පද පේළී - EK LYRICS THREAD PART 2

[Sara531]

රාත්‍රිය වී නිහඬව නිසලව ඉන්නම්
බියද දැනේ දුකද දැනේ
රුදුරු වුනේ හිමි සඳුනේ
රාත්‍රිය වී නිහඬව නිසලව ඉන්නම්

පතා පැමිණි සුර පුරවර
වෙලා ගැණුනි ඝණ කළුවර
දෑස පුරා දුටු සිනා කවට කෙළි
කඳුළු කථාවක කෙලවර
අසන් හිමියනේ කාට කියන්නද මේ දුක
ඔබ හැර

රාත්‍රිය වී නිහඬව නිසලව ඉන්නම්

වළාකුලක පිරි පුරහඳ
අතැර ගොසින් සිය පියබඳ
එදා පිදූ මුදු වදන් අසන්නට
බලා හිඳී සිත පිලිසිඳ
අසන් හිමියනේ කාට කියන්නද මේ දුක
ඔබ හැර

රාත්‍රිය වී නිහඬව නිසලව ඉන්නම්

Artist : Deepika Priyadarshani
Lyrics: Sunil R. Gamage
Composer : Rohana Weerasingha

 

[Sara531]

ජලේ ගැඹුර ඔරුව දන්නෙ නෑ..
මලේ සුවද ජලය දන්නෙ නෑ..
සිතේ අරුම නගා දන්නෙ නෑ..
නගේ නුඹට බොරු කියන්නෙ නෑ...


ආදරෙයි... මං ආදරෙයි....
සිතේ පිරුන සෙනේ තරම කියා යන්න එන්නම්...
ආදරෙයි...මං ආදරෙයි.... //


නැන්ද මාමා මට බනීවිදෝ...
දූව දෙන්න බෑ කියාවිදෝ...
මැවූ සිහින සුන්ව යාවිදෝ...
නුඹවත් මට බහක් දේවිදෝ... //


ආදරෙයි... මං ආදරෙයි....
සිතේ පිරුන සෙනේ තරම කියා යන්න එන්නම්...
ආදරෙයි...මං ආදරෙයි....
ආදරෙයි...මං ආදරෙයි.... ////

Artist : Jagath Wikaramasinghe

 

[lankanatha]

උදුම්බරා හිනැහෙනවා
ඉර අදුරට හැංගෙනවා
දස දහසක් සම් මස් ඇට
සිනා කදුළු වැහි වැහැලා
ගිනිගෙන රත්වුණු දවසක
සැනසෙන එක හැන්දෑවක
උදුම්බරා හිනැහෙනවා

මුහුදු කොණේ සුදු වැල්ලේ
ඉර හැංගෙන එක මොහොතක
උදුම්බරා හිනැහෙනවා

කළුවර දුම එක හුස්මට
මුලු ලෝකෙම වසාගන්න
ගිනි දිය ලෝ දිය වැස්සේ
කිරි සල්කිරි උදුම්බරා
සිනා කදුළු වගුරනවා

ආදරයේ ඔබ ඔබමය
මා ඔබ නොව
ඔබ මා නොව
දවසක්දා
හඳුනාගත්තොත් ඔබ මා
හඳුනාගත්තොත් ඔබ මා


ඒ මොහොතෙම එක හුස්මට
උපදිනවා ගිනි රස්නය
සීතලෙන්ම
හඳුනාගත්තොත් ඔබ මා

මහ මුහුදම ගොඩට ගලා
රත්වුණු හිරු පායන්නට
රත්වුණු හිරු පායන්නට
ගොඩබිම මහ මුහුදක් විය

මහ මුහුදම ගොඩබිම විය

උදුම්බරා කඳුළු සළයි
උදුම්බරා කඳුළු සළයි
කදුළු සළයි කදුළු සළයි

 

[amoeba2576]

රාජ ම‍ාළිගේ පරවියා වගේ...
ජිවිතේ මගේ මං ගෙවනවා ඔහේ..
ඉපදුනාට පස්ස‍ෙ තාම මං හඬාලා නෑ..
හැඩුවත් මට කිසිම දිනක කඳුලු එන්නෙ නෑ

 

[amoeba2576]

සීතාවනි ඔබ හැඩරුව ඇති බව
දිවි හිමියෙන් පතිදම් සුරකින බව
දනිමි ඔබත් දැනගත යුතු මේ බව
ඔබෙ සෙනෙහස මට ඕනෑ නැති බව

 

[Malinga]

දඟකාර සිහිනේ පිංවන්ත කුමරී මට කෝලකම් පෙන්වනා
සඳකින්නරාවී හසකැන් මවාවී ඔබදෝ මගේ අංගනා
පැතුමන් ‍ඔහේ පාවෙලා මැවුණා හදේ රූ රටා
ආසයි ළඟින් ඉන්න මට ළංවෙලා
පෙරුමන් පිරූ දෑස මට ළංවෙලා

සොඳුරුයි හදේ දැන් සුපෙම් කල්පනා
ඔය දෑස මට ආදරේ පැවසුවා
සඳපාන වාගේ ඔය මූණ ඔබගේ
සොඳුරුයි ළඳේ සෑමදා
සෙනෙහේ මැවූ ඒ හසඟන විලාසේ
මම ආදරෙයි සෑමදා

දඟකාර සිහිනේ ...........

සිතුවම් ඇඳී යයි ඔහේ පාවෙලා
මට ඉන්න ආසයි තවත් ළංවෙලා
රන්පාට හීනේ හිමිකාරී මාගේ
හිත රෝස යායක් කළා
නිල්පාට නෙතඟින් මදහාස මුවගේ
මට දෙන්නකෝ ළංවෙලා

දඟකාර සිහිනේ ...........


ගායනය :- චමිල් හා රිෂාන්

 

[^Buddhika^]

Back through the years
I go wonderin' once again
Back to the seasons of my youth
I recall a box of rags that someone gave us
And how my momma put the rags to use
There were rags of many colors
Every piece was small
And I didn't have a coat
And it was way down in the fall
Momma sewed the rags together
Sewin' every piece with love
She made my coat of many colors
That I was so proud of
As she sewed, she told a story
From the bible, she had read
About a coat of many colors
Joseph wore and then she said
Perhaps this coat will bring you
Good luck and happiness
And I just couldn't wait to wear it
And momma blessed it with a kiss

My coat of many colors
That my momma made for me
Made only from rags
But I wore it so proudly
Although we had no money
I was rich as I could be
In my coat of many colors
My momma made for me

 

[lankanatha]

රෑ…. රෑ හඳේ හේනකින් සී පද ඇහුනයි….
හී…..හීනෙකින් ඒ හඬට මගෙ හිත බැඳුනයි…

රෑන බමරු වටකරගත් වැටකේ මල වැන්නේ…
නුඹෙ රූ වරුනා සී පද මට කියන්න සිත දෙන්නේ…

මී…. මීරකින් කීවොතින් ගී කවි සින්දු…
ආ….. ආදරෙයි කෝළ පෙම් රූබර ලන්ඳු….

හව්හරනෙට පැල ඉණි වැට විතරයි කල එළියේ…
මා කාන්සියේ රෑ වරුවම හිරිමල් හුරතලියේ….

පා… පාළුවේ රැ දවල් කිමද තැවෙන්නේ….
ගම්… ගම් ගොඩින් කවුරු හෝ කැන්දන් එන්නේ….

නපුරු බහට සොබා රුසිරු අඩුවක් නොම වන්නා…
රෑ බැත පාගන කමතෙදි කවි කියමුද අපි දෙන්නා….

රෑ…. රෑ හඳේ හේනකින් සී පද ඇහුනයි….
හී…..හීනෙකින් ඒ හඬට මගෙ හිත බැඳුනයි…

 

[LOL_SEEN]

http://www.elakiri.com/forum/showthread.php?t=1802564

 

[Dilzzzz]

විජිතය ආදරයේ ඔබමය ළඳුනි මගේ
මේ මුළු ජීවිතේ ඔබ තව දන්නේ නෑ
මා හැර ගිය දවසේ සිහිනෙන් මා දුටුවා
ඔබ නැති මා ජීවිතයේ තනි වී...............

සඳු ගිලිලා තරු නිවිලා
මගෙ ලෝකේ මා කඳුලේ ගැලිලා
ඔබ සතුටේ ඇතැයි සිතා
කඳුළු තුලින් හිනැහෙමි තාමත් මා..................

දළු දාලා මල් පිපිලා
ඔබ ලෝකේ හිනැහේවා සැමදා
හදට ඔබේ දුක ආ දා
මඑතැනයි පමා නොවෙමි කිසිදා

ප්‍රින්ස් උදය

 

[Sara531]

මල් මුතුලැල් නිල් තුරු වැල්
සකුණ විජිතයේ
මා සඟවා තබයි ඔබේ රාජධානියේ
ඇල් ගඟුලැල් නිල් දියරැල්
සිහින නිම්නයේ
මා සිතගාවමයි ඔබේ තාරකාවියේ


නිල් නුබවිල් පුන් සඳ රැල් විසිරෙනා වෙලේ
මේ හසකැන් තී දෙනුවන් තාරකා දිලේ
රන් රසුදැල් මල් හසරැල් සැසලෙනා හදේ
මේ නිකැලැල් ජීවන මල් මාලතී පිපේ
ජීවිතයෙන් ජීවිතේ වාසනා රැඳේ

මල් මුතුලැල් ......................

ගුම් විහඟුන් පෙම් පබැදුම් මුමුණනා උදේ
මාරුතයෙන් චාමරවන් ගායනා රැඳේ
රන් සිහිනෙන් ගිම් නිවමින් සැතපෙනා දිනේ
නෑ ලැතැවුල් සෝ කඳුළැල් මා ඔබේ ලොවේ
ජීවිතයෙන් ජීවිතේ වාසනා රැඳේ

මල් මුතුලැල් ......................


Artist : Uresha Ravihari & Jagath Wickramasinghe

 

[amoeba2576]

ආලයේ ගාථා - සජ්ජායනා කලා
ආලයේ මන්ත්‍ර - සිය වරක් ජප කලා
චණ්ඩාල වශි බන්ධනයෙන් හද බැද තබා
සාධුතර ස්වප්නය ට නිගා දී ඔබ ගියා......

 

[thilina91]

ඔබට සිත ආදරේ කරයි
දෙතොල ගොලළුවී සිටී
නැගුනු සෙනෙහේ කියනු බැරිවී
මගේ සිත වෙදනා විඳී..
ඔබට සිත ආදරේ කරයි...

Time flies!

 

[Aarya]

පහන් කණුවෙ හෙවන තමයි....හැමදා අපෙ උරුමේ.....
ඉර දෙ‍යි‍යෝ කො‍යි දොහේද....අනුකම්පා කෙරුවේ.....
Copied

 

[amoeba2576]

ගීයෙන් ගයන්නෙ ඔබ ගැන පද වැලට සත් සරින්
ඒ ඔබ ගැන ම හදේ ලියැවුණු ආදරේ නමින්
මට මෙය කියන්න ඔබ හට හද සැලෙනවා ඉතින්
ගීයෙන් අහන්න සුහදේ අමතන්නෙ ආදරෙන්

ශර්ලි වෛජයන්ත

අද නෑසුනත් මෙවැනි ගීත අපේ චිත්ත සන්තානයේ අවිඥානිකව තැම්පත් වී ඇත්ද?
අපේ පරම්පරාවට කලින් පරම්පරාවේ ගීයක් උනත් කුඩා අවධියේ ඇසුණ නිසාම, වැඩිමහලු සහෝදර සහෝදරියන් ගේ මුවින් මිමිණෙනු නිසාම මතකයේ රැදූන අපූරු ලස්සන ගීයක්

අහලා නැති චූටි කුකුළ්ලු වෙනුවෙන් ඔන්න මං අප්ලෝඩ් කරා හැබැයි මේක සන්ෆ්ලවර් එක

 

[yasi96]

තහනම් දැන් මට ඔයාගෙ
රූපෙ පේනා තැනක ඉන්නත්
මේ ලෝකේ පවුරු බැදිලා අප වටා…
මේ ගෙවෙනා මොහොත ගානේ…
ඔබව යාවී දුරට මාගේ
පුලුවන් නම් තබමි කාලේ නවතලා…

අපි ආයේ හමු වෙන්නෙ
කවදාදෝ නෑ දන්නේ
එතකල් ඉන්නවා මග බලා…
මා ඉන්නේ ලතැවිල්ලේ
හිත ඇතුලේ ගිනි දැල්වේ
ඔබ දන්නෑ මගේ වේදනා

තහනම් දැන් මට ..........

ඈයී දෝ මේ බාධා
අපි කාටත් නෑ වරදක් කරලා…
මේ කදුලක් පාසා
පෙම තව වැඩි වුනා…

නෑ අන්සතු වෙන්නෙ…
ඔබ මා ඉන්නා තුරු මේ ලෝකේ…
ඒ බව දිවුරන්නම්
ඔබ දුක් වෙන්නෙපා
අන්සතු වෙයි කියා
හිතන්නත් එපා
සදාකල් මගේමයි ඔයා…

ආදරයේ නාමෙන්
මෙතාක් කල් වින්දේ දුක විතරයි
ඒ ගැන වෙන කවුරුත්
නැහැ තේරුම් ගන්නේ…
ජීවිතයම මාගේ…
පවතින්නෙ ඔබෙ සෙනෙහේ හින්දා
මා හැර ඔබ ගියොතින්
අසරණ වේවි මා
ඉතින් කිසිම දා
වෙනස් වෙන්නෙපා
සදාකල් මගේමයි ඔයා

තහනම් දැන් මට ඔයාගෙ
රූපෙ පේනා තැනක ඉන්නත්
මේ ලෝකේ පවුරු බැදිලා අප වටා…
මේ ගෙවෙනා මොහොත ගානේ…
ඔබව යාවී දුරට මාගේ
පුලුවන් නම් තබමි කාලේ නවතලා…

අපි ආයේ හමු වෙන්නෙ
කවදාදෝ නෑ දන්නේ
එතකල් ඉන්නවා මග බලා…
මා ඉන්නේ ලතැවිල්ලේ
හිත ඇතුලේ ගිනි දැල්වේ
ඔබ දන්නෑ මගේ වේදනා

෴විරාජ් පෙරේරා෴

 

[Malinga]

අහස් ගැඹේ තරුකැට ගානේ
පොළෝ තලේ වැලිකැට ගානේ
නිල් සයුරේ රළ පෙළ ගානේ
ආදරෙයි මං ආදරෙයි

වදුළු සිරස පිපි මල් ගානේ
විහඟ තුඩක කිචි බිචි ගානේ
සිහින සිඹින මද නල ගානේ
ආදරෙයි මං ආදරෙයි

අහස් ගැඹේ .................

පිපෙන මියෙන හිරු සඳු ගානේ
සිතෙහි පිරෙන සිතිවිලි ගානේ
සිහින ගෙනෙන හැම රෑ ගානේ
ආදරෙයි මං ආදරෙයි

අහස් ගැඹේ .................


ගායනය :- චරිතා ප්‍රියදර්ශනී පීරිස්

 

[yasi96]

.•°´:::::::::::::::::::::::´°•._.•°´::::::::::::::::::::::´°•.
සඳු නිශාවේ..දේ කාන්තී සරදවකාශේ...
ඔබ සිනාසේ...දේ කාන්තී මහදවකාශේ...
පෙර ආත්ම බවයේ පැතූ සේ ලැබූ......
ඔබදෑසේ හොවා මා වෙත පා කෙරූ
මධු සිහිනේ තියේ මා දෑසේ සදා...
°•. :::::::::::::::::::::::::::::::::::::::::: .•°
°•.::::සඳු නිශාවේ::::.•°
°•. :::::::::::::::::: .•°
°•.:::::::.•°



​

 

[Malinga]

හීන ගේන සේද සේල ආදරේ මගේ
සීත නේන මීදුමේ ද හැංගිලා ගියේ
සීත රෑක දෑසෙ ඇන්ඳ තාරකා දැලේ
පාට පාට ඇන්ඳුවා ද නේත්‍ර මායිමේ
නීල පීත වර්ණ සාද ගීත සාගරේ
පීන පීන නැළවුණා ද සෙනෙහසේ අගේ

ජීවිතේ ම ඔබට දෙන්න සුවය මේ වගේ
ආදරේට ආ‍දරේ ම ගයමි මා ඔබේ
නෙතු පියාන ළඟම ඉන්න සිහින නිම් තෙරේ
මා නිසා ද ඔබව මැව්වෙ දේව දූතියේ

හීන ගේන ............

ජීවිතේ ම ගීතයක් ය හැඟෙයි රසවිතේ
ශෝක ගීත නෑ ඇසෙන්නෙ යුග සවන් ඉමේ
හෙව්ව හෙව්ව නෙත් ඉමේ ද දුර නොවේ දැනේ
මා නිසා ද ඔබව මැව්වෙ දෙව් ස්වාමිනේ

හීන ගේන ............


ගායනය :- නධීර නෝනිස්

 

[Malinga]

ජීවිතේ නම් ආදරේ දැන්
සිසිල දේ පවන සේ
දැනෙන් නෑ දැන් දුකක් කිසිදා
දැනේ හැමතැන ආදරේ

අතින් අත අරන් ඇවිදින්න නුඹ ළඟින් ඉඳන්
පෙම් සුසුම් අරන් හිනහෙන්න විසල් පෙම දරන්
ඔබ ළඟින් ඉඳන් කියනා මේ තුරුණු ගී අසන්
සොඳුර සඳ ‍වගේ ගලනා මේ ආදරේ අපේ
මේ ආදරේ හිතාගන්න බෑ
මගෙ ලෝකයත් නුඹ වෙලා

ජීවිතේ නම් .........

ජීවිතේ අරන් නවතින්න ඔය ලැගුම් පලෙන්
මිහිර අත අරන් සැනසෙන්න තුරුල්ලේ ඉඳන්
රසට රස අරන් පබදිනා මේ කවිය වී ලෙසින්
ආදරේ රැසින් හැඬවෙනා මේ ජීවිතේ අපේ
මේ ආදරේ හිතාගන්න බෑ
මගෙ ලෝකයත් නුඹ වෙලා

ජීවිතේ නම් .........


ගායනය :- චාමර වීරසිංහ