දින සීයෙන් පසු සිදු වන්නේ කුමක්දැයි බොහෝ දෙනෙකුට අපැහැදිලි බව පෙනී යයි. ඒ පිළිබද විස්තරාත්මකව ඉදිරිපත් කිරීම ඉදිරි සතිය තුල පොදු විපක්ෂය විසින් සිදු කරනු ඇත. එතෙක් මෙම කරුණු පැහැදිලි කර ගත යුතුව ඇත.
දින සීයක් ඇතුලත සිදුවන්නේ විධායක ජනාධිපති දුරය අහෝසි කිරීමයි. මෙයින් වාසිය අත්වන්නේ මෛත්රිපාල සිරිසේන මහතාට හෝ රනිල් වික්රමසිංහ මහතාට නොව, සාමාන්ය ජනතාව වන ඔබටයි.
මෛත්රිපාල මහතා ජනාධිපති දුරයට පත්වීමෙන් අනතුරුව නැවත මහා මැතිවරණයක් පවත්වන තුරු පමණක් වන පාර්ලිමේන්තුවේ අග්රාමාත්ය දූරය රනිල් වික්රමසිංහ මහතා දැරීමට එකග වී තිබේ. එයින් පසුව පවත්වනු ලබන මහා මැතිවරණයකදී පක්ෂ වෙන වෙනම හෝ එක්ව තරග කිරීමට ඉඩ ඇත.
මෙම ජනාධිපතිවරණයේ සම්පුර්ණ අරමුණ ප්රජාතන්ත්රවාදය ශ්රී ලංකාවේ යලි ඇති කිරීමයි. එයින් එහා ගිය, බල තණ්හා පිරුණු කිසිදු අරමුණක් මෙහි නැත. කිසිදු රහස් ගිවිසුමක් නැත. අත්සන් කරනා සැම ලියවිල්ලක්ම, මහජනතාවට දැන ගන්නට සැලැස්වීමට අප බලාපොරොත්තු වන්නෙමු.
මෙවර මැතිවරණයේදී,
ඔබ එක්විය යුත්තේ එක්සත් ජාතික පක්ෂයට නොව,
ඔබ එක්විය යුත්තේ එක්සත් ජනතා නිදහස් පක්ෂයට නොව,
ඔබ එක්විය යුත්තේ ජනතා විමුක්ති පෙරමුණට නොව,
ඔබ එක්විය යුත්තේ ජාතික හෙළ උරුමයට නොව,
ඔබ එක්විය යුත්තේ ඔබෙත් ඔබේ දරුවන්ගේත් මාතෘභූමියේ ඉපදීමේ, අධ්යාපනය ලැබීමේ, නිදහස් කථනයේ, නිදහස් චන්දයේත් අයිතිය සුරැකීම සදහා වූ ඒ අභිමානවත් ගමනේ පෙර ගමන් කරුවන් සමගයි. තීරණය ඔබට බාරයි.
ආ තව 2/3 ඔනෙ දොශාබියොගයට කියල වෙනස් කරානම් හරි. කොච්චර පැන්නත් 2/3 හදන්ඩ අමාරුයිනෙ.
agamathi kiyanne amathi mandale pradani
