පද පේලි .....

[Malinga]

පාලුයි මට හැමදාක ම දුටුව ම එක ඉර හඳ
අඳුරුයි මගෙ මුලු දිවිය ම මහළු මඬමෙ අයිනක
ඇවිදින් නුඹ එක සැරයක් දුන්නොත් මට සැනසුම
මියෙනා තුරු ඒ ඇති මට හිත සතුටින් ඉන්නට

දැකගන්නට ඔබේ මුහුණ මදි මං පින් කෙරුවා
හිතනා හැටි එහෙමයි මට අහිතක්නම් නැතුවා
ඒත් පුතේ එක සැරයක් සිපගන්නට නොදෙනා
නුඹේ මුහුණ සිපගෙන එන සුළඟක්වත් නැතුවා

තනිවෙන්නට මේ දිවිය ම කළ වරදක් නොවෙනා
මෙතරම් දුර ආවත් මම පලක් නැතැයි සිතුනා
ඒත් පුතුනි එක දවසක යලි ආවොත් නුඹලා
දැකගන්නට නුඹේ දෙනත් මඟ බලන්න හිතුනා

පාලුයි මට හැමදාක ම ................


ගායනය :- සමන් ඉන්දික

 

[m3pium]

වන සිව්පාවුන් වැනි මිනිසුන් මැද
දෙවි දේවතාවුන් වැනි මිනිසුන් ඇත
ඒ දේවතාවන් දිව්‍යාංගනාවන්
මනුලෝතලයේ වාසනාවන්..!

වල්මත් වූවන් දැක මහවන මැද
යායුතු මාවත පෙන්වා
ඒ දෙස බලමින් සැනසෙන මිනිසුන්
ඉටුදෙවියන් ලොව සිටිනා..

කඳුළු සලන්නන් කඳුලින් ගොඩගෙන
මුවගේ හසරැළි රඳවා
තුටුකඳුළින් නෙතු සරසණ දෙවියන්
පුදදෙමු දෙවොලට කැඳවා..

~චන්ද්‍රලේඛා පෙරේරා~

 

[amila_90210]

සොඳුරිය ඔබගේ උවන මලක් නම්
නිශා කළෙහි ඔබ සෙවු බඹරිඳු මා
සොඳුරිය ඔබගේ උවන සඳක් නම්
දිවා කලෙහි පුල් කුමුදු මලක් මා

 

[amila_90210]

Mp3 ය තිබේද..

http://hadageepotha.blogspot.com/2012/09/blog-post.html

http://www.divshare.com/i/19553276-095

 

[m3pium]

http://hadageepotha.blogspot.com/2012/09/blog-post.html

http://www.divshare.com/i/19553276-095

තුති වේවා අයියේ..!!

 

[chamikawp]

කවුරුත් එන්නැති කවුරුත් දන්නැති
මල්පෙති විසිරුණු මල් පාරේ
දවසක හමුවෙමු හමුවී හිනැහෙමු
හිනැහී වැළපෙමු අපි ආයේ..

ගුණදාස කපුගේ ​

 

[amandi3891]

ඉවසයිද මන්දා මා දුන් රිදුම්
වෙන් වීලා ආ දා වෙනතක් බලන්
උන්නාට මා රහසේ තුරුලක හිමින්
මට ඉන්න බෑ නේ මතකෙට හොරෙන්

තනියෙන්ම වින්දා දුන් දුක් සුසුම්
තව කඳුළු නැනේ දෙනෙතේ ඉතින්
ගිය දාම ඔබ ඔහු හා ඉගිල්ලී හොරෙන්
මට මාද නැති වුනා සත්තයි හෙමින්

ගොළුවෙච්ච තරු දෑසේ කඳුළැල් උනන්නේ
දරා ගන්න බෑනේ මතකේ විලාපේ
ආදරේ ඔබෙන් තරම් ලැබුනේ නෑ කාගෙන්වත්
රැකගන්න බැරිවුනි ඒ සංසාර ආදරේ

ගිය දාම ඔබ ඔහු හා ඉගිල්ලී හොරෙන්
මට මාද නැති වුනා සත්තයි හෙමින්
මේ පාලු දුක් සිහිනේ අතරමං වෙලා බොහෝසේ
ආයේ ගන්න බෑ ඒ සෙනෙහස ඔබේ

ජීවිතය වැටුණු තරම් නැගිට ගන්න බෑ ආයේ
මැරී මැරී උපදී මේ සංසාර ආදරේ
උන්නාට මා රහසේ තුරුලක හිමින්
මට ඉන්න බෑ නේ මතකෙට හොරෙන්

ඉවසයිද මන්දා මා දුන් රිදුම්
වෙන් වීලා ආ දා වෙනතක් බලන්
උන්නාට මා රහසේ තුරුලක හිමින්
මට ඉන්න බෑ නේ මතකෙට හොරෙන්

තනියෙන්ම වින්දා දුන් දුක් සුසුම්
තව කඳුළු නැනේ දෙනෙතේ ඉතින්
ගිය දාම ඔබ ඔහු හා ඉගිල්ලී හොරෙන්
මට මාද නැති වුනා සත්තයි හෙමින්



Iwasaida Manda - Athula Samitha
Music : Udara Samaraweera
Lyrics : Dilan Gamage

​

 

[Malinga]

අප පැතුම් ඉටුවී එදා
එළිය දුටු සඳ මේ ලොවේ
තිඹිරි ගෙය තුළ නුඹ හැඬූ හඬ
පුතේ මා මිනිසෙකු කළේ

පෙර භවේ පින් කළ නිසාවෙන්
මිනිස් භව ලැබ ඉපදුනේ
මිනිස්කම රැක ගන්න පුතුනේ
එයයි අද සැනසුම අපේ

අප පැතුම් ................

පරපුරේ නම ගුණගරුක කම
රැකගනින් නෙත් දෙක වගේ
බැබලුණොත් මැණිකක් ‍වගේ අද
මැරෙන්නට හැක සැනසුමේ

අප පැතුම් ................


ගායනය :- නිමල් ගුණසේකර

 

[amandi3891]

මං මලක් ලෙස නුඹ නොහැදුවේ
පෙති හැලී පරවෙන නිසාමයි
දුක දිනා හිනැහෙන හැටි දුවේ
නුඹ දැන උගත් පාඩම තමයි
මිල මුදල නිල බල යා නොදෙයි
කළ හොඳම විතරක් ඉතිරිවෙයි

දුවේ නුඹ මගෙ ප්‍රාණයයි...............
​

 

[Malinga]

මගෙ දුවේ ඔබ අවදියෙන්නම්
මේ රැයේ මිහිරිම වෙලාවයි
දොර ඇරන් එළියට ආවොතින්
මේ මිහිරි දේවල් නුඹටමයි

සේපාලිකා මල් බිමට බැහැලා ඇවිදින්න යන වෙලාවයි
නිල් තාරකා බිම බලාගෙන වැව් දියට පෙම් බැඳි වෙලාවයි
මේ පොළොව කෙතරම් ‍සුන්දර ද මගෙ දූ තනියෙම හිනාවෙයි

මගේ දුවේ ඔබ .............

ගණ කළුවරට අප පෙම් කළොත් ඉර හඳ තරුවලට ණය ගැතියි
ලොව දුන්නු දේවල් අද අපිට හෙට ලොවට පෙරලා දිය යුතුයි
ඔබ මේ ලොවට ආදරෙනම් මුලු ලොවම ඔබටත් ආදරෙයි

මගේ දුවේ ඔබ .............


ගායනය :- කරුණාරත්න දිවුල්ගනේ

 

[amandi3891]

මට මව් පදවිය ලැබුණු දිනේදී...
නු‍ඹේ අගේ මට දැනුනේ...
අම්මේ නුඹේ අගේ මට දැනුනේ...

ඇතෙක් බරට දායාද නොසෙව්වද...
සිප් සයුරේ පර තෙරට නොයැව්වද...
මවුකම ලද දා දැරූ දුකම ඇති
නුඹේ නමින් පා දූවිලි වන්නට...


උඩට උඩුවියන් මවා නොදුන්නද...
සිරුරට මුදු සුව යහන් නොදුන්නද...
දස මස මා කුස දැරූ පිනම ඇති
නුඹට බුදුන් දැක නිවන් දකින්නට...​

 

[Malinga]

විමනේ දිනිඳු මගේ
ඔබවේ සසර මඟේ
සඳ රැසේ එළිය සේ
බිළිඳු සිනා සැලේ

ජීවිතේ සිහිනයේ සුවඳ විහිදුවා
ගීතයේ මිහිසරේ මිහිර අතුරලා
සොඳුරු මේ දිවිතෙරේ
තරුව ඔබය සදා

පුතුගේ සිඟිති නෙතේ
ඔබගේ මුහුණ තෙමෙයි
සඳ රැසේ එළිය සේ
බිළිඳු සිනා සැලේ

මිරිඟුවේ තිමිරයේ හැබෑ රුව වෙලා
ගණඳුරේ පහන සේ විමන දිදුළවා
රුදුරු මේ මං පෙතේ
තරුව ඔබය සදා

විමනේ දිනිඳු .............

ගිණිදැල් සතර දෙසේ
ලසුදැල් නගන ලෙසේ
ඔබද හා පුතු සදා
රකිමි දෙනෙත ලෙසේ


ගායනය :- දීපිකා ප්‍රියදර්ශනී පීරිස් හා අමල් පෙරේරා

 

[amila_90210]

කෑ ගසා පවසාවී, හිරුට හැකි වේ නම්
සිය නෙතින් දු‍ටු දේ....
ඉකි ගසා මුමුණාවී, මිතුරු වන සියොතුන්
යෙහෙළියට වූ දේ...

 

[amila_90210]

අඳුරට හුරු මුදු මගේ දැවුණු සිත
ඔබේ වදනකිනි සැනසුම ලැබුවේ
වියැකී යන්නට ඉඩක් නොදී යලි
සුරකිමි ඔබ මා හද රඳවා

 

[m3pium]

එපා කඳුලැල් සලා හඬන්නට ඔබේ නෙත
මල් සුවඳගලා සිපගනී ඔබේ මුව
එපා කඳුලැල් සලා හඬන්නට ඔබේ නෙත
මල් සුවඳගලා සිපගනී ඔබේ මුව

එපා සුසමන් සලා රිදවන්න ඔබේ හද
එපා සුසමන් සලා රිදවන්න ඔබේ හද
සියොත්කැල ගී ගයා සතපවයි ඔබේ සිත
සතපවයි ඔබේ සිත..

ආදර හැඟුමන් සලා මිරිඟුවක වෙලෙන්නෙපා
ආදර හැඟුමන් සලා මිරිඟුවක වෙලෙන්නෙපා
ඔබේ හදපුදසුනේ හිමි කුමරු එනතුරා..
හිමි කුමරු එනතුරා..

~ආත්මා ලියනගේ~

 

[m3pium]

එපා හිරු පායන්න
අදින් පසු මගෙ ලොවට
අදයි අවසන් දවස ඇගෙන් මා
මගෙන් ඈ සමුගන්න..

සැදෑ තරු නොදිලෙන්න සරා සඳ නොනගින්න
වෙලී යුගදුර සතර අනුදිසා ගිලගන්න
ගලායන නඳී දොල මිඳී..
මිඳී නැවතී ඉන්න..

එපා හිරු පායන්න..

ලිය මඬුලු තුරු සිරස එපා මල් පලදින්න
වසන්තය නිමාවිය කොවුලනේ ‍ගොළුවන්න
සොබාදම් නෑ සියනි සැලී..
සැලී කම්පාවන්න..

එපා හිරු පායන්න..

~වික්ටර් රත්නායක~

 

[amandi3891]

පාවෙන සුළඟේ සිසිලස මවමින්
පෙන්වයි සාමය අම්මා
ජීවනයේ පූජාවෙන් පිදුවත් මදි අම්මා
නිල්මිණි රන් කැට මේවා ඕනැද
ඕනෑ නෑ ළඟ අම්මා
නොපෙනෙන දෙවියන් වැන්දේ ඇයි ඔබ
නිවසේ දෙවියන් අම්මා
නිවසේ දෙවියන් අම්මා.....

 

[Malinga]

සඳ තරු මල් මට දන්දුන්
මගේ රුසිරු නුඹ අරගන්
හිරු තෙදවන් මට දන්දුන්
මගේ ඔටුනු නුඹ ලා ගන්
දායාද එයයි මගෙ දෝණිට අප දෙන්නාගේ

ගණ දෙවිදුන් මට දන්දුන්
මගේ නුවන නුඹ අරගන්
පතිනි මවුන් මට රැකදුන්
පතිනි බලය නුඹ අරගන්
දායාද එයයි මගෙ දෝණිට අප දෙන්නාගේ

සඳ තරු මල් ...................

ඇල දොළ ගං මට දන්දුන්
හදේ සිසිල නුඹ අරගන්
මහ වන විල් මට දන්දුන්
නෙතේ සිසිල නුඹ අරගන්
දායාද එයයි මගෙ දෝණිට අප දෙන්නාගේ

සඳ තරු මල් ...................


ගායනය :- අතුල අධිකාරි හා සමිතා එරන්දතී මුදුන්කොටුව

 

[amandi3891]

සුදු ඇත් පොව්වෙක් සුදු පියුම සොඩින් ගෙන
පදකුණු නොකලත් සිරියහනේ
පෙරුම් පුරා මා කුසට පැමිණි බිළිදු
මට රජ පැටියෙක්

හන් කිති කවමින් කුසතුල සක්මන් කරනා
නුබ දගයෙකු වී දැයි නිකමට මෙන් මට සිතේනා
පැටියෝ.... නුබ දුවෙකු උනත් මට පුතෙකු උනත් නුබෙ හිස පලදන්නේ
වෙනසක් නැති එක ආදරයයි ආදරයයි ආදරයයි..

කුසතුල දරුවැයි මතු බුදුවන පෙරුමන් නෑ
ලෙය කිරි කර පෙව්වැයි උදම් අනන්නට රිසි නෑ
පැටියෝ.... නුබ දුවෙකු උනත් මට පුතෙකු උනත් මා නුබට පුදන්නේ
සැබෑව දිදුලන ජීවිතයයි ජීවිතයයි ජීවිතයයි.​

 

[Malinga]

සඳ සුමුදුයි මෘදු සිසිලයි සඳ නැතුව ම බැරි හන්දා
හිරු තෙද ලෙස ‍ලොව බබලයි හිරු නැතුව ම බැරි හන්දා
නෙත් දෙක ලෙස නුඹ වටිනව මව් පදවිය දුන් හන්දා
හිරු සඳු ලෙස මගෙ ලෝකෙට එළිය දිදී ආ හන්දා
නෙත් දෙක ලෙස නුඹ වටිනව පිය පදවිය දුන් හන්දා

දස මසක් ම මා සමඟින් එකට හුස්ම ගත් හන්දා
මගෙ දිවියෙන් ලද සතුටයි නුඹ ජීවය ලද හන්දා
නෙත් දෙක ලෙස නුඹ වටිනව මව් පදවිය දුන් හන්දා
නුඹ ම මමයි මා නුඹමයි දෙදෙනෙකු නොම වන හන්දා
නෙත් දෙක ලෙස නුඹ වටිනව පිය පදවිය දුන් හන්දා

සුමුදු ටිකිරි මෘදු සෙනෙහස අපෙ ලෝකෙට ගැලු හන්දා
අම්මා යන උතුම් පදය නුඹ මා හට තැබු හන්දා
නෙත් දෙක ලෙස නුඹ වටිනව මව් පදවිය දුන් හන්දා
ලොකු මිනිහෙකු නොවුණත් නුඹ හොඳ මිනිහෙකු වන හන්දා
නෙත් දෙක ලෙස නුඹ වටිනව පිය පදවිය දුන් හන්දා


ගායනය :- අතුල අධිකාරි හා සමිතා එරන්දතී මුදුන්කොටුව