මොනවද මේ "Methods of Payment" කියන්නේ? 🚢⚓🛳️

[Pavindu Lakshan]

bump

 

[rumesh.fbi]

Up
TFS

 

[jamiezue]

bump. TFS

 

[PHBhagya]

 

[Lovtus]

සුපිරි ලිපිය. Tfs

 

[hi.dushan]

ඉතින්, පොඩ්ඩක් කතාකරමු අන්තර්ජාතික වෙලාදමේදී / භාණ්ඩ හුවමාරුවේදී අප බාවිතා කරනුලබන ගෙවීම් ක්‍රම කිහිපයක්. එහෙම නැත්නම් "Methods of Payment" පිලිබදව. මෙතන ඉන්න බහුතරය මේ පිලිබදව දැනටමත් දැනුවත් සහ ප්‍රයෝගිකව බාවිතා කරනවා ඇති. ඉතින් මේ කෙටි ලිපිය දැනුවත් නැති අයට.

වෙළද ලෝකයේ සෑමවිටම භාණ්ඩ සහ සේවාවන් රටක් හෝ කලාපයක් අතර හුවමාරුවන්නේ ප්‍රාදනව රේගුවක් හරහාය.
එමනිසා රේගුවක ප්‍රදානම වගකීමක් ලෙස අපනයකරුට භාණ්ඩ සහ සේවාවන් හුවමාරුවේදී ලැබිය යුතු ගෙවීම් ලැබී ඇත්දැයි තක්සේරු කරගැනීම හැදින්විය හැක. නිශ්කාෂණයට පෙර අපනයනකරුට, ආනයනික භාණ්ඩ සහ සේවාවන් සදහා මුදල් සහ ගෙවීම් ලැබී ඇත්ද? නැතහොත් පසුව ලැබීම සදහා නීතිමය ගිවිසුමක් ඇතිද? යන්නේ සොයාබැලිය යුතුය.

සරලයි, අපනයනකරුට ඔහු සපයන සහ නැව්ගත කරනුලබන භාණ්ඩ සහ සේවාවන් සදහා ආනයනකරු මුදල් යැවිය යුතුයි. නැත්නම් මුදලට සරිලන හුවමාරු වටිනාකමක් හුවමාරු කල යුතුය. සාම්පල්, ආදාර, නැවත ප්‍රතිදාන හැරුනවිට අන්තර්ජාතික වෙලාදමේදී / භාණ්ඩ හුවමාරුවේදී බොහෝවිට ගෙවීම් සිදුවනු ලබන්නේ බැංකු පද්දතිය හරහාය. ගෙවීම් නියමයන් ජාත්‍යන්තර වෙළඳාමේ තීරණාත්මක කොටසකි.

වර්තමාන ගෝලීය වෙළඳපොලේ තරඟකාරිවිමට, විකුණුම් දිනා ගැනීමට, සාර්ථක වීමට ඉවහල්වන ප්‍රදාන සාදකයක් ලෙස ආකර්ශනීය ගෙවීම් ක්‍රම හැදින්වීය හැක. එක් එක් අපනයන අලෙවිය සඳහා සම්පූර්ණ සහ නියමිත වේලාවට ගෙවීම් ලබා ගැනීම අවසාන ඉලක්කය වන බැවින්, ගැණුම්කරුගේ / විකුණුම්කරුගේ අවශ්‍යතා සපුරාලන අතරම ගෙවීම් අවදානම අවම කිරීම සඳහා සුදුසු ගෙවීමේ ක්‍රමයක් තෝරා ගත යුතුය. දෙපාර්ශවය විසින් එසේත් නැත්නම්, අපනයනකරු සහ ආනයනකරු ගිවිසුම් සාකච්ඡා අතරතුර හෝ ඊට පෙර අන්‍යෝන්‍ය වශයෙන් අවශ්‍ය වන්නේ කුමන ක්‍රමයද යන්න සලකා බැලිය යුතුය. මෙම කොන්දේසි තීරණය කිරීම හෝ සාකච්ඡා කිරීම දෙපාර්ශවයට ඇති වගකීමක් ලෙස හැදින්විය හැක.

මන්ද මුදල් ප්‍රතිසාධනය සෑම විටම අවදානමක් සහිත ක්‍රමවේදයක් වන අතරම සහ අපනයන අවස්ථා වලදී, දෙපාර්ශවය අතර ඇති භෞතික දුරස්ථභාවය සහ දෙරටේ නීතිමය ව්‍යුහයන්හි විවිධත්වය හේතුවෙන් එම අවදානම ඉහල යාහැක.

මෙහිදී,

* අපනයනකරු සහ ආනයනකරු අතර ගෙවීම් කාලය / ප්‍රමාණය පිළිබඳ ඇතිවන අවිනිශ්චිතතා.
* අපනයනකරු සහ ආනයනකරු අතර ගිවිසුම් පිළිබඳ ඇතිවන අවිනිශ්චිතතා.
* භාණ්ඩ සහ සේවාවන්, ඇනවුමෙන් පරිබාහිරව ලැබීම (වර්ණය වෙනස් / වෙනත් භාණ්ඩ ලැබීම / ප්‍රමිති ගැටළු)
* මුදල් හුවමාරුව සිදුකරන බැංකු පද්දතියේ ගැටළු සහ තාක්ෂණික ගැටළු
* රාජ්‍ය මුල්‍ය ප්‍රතිපත්ති ( හරියට අපේ ඩොලර් යැවීම ගැටළු තිබබා වගේ )

මෙහිදී ගැලපෙන සහ අවදානම අඩු,දෙපාර්ශවයට ගැලපෙන සුදුසුම ක්‍රමය මොනවද? පහසුම ක්‍රමය මොනවද?
( මෙහිදී ඔබට ඉදිරිපත්කරනු ලබන්නේ ප්‍රදානම ගෙවීම් ක්‍රම පිලිබදව පමණක් බව සදහන් කරසිටිමු )

Cash-in-Advance

මෙය අපනයනකරු සඳහා ජාත්‍යන්තර වෙළඳාමේ වඩාත්ම ආරක්ෂිත සහ හොඳම ගෙවීම් ක්‍රමය වන අතර, ඔවුන් ගැණුම්කරුට භාණ්ඩ නැව්ගත කරන්නේ ගැනුම්කරුගෙන් ගෙවීම් ලැබීමෙන් පසුව පමණි. එකඟ වූ කොන්දේසි මත පදනම්ව, ගෙවීම සම්පූර්ණ හෝ අර්ධ වශයෙන් විය හැකිය. කෙසේ වෙතත්, මෙම අවස්ථාවේදී ගැනුම්කරු ගනුදෙනුව හා සම්බන්ධ අවදානමෙන් වැඩි ප්‍රමාණයක් ගන්නා බැවින්, බොහෝ ආනයනකරුවන් මුදල් අත්තිකාරම් ගිවිසුම් වලට එළඹීමට කැමති නැත.

Open account

විවෘත ගිණුම් ගනුදෙනුවක් යනු භාණ්ඩ නැව්ගත කර ගෙවීමට පෙර බෙදා හරින ලද විකිනුම ගිවිසිමකි. ගිවිසුමට ප්‍රකාරව විකුණුම් දින 30, 60 හෝ 90 කින් පසුව ගෙවීම සිදුවේ. මෙය මුදල් ප්‍රවාහය සහ පිරිවැය අනුව ආනයනකරුට වඩාත්ම වාසිදායක විකල්පයන්ගෙන් එකකි. ජාත්‍යන්තර වෙළඳාමේ විවෘත ගිණුම් ගෙවීම, ගැනුම්කරුට අපනයනකරු විසින් නැව්ගත කරන ලද භාණ්ඩ ලැබෙන අතර පසුව එකඟ වූ කාල සීමාවක් අවසානයේ ගෙවීම සිදු කරයි. ණය කාලසීමාව ස්ථාවර කාලසීමාවක් විය හැකිය. පාර්ශව දෙක අතර විශ්වාසනීය සම්බන්ධතාවයක් තිබේ නම්, අපනයනකරුවෙකු සහ ආනයනකරුවෙකු හට විවෘත ගිණුම් ගෙවීමේ ක්‍රමයකට එකඟ විය හැක.

Letters of Credit

ණයවර ලිපි (LC) යනු අන්තර්ජාතික වෙලාදමේදී ලබා ගත හැකි වඩාත්ම ආරක්ෂිත ගෙවීම් ක්‍රමයකි. LC යනු සියලුම අවශ්‍ය ලියකියවිලි ඉදිරිපත් කිරීමෙන් තහවුරු කර ඇති පරිදි, LC හි දක්වා ඇති නියමයන් සහ කොන්දේසි සපුරා ඇත්නම්, අපනයනකරු වෙත ගෙවීමක් සිදු කරන බවට ගැනුම්කරු වෙනුවෙන් බැංකුවක් විසින් කරන ලද සහතිකයක්. පොරොන්දු වූ පරිදි භාණ්ඩ නැව්ගත කරන තෙක් ගෙවීමේ වගකීමක් පැන නොනගින බැවින් LC ද ගැනුම්කරු ආරක්ෂා කරයි. මෙය ආරක්ෂිත සහ පොදු ජාත්‍යන්තර වෙළඳ ගෙවීම් යාන්ත්‍රණය ලෙසත් හැදින්විය හැක. ගැනුම්කරුගේ බැංකුව විකිණුම්කරුට ලිඛිත සහතිකයක් මෙමගින් ලබාදෙයි. එහිදී ගැණුම්කරුගේ ගෙවීම එකඟ වූ කාලසීමාවට අනුව පියවන බවත් එකඟ වූ නියමයන් සහ කොන්දේසිවලට යටත් වන බවත් අපනයනකරුට දැනුවත් වීමක් සිදුවේ.

Documentary Collections

මෙම ගෙවීමේ ක්‍රමයේදී, ගෙවීම් සම්පූර්ණ කිරීමට දෙපාර්ශවයම තම බැංකු සම්බන්ධ කර ගනී. ප්‍රේෂණ බැංකුව අපනයනකරු නියෝජනය කරන අතර එකතු කිරීමේ බැංකුවක් ගැනුම්කරු වෙනුවෙන් ක්‍රියා කරයි. අපනයනකරු භාණ්ඩ නැව්ගත කළ පසු, ඔවුන්ට නැව්ගත කිරීමේ ලේඛන සහ එකතු කිරීමේ ඇණවුමක් ප්‍රේෂණ බැංකුව වෙත ඉදිරිපත් කළ හැකි අතර, ඔවුන් එකතු කිරීමේ උපදෙස් සමඟ ඒවා එකතු කිරීමේ බැංකුවට යවනු ලැබේ. මෙය පසුව ගැනුම්කරු වෙත ලබා දෙනු ලැබේ, ඔහුගේ ගෙවීම මත එකතු කරන බැංකුව එම මුදල ප්‍රේෂණ බැංකුවට මාරු කරයි. අවසාන වශයෙන්, අපනයනකරුට එම මුදල ප්‍රේෂණ බැංකුවෙන් ලැබේ.

මෙහිදී,

Cash Against Documents / Document against Payment (D/P)
ගැණුම්කරුගේ බැංකුව (එකතු කිරීමේ බැංකුව) විසින් ලේඛන නිකුත් කිරීමට පෙර මෙම ගෙවීම සිදු කරනු ලැබේ. එය දෘෂ්ය කෙටුම්පත හෝ ලේඛනවලට එරෙහි මුදල් ලෙසද හැඳින්වේ. ගෙවීම් වලින් පසුව පමණක් නිෂ්කාශනය සදහා ලියකියවිලි නිකුත්කරනු ලබයි.

Document Against Acceptance
ගැනුම්කරු විසින් නිශ්චිත කාල සීමාවකට පසුව පමණක් ගෙවීම සිදු කළ යුතු විධිවිධානයකි. මෙම මාදිලියේදී, ගැනුම්කරු කාල කෙටුම්පත පිළිගෙන ගෙවීමට පොරොන්දුවක් ලබා දෙයි. මෙම පිළිගැනීම ලැබුණු පසු නිෂ්කාශනය සදහා බැංකුව ගැණුම්කරුට ලේඛන සහ ලියකියවිලි නිකුත්කරනු ලබයි.

Consignment

ජාත්‍යන්තර වෙළදාමේ දී ගෙවීමේ ක්‍රමය යනු විදේශීය බෙදාහරින්නා විසින් භාණ්ඩ අවසාන පාරිභෝගිකයා වෙත අලෙවි කළ පසු අපනයනකරු වෙත ගෙවීම් යවන විවෘත ගිණුමේ ප්‍රභේදයකි. තොග මත අපනයනය කිරීමේදී මෙම ක්‍රමය පිළිගත් සහ විශ්වාසදායක ගෙවීම ක්‍රමයක් ලෙස හැදින්විය හැක.

කෙටි සටහන : Walter White
චායාරුප සහ තොරතුරු : අන්තරජාලය තුලින් උපුටාගන්නා ලදී

මචන් අපි භාණ්ඩයක් ආනයනකරනකොට ඒ භාණ්ඩය නියමිත ප්‍රමිතියෙන් තොරවීම හෝ අපනයනකරු වෙනත් වංචනික ක්‍රියාවක් කරොත් ඒකෙන් බේරෙන්න ආනයනකරුට තියෙන ක්‍රම මොනවද ?

මම අහලා තියෙනවා චීනෙන් photocopy machine වගයක් order කරලා ගෙනාවම container එක ඈතුලේ තිබිලා තියෙන්නේ පස් පුරවපු bag වගයක් ඒත් LC එකෙන් සල්ලි අදාල චීන අපනයනකරුට ගෙවලා ලු මේවගේ දේවල් වලින් ආනයනකරු බේරෙන්නේ කොහොමද ?

 

[Walter White]

මචන් අපි භාණ්ඩයක් ආනයනකරනකොට ඒ භාණ්ඩය නියමිත ප්‍රමිතියෙන් තොරවීම හෝ අපනයනකරු වෙනත් වංචනික ක්‍රියාවක් කරොත් ඒකෙන් බේරෙන්න ආනයනකරුට තියෙන ක්‍රම මොනවද ?

මම අහලා තියෙනවා චීනෙන් photocopy machine වගයක් order කරලා ගෙනාවම container එක ඈතුලේ තිබිලා තියෙන්නේ පස් පුරවපු bag වගයක් ඒත් LC එකෙන් සල්ලි අදාල චීන අපනයනකරුට ගෙවලා ලු මේවගේ දේවල් වලින් ආනයනකරු බේරෙන්නේ කොහොමද ?

අපනයන කරු එක්ක පලවෙනි පාරට වගේ වැඩ කරනවානම් හොදම දේ තමයි මෙහෙට බඩු ඇවිත් දවස් 15/30/60 වගේ TT ක්‍රමයට සල්ලි ගෙවන එක. එතකොට ඇනවුම් කරපු බඩු නෙමේනම් සල්ලි ගෙවන එක නොකර ඉන්න. එක ඔප්පු කරන්න ඕන.
ඔය තැනට හා හා පුර එවන එකාව ගෙන්නගන්න තමයි අමාරු