙන්: වේරලියද්ද

 

[yasi96]

සුළඟක් වෙලා ඔබ සොයා එන්න ඕනේ
සෙවනැල්ල වාගේ ඔබ ලඟින් ඉන්න ඕනේ

හමු වූ දිනේ හිත බැදීලා සෙනේ
මුළු ජීවිතේ ඔබටමයි ආදරේ
සිත්ගත ලඳේ ඔබ ලඟින් ඉන්න ඕනේ
සුලඟක් වගේ ඔබ සොයා එන්න ඕනේ

ඔබ මාගේ කීවා ගං ඉවුරේ දැවටී මා ගතේ
තුරු වදුලෙ හැංඟි සිප ගද්දී දැණුනා මට සුවේ
සිසිල දෙන මේ නදී තෙරේ තුරුළු වුණ මාගෙ හංසියේ
හැමදාම මේ ලෙසින් බැඳී ඉදිමු යැයි කීව කුමරියේ
ඔබ නේද දන්නේ තාම ඒ රහස දන්නේ
ඔබමයි සොයන්නෙ සැමදා මං පතන්නේ

පෙරසේම ආවා මං සෙව්වා ඔබ නෑ ගං තෙරේ
ගලන දිය වාගේ ළඟ නොරැදී කොහෙදෝ ඔබ ගියේ
දිය සුලිය කුරිරු වූ ලෙසේ ඇයිද ඔබ මාව හැඬවුයේ
ඔබමයි සොයන්නේ තාම ඒ රුව සොයන්නේ
සුළඟක් වෙලා සැමදා මං සොයන්නේ

 

[amoeba2576]

වෙරලේ හැපෙනා දළ රළ අතරේ
මුමුණයි හෙමිහිට අපේ කථා
රැල්ලට නොපෙනී වෙනතක ගිය මුත්
සුදු වැලි මුමුණයි අපේ කතා

වෙරළ කොනක හිඳ බලා හිඳින්නෙමි
ඔබ එන මග මා පවන් සැලී
පෙර දිනයක අප හමු වූ තැන හිඳ
වෙන්වන්නට මුණගැසෙමු යළි

 

[Sara531]

සැරයටියෙන් අපි යනෙන තුරා
සංසාරේ අපි එකට ඉමූ
සැරයටියෙන් අපි සමුගන්නාදා
ඒ ගමනත් අපි එකට යමු

ජීවන මං පෙත මලින් සැදී ගීය
යුගයක නොව ඔබ හමු වූයේ
කටු කොහොලින් පිරි කලල් වියේ මා
තනිව මියෙද්දිය හමුවූයේ

මින් මතු මංපෙත මලින් සදන්නෙමි
ළතැවුල් සෝ ගී නෑසෙන සේ
පමනක් නොව මේ සංසාරේ
උපදින වුව මතු සංසාරේ

මතු සංසාරේ මා හුරුබුහුටිව
පෙම් කරන කල එලඹෙනදා
කුලුඳුල් නැකතින් හමුවන පැතුමක්
පතනෙමි සසරින් නික්මෙනදා

Artist : Vijaya Kumaranatunga & Chandraleka Perera

 

[Sara531]

අහස් ගැබේ තරුකැට ගානේ
පොලෝ තලේ වැලිකැට ගානේ
නිල් සයුරේ රළ පෙළ ගානේ
ආදරෙයි මං ආදරෙයි

වදුළු සිරස පිපි මල් ගානේ
විහග තුඩග කිචි බිචි ගානේ
පිසින සිඹින මඳ නල ගානේ
ආදරෙයි මං ආදරෙයි

පිපෙන මියෙන හිරු සඳු ගානේ
සිතෙහි පිරෙන සිතුවිලි ගානේ
සිහිල ගෙනෙන හැම රෑ ගානේ
ආදරෙයි මං ආදරෙයි

Artist : Charitha Priyadarshani

 

[amoeba2576]

බොරවෙලා දියවෙලා
ගලනවා ඔහෙ කානුවේ..
හොදත් නෑ නරකකුත් නෑ
මුකුත් නෑ මේ ජීවිතේ...
හීන තිබුනට කෝටියක්
අතේ නෑ එක රුපියලක්.

 

[amoeba2576]

සරදාකාස උයනට
හිම වැස්ස වැටෙන හැන්දෑවක
ලෙල සියසේ ඔබේ දෑසට එබී

නටන්න ෆ්ලැමෙන්කෝ නැටුමක්
මා මත් වන තුරා
වයන්න ගිටාරය ඔබේ
උමතුවෙන්
ඇඟිලි තුඩු පුපුරු ගසන තුරා

 

[Sara531]

සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාද..
කුමරිය තනි යහනෙ නිදි වැරුවාද...
තනිකර ආ මට තව පෙම් කෙරුවාද..
සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාය.
පෙම් සුව සැගවුනු පෙම සිත හඩවාය.
නුඹ නැති හැම රැයකම ගත උනුසුම්ය...

සයුර සසල බව නිසලව දන්නෙ වෙරලයි...
සයුරෙ රල මුදු වෙරලට හැමදා රිදවයි....//
සයුර මමයි මුදු වෙරල නුබයි හරි පුදුමයි .....

සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාද..
කුමරිය තනි යහනෙ නිදි වැරුවාද...
තනිකර ආ මට තව පෙම් කෙරුවාද..
සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාය.
පෙම් සුව සැගවුනු පෙම සිත හඩවාය.
නුඹ නැති හැම රැයකම ගත උනුසුම්ය...

හැවිලි හැවේ වල්මත් වු මගෙ කුමරාන....
හීන ගසෙ මල් පිපුනෙ තව නැතිවාද...///
හීන බිදෙයි නෙතු නොහැර ඉදින් කුමරාන......

සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාද..
කුමරිය තනි යහනෙ නිදි වැරුවාද...
තනිකර ආ මට තව පෙම් කෙරුවාද..
සීතල සරත් සමේ නැගෙ තරිදාන
වියරුන ගන අදුරට පෙම් කෙරුවාය.
පෙම් සුව සැගවුනු පෙම සිත හඩවාය.
නුඹ නැති හැම රැයකම ගත උනුසුම්ය...

ගායනය- 6th lane

 

[~Titi~]

හිතින් මා නොසැලී හිඳිද්දී
කඳුල නුඔ ඇවිදින්
නිවා දැමු ඒ නෙතේ පීඩා
නොබිඳිනූ මැනවී

තනිව මා හඬනා වෙලාවේ
සැලි සැලී සීතේ
වැටුනු මහ වරුසා මතක් වේ
නුඔ රැඳි දෑසේ

තවම මා නොදුටූ සිනා කැන්
හමුනොවූ යාමේ
කඳුල මට කරුණා කරන්නැයි
අයැදිමී නිබඳේ

T. M. Jayaratne

 

[Malinga]

මල් මල් හිනා ඔ‍බේ මුවේ
හද විල මල් සුවඳ සැලේ
ඒ මල් විලේ ඔබේ මගේ
හද පෙම් මල් විකසිත වී

තාරුකා සඳ පායලා
එළිය දී මේ රැයේ
ඔබ මගේ සඳ තාරකාවී
එන්න පායාලා

මල් මල් හිනා ............

පායනා සඳ වාගෙ හිනැහී
එන්න මහදේ වෙලී
ඔබ මගේ මිහිරාවියක වී
ඉන්න සැමකල්හි

මල් මල් හිනා ............


ගායනය :- ශර්ලි වෛජයන්ත

 

[Malinga]

හොඳ සිරියාවයි ආකාසේ
වාසනාවට ආදරේ
සඳ තරු පායයි ආකාසේ
වාසනාවට ආදරේ
අපෙ ආදරේ ආදරේ අපෙ ආදරේ

පෙම් සුව විඳිමු වගේ
ප්‍රීතියක් ඇත්තෙ නෑ
මගෙ හද පෙම් රස උතුරන්
මෝරලා එයි සෙනේ

මින් මතු කිසිම දිනේ
වේදනා දෙන්නෙ නෑ
දිවිහිමියෙන් ඔබ ළඟ මන්
ඉන්නෙමී පා සෙනේ

රැල්ලයි වෙරළයි වාගෙනේ
ඈත යන්නේ නෑ සෙනේ
අපෙ ආදරේ ආදරේ අපෙ ආදරේ

පෙම් සුව විඳිමු ............

නෙතු අඟ ඇඳුණ ඔබේ
රූ මැකී යන්නෙ නෑ
එක හිතකින් ඔබ වෙත මං
සෑමදා ළංවුණේ

හොඳ සිරියාවයි ................


ගායනය :- එච් ආර් ජෝතිපාල හා ඇන්ජලීන් ගුණතිලක

 

[yasi96]

සඳ නිදන්න ඔය ආදර ඇස් දෙකේ
ඉඩ තියන්න සුදු සුමුදු මුහුණ පුරා
මට සිඹින්න ඇස් පියන්න
මගෙ ආදරේ හංගන්න

සඳ නිදන්න.....

සඳ සීත ගෙන එන්නෙ ආදරේ
දඟකාර නිල් දෑස මානයේ
ළඟ උන්න තුරුලේම මා ළයේ
අඬවන් දෑස කීවේ
ජීවිතේ අරුතමයි සංවරයි මැණික මාගේ......

සඳ නිදන්න....

සමනලිය තටු සලන යාමයේ
මල් සුවඳ මකරන්ද මාරුතේ
දෙතොලතර සුසුමින්ද මේ රැයේ
නිල්මල් විලෙන් හීන වෑහුනේ
මුසපත් සේද යායේ
උණුහුමෙන් සිත නිවන පින්සරයි
මැණික මාගේ......

සඳ නිදන්න....

ගායනය: රවීන් කනිෂ්ක

 

[~Titi~]

සඳ සිත්තමක් සේ ඇඳී...
මහදේ පුරා....
නෙක පැතුමන්..සිහින ගංඟා..
මැව් සිත පුරා...
ආදරෙන්....මහදේ පුරා වෙළී...
ඔබගේ..ස්නේහයේ මා..නැවතුනා...
හිස් අතරේ හැංඟිලා...
හද ගැඹුරේ නැවතිලා...
ඔබෙ පහසේ.. රැඳී ඉන්නම්..මා සදා....
තරු එළියක් එයි නුරා..
සිත් අහසේ පායලා...
මා ඉන්නම්..ඔබේ හදපුරා..සැනසිලා...
සංසාර සිහිනයේ...
එක් නිමේෂක තනිවෙලා...
ඉකි ගසාවී..හද කඳුළැල් දෝත දරා...
නෙතු පෙනෙනා මායිමේ...
තනිකම සිතේ සිර කරන්..
මා ඉන්නම්..සුසුම් හද පුරා..සිර කරන්...
සඳ සිත්තමක් සේ මැකී...
නෙතු බොඳ වෙලා...
නෙක පැතුමන්..සිහින ගංඟා..
මැව් සිත පුරා...
ආදරෙන්....මහදේ පුරා වෙළී...
ඔබගේ..ස්නේහයේ මා..නැවතුනා...


-Amal Perera/Samitha Mudunkotuwa/Shanika Madhumali

 

[~Titi~]

සීත මීදුම් සරා - තුන් සිහින සිත්තම් වෙලා
මා ලඟින් ගෑවිලා - විඳගන්න හුස්මක් පුරා
සිහින පැතුමන් මකා - අඳ නෙත් පුරා වෑහෙනා
ඉන්න මට ලංවෙලා - මං ආදරෙයි සෑමදා
බොල් නුවන් පාරලා - කදුළු අමතන්නෙපා
මා හිඳින්නම් ඔබේ නෙත් වෙලා........

තරු කැට නිවි නිවි දිලිසෙනවා - සඳ පිනි දිය සෙමෙර සලා
අපි ලඟ අපි තව ලංවෙනවා - මගෙ හදවත ඔබම වෙලා
නෙතු නැති නෙතු මට මුමුණනවා - හදවත ගතු හොයන නියා
ඔබ ලඟ මම හීන පුරනවා - ඔබෙ නෙත් දෙක මමම වෙලා

දෑසින් නොබලා මා ඈතින් දැනිලා
අදහාගන්න බෑහැ තාම පෙම් හිත තරම්
කාලය ගෙවිලා ආ දෑතින් බැඳිලා
සඟවාගන්න බෑහැ බෝම ලංවෙන හැඟුම්
දෑසට නොපෙනී විඳිනා ආදරයක සුවයෙන්

තරු කැට නිවි නිවි දිලිසෙනවා - සඳ පිනි දිය සෙමෙර සලා
අපි ලඟ අපි තව ලංවෙනවා - මගෙ හදවත ඔබම වෙලා
නෙතු නැති නෙතු මට මුමුණනවා - හදවත ගතු හොයන නියා
ඔබ ලඟ මම හීන පුරනවා - ඔබෙ නෙත් දෙක මමම වෙලා......

-Raween Kanishka