පද පේළී - EK LYRICS THREAD PART 2

[yasi96]

මම මුකුත් කියන්නේම නෑ මයි
හිත රිදෙන කතන්දර බෝමයි
ඔබව තේරුම් ගන්නම බෑමයි...
වෙන් වෙන්න හිතන්නෙත් ඔබමයි
වෙන් වෙන්න හිතන්නෙත් ඔබමයි

මුදු සලා සදේ සිහි ලැල්ලේ
හිරු කිරණ ගෙනෙන අරණැල්ලේ
මුතු පින්න පිපුන තන නිල්ලේ
හමු උනා එදා සැන සිල්ලේ
මුතු පින්න පිපුන තන නිල්ලේ
හමු උනා එදා සැන සිල්ලේ

මම මුකුත් කියන්නේම නෑ මයි

ඒ මිහිරි අතීතය නිම වී
නෙතු කදුලු වලින් යමු වෙන් වී
ඔබ ගියත් කෙනෙකු හා ලංවී
මා ඉන්නම් සැමදා තනිවී
ඔබ ගියත් කෙනෙකු හා ලංවී
මා ඉන්නම් සැමදා තනිවී

මම මුකුත් කියන්නේම නෑ මයි....

 

[amoeba2576]

සඳරේණු වෑහෙනා මේ සීත රාත්‍රියේ
ඔබ ඉන්න මාගේ ළඟින්
හද පිරුණු වේදනා පිසදා සිනා සලා
මට දෙන්න ආදරේ ඔබගේ හදින්

 

[amoeba2576]

අප හමුවුන තැන තනියෙන්
ඔබ විතරමයි ඉන්නේ..
ඔබ හැරගිය හැටි සතුටින්
ඉන්නවද නෑ දන්නේ..

කවදාවත් ඔබ නාවත් තරහ නෑ හිතුනේ
එක පාරක් දුටුවානම් කඳුළු නෑ දෙන්නේ

 

[Malinga]

ආදරේ ඔබෙන් දැනුණු තරම්
දැනි දැනී ‍හිතම වෙලූ තරම්
ජීවිතේ සතුට මේ තරම්
නැහැ දැනුණෙ මේ ලෝකේ
මට ලැබුණු ඔබෙ‍ෙගන් තරම්

ඔබ මැවූ පද‍ පෙලින්
මා හදේ ගීතයක් වී වයා
නොමැකෙනා නද වලින්
ජීවිතේ තනුව මම වී වයා
උපදිනා මතු හැම භවේ
මං ඉන්නවා ඔබගෙ
පපු තුරුලෙ උණුහුම වෙලා

කටු මතින් යන ජීවිතේ
මල්වලින් අපි සරසමූ
ඔබෙ හැඟුම් මගෙ කියා
සමසිතින් අපි විඳගමූ
උපදිනා මතු හැම භවේ
මං ඉන්නවා ඔබගෙ
පපු තුරුලෙ උණුහුම වෙලා

ආදරේ .................


ගායනය :- ප්‍රදීප් රංගන

 

[Dilzzzz]

වෙස්සන්තර බිසෝ නුඹව දන් දෙන්න බෑ නාටකේ
රූ සෝබා අලංකාරේ උන්මාද වේ ජීවිතේ
රන් පුන්සඳ වැනි බිසොවුන් රූ සිරි
නැතිදා පලක් වේද සිංහාසනේ

 

[Malinga]

හැඩකාර කටකාරියේ
ඔබේ මේ සුපෙම් පෙම් සිනා
දිගු දෑස මන්දාකිණී රැයේ
තනි තරුව පේ වුණා
ඔබ මගේ මේ ආදරේ
මුළු ජීවිතේ එළියක් කළා
ඔබ මගේ මේ ජීවිතේ
මිල නොවන මැණිකයි සදා
මෙතුවක් මාගේ
ආදරේ ඔබටයි පෑවේ
ජීවිතේ ප්‍රේමේ නාමයෙන්
දැවටෙන්න මා හා දැන් ඔයා

දෑසෙ කී කථා තේ‍රුනා
කාටවත් හොරා මා දිහා
යන්තම් හරි බලා පැවසූ
කථාවක් ‍සිහිවෙලා

ඔබ මගේ ........................

මහදෙ කී කථා නෑසිලා
පාලුවෙන් බලා මා දිහා
දුක්වී ඉන්නෙපා
දිවිතෙක් ඔබේමයි සදා

ඔබ මගේ ........................

හැඩකාර .......................


ගායනය :- ප්‍රගීත් M පෙරේරා

 

[Dilzzzz]

ආදරේ ඔබේ දෑසේ සැඟවිලා හොරෙන් වාගේ
මා දිහා බලා ඉන්නේ හිත පුදන්නදෝ මට රහසේ
යෞවනේ නැවුම් ලෝකේ රන් සිනා ඔබෙන් දුටුවේ
ආදරේ සොයා ඔබගේ දෑත ගන්න මේ මා ආවේ

ඔබ පුන්සඳ වී පායා මගේ හද අහසේ දිලෙන්නේ
ලංවුණා මා මුලින් දුටු දවසේ ම සිත ළඟ දැවටුණා කුළුඳුල් ප්‍රේමේ
ලස්සනයි ඔබ මලක් සේ කෙල්ලේ සුරකින්නම් සැමදිනේ ආදර සුදු කෙල්ලේ
රිදී තරුවක් වී පායා ඔබ හද අහසේ දිලෙන්නේ

 

[Sara531]

ඔබෙ නිල් නුවන් තලාවේ
සැලේ... කඳුළු මිදිලා
මට ඒ මැදින් පෙනෙන්නේ
අපේ මතක මැවිලා
ඔය දෑත මාගෙ දෑතේ
සතපා ගෙවූ අතීතේ//
දෙදෙනා නොවේද දන්නේ
සිත දන් තමයි සිතන්නේ
මුලදි උනේ මුලාවයි
වැරදිම මා අතේමයි//
නොසැලී බලා එදා මෙන්
ඉඳිමිය ඔබේම
නාමෙන්...

Artist : Milton Mallawarachchi
Lyrics : Karunaratha Abeysekara
Music : M.K.Roksamy

 

[amoeba2576]

කාත් කවුරුවත් නෑ එන්නේ..
ඉදුල් නොවේ රුදු මිනිස් ඇසින්..
අපේම පුංචි ලෝකයේ අපි ඉන්නේ..
බමරුන් විතරයි තනියට ලඟ ඉන්නේ

වික්ටර්

බඹරු නැතත් මැස්සෙක් නම් ඉන්නවා

 

[Dilzzzz]

ආලවන්ත නෙත් විදා..
මන්දහාස නංවනා..
සඳකින්නරී සුන්දරී..
මුතුපලස මත දිදුලනා..
මනබන්දිනී නන්දිනී..
මුතු පලස මත හිනැහිලා..

සඳකැන් හොරෙන් මුව තවරලා
මල් මල් ගවුමකින් ගත සරසලා
ඉදිකඩ උඩින් තරුනෙත් වසා
මතකයි තවත් අපි හිනැහුනා..
මතකයි......තවත් ඔයා හිනැහුනා

දයාසිරි ජයසේකර

 

[Dilzzzz]

කාත් කවුරුවත් නෑ එන්නේ..
ඉදුල් නොවේ රුදු මිනිස් ඇසින්..
අපේම පුංචි ලෝකයේ අපි ඉන්නේ..
බමරුන් විතරයි තනියට ලඟ ඉන්නේ

වික්ටර්

බඹරු නැතත් මැස්සෙක් නම් ඉන්නවා

 

[amoeba2576]

කොහේද කොහේද අපේ ලොවක්
කොහේද කොහේද අපේ රටක්
මුරකාවල් නැති වැටකොටු බැමි නැති
අපේම අපේම නවාතැනක්

රාජ කුමාරයන් කුමාරියන් ඉන්න පළාතක්
නපුරු රාක්සයන් රාක්සියන් ඉන්න කැලෑවක්
පුංචි සුරංඟනාවන් සැඟවී ඉන්න වළාවක්
අප‍ට හිතුමතයේ රජ කරගෙන ඉන්න දිහාවක්

 

[Malinga]

රැලකින් තනිවී වන මැද සරනා
කැකුලු තුරුණු යාමේ
ඇතෙකුට ඇත්දල යුවලක් වාගේ
මට ඔබගේ ප්‍රේමේ

හබල බිඳී ගොස් පෙරලුනු ඔරුවක්
ලෙස පාවෙන දිවියේ
රුවල් මසා දී ගොඩගනු රි‍සියෙන්
වෙහෙසෙන මියුලැසියේ

රැලකින් තනිවී ..................

තුඩ තුඩ තබමින් නෙක නෙක පලවැල
කවා පොවා සනහා
පෙරුම් පුරණව ද මතු බුදුවන්නට
මට දී රැකවරණා

රැලකින් තනිවී ..................


ගායනය :- අබේවර්ධන බාලසූරිය

 

[Sara531]

ඉගිලෙන්න ඔබ එක්ක ආකසේ
විදගන්න ඒ සිසිල ම සිත්සේ
මට දෙන්න ඒ වරම කවදාද ඔබ එන්නෙ පිනි බින්දු මල් වහි අරන්
සද මිතුරි සිත මිහිරි කල මැනවි
බිදු කදුලු පිනි පොකුරු කල මැනවි...

මට මම ම වී ඉන්න ලොකෙන් බිදක් නොදෙන
ඈතට වෙලා අපි අපිම වී ඉතින්
නව ලොවට මුල් අනු දෙන්න
මිල නොවන පෙම් කවිය පබදන්න
පිනි වැස්ස වස්සන්න මද්දහන තෙත් වෙන්න
ආදරය දලු ලන්න මිහිකත මතින්
සිහිනෙ සරනා..සිහිනෙන් දැවෙනා..

ඉගිලෙන්න ඔබ එක්ක...

ජීවිතය විදගන්න ලොකෙන් ඉඩක් නොදෙන
ඈතට වෙලා තෙමෙමු පිනි වැහි පොදින්
ප්‍රේමයට ප්‍රේමය වෙන්න
නිල නොවන ජිවිතය පුබුදන්න
පිනි වැස්ස වස්සන්න මද්දහන තෙත් වෙන්න
ආදරය දලුලන්න මිහිකත මතින්
සිහිනේ සරනා කිරණින් දැවෙනා..


Artist : Kasun Kalhara

 

[Captain jack sparrow]

සයුරේ ජීවිත නැව පෙරලී
මුතු සොයනා අය කොහෙදෝ
පණ නල පාගා

වෙරලේ පියමන් පැවසූයේ
රළ කඳුරේ සුවඳයි මේ
සෙනෙහේ අසරණ වූ දා පමණයි දෝ
නොවෙනස් වෙයි කුරුලු ගී
දැන් පණ නල සැබෑ වුනේ

සුළගේ රහසක් කීවා
පියමන් වෙරළේ
සුළඟයි මැකුවේ රළ නෑ
සැගවුයේ ඇයි
ඈත යයි රූ

ඇල දොල කඳු මැල වී
ගිනි පොකුරත් සුවයක් වූ දා
සඳෙහිත් සිසිලක් නෑ
ජීවිතේ ආදරෙයි
සයුරේ සයුරේ

(රොබින්සන් අන්දරය)

 

[shaminda peiris]

වළා අතුල සිරියහනේ
උණුසුම් හිරු කෙඳි පොරවා
ඉන්ද්‍රචාප කුමාරයා නිදාවැටෙනවා
මල් සුගන්ධයෙන් නැලැවෙන
ලතා මඩුල්ලේ ලැගගෙන
රෑන් රෑන් සියොතුන් ගී සිංදු කියනවා

ජීවිතය වගේ මුමුණන
ආදරය වගේ දිළිසෙන
දිය තරංග පොකුරක්
එළියෙන් නලියනවා

නොදරුවෙකු අතින් බොඳවුන
සිතුවමක් ලෙසින් සුන්දර
ආදරය නෙතින් දසඅත
රටා වියනවා

කිරිවැදී නටන ගොයමට
මිහිදුමින් වැටුණු පිණිකැට
රන්දමක් වගේ ගෙළවට
රනින් දිලෙනවා

හෙටක් ගැන යමක් නොදකින
හෙටක් තිබේදැයි නොසිතන
කෙනෙක් මධුවිතක් තොල් අග
තවර ගන්නවා

අමරසිරි පීරිස්

 

[DAMER]

වෙරලේ පියමන් පැවසූයේ
රළ කඳුරේ සුවඳයි මේ
සෙනෙහේ අසරණ වූ දා පමණයි දෝ
නොවෙනස් වෙයි කුරුලු ගී
දැන් පණ නල සැබෑ වුනේ



(රොබින්සන් අන්දරය)

සුපිරි..ආසාවෙන් බලපු කතාවක්..

 

[yasi96]

සුන්දර සිහිනයක් පැතු හැම ලෝකයක්
කුලුදුල් ආලයක් මට ඔබයි අහිමි කලේ
දැක්කම උදේට කැඳ නැ දවසෙම
මොන කරුමයක් දෝ මගේ පස්සෙම්මයි වැටී...

නැන්දමේ ඩිංගක් අහන්න දුව දෙනවද මට කියන්න
රැක ගන්නම් පණ මෙන් ජීවිතේ මට හිමි ආදරේ...

මතකයි මට අද වගේ හමුවුනු පන්තියේ
ඉරිදට රොටරියේ වැරදුනොතින් නම් අපි සිග්මා එකේ
ගෝල්ෆේස් එක වටේ යමු අස්සයා පිටේ
හවසට පුරහලේ එක කුඩයටදි අපි පාර්ක් එකේ..

138 තුන් මුල්ලේ වටේ
යනකොට කූල් එකේ
දැක්කයි නැන්දම්මව
හොල්ට් එකේ...

කොහේ ගියත් අනේ.....
නැහැ නිවනක් හිතේ..
මගේ ජීවිතේම දැන් කරුමයක්ද මේ
නැන්දම්මගේ වදේ

නැන්දම්මේ ඩිංගක් අහන්න දුව දෙනවද මට කියන්න
රැක ගන්නම් පණ මෙන් ජීවිතේ මට හිමි ආදරේ...

නැන්දම්මේ ඩිංගක් අහන්න දුව දෙනවද මට කියන්න
රැක ගන්නම් පණ මෙන් ජීවිතේ මට හිමි ආදරේ...

 

[Sara531]

අනාත මාරුතේ කුණාටු සාගරේ
දිවිය ති‍යෙන තුරු මගේ ඔබයි ආදරේ....

අතීතයට වඩා පැරණි අපේ ආදරේ
අපි දෙදෙනා හැඩූ හැඩුම් දනී සාගරේ
සදා වෙනස් වෙන්න එපා
මැණික මා කෙරේ
දිවිය තියෙන තුරු මගේ ඔබයි ආදරේ

හිතරිදවන වදන් වලට හඩන්නට එපා
ඇනුම් බැනුම් වලට මගේ තැවෙන
සසර සරන තුරා මගෙන් මිදෙන්නට එපා
දිවිය තියෙන තුරු මගේ ඔබයි ආදරේ..

අනාත සාගරේ කුණාටු මාරුතේ....

Artist : Rookantha Gunathilaka

 

[Sara531]

මගෙ හදවත හැදින ගත් ඔබ කියු එ වදන් මට එපා....
මගෙම කියලා දැතින් අල්ලා ආදරේ කියු ඔබ එපා......
සසර වසනා තුරුම ඉන්නට පෙරුම් පෙරු ඔබ මට එපා....
මතු යලිත් ඔබ දෙනෙත් අබියස වැරදි හො හමුවෙනු එපා.....