පද පේලි .....

[m3pium]

සොඳුරු අතීතයෙ නිමල පැතුම වී
මගෙ හද තුල ඔබ ඉන්න ඇතී..
ඒ හින්දා යලි සෙනෙහෙ සිතින් අපි
ආදරයෙන් හමුවෙන්න ඇතී..

කඳුළු සුසුම් මැද සතුට සිනා මැද
භවය පුරා ළඟ ඉන්න ඇතී
එදත් මගේ සිත අදමෙන් කැපවී
ඔබේ නමට පුද දෙන්න ඇතී..

සොඳුරු අතීතයෙ නිමල පැතුම වී..

නොසැලී නොතැවී බාධක හමුවේ
ආ හින්දා ජය ගන්න ඇතී
ආත්ම ගණනේ පුරුදු ලෙසින් අපි
මේ අයුරින් හමුවෙන්න ඇතී..


§ටී.එම්. ජයරත්න§

 

[Malinga]

සඳ ඇවිත් මගේ මිදුලට
සඳ එළිය අරන් සිහිලැල්
ඔබ ඉන්නවනම් මා ළඟ
නොසලා ඇසිපිය නිලුපුල්
ඔබ ඉන්නවනම් මා ළඟ
කොඳ මලින් සදා හසරැල්

දුර ඈත නිම්න කඳුවැටි
සුදු මීදුමේ ගිලේවී
ළඟ දෙනෝදහක් හිටියත්
මට තනිකමක් දැනේවී

සඳ ඇවිත් මගේ ...............

රෑ නින්ද බිඳී ඇහැරී
පැණි කුරුල්ලන් හඬාවී
මගෙ සිහින හොරෙන් අරගෙන
මේ සඳත් යන්න යාවී

සඳ ඇවිත් මගේ ...............


ගායනය :- අමරසිරි පීරිස්

 

[amila_90210]

ළගින් හිදින්න මා
ඔබේ කියන්න මා
ක්ලෙමෙන්ටිනා

 

[amila_90210]

ඔබේ මල් ගොමුවෙන්
මම පිටව යන්නම්
තනි මලක් වී තනි ගසක යළි පිපෙන්නම්
දෙවෙනි වරටත් මල් පිපෙන බව
ඔබට පහදන්නම්
ලොවට පහදන්නම්

 

[amila_90210]

නීල වරල පීරා.........
මල් ගවසා
ආල වඩන සිහිනිඟ රැලි නෙලලා
නුඹ මා දිහා හොරැහින් බලා
කී කතා ගොලූවෙලා ගියා
ආදරේ හින්දා....

 

[Himaya.sh]

දැනගත්ත දා ඈත වෙන්වී ගියාදෙන්
හැමදාම විඳවන්න මා මෙහි තියා...
නොකියාම ඉන්නම් මගේ ප්‍රාර්ථනාවන්
මිතුදම් හොඳයි අහිමි වෙනවට වඩා...

 

[m3pium]

කුමාරියක් වගේ ඔබට රුව දීලා ඇත
සිනා බිඳක් මට දෙන්නට හිත දීලා නැත
ඔබ සිනාසෙන්න නැහැ දන්නේ
පියාඹන්න සැරසෙන්නේ..
අහංකාර බැල්මකොයින්දෝ..

 

[m3pium]

ගමනේ ගිම් නිවූ එදා
සැනසුම් පවන් සලා
ඔබ මා දවයි දිවා රෑ
හද සෝ සුසුම් හෙලා..
ගමනේ ගිම් නිවූ එදා..

මතකේ තිබේද ඒ යුගේ
මාගේ චේතනා..
වැටහෙන්නෙ දැන්ද ආදරේ
සෝක වේදනා..
ඝණ අන්දකාරයේ පාළුවේ කිමිදුනා
තනිවූයෙ ඔබ නොවේ..
මා පවා තනිවුණා..

ඔබ මං මුලාවෙලා ගියා
පෙම් පහන් නිවා
අහිතක් හිතන්නෙ නෑ ප්‍රියේ..
සිහිනෙකින් පවා..
අද ඔබගෙ ජීවිතේ කතරකි වාලුකා
හිනැහෙන්න යළි දිලෙයි
දෛවයේ තාරුකා..

§මිල්ටන් මල්ලවාරච්චි§

 

[Malinga]

සඳ හොරෙන් ඇවිල්ලා මගෙ යහන ළඟට ම
හිත අරන් ගිහිල්ලා පුද දෙන්න ඇයට ම
හිම මලින් වැසීලා අපෙ සෙනෙහෙ ලස්සන
පන්හිඳින් ලියාලා මම එවමි ළඟදිම

පෙම් කවි ලියලා කවි පොතත් ඉවර වී
තුරු වියන් සිඹ එනා නුඹ සුළඟ ද මිහිරී
වනපෙතේ කවිය වී රැඳුණෙ ඔබමයි දිගැසී
හදවතට සෙමින් වැටුණා සේ රෝස මල් පෙතී

සඳ හොරෙන් ...............

නෙත දිවයන්නේ වැට ළඟටයි ‍නිතර
සිත රැඳෙන්නෙ නෑ කවදාවත් ගෙදර
ඔබ හින්දා මං ආදරයෙ පවුරට
මුදා හැරියෙමී සැඩ දියවැල් අතර

සඳ හොරෙන් ...............


ගායනය :- ප්‍රසාද් කුමාරතුංග

 

[amila_90210]

දුවේ නුඹ මගෙ ප්‍රාණයයි
සැබෑවුණ සුබ සිහිනයයි
සෙනෙහසින් කුලගෙට පියනගන්නේ
සනුහරේ අභිමානයයි,,,

 

[amila_90210]

රන් තාරකාවන් දිලෙන රැයේ
සේපාලිකාවන් පිපෙන පැයේ
හදවතට ළංවෙන්න කාටත් හොරා
සිහිනයක දැවටී වෙළි..

මා දෙනෙත අඩ අඳුරෙ රඳවා තියා
සඳවතිය පාවී ගියා..
පිළිගන්න පුළුවන්ද සඳ දෙව්දුවක්
මේ හැටිම නපුරුයි කියා..

 

[Malinga]

බුදුන් දැක නිවන් දකින්න මේ සංසාරේ
අපි ඇසු බණ මදි වුණා ද මේ දම් දීපේ
සිල් ගත්තා පින් කෙරුවා දිවා රෑ දෙකේ
අතරමන් වුණේ කොහොම ද අපේ ජීවිතේ

සාධුකාර දී ගිය ගිය පන්සල් ගානේ
පැතුවා හැමදා පේ‍වී අපි නිර්වාණේ
දැහැමි සිතින් පහන් තියා මහ බෝ සෙ‍වනේ
වැඳ වැටුණා ගාථ කියා අපි තුන්සරණේ

බුදුන් දැක නිවන් දකින්න ............

භාරහාර වී වැඳ වැඳ අටමස්ථානේ
කරුණා කෙරුවා පේවී මුණි සිරිපාදේ
සැදැහැ සිතින් නිවන් පතා දළදා මැඳුරේ
මල් පිදුවා ගාථ කියා අපි තුන් සරණේ

බුදුන් දැක නිවන් දකින්න ............


ගායනය :- චාමර වීරසිංහ

 

[Malinga]

මෙත් බොසත් විත් සිත් පිරිමදිතත්
සංසාරේ හැටී අපි ඒ ගැන තව නොදනිත්

ඔය ඔබේ ළඟට විත් යහපත යදිතත් මිතුරෙකු විලසින්
මෙත් බුදු හිමියන් දැයි අනේ තවම අප නොදනිත්
සංසාරේ හැටී අනේ තවම අප නොදනිත්

ඔය ඔබේ ළඟට විත් සිඟමන් අයදිත් අසරණ විලසින්
මෙත් බුදු හිමියන් දැයි අනේ තවම අප නොදනිත්
සංසාරේ හැටී අනේ තවම අප නොදනිත්

සපුමල් ‍කුමරෙක් විලසින් පැමිණෙත්
සිරිමත් සුවඳින් සිත පිරිමදිතත්
මෙත් බුදු හිමියන් දැයි අනේ තවම අප නොදනිත්
සංසාරේ හැටී අනේ තවම අප නොදනිත්


ගායනය :- පේෂල

 

[amila_90210]

බුදු සාදු බුදු සාදු
සඳුන් ගසක් වෙන්නම්
මම සමන් වැලක් වෙන්නම්...

ඔබගේ පාමුල සමන් වැලක්වී
සුවඳ මලින් සැරසෙන්නම්...
ඔබ වැඩි අරණේ සඳුන් ගසක්වී
සිසිල සෙවන රඳවන්නම්...

බුදු සාදු බුදු සාදු
නෙළුම් මලක් වෙන්නම්
මම නෙළුම් මලක් වෙන්නම්
ඔබගේ පියවර මැනුම් ඉදිරියේ
මුදු පා පිස්නක් වෙන්නම් ...

 

[Malinga]

බුදුන් දවස උපදින්නට
වරම් ‍නොලැබුණත් මා හට
මෙතේ බුදුන් උපදින රට
උපදීවා මිනිසකු ලෙස

එදා මෙතේ බුදුමුව ඇර
දෙසා වදාරණ බණ පද
අසා සිටිමි දෑඟිලි බැඳ
විදා නුවන් කවුළුව ළඟ

බලා කතර තව දුර දිග
සොයා සසර මං කෙටිකර
මුදා දෑත් භව බැමි සිඳ
සොයා ඇදෙමි නිවනට මඟ


ගායනය :- අජිත් ආරියරත්න

 

[Malinga]

බුදු හාමුදුරුවො අපිත් දකින්නැති
බණත් අහන්නැති ඒ කා‍ලේ
නිවන් දකින්නට පිං මදි වෙන්නැති
එකයි තවමත් සංසාරේ

දෙව්රම් වෙහෙරට යන්න එන්න ඇති
බුදුන් වඳින්ට ඒ කාලේ
නිවන් දකින්නට පිං මදි වෙන්නැති
ඒකයි තවමත් සංසාරේ

බුදුහාමුදුරුවො ...........

අපිත් එක්ක සිටි අපේම යාළුවෝ
නිවන් දකින්නැති ඒ කාලේ
මෙතේ බුදුන් දැක නිවන් දකින්නට
පිං පුරවමු අපි සංසා‍රේ

බුදුහාමුදුරුවො ...........


ගායනය :- වික්ටර් රත්නායක

 

[Rex921]

සබඳ අපි කඳු නොවෙමු උනුන් පර‍යා නැගෙන...
සුනිල දි‍ය දහර වෙමු එකම ගඟකට වැටෙන...

වි‍යරු ගිනිදැල් නොවෙමු වන‍ය අවුලා දමන...
සිහිල දෙන වැස්ස වෙමු දැවෙන කැල‍යට වසින...

නපුරු හීන‍ය නොවෙමු ළමුන් නිදි සුව බිඳින...
සොඳුරු අඬහැර‍ය වෙමු දනන් නින්දෙන් මුදන...

 

[~Titi~]

සිත නම් මා ලඟයි ඔය දෑත දුර ඈතයි
හැකිනම් ඔබ ලඟයි මා ආදරේ නුඹටයි

ඈත සයුරු මානයේ කීව පෙම් කතා
දෑසෙ කඳුළු නංවනා ඔබේ පෙම් සිනා
ඈත සයුරු මානයේ එදා කී කතා
සිහින ලොවක තනිවෙනා විට ඇසෙයි මෙදා

ඔබ හා මට යන්න එක්වී මට දෑත දෙනවා නම්
හැරදා වුනත් මගෙ ජීවිතේ ඔබ ලඟට මා එන්නම්..//

ආසයි මටත් ඔබේ දෑතෙ එල්ලිලා
වෙරළ කොනක ආදරෙන් ඉන්න නැවතිලා
මා.. ලඟම නැවතිලා උරට හිස තියා
ඉන්න ඔබට මා ලඟින් දෙන්නෙමී සදා

ඔබ හා යන්න පාවී ඔය දෑත දෙනවා නම්
හැරදා මේ ජීවිතේ ඔබ ලඟට මා එන්නම්..//

_ Sadeeptha-sandapa feat Sineth _

 

[amila_90210]

ඉසුරුමුණියේ නුඹ තැනූ
පෙම්බරිය කොතැනද කියා
මා ඇසූ විට හිනැහුණා ඔහු
තවම තනිකඩයැයි කියා..

 

[m3pium]

දෑතේ බැඳිලා ඈතට දුවලා
නොපෙනී යනවද සුදු නංගී..
ඉනිමං නැඟලා ලස්සන හොයලා
ගමනක් යනවද සුදු මල්ලී..

රන් ටිකිරි සිනා
මුව මුව පාලා
ලංවී අත් අල්ලාගෙන
ඇස් දැල්වූවා..

බාලේ ගෙවලා කාලේ දුරලා
නොපෙනී යනවද සුදු නංගී..
ලංකර සිටලා ගංතෙර හැරලා
ගමනක් යනවද සුදු මල්ලී..