මම අක්කා තමයි, හැබැයි ඔයා නංගිද මල්ලිද දන්නෙ නැහැනෙ?
ඔව් ජෝතිපාලගේ මනුස්සකම ගැන බොහොම ලියවිලා තිබෙනවා.
ඔහුගේ නිවසට පැමිනි දුගියෙකුට තමා හැඳගෙන සිටි සරම දීලා, ඔහු එදා තුවායක් ඇඳගෙන සිටියලු.
රාත්රියක තම වාහනයෙන් ගමන් කරද්දී, අනතුරකට පත්වී මහමඟ වැටී සිටි මිනිසෙකු තම වාහනයේම රෝහලට ගෙනගියාලු. පසුදින ඔහු ලෙඩා බලන්නට රෝහල වෙත ගියාම තමයි, අනතුරට පත්වූ තැනැත්තා දැනගත්තේ,තම ජීවිතය රැක දුන්නේ මේ මහා කලාකරුවා බව.
එසේම ජෝතිත් විජයත් පුදුම සහෝදර බැම්මකින් බැඳී සිටියා. ජෝති ගීත ගායනා කලේ UNP වේදිකාවල. නමුත් විජය දේශපාලනයට පිවිසිලා විරුද්ධ පක්ෂයේ වේදිකාවල කථා කරනවිට, ජෝති ඔහුට කියා තිබෙනවා කිසිම දිනක විජයගේ (කටාන) ආසනයේ UNP වේදිකාවල ඔහු ගී ගයන්නේ නැති බව. එය ඔහු අකුරටම ඉටු කලා.
නමුත් අද කලාකරුවන් යයි කියාගන්නා අය, මුදලට, නම්බුනාමයට,උසස් තනතුරුවලට දේශපාලන කඩේයාම් කරන හැටිත් පිල් මාරු කරන හැටිත්, බලා සිටින්නත් ලැජ්ජයි.
ජෝතිගේ ගුණානුස්මරණ දින (ජූලි 7 දින) මා ඔහු වෙනුවෙන් ලියා පලකල පද වැලකින් (කිහිපයක් පමණක් )ඔබ සමඟ බෙදා ගන්නම්.
මෙය දිග වැඩිනම් මට සමා වෙන්න ඕනෙ.
පහන් ටැඔ යට සොහොන් කොත ලඟ කාගෙ දුක් ගී දෝ ඇසෙන්නේ
සප්ත ස්වරයේ තත් නොදත් ඔබ කෙසේ මේ ලෙස ගී ගයන්නේ
රටක් හඬවා මෙලොව හැරදා සුර ළඳුන්ටද ලංව ඉන්නේ
ඔබේ ගී හඬ නොමැති ලෝකේ කෙසේ මා යලි පෙම් බඳින්නේ
සැලෙන ලෙලෙන දළුවකි, නිතඔ නැලවේයා
සමන් මල් පියල්ලක සඳකැන් දැවෙටේයා
කඳුලැල් සලා දෙනෙත් පියවිලි නැහැවේයා
ඔබේ පෙම් වදන් එදා මෙන් නෑසේයා
පායා ඇයි හිනැහෙන්නේ සඳ මෝදු වෙලා නැගිලා
නින්ද නේන රාත්රියේ සරා සඳේ වෙලිලා
පණ වාගෙ හිටියාට ගියේ දෝ වෙන්වීලා
ඇහෙනවනම් සිත හඬන තරම් ඔබ යලි එයි පියඹාලා
ජූලි හතයි ගීත ලොවට කෝකිලයා ඉගිල ගියා
ජූලි හතයි සිනමාවට ශාලාවල් වැසී ගියා
ජූලි හතයි නළුවන්ටත් සිය කටහඬ නැතිව ගියා
ජූලි හතයි රසික අපට රන් හදවත නිවන් ගියා
