මා විසින් මෙසේ අසන ලදී. එක් සමයක භාග්යවතුන් වහන්සේ නාදිකාවෙහි ගෙඩිගෙයි වැඩවසන සේක. එකල්හී දාරුකම්මික ගෘහපතියා භාග්යවතුන් වහන්සේ වෙත පැමිණියේ ය. පැමිණ භාග්යවතුන් වහන්සේ සකසා වන්දනා කොට එකත්පස් ව හිඳගත්තේ ය. එකත්පස් ව හුන් දාරුකම්මික ගෘහපතියාට භාග්යවතුන් වහන්සේ මෙය වදාළ සේක.“ගෘහපතිය, ඔබ නිවසෙහි දන් දෙනවා ද?”“ස්වාමීනී, මාගේ නිවසෙහි දන් දෙයි. එමෙන් ම යම් මේ භික්ෂූහු අරණ්යවාසීහු වෙත් ද, පිණ්ඩපාතික වෙත් ද, පංශුකූලික වෙත් ද, අරහත් වෙත් ද, අරහත් මගට පිළිපන්නාහු වෙත් ද, ස්වාමීනී, එබඳු වූ භික්ෂූන් හට මවිසින් දන් දෙනු ලැබෙයි.”
“ගෘහපතිය, කම්සැප අනුභව කරන, දරුවන්ගේ කරදර මැද සිටින, කසී සඳුන් දරණ, මල් සුවඳ විලවුන් දරණ, රන් රිදී මිල ඉවසන ගිහි වූ ඔබ විසින් මොවුහු රහතන් වහන්සේලා ය කියා හෝ මොවුහු රහත් මගට පිළිපන්නෝ ය කියා හෝ දැනගත නොහැක්කේ ය
1. ගෘහපතිය, ආරණ්යවාසී වුවත් භික්ෂුවක් උඬගු නම්, ඔසොවාගත් මාන නළයෙන් යුක්ත නම්, චපල නම්, මුඛරි නම්, විසිරුණු වචන ඇත්තේ නම්, මුළා සිහි ඇති නම්, නුවණින් තොර නම්, අසමාහිත නම්, භ්රාන්ත සිතින් යුතු නම්, අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, ආරණ්යවාසී වුවත් භික්ෂුවක් උඬගු නැත්නම්, ඔසොවාගත් මාන නළයෙන් නැත්නම්, චපල නැත්නම්, මුඛරි නැත්නම්, විසිරුණු වචන නැත්තේ නම්, පිහිටුවාගත් සිහි ඇති නම්, නුවණින් යුක්ත නම්, සමාහිත නම්, ඒකාග්ර සිතින් යුතු නම්, සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
2. ගෘහපතිය, ගමෙහි වසන්නේ වුවත් භික්ෂුවක් උඬගු නම්, ....(පෙ)... අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, ගමෙහි වසන්නේ වුවත් භික්ෂුවක් උඬගු නැත්නම්, ....(පෙ).... සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
3. ගෘහපතිය, පිණ්ඩපාතික වුවත් භික්ෂුවක් උඬගු නම්, ....(පෙ)... අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, පිණ්ඩපාතික වුවත් භික්ෂුවක් උඬගු නැත්නම්, ....(පෙ).... සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
4. ගෘහපතිය, ඇරයුම් පිළිගන්නේ වුවත් භික්ෂුවක් උඬගු නම්, ....(පෙ)... අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, ඇරයුම් පිළිගන්නේ වුවත් භික්ෂුවක් උඬගු නැත්නම්, ....(පෙ).... සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
.
5. ගෘහපතිය, පංශුකූලික වුවත් භික්ෂුවක් උඬගු නම්, ....(පෙ)... අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, පංශුකූලික වුවත් භික්ෂුවක් උඬගු නැත්නම්, ....(පෙ).... සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
6. ගෘහපතිය, ගිහියන් පුදන සිවුරු දැරුවේ වුවත් භික්ෂුවක් උඬගු නම්, ඔසොවාගත් මාන නළයෙන් යුක්ත නම්, චපල නම්, මුඛරි නම්, විසිරුණු වචන ඇත්තේ නම්, මුළා සිහි ඇති නම්, නුවණින් තොර නම්, අසමාහිත නම්, භ්රාන්ත සිතින් යුතු නම්, අසංවර ඉඳුරන් ඇත්තේ නම් මෙසේ ඒ අංගයෙන් හේ ගැරහිය යුත්තේ ය. ගෘහපතිය, ගිහියන් පුදන සිවුරු දැරුවේ වුවත් භික්ෂුවක් උඬගු නැත්නම්, ඔසොවාගත් මාන නළයෙන් නැත්නම්, චපල නැත්නම්, මුඛරි නැත්නම්, විසිරුණු වචන නැත්තේ නම්, පිහිටුවාගත් සිහි ඇති නම්, නුවණින් යුක්ත නම්, සමාහිත නම්, ඒකාග්ර සිතින් යුතු නම්, සංවර ඉඳුරන් ඇත්තේ නම් මෙසේ ඒ අංගයෙන් හේ පැසසිය යුත්තේ ය.
ගෘහපතිය, එහෙයින් ඔබ සංඝයා උදෙසා දන් පිරිනමව. ඔබ සංඝයා උදෙසා දන් පිරිනමන කල්හී සිත පැහැදෙන්නේ ය. ඒ ඔබ පහන් සිතින් යුතු වූයේ කය බිඳී මරණින් මතු සුගති සංඛ්යාත ස්වර්ග ලෝකයෙහි උපදින්නේ ය.”
මේ කියන ගුරුවරු ගැන දැනගන්න විදියක් නැද්ද?
