ඕක හැම මනුෂයෙක්ටම පොදු දෙයක්.එකම වෙනස ඔයා මෙතන ඒ ටික ඔක්කොම විවුර්තව කිව්වා. බුදු දහමේ උනත් ලද දෙයින් සතුටු වෙන්න අල්පේච්ච ජීවිතයක් ගත කරන්න කියන්නේ ඒකයි.පොඩි උදාහරණ කිහිපයක් කියන්නම් මම දැකපු දේවල්.
මම දන්න කොල්ලෙක් සෑහෙන්න මහන්සිවෙලා මර්සිඩීස් බෙන්ස් එකක් ගත්තා. ඒක උගේ ජීවිතේ තිබ්බ ලොකුම හීනෙලු.අරගෙන ටික කාලයක් හෙන සන්තෝෂයෙන් පැද්දා.ටික දවසක් යනකොට වාහනේ ගැන කතාව අඩු උනා.ආයේ මට හම්බවෙච්ච දවසක වාහනේ තාම තියෙනවද කියලා ඇහුවම මිනිහා එච්චර කැමැත්තක් නැතුව වගේ ඔව් ඔය තියෙන්නේ කියලා කිව්වා. අපි දෙන්නා කතා කර කර හිටපු තැනින් අලුත්ම Hyundai වාහනයක් ගියා. එක පාරට මුගේ මූඩ් වෙනස් වෙලා ඇස් දෙක දිලිසිලා "මචන් මම අර වාහනේට මාර ආසයි. මම ඒක ගැන සෑහෙන්න කියෙව්වා. තව යාළුවෙකුත් ගත්තා" කියලා ඒ වාහනේ තියෙන දේවල් සෑහෙන්න කියෙව්වා. ඉතින් මම ඇහුවා උඹේ හීනේ වෙන එකක්නේ කියලා. ඌ කියනවා එහෙම තමයි ඒවා වෙනස් වෙනවා කියලා. ටිකක් කල් යනකොට ආසාව නැතිවෙලා එපා වෙනවා කියන තැනට එනවා .මම ඌට කියන්න ගියෙ නෑ වාහනයක් කියන්නේ පාරේ යන එකක්. මොකක් ගත්තත් අපේ ගමනාන්තය වෙනස් වෙන්නේ නෑ කියලා. ඒ වගේම පාරේ යන්න පුළුවන් 70 ට නම් අපි ගාව 200 යන්න පුළුවන් එකක් තිබ්බත් වැඩක් නෑ.හැබැයි මම කියන්නේ නෑ ලඩියක් පදින්න කියලා. තමුන්ගේ වැඩේ කෙරෙනවනම් ගරාජ් ගානේ ඉන්න වෙන්නේ නැත්තම් එච්චරයි. අපි වාහනයක් ගන්නේ අනික් මිනිස්සුන්ට පෙන්නන්න නම් ඒක ගැන කතා කරන්න නම් ඉතින් තේරුමක් නෑ. අනික් දේවලුත් මේ වගේම තමා . warren buffett ගැන කියවලා බලන්න.
ගෑණු සම්බන්ද සීන් එක මෙහෙමයි. හිතන්න ලොකු තිරිඟු යායක් තියෙනවා.ඕකෙන් ඔයාට ලොකුම හොඳම තිරිඟු කරලක් තෝරාගන්න කියනවා. හැබැයි ආයේ පස්සට යන්න බෑ . ලොකු හොඳ දැක්කම ඔයාට හිතෙන්න පුළුවන් නෑ ඉස්සරහට යනකොට මීට වඩා ලොකු හොඳ ඒවා තියෙයි කියලා.
බලන්න ඕනේ පෙනුමවත් දේපලවත් උගත් කමවත් නෙමේ . අවුරුදු 40-50 ජීවිතේ එකට ගෙනියන්න පුළුවන්ද කියලා. කිරියෙම නූලක් දාලා තිබ්බා පෙනුම නිසා බැන්දා හැබැයි ගෑණු ළමයාගේ හැසිරීම හරිම අමුතුයි අරකයි මේකයි කියලා.
මේ වගේ සිද්දි ඕනේ තරම් තියෙනවා. මගේ හොඳ යාළුවෙක් බැන්දා මහත කෙල්ලෙක්ව. කොල්ලගේ ගෙවල් වලින් එච්චර කැමති උනේ නෑ කෙල්ලගේ පෙනුම නිසා. හැබැයි අනික් පැතිවලින් ගැලපීම හොඳ නිසා බැන්දා. හොඳින් හිටියා. දෙන්නම එකතු වෙලා ඇඟ කෙට්ටු කරගන්න ඕනේ කියලා ජිම් ගියා ඩයට් කරා කොහොමහරි කෙල්ල කෙට්ටු උනා. ඊට පස්සේ තමා නියම සීන් එක පටන් ගත්තේ.දැන් කෙල්ලට කොල්ලව මදි. පාටි වලට යනකොට අරූව හලලා යන්නේ.තව කොල්ලෙක් පස්සෙන්ම ආවා මේකි බැඳලා කියලා නොදැන . මේකී උට බැඳලා කියන්නේ නැතුව වෙන වෙන ලාබ ප්රයෝජන ගත්තා හෙමීට.දවසක් කොල්ලා යාළුවෝ සෙට් එකට පාටියක් දුන්නා. එදා ඌ සෙනග ඉස්සරහම කිව්වා මම ඔයාව බැන්දේ ඔයාගේ පෙනුමටවත් වෙන දේවල්වලටත් නෙමේ ආදරේ නිසා කියලා. කොල්ලත් හොඳ පෙනුම තියෙන එකෙක්. කොහොමහරි ඌ ඒ ඉවසපු ඉවසිල්ල නිසාම ජීවිතේ ජය ගත්තා. අද ළමයෙක් හදාගෙන සන්තෝෂයෙන් ඉන්නවා. ඌ එදා ගත්ත තීරනයේම අදත් ඉන්නවා. මොහොතකට හරි හිතුවනම් මේ කෙල්ල බැන්දේ අපරාදේ කියලා දහ පාරක් වෙන් වෙලා වෙච්ච සිද්දියේ හැටියට.
හැම තිස්සෙම බලපන් ජීවිතේ මොනවද තමුන්ට ඕනේ කියලා. ඒක වෙන අය මත තීරණය කරන්න එපා. මෙතන ඇති ඕනේ තරම් එවුන් තමුන්ගේ අම්මලා තාත්තලා නෑදැයෝ යාළුවෝ කියපු නිසා A\L වලට ART /Commerce කරපු එවුන් . ඒකේ අනික් පැත්ත කරපු එවුනුත් ඇති. හැබැයි අපි ගොඩක් අයට එදා ඒ දේ හිතන්න ශක්තියක් තිබ්බේ නෑ මොකක්ද අපිට කරන්න පුළුවන් කියලා.කිරියේ ඇති තමුන් දන්න දේ කරලා ගොඩ ගිය එවුන් . ඒ වගේම නොදන්නා දේ ආසා නැති දේ කර කර ජොබ් එකට බනින එවුනුත් ඇති. ජීවිතේ අපි තාම පරක්කුයි කියලා හිතනවානම් අළුත් දෙයක් කරන්න ,KFC සීයාගේ කතාව කියවලා බලන්න. ඒ වගේම ජීවිතේ තීරණයක් ගන්නකොට හිතලා බලලා විශ්වාසවන්ත කිහිපදෙනෙක්ගෙන් අහලා ගන්න. හැබැයි හැමෝගෙන්ම අහන්න යන්නත් එපා. එතකොට අර තාත්තයි පුතයි බූරුව කරේ තියාගෙන ගියා වගේ වැඩ වෙනවා. ඒ වගේම ඊට පස්සේ ගත්ත තීරණයේ ඉන්න. වැනෙන්න එපා.
