පද පේලි .....

[Malinga]

හඳපාන වැටෙන ලන්ඳ උඩින් ප්‍රේමනීය ගී ගයන්න
එන්න මගේ මල් කුමාරයෝ
මල් රේණු වැහෙන පින්න යටින් ආදරේට හාදු දෙන්න
එන්න මගේ මල් කුමාරයෝ

දුර ඈත සුමුඳු නීල වලාවේ
ළඟපාත කුමුඳු මාල ලතාවේ
හඳපානයි මල් යායයි අනුරාග කතාවේ
නැලවේවි ප්‍රේම ගීත ගයාලා

හඳපාන ...........

මනමාල හැඟුම් ප්‍රේම විමානේ
සිරියාව සදයි සීත සැඳෑවේ
සැන්දෑවයි කඳුයායයි පෙම් ගීත අසාලා
හිනහේවි වාසනාව පතාලා

හඳපාන ...........


ගායනය :- චරිතා ප්‍රියදර්ශනී පීරිස්

 

[conqureshadow]

සිහිනයේ පාවෙලා ඇවිත් මා ලගින් සැතපුනා
මා හදේ පෙම් කතා පොතේ කතාවක් ලියවුනා
සීතලේ ගතට ලං වෙල රහසකුත් කොදුරලා
ආදරේ සුවය මා සදා සිහිනයෙන් වින්දා
මිහිරාවියේ… සිහින කුමරි
මගෙ ආදරේ ඔබයි කුමරි
මා ජීවිතේ සදා සිහිනේ මිහිරාවියේ…
සමනල්ලු රැනේ ඇවිත් සිහිනයම හැඩ කලා
ආදරෙන් කී කතා අසා අපි වටා පියැඹුවා
පෙම් සුවේ මිහිරි ආදරේ අපි එක්ක විදලා
සමනල්ලු මල් රොන් සොයා පියඔලා දුර ගියා
මිහිරාවියේ…
සිහිනයෙන් අවදි වී ඉතිං මා ඔබව සෙව්වා
ඔබ සිටියේ නෑ මා ලගින් ආයෙ මා තනිවෙලා
සමනල්ලු රැනේ ඔබක් පියඹල ගියාදෝ
ආයෙමත් එන්නෙ මා සොයා සිහිනයෙන් විතරදෝ
මිහිරාවියේ…//

 

[amila_90210]

පා‍යනා තුරු ඔබේ නුවන් තරු
පෙරුම් පුරා දිනූ ඔබේ උතුම් හදේ
ආදර බර වස්තුව වෙන්නම් සදාකල්

 

[DAMER]

wOW..

 

[DAMER]

Centigradz........

ඔබට නොහැක මගෙ සෙවනට එන්නට..
මටද නොහැක මල් විමන් තනන්නට..
නමුදු සොඳුරේ මේ සුවිසල් අහස යට..
අපේ සුසුමත් හමුවෙලා මුමුණනු ඇත..

 

[Rex921]

සඳ තරු නිහඬ‍යි
ගහ කොල නිසල‍යි
මුලු ලොව සැතපෙ‍යි
සිතුවිලි විතරක් අවදි වෙලා

පි‍යා නුවන් ‍යුග නුරා කැලුම් සිත
සැතපෙන්නට වෙර දරන පැ‍යේ
පාලුව තනිකම කුටි‍යට ඇවිදින්
හදවත අවදි කලා

මවා නුවන් ඔබ තෙපුල් සර
සිහින‍යකින් මෙන් ගලා රැ‍යේ
සෙනෙහස පනවා මතක‍ය ඉකිබිඳ
හදවත අවදි කලා

-W.D. අමරදේව-

 

[Dark princess]

අද සීත සුලඟ මදහාස නගන විට
සිත කෝල වුනිද මෙතරම්
ඒ දැනුන හැඟුම නොදනිම්

සඳ රේණු ගලන සඳ රෑක සිහින‍යට
නුඹ ඈත ඉඳන් ඇවිදින්
මගෙ පාලු හිතට මනමාල කතා කි‍යමින්

 

[prageeth119lk]

ගිම්හානයේ පාවෙලා ඈත රන් මාළිගා
සීතලේ ගුළි වෙලා වින්ද සෙනෙහේ පුරා
අද නෑ කොහෙදෝ පාවී සිහිනේ මා අද තනිවී
ඔබ මාගේ සිහිනෙන් මිදිලා ළඳුනේ

මන් තාම වාරු ගන්නේ මල් හීනයේ
ඔබ දුන්නු පැතුමන් හින්දයි මුළු ජීවිතේ
ඔය නෙතට කඳුළැල් දුන්නේ මං ජීවිතේ
ඔබෙ සිහින රජකරවන්නයි මා සැරසුනේ
සවනේ තාමත් රැඳුනේ ඔබගේ වදනයි සොඳුරේ
ඔබ මාගේ සිහිනේ රැඳිලා ළඳුනේ .....

සංසාරේ හුරු හින්දයි අපි යළි හමු උනේ
මේ දෑස ඔබගේමයි ඇයි හැඩවූවේ
පවසන්න මගෙ සෙනෙහේ ඇයි මදි උනේ
පෙර සන්සාරෙත් ඔබමයි මා හැර ගියේ
සැමදේ සුන් වී බොඳවී කොහේදෝ තුරුළක සැඟවී
ඔබ මාගේ සිහිනෙන් මිදිලා ළඳුනේ .....

සමන්ත කෝනාර

 

[Malinga]

ඔයා තව ළංවුණොත් ඉතින් හිත ම දුක් වී හඬයි
සමුගන්න හිතුවේ ඒකයි හිතටනම් හරී දුකයි
ළංවෙන්න හිතුවත් සෙනෙහෙන් අපි දෙන්න හරී දුරයි
අපි දෙන්න හරී දුරයි හිතටනම් හරී දුකයි

ඔ‍බේ සුසුමන් පවා දැනෙනවා හරී වැඩියි
සිනාවන් බල බලා ඇත්ත කියුනූ බැරී
ඒ නිසා යන්නම් සමුදී අපි දෙන්න හරී දුරයි
අපි දෙන්න හරී දුරයි හිතටනම් හරී දුකයි

ඔයා තව ළංවුණොත් ............

අතරමඟ හමුවෙලා හද ම සෙනෙහෙන් පිරෙයි
මා ඔබට ළංවුණා නැවුම් හැඟුමන් පිරී
ඒත් ළංවෙන්න බෑ මයි අපි දෙන්න හරී දුරයි
අපි දෙන්න හරී දුරයි හිතටනම් හරී දුකයි

ඔයා තව ළංවුණොත් ............


ගායනය :- කුමාරසිරි පතිරණ

 

[Malinga]

චාන්දනී සේ නැඟී පාලු සිත්තම්ඹරේ
සිහිනයක් ඉඟි කරයි රාත්‍රියේ
මාලතී මල් රටා ගවසලා වරලසේ
හසඟනාවක් හිඳී සිහිනයේ
කුළුඳුලේ සැරසෙනා සෙනෙහසේ මණ්ඩපේ
මියුලැසී ඔබ තමයි ආදරේ සැඟවුයේ

ආකාස වියනේ තරු පොකුරු ගානේ
ඔබවමයි විමසුවේ
ඒ හැඟුම මාගේ නොහැඟුණු විලා‍සේ
ඔබ හිඳින්නේ කෙසේ

චාන්දනී සේ ..................

මල් වැල් ගොතන්නයි ඉන් සරසවන්නයි
සිත මගේ සැනකෙළී
කවදාද මිහි‍රේ මා වෙත සලන්නේ
ස්නේහයේ හසරැලී

චාන්දනී සේ ..................


ගායනය :- නුවන් ගුණවර්ධන

 

[sudu pusa]

ඇස් ආදරෙන් පුරෝනා
හිත පාලුවෙන් ගලෝනා
ඔබ මගෙම වෙන්න ඕනා
මියැදෙන්න දෙන්න උණූහුමේ ඔබේ
මා හදවතින්ම උමතු වී තියේ

ඔබ සිහිවන හැම මොහොතක් ගානේ
දැකගන්නට ඔබ මා ලග නෑනේ
නුදුරේදිම කරගන්නට මාගේ
අවසර දෙන්නට පමණයි ඕනේ
ඉඩදෙන්නම් පපුතුරේ
නැලවෙනු මැන සොදුරියේ
මට ඔබම තමයි ඕනා

රැකගන්නම් ජීවිතේ වාගේ
එක සැරයක් හද ගත්තානම් මාගේ
සැනසෙන්නට හැමදාමත් ආයේ
එනවද හිමිකම ගන්නට මාගේ හීනේ
නොසිදෙන මහා සාගරේ
තරමට මගේ ආදරේ
මට ඔබම තමයි ඕනා


​

 

[~Titi~]

සිත ඔබ පාමුල රදවා..
බිදි සෙනෙහස ගිනි උහුලා..
අහිමි විජිතයෙන් සමුගෙන යන්නම්..
ඔබට සෝතැවුල් නොම වේවා.....

අසුරැ සැනක් වූ රැසිරැ අතීතය
සිහිනෙන් ගෑ මුදු සුවදක් සේ...

සදා රැදේවා... ඔබේ ලොවේ..

ඔබට පිදුම් වූ සිතක විරාගය
කැටපත් පවුරක ගීයක් සේ...
සදා රැදේවා.... ඔබේ හදේ...

-deepika priyadarshani-

 

[prageeth119lk]

ඔබේ සිනා ලඟ නෙත නැවතුනුදා

ඔබේ සිනා ලඟ නෙත නැවතුනුදා
ඔබේ කථා ලඟ සිත නැවතුනුදා
ප්‍රේමය හැඳින්නෙමි ප්‍රේමය හැඳින්නෙමි
මේ ලෝ තලයේ

කුමටද උපමා ඉතිහාසේ උන් ප්‍රේමවන්තයින්ගෙන්
කුමටද ආදරයේ පෙම් සැමරුම් පෙම් පාරාදීසෙන්
ඉමක් කොනක් නැති ආකාසේ තරු පායා එන සේමා
ඉමක් නිමක් නැත පෙම හදවත් තුල පෙම් සිතුවිලි බෝමා


ඔබේ සිනා ලඟ........

ජගත් වික්‍රමසිංහ

 

[DAMER]

Kasun Kalhara.........

..මත් මල් සේනා..

..මත් මල් සේනා පාවේ පාවේ දෑසේ දැවටේ මා..
..සිත්තම් වීලා මා නෙත් මානේ සෙනෙහේ සුවසේ මා..
..ලා ඉරේ රන් ගෑවිලා..
..සදා ස්නේහයේ මල් වැහි වෑහුණා..

..පිපි හාදු සුළඟේ මුව ගාව ගැවසේ..
..දෙතොලේ ලැඟුම් සොය සොයා..
..සඳ රේණු යායේ මෘදු සීත පිරුණේ..
..ලංවෙන්න මයි නෙත් පියා..
..උදාවේ මා..සැඳෑවේ මුදා..
..නෙක ස්වර්ණ රැස් රඟනා වැහි තිරේ..

..ඔබ ගාව සීතේ හිත හීන නෙළුවේ..
..රෑ තුන් යමේ හිත් පුරා..
..නොදොඩාම දෑසේ කවි ගීත මැවුනේ..
..දෙතොලේ සුසුම් උතුරලා..
..උදාවේ මා..සැඳෑවේ මුදා..
..නෙක ස්වර්ණ රැස් රඟනා වැහි තිරේ..

..මත් මල් සේනා..
​

 

[Malinga]

ඔය සොඳුරු ඇස් අතර මා තනිවෙලා
පෙරුමන් පිරූ සිතුම් ළඟ නැවතිලා
ඔබෙ ආදරේ සුවඳ තව ළංවෙලා
නවතින්න මගෙ ළඟ ම දි‍වියේ පුරා

සුසුමන් නිවාලන්න තුරුළට වෙලා
පැතුමන් පුරා සිහින මල්වර වුණා
ඒ සිහින ළඟ ඉන්න ඉටුවෙන තුරා
මගෙ ලෝකෙ ඔබ විතරමයි සෑමදා

ඔය සොඳුරු ඇස් ...........

ඔය තුරුළෙ සැඟවෙන්න ළතැවුල් නිවා
මේ සිත නුඹෙයි දිවිතුරා සෑමදා
රෑ අහස සරසන්න ඔබ සඳ වෙලා
මගෙ ලෝකෙ ඔබ විතරමයි සෑමදා

ඔය සොඳුරු ඇස් ...........


ගායනය :- සිනෙත් පියුෂාන්

 

[thilzz]

ඔබ රූසිරියෙන් මන්මත් වී
මම නොකෙලෙම් අනුවණකම්
මුලා වුනේ ඔබ මුලා නොවුනි මම
මනමේ කුමාරියේ
​

 

[Malinga]

සසර පුරා සුවඳ උරා ඉන්න සිත අරා
දෙනෙත නුරා මහද සොරා ගන්න ළංවෙලා
ගන්න ළංවෙලා සිත ගන්න ළංවෙලා
සසර පුරා සුවඳ උරා ඉන්න සිත අරා

මල් සුවඳ දිගේ ඉගිලිලා හොරෙන් ළංවෙලා
ඔය ලවන් මිහිර ගන්න විඳ දරා
මට දෙන්න ඉඩක් ඉන්න නැලවිලා
මට දෙන්න ඉඩක් ඉන්න නැලවිලා

සසර පුරා සුවඳ උරා ...........

මිහිරි වදන් පවසලා අහන්න හිනහිලා
ඔය සිතේ ලැගුම් දෙන්න හද පුරා
මට දෙන්න ඉඩක් ඉන්න නැලවිලා
මට දෙන්න ඉඩක් ඉන්න නැලවිලා

සසර පුරා සුවඳ උරා ...........


ගායනය :- ප්‍රවීන් බණ්ඩාර

 

[~Titi~]

අහස සේ ඔබ අනන්තයි
සයුර සේ ඔබ අනන්තයි..
මේ විශ්වයේ මා දකින්නේ
ඔබම පමණයි... ඔබ අනන්තයි...

වෙණ තතක් හැඩවෙන තැනත් ඔබ
මදුවිතක් උතුරන තැනත් ඔබ...
තෙළිතුඩක් දැවටෙන තැනත් ඔබ
පන්හිඳක් ගැවසෙන තැනත් ඔබ..

අහස සේ ඔබ අනන්තයි..

අඩ සඳක් සැගවෙන තැනත් ඔබ
රළ පෙළක් පෙරලෙන තැනත් ඔබ..
සිසිලසක් දනවන තැනත් ‍ඔබ
උණුසුමක් ගෙනදෙන තැනත් ඔබ..

අහස සේ ඔබ අනන්තයි...


​

 

[kandya]

**** කොල්ලෝ ***** කොල්ලෝ **** කොල්ලෝ කොල්ලෝ කොල්ලෝ කොල්ලොමයි...
මායා කෙල්ලෝ ,මයා කෙල්ලෝ ,මායා කෙල්ලෝ **** කොල්ලෝ පස්සෙමෙයි

 

[~Titi~]

**** කොල්ලෝ ***** කොල්ලෝ **** කොල්ලෝ කොල්ලෝ කොල්ලෝ කොල්ලොමයි...
මායා කෙල්ලෝ ,මයා කෙල්ලෝ ,මායා කෙල්ලෝ **** කොල්ලෝ පස්සෙමෙයි

හොඳටම වැඩි වෙලා වගේ.. බෙහෙත් ගත්තොත් නරකද..