Pudumai ath aththai Part 2.....

[NPDJs]

ශ්‍රී ලාංකේය පුවත් ප්‍රභව 30ක් ඵකම APP ඵහෙක

සිංහල යුනිකේත නොමැතිව ඕනෑම පරිගණකයකින් සිංහල වෙබ් අඩවි නැරඹිය හැකි ලෙසට Settdecco මෘදුකාංගය නිර්මාණය කළ Bhasha lanka සමාගම පසුගිය 2012 මාර්තු 30 වනදා Bhasha Puwath ලෙසට නම්කර ඇති ඇන්ඩ්‍රොයිඩ් උපකරණ app ඵකක් වෙළෙදපොලට නිකුත්කළා.මෙම ඇප්ලිකේෂණය තුළ ශ්‍රී ලාංකේය පුවත් ප්‍රභව 30 ක් Gossip Sites ඇතුළුව අන්තර්ගත කොට තිබෙනවා.
ඉංග්‍රීසි දෙමළ හා සිංහල ෆොන්ට්ස් භාවිතයෙන් මෙම පුවත් නැරඹිය හැකි අරත විශාල කරබැලීමේ හැකියාවද අන්තර්ගතයි.ඵමෙන්ම ඉක්මනින් ලෝඩ්වීමේ පහසුකම් වගේම තමන් තෝරාදෙන පුවත් මූලාශ්‍රය පමණක් නැරඹීමේ අවස්ථාවද මෙහිදී ඔබ වෙත ලබාදී තිබෙන පහසුකම් අතර වෙනවා.
තවද ජංගම දුරකථන හිමියාට මෙම පුවත් සේව් කොට තබා පසුව නැරඹීමේ පහසුකමද සලසා තිබෙනවා.රට තොට පුවත් නොමිලේ දැනගැනීමට හැකි ඉතා ‍හොද ඇප් ඵකක් වන මෙහි පෙර පැවති ගැටලුවක් වන ඇතැම් පුවත් දින දෙක තුන පසුවී ලැබෙන ගැටලුවද මේවන විට සමනය කර ඇති බැව් පැවසෙයි.
ඵ් වෙනුවට ඔබටම අදාළ මූලාශ්‍රය Refresh කරමින් අලුතින් යාවත්කාලීන වන පුවත් පැය 24 පුරා ලබාගැනීමේ අවස්ථාව සැලසී තිබෙනවා.මෙම ඇප්ලිකේෂනය භාගත කරගැනීමට බලාපොරොත්තු වන ඔබ Google Play වෙතට පිවිසෙන්න

 

[NPDJs]

බිත්තරය නැතිව කුකුළු පැටවෙක් ඉපදෙයි

කුකුළු පැටවුන් උපත ලබන්නේ බිත්තරවලින් බව කවුරුත් දන්නා සාමාන්‍ය සිදුවීමකි. එහෙත් ශ්‍රී ලංකාවේ වැලිමඩ ප්‍රදේශයේ කිකිළියක විසින් බිත්තරයකින් තොරව පැටවකුට උපත ලබාදීම පිළිබඳව මෙම පුවත වාර්තා වේ. දින 21 ක කාලයක් කිකිළියගේ කුස තුළම රැකීමට බඳුන් වූ බිත්තරය, අවශ්‍ය කරුණු සම්පූර්ණ වූ පසු කුස තුළම පුපුරායාමෙන් අනතුරුව කුකුළු පැටවා උපත ලබා ඇති බව සඳහන්ය. අංග සම්පූර්ණව වැඩී සිටි කුකුළු පැටවා යහපත් සෞඛ්‍ය තත්ත්වයක පසුවුවද පැටවාගේ උපතින් පසු කිකිළිය මරණයට පත්ව ඇත.

කිකිළියගේ සිරුර පිළිබඳව වැලිමඩ ප්‍රධාන පශු වෛද්‍ය නිලධාරී පී. ආර්. යාපා මහතා විසින් පරීක්ෂණ පවත්වා තිබේ. කුකුළු පැටවා උපන් එම සරු බිත්තරය කිකිළියගේ ප්‍රජනන පද්ධතිය තුළ වර්ධනය වී ඇතත්, එම බිත්තරය රැකීමට ලක්වන තුරු කිකිළියගේ සිරුර තුළම රැඳී පැවතී ඇති බව හෙතෙම අනාවරණය කරගෙන ඇත. කිකිළියගේ සිරුර පිළිබඳව කළ මරණ පරීක්ෂණයේ දී සිරුර අභ්‍යන්ත‍රයේ සිදුවූ තුවාල මරණයට හේතුව වී ඇති බවට ‍හෙළි වී තිබේ.

 

[NPDJs]

ලුණුගම්වෙහෙරින් මැණික් ඉල්ලමක්

කතරගම ලූණුගම්වෙහෙර මාර්ගයේ ඉදිකිරිම් කටයුතු අතර තුර තම්මැන්නාව ප්‍රෙද්ශයෙන් මැණික් ඉල්ලමක් සොයා ගැනීමට හැකිවී ඇතැයි වාර්තා වේ.

මාර්ගයේ ඉදිකිරීම් සදහා ගෙන විත් තිබූ පස් ගොඩකින් මෙම මැණික් ඉල්ලම් හමුවී තිබේ.

අවට ප්‍රදේශවාසීන් දෙදහසකට අධික ප‍්‍රමාණයක් මෙම මැණික් ඉල්ලම්වල මැණික් සෙවීමට පැමිණ ඇති අතර ලූණුගම්වෙහෙර පොළීසිය මැදිහත්වීමෙන් ජනතාව පාලනය කර ඇතැයි පැවසේ.

මේ වන විට ලූනුගම්වෙහෙර පොලීසිය විශේෂ ආරක්ෂක රැකවල් යොදා අදාළ ප්‍රදේශයේ ආරක්ෂාව තර කර ඇතැයි වාර්තා වේ.

 

[NPDJs]

ලොව විශාලතම වීඩියෝ ක්‍රීඩා පාලකය

ලෝකයේ මෙතෙක් නිර්මාණය කරන ලද දැවැන්තම වීඩියෝ ක්‍රීඩා පාලකය ලන්ඩන් නුවරදී එළිදක්වා තිබේ. 2012 නව ගිනස් ලෝක වාර්තා අතරට එක්වන මෙම වීඩියෝ ක්‍රීඩා පාලකය(video-game controller)සාමාන්‍ය පාලකයක් මෙන් 30 ගුණයක විශාලත්වයකින් යුක්ත වන බව ද සඳහන්ය. බ්‍රිතාන්‍ය ජාතික ඉංජිනේරු ශිෂ්‍යයකු වන 23 හැවිරිදි බෙන් ඇලන් විසින් මෙම විඩීයෝ ක්‍රීඩා පාලකය නිර්මාණය කර තිබේ. මෙම නිර්මාණය සඳහා ඔහුට ස්ටර්ලිං පවුම් 4,000 ක පිරිවැයක් දැරීමට සිදුව ඇති අතර එය මුළුමනින්ම නිමකිරීම සඳහා මාස 05 ක කාලයක් ගතවී ඇත. 366 cm x 159 cm x 51 cm ක පරිමාණයකින් යුක්ත වන මෙම පාලකය කිලෝ ග්‍රෑම් 114 ක ස්කන්ධයකින් ද යුක්ත වේ. අවම වශයෙන් ක්‍රීඩාකරන්නන් දෙදෙනෙකුට මෙම පාලකයේ බොත්තම් මතට පනිමින් වීඩියෝ ක්‍රීඩාකිරීමට හැකියාව පවතින බව ද සඳහන්ය.

 

[NPDJs]

ටොන් හතේ මෝරා පුරවයි

පකිස්ථානයේ කරච්චි ධීවර වරායට ගොඩගැසූ මීටර් 12ක් දිග ටොන් 7ක් බරැති සුදු මෝරකු දොඹකර දෙකක ආධාරයෙන් ගොඩට ගැනීමට පැය හතරක් ගතවිය. පකිස්ථාන ජාතිකයෙක් මෙම මළ මෝරා ඇමෙරිකා ඩොලර් 2000කට (රුපියල් 230,000) මිලට ගත්තේය. ඔහු එම මෝරා පුළුන් පුරවා සුරක්ෂිත කිරීමට අදහස් කරයි.

 

[NPDJs]

තේ කෝප්පයට බසින බ්‍රිතාන්‍යයේ කුඩාම සුනඛ ‍පෝතකයා ‘මිනී’

තදින් වසා ගත් දෙනෙතින් යුතුව තේ කෝප්පයක් තුළ සුව නින්දේ පසුවන ‘මිනී’ සුනඛ ‍පෝතකයකු බව බැලූ බැල්මට කිසිවෙකුට කිව නොහැක. මිනිස් නිය‍පොත්තකටත් වඩා කුඩා වූ අත් හා පා පතුල් සහිත අඟල් හතරක දිගින් යුතු සුනඛ ‍පෝතක ලිලිපුට්ටෙකු වන ‘මිනී’ එතෙක් මතෛක් බ්‍රිතාන්‍යය ඉතිහාසයෙන් වාර්තා වුණු කුඩාම සුනඛ ‍පෝතකයා ලෙස විරුදාවලි ලැබිමට තරම් වාසනාවන්ත වී තිබේ. යෝර්ක්ෂයර් ටෙරියර් හා චිහුආහුආ දෙවර්ගයේ දෙමුහුම් වර්ගයකට අයත් මිනී මීට සති දෙකකට එපිටදී මෙලොව එළිය දුටු අවස්ථාවේදී ඇය කෙතරම් දුර්වල තත්ත්වයක පසු වීද යත් ඇය ජීවත්වනු ඇතැයි කිසිවෙකුත් බලා‍පොරොත්තු නොවීය

අවුන්ස 1.3ක උපත් බරකින් යුතු වූ ‘මිනී’ගේ හිමිකාරිනිය වන විසිනව හැවිරිදි ‘එමා විලියම්ස්’ ගේ දැඩි කැපවීම නොවන්නට ජීවිතයත් මරණයත් අතර ගෙවුණු එම තීරණාත්මක දින කීපය ගෙවා ගැනීමට මිනීට කිසිසේත් අවස්ථාවක් නොලැබෙනු ඇත. තවමත් දෙනෙත් විවෘත කර හෝ හරිහැටි ඇවිද ගැනීමට හෝ නොහැකි මිනී ජංගම දුරකථනයක් මත හුරුබුහුටි ලෙස වැතිරී සිටින ඡායාරූපයක් අන්තර්ජාලයේ පළවීමත් සමග දහස් ගණනක් වූ රසික පිරිසක් මේ ක්ෂුද්‍ර ප්‍රාණියා කෙරේ අසීමිත ස්නේහයෙන් ඇය වටා රොද බැඳ ගත්තද, ඇගේ මවගේ උණුසුමින් තොර වූ බාහිර ලෝකයක් පිළිබඳව ඇයට තවමත් කිසිදු වැටහීමක් නොමැත.

මිනීට අමතරව තවත් පැටවුන් හයදෙනෙකු එකවර ලැබූ ‘බෙලා’ සුනඛ මව හා මිනීගේ පියා යන දෙදෙනාම රාත්තල් 6-7ක බරකින් යුතු සාපේක්ෂව කුඩා ප්‍රමාණයේ සුනඛයන් වන නමුත් ‘මිනී’ හට රාත්තල් 1.5ක බරකට හෝ ළඟා වීමට හැකිවේද යන්න සිහිනයකි. උපතේ සිටම අතිශය දුර්වල තත්ත්වයක පසු වූ මිනීහට මවගෙන් කිරි උරා බිම සඳහා සිය සහෝදර සහෝදරියන් සමග ඉමහත් අරගලයක යෙදීමට සිදු වූ නිසාම ඇය සෙසු පැටවුන්ගෙන් වෙන් කොට හදා වඩා ගැනීමට එමා තීරණය කළේ මේ හුරුබුහුටි අසරණයාට ලෝකය හැරදා යාමට ඉඩදිය නොහැකි නිසයි.

සුනඛ ‍පෝතකයන් උදෙසා විශේෂයෙන් සංයෝග කළ කිරි වර්ගයක් ප්ලාස්ටික් පිපෙට්ටුවක් ආධාරයෙන් සෑම දෙපැයකට වරක්ම ‘මිනී’ හට පෙවීමට සිදුවීම නිසා එමාට සිදු වූයේ මිනී ඇතුළු සෙසු පැටවුන් අසලම වැතිරී කෙටි නින්දක් ලබා ගැනීමටයි.

මිනී කෙතරම් කුඩා වීද යත් නොයෙක්වර එමා වික්ෂිප්ත වූයේ වරකට දියයුතු ප්‍රමාණය වූ මේස හැන්දක ප්‍රමාණය ඉක්මවා කිරි පෙවීම නිසා මිනී මරණයට පත් වේද කියායි. එමාගේ එම කැපවීම නිසා ජීවිතයේ අන්තරාකාරී කාල සීමාව සාර්ථක ලෙස පසු කළ මිනීගේ අනාගතය සුබවනු ඇති බවත්.

ප්‍රමාණයෙන් කුඩා වීම නිසා හට ගන්නා දුර්වලතාවන් ඇරුණු කළ වෙනත් ජීවිත අවදානම් තත්ත්වයන්ගෙන් තොරව ජීවිතය ගෙන යා හැකි වනු ඇති බවටත් මිනීගේ පශු වෛද්‍යවරයා විසින් කර ඇති පැහැදිලි කිරීම එමාහට ඉමහත් අස්වැසිල්ලක් වී තිබේ. මිනී වෙනුවෙන් ඇගේ මීළඟ ප්‍රාර්ථනය වන්නේ ඉක්මනින් ඇයට ආදරය කරන පවුලක රැකවරණය ලබා දීමයි.

 

[NPDJs]

සුපිරි තාක්ෂණයෙන් යුත් අපුරු යතුරු පැදියක්

ඕස්ට්‍රේලියානු විද්‍යාඥයින් පිරිසක් ගුරුත්වාකර්ෂණය ඉක්මවමින් ධාවනය කළ අපුරු යතුරු පැදියක් නිර්මාණය කිරීමට සමත්ව තිබේ.

මෙම වාහනය තිරස්ව හෝ සිරස්ව විශාල රෝද 02 ක් මධ්යවයෙහි පිහිටි වාහනයේ රියදුරු අසුනෙහි හිඳසිටින තැනැත්තාට ධාවනය කිරීමේ හැකියාව පවතින බව ඇඩලේඩ් විශ්ව විද්යාතලයේ ඉංජිනේරුවන් පවසයි.

මෙම අපූරු වාහනයේ අභ්‍යන්තර සැකිල්ල පිහිටි රෝද 02 මගින් එම වාහනය පැයට මීටර් 25 ක වේගයෙන් භ්‍රමනය කිරීමට හැකිවීම විශේෂත්වයකි.

 

[HondaMPLG]

 

[NPDJs]

පළමු වරට ලංකාවේ මාර්ග වල ඇඳි ත්‍රිමාණ චිත්‍ර

විවිධ දර්ශන ත්‍රිමාණව පෙනෙන පරිදි පාරවල් වල ඇඳීම විදෙස් රටවල සුලභ දෙයක් වුවද ලංකාවට එය අලුත් අත්දැකීමකි.

බත්තරමුල්ලේ වෝටර් එජ් හෝටලය අසල ඇවිදයාමට ඇති මාර්ගයේ ඇති ත්‍රිමාන චිත්‍ර කාගෙත් අවධානය දිනාගන්නා අතර ඒවා ඇඳ ඇත්තේ පහත ලෙසය

 

[NPDJs]

කොරියානු රැප් ගායකයාගේ ලොව වසඟ කළ ගැන්ගම් නර්තනය

නවතම නර්තන සම්ප්‍රදායක් වූ ගැන්ගම් නර්තනය ලොවපුරා පැතිර යාමට පටන් ගත්තේ එකී නර්තන පියවරවල් තම ගීතමය රූපරචනය හරහා හඳුන්වා දුන් දකුණු කොරියානු රැප් ගායක PSY ටත් හිතා ගැනීමටවත් නොහැකි වන ලෙසය.

පසුගිය පසුගිය ජූලි 15 වැනිදා ඔහුගේ මෙම නර්තනය යූටියුබ් වෙත එක් කළ අතර දින 50ක් තුල එය මිලියන 359ක් පමණ ජනතාව නැරඹීමට තරම් ලොවපුරා ජනප්‍රිය විය.

T. Pain, Katy Perry, Britney Spears, Tom Cruise Nelly වැනි යුරෝපයේ ජනප්‍රියතම කලාකරුවන් පවා PSY ගැන්ගම් නර්තනය පිළිබඳව ජාත්‍යන්තර මාධ්‍ය සාකච්ඡාවලදී කතා කිරීමට තරම් එම නර්තනය ඔවුනට සමීප වීඇත.

ගැන්ගම් නර්තනය සඳහා ලැබුණු ජනප්‍රියතාව නිසාම ඇමෙරිකාවේ Naval Academyහි මේ කොරියානු ගායකයාගේ ගැන්ගම් නර්තනය ඉගැන්වීම සම්බන්ධවද කොරියානු රජය සමග ඇමෙරිකාව එකඟතාවකට ද එළැඹෙමින් සිටී.

PSY ලැබූ ජනප්‍රියත්වය නිසාම මේ දිනවල The Today Show, Saturday Night Live Dodger Stadium, The Ellen DeGeneres Show වැනි ප්‍රසංගවල නම් අඩුවක් නැත. එසේම සැම්සුන්ග් සමාගම විසින්ද PSYව වෙළෙඳ දැන්වීමක් සඳහා ද යොදා ගෙන ඇත.

PSYගේ නර්තන ජනප්‍රියත්වය නිසා මේ වසර අවසානයේදී ජර්මනියේදී පැවැත්වීමට නියමිත MTV Europr music Awards 2012 සඳහාද රූපරචනය යෝජනා වී ඇති අතර මෙතෙක් Youtube හි වැඩි දෙනෙක් නැරඹූ 10 ආසන්නයටම පැමිණ ඇත.

ගැන්ගම් නර්තනය සඳහා PSY තම වීඩියෝවට පසුබිම් කොට ඇති දකුණූ කොරියාවේ Seoul ප්‍රදේශයේ ජන ජීවිතය PSY නිසා වෙස්වී ඇත්තේ කුඩා දරුවන්ද Gangnam වලට ඇබ්බැහි වී ඇති බැවිනි.

එසේම ඇමෙරිකාවේ කැලිෆෝනියාව බෙවරිහිල්ස් වැනි නගරවල ගැන්ගම් පුහුණු සැසි පැවැත්වීමට ලැබෙන ආරාධනා මත සැසි පවත්වමින් සිටින අතර වරක් CNN නාලිකාව සමග සාකච්ඡාවකට එකතු වන PSY පැවසුවේ, “ගැන්ගම් නර්තනයක් ලෙස ජනප්‍රිය වීමට ප්‍රධාන හේතුව ඒ තුළ පැවැති කොරියානු ජන ජීවිතයේ හැඩතල සරලව නර්තන ප්‍රකාශයක් ලෙස ඉදිරිපත් කළ හැකි බැවින් එය ඉගෙනුමට වැඩි මහන්සියක් නොව නිසා“ යනුවෙනි.

 

[NPDJs]

කොරියානු රැප් ගායකයාගේ ලොව වසඟ කළ ගැන්ගම් නර්තනය

නවතම නර්තන සම්ප්‍රදායක් වූ ගැන්ගම් නර්තනය ලොවපුරා පැතිර යාමට පටන් ගත්තේ එකී නර්තන පියවරවල් තම ගීතමය රූපරචනය හරහා හඳුන්වා දුන් දකුණු කොරියානු රැප් ගායක PSY ටත් හිතා ගැනීමටවත් නොහැකි වන ලෙසය.

පසුගිය පසුගිය ජූලි 15 වැනිදා ඔහුගේ මෙම නර්තනය යූටියුබ් වෙත එක් කළ අතර දින 50ක් තුල එය මිලියන 359ක් පමණ ජනතාව නැරඹීමට තරම් ලොවපුරා ජනප්‍රිය විය.

T. Pain, Katy Perry, Britney Spears, Tom Cruise Nelly වැනි යුරෝපයේ ජනප්‍රියතම කලාකරුවන් පවා PSY ගැන්ගම් නර්තනය පිළිබඳව ජාත්‍යන්තර මාධ්‍ය සාකච්ඡාවලදී කතා කිරීමට තරම් එම නර්තනය ඔවුනට සමීප වීඇත.

ගැන්ගම් නර්තනය සඳහා ලැබුණු ජනප්‍රියතාව නිසාම ඇමෙරිකාවේ Naval Academyහි මේ කොරියානු ගායකයාගේ ගැන්ගම් නර්තනය ඉගැන්වීම සම්බන්ධවද කොරියානු රජය සමග ඇමෙරිකාව එකඟතාවකට ද එළැඹෙමින් සිටී.

PSY ලැබූ ජනප්‍රියත්වය නිසාම මේ දිනවල The Today Show, Saturday Night Live Dodger Stadium, The Ellen DeGeneres Show වැනි ප්‍රසංගවල නම් අඩුවක් නැත. එසේම සැම්සුන්ග් සමාගම විසින්ද PSYව වෙළෙඳ දැන්වීමක් සඳහා ද යොදා ගෙන ඇත.

PSYගේ නර්තන ජනප්‍රියත්වය නිසා මේ වසර අවසානයේදී ජර්මනියේදී පැවැත්වීමට නියමිත MTV Europr music Awards 2012 සඳහාද රූපරචනය යෝජනා වී ඇති අතර මෙතෙක් Youtube හි වැඩි දෙනෙක් නැරඹූ 10 ආසන්නයටම පැමිණ ඇත.

ගැන්ගම් නර්තනය සඳහා PSY තම වීඩියෝවට පසුබිම් කොට ඇති දකුණූ කොරියාවේ Seoul ප්‍රදේශයේ ජන ජීවිතය PSY නිසා වෙස්වී ඇත්තේ කුඩා දරුවන්ද Gangnam වලට ඇබ්බැහි වී ඇති බැවිනි.

එසේම ඇමෙරිකාවේ කැලිෆෝනියාව බෙවරිහිල්ස් වැනි නගරවල ගැන්ගම් පුහුණු සැසි පැවැත්වීමට ලැබෙන ආරාධනා මත සැසි පවත්වමින් සිටින අතර වරක් CNN නාලිකාව සමග සාකච්ඡාවකට එකතු වන PSY පැවසුවේ, “ගැන්ගම් නර්තනයක් ලෙස ජනප්‍රිය වීමට ප්‍රධාන හේතුව ඒ තුළ පැවැති කොරියානු ජන ජීවිතයේ හැඩතල සරලව නර්තන ප්‍රකාශයක් ලෙස ඉදිරිපත් කළ හැකි බැවින් එය ඉගෙනුමට වැඩි මහන්සියක් නොව නිසා“ යනුවෙනි.

 

[NPDJs]

පෘථිවිය තුල තවත් පෘථිවියක්

ස්විට්සර්ලන්තයේ පොළොවයට ක්‍රියාත්මක වන බිග්බෑන් යන්ත්‍රය සොයාගත් කරුනු මගින් මේ බව සනාථ වී ඇතිබව බ්‍රිතාන්‍යයේ ස්ටැන්පර්ඩ් විශ්වවිද්‍යාලයේ පර්යේෂකයන් පවසයි.

සෝවියට් විද්‍යාඥයෙකු වන වි.ඔබරුවොව් විසින් ඊට අදාල මතයක් යොමු කරමින් වසර දහස් ගණනකට පෙර විශාල උල්කාපාතයක් පෘථිවියට කඩාවැදී ආගාදය වෙත ගොස් සැඟව තිබේ.
එසේම ඇමරිකානු පර්යේෂක සයිරස් ටීව් පැවසුවේ පෘථිවිය අභ්‍යන්තරය හා පිටස්තරය කොටස් 2ක් තිබෙන බවත් මිනිසුන් ජීවත්වන්නේ පිටස්තර ලෙස වන බවයි.

මේ අභ්‍යන්තරය තුල සතුන් හා වෙනත් සතුන් සිටිය හැකිබවට සැක කෙරේ.විවිධ සත්ව විශේෂ ලෝකයේ ස්ථාන රැසකදී මුල්වරට හමුවීමෙන් පසු මෙම අභ්‍යන්තර පෘථිවිය ගැන දැඩිලෙස සැක පහලවී ඇත.

 

[NPDJs]

15 හැවිරිදි දැරියගේ දින 60ක නින්ද

බ්‍රිතාන්‍ය ජාතික පාසල් සිසුවියක් වන ස්ටේසි කොමර්ෆෝඩ් පසුගියදා මාස දෙකක අපූරු නින්දකට පත්ව සිටි බව බ්‍රිතාන්‍ය මධ්‍ය වාර්ථා කලා.

මෙතරම් කාලසීමාවක් නිදිසුවය විඳීමට ඇයට සිදුව ඇත්තේ ඇය “ක්ලයින් ලෙවින් සින්ඩ්‍රොම්” හෙවත් “ස්ලීපින් බියුටි සින්ඩ්‍රොම්” නම් ස්නායු ආබාද තත්වයෙන් පෙලීම හේතුවෙනි.මෙම රෝගයට ගොදුරු වන්නේ ලොව පුද්ගලයන් 1000කින් එක් අයෙකු බව වෛද්‍ය මතයි.

මෙම රෝගය හේතුවෙන් ස්ටේසිට පාසල් විභහග නමයකට පෙනීසිටීමේ අවස්තාව හා ඇගේ උපන්දිනය සැමරීමේ අවස්තාවද මග හැරී තිබෙනවා.කිසිදු හේතුවක් නොමැතිව මුළු සති අන්තයම නින්දට යන ඇය නින්ද හේතුවෙන් පාසලෙන් නිවසට ගෙන ඒමට ඇගේ මවට සිදුවී තිබෙනවා.

 

[Ereshaz77]

 

[NPDJs]

තරගයකට පණ ඇති කැරපොත්තන් සහ පණුවන් කෑ තරුණයා මියයයි

කැරපොත්තන් කෑමේ අරුම පුදුම තරගයකට සහභාගී වූ පුද්ගලයෙකු මියයාමේ පුවතක් පිළිබඳව ඇමෙරිකාවේ ෆ්ලොරිඩා ප‍්‍රාන්තයේ ඩියර්ෆීල්ඞ් බීච් නගරයෙන් වාර්තා වෙනවා .

තරගයෙන් ජයග‍්‍රහණය කළ 32 හැවිරිඩි ඬේවිඞ් ආච්බෝල්ඞ් නැමැත්තෙකු අවාසනාවන්ත ලෙස තරගය අවසානයේදී මරණයට පත්ව තිබෙනවා.

පණ ඇති කැරපොත්තන් සහ පණුවන් දුසිම් කිහිපයක් අනුභව කළ මෙම තරුණයා හදිසියේම අසනීප වී බිම ඇදවැටී ඇත.නිලධාරීන් පවසන ආකාරයට ඔහුගේ මරණයට හේතුව මේවන තෙක් අණාවරණය වී නොමැති අතර මෘතදේහය මරණ පරීක්ෂණය සදහා යවා තිබෙනවා.

පසුගිය සිකුරාද දින ඩියර්ෆීල්ඞ් බීච් නගරයේ බෙන් සීගල් නම් උරග වෙළදසැලේ දී පැවති මෙම තරගයට තරගකරුවන් 30 දෙනෙකු සහභාගී වී තිබෙනවා.

මෙම තරගයේදී ජයග‍්‍රහකයා හැරුනකොට වෙනත් කිසිඳු තරගකරුවෙක්ට අසනීප තත්වයක් ඇති වී නොමැති අතර වෙළදසැළේ හිමිකරු බෙන් සීගල්ගේ නීතීඥවරයා පවසන ආකාරයට සියලූම තරගකරුවන් තරග සහභාගීත්වය සමබන්ධයෙන් තමන් වග කියන බවට ලියවිල්ලක් අත්සන්කොට තිබෙනවා.

මෙම අරුම පුදුම තරගයේ ජයග‍්‍රාහී තිලිණය ලෙස පිඹුරෙක් ලබාදීමට කටයුතු යොදා තිබුණා.

 

[NPDJs]

මිනිසුන් 100ක් එක විෂ බිඳුවකින් මැරිය හැකි ලොව විසකුරුම නයා

ලොව විසකුරුම සර්ප වර්ගයට අයත් සතකු විසින් දෂ්ට කිරීම නිසා සතියකට වැඩි කාලයක් සිහි විසඥව සිටින දරුවකු ගැන පසුගියදා ඕස්ට්‍රේලියාවෙන් වාර්තා වුනා.

ටායිපෑන් නමැති මේ නාග වර්ගය එක දෂ්ට කිරීමකදී ඒ සතා නිකුත් කරන විෂෙන් පුද්ගලයන් 100 දෙනකු මැරීමටත් මීයන් 250000 ක් මැරීමටත් හැකියාව ඇත.
ටායිපෑන් නාග වර්ගය අඩි 8ක් පමණ දිගයි.මිලිමීටර් 12ක් දිග විස දල ඌට තිබෙනවා.
මේ නාගයා විසින් දෂ්ට කරනු ලබන කෙනෙකු විනාඩියක් තුල මිය යනවා.වාසනාවට මේ නයාගේ අපූරු විශේෂත්වයක් තිබෙනවා.
ඒ මෙම නයා මිනිසුන් සිටින පළාතකවත් සිටීමට අකමැති,මිනිසුන්ගේ සුවඳ දැනනවිට දිවගොස් සැඟවෙන නාග වර්ගයක් වීමයි.

මෙම නාගයන් දෂ්ට කලවිට ලබාදෙන බෙහෙතද මෙම නාගයන්ගේ විසෙන්ම සාදනු ලබනවා.

 

[NPDJs]

සූර්යයන් 4 දෙනෙකුගෙන් යුත් ග්‍රහලොවක් සොයාගනී

සූර්යයන් 4 දෙනෙකුගෙන් යුත් ග්‍රහලොවක් පසුගියදා සොයාගන තිබෙනවා.

එම ග්‍රහලොව වටා සූර්යයන් දෙදෙනෙකු බ්‍රමණය වන අතර ග්‍රහලෝකද තවත් සූර්යයන් දෙදෙනෙකු වටා බ්‍රමණය වීම මෙහි ඇති විශේෂත්වයයි.

සුර්යයන් දෙදෙනෙකු වටා බ්‍රමණය වන ග්‍රහලෝක මේ වනවිට 6ක් පමණ සොයාගන ඇතත් ග්‍රහලෝකයක් වටා සූර්යයෙක් භ්‍රමණය වන අවස්ථාවක් සොයාගත් පළමු අවස්ථාව මෙයයි.

පෘතුවිය මෙන් 6 ගුණයක් විශාල වන එම ග්‍රහලෝකට PH1 ලෙස නම් කර ඇති අතර එය පිහිටා තිබෙන්නේ ආලෝක වර්ෂ 3,200ක දුරිනි.

ඔක්ස්ෆර්ඩ් විශ්ව විද්‍යාලයේ තාරකා විද්‍යාඥයෙක් මේ පිළිබඳව පවසා ඇත්තේ මේ ආකාරයේ සංසිද්ධියක් කෙසේ ඇතිවීදැයි සිතාගැනීමත් ගැටළු සහගත බවයි.

එම ග්‍රහලෝකය බ්‍රමණය වන එක් සූර්යයෙක් අපගේ සෞරග්‍රහ මණ්ඩලයේ සූර්යයායා මෙන් 1.5 ගුණයක් විශාල වන අතර අනෙක් සූර්යයා අපේ සූර්යයා මෙන් 0.41 ගුණයකි.

එම සූර්යයන් දෙදෙනාද දින 20කට වරක් එකිනෙකා පසුකරන අතර ග්‍රහලෝකය වටා කැරකෙන සූර්යයන් දෙදෙනා අතර දුර වන්නේ පෘතුවියේ සිට අපගේ සූර්යයාට ඇති දුර මෙන් දහස් ගුණයකි.

මෙහි උෂ්නත්වය සෙල්සියස් අංශක 484ක් පමණ වන නිසා එහි ජීවයක් නොපවතී.

 

[Sachinth]

elaz

 

[penguinruwan]

hodai machan keep it up

 

[ABACUS]

Bump
Rep +