පද පේලි .....

[Malinga]

සඳේ එළියෙන් පවා ඇඳුණේ නුඹගේ සිනා
රැයේ සි‍හිනේ වෙලා හිනහෙන් මා හා ඔයා
හදේ සෙනෙහෙ අමතක කර නොයන් මා දමා
මගේ පණ ඔයා

රෑ සිහිනෙන් වත් ඇවිදින් හමුවන්න ඔයා
නුඹයි මගේ ජී‍විතේ සදා
සිහිනෙන්වත් හිතන්නෙපා යන්න මා දමා
ආදරෙයි මා සදා
අහිමි වෙන්න එපා හදේ නැගෙයි වේදනා
මගේ පණ ඔයා

මහද අහස් තලයේ පෑයූ සඳයි ඔයා
අමාවකයි නුඹ නැතිවුණ දා
හත්දින්නත් තරු පොකුරෙත්
දුටුවෙ නුඹෙ සිනා
ආදරෙයි මා සදා
අහිමි වෙන්න එපා හදේ නැගෙයි වේදනා
මගේ පණ ඔයා

සඳේ එළියෙන් පවා .............


ගායනය :- තුෂාර ජීවන්ත

 

[amandi3891]

සීත මාරුතේ වෙලෙමින් ඇස් දිහා බලන්
ඔබ මට ආදරේ කියූ
මතකය හීනයක් වගේ

ඈත මීදුමේ දිදුලන පුන් සදක් වගේ
එලියයි ඒ හැගුම් හිතේ ඔබමයි ජීවිතේ මගේ
දෑලේ ගගුලැල්ලක් සේ මා සීතයි හිත බෝමා
දෝරේ යයි සිතුවිලි සේනා ආදරයෙන් පෙගිලා
ජීවිතයේ සතුටයි මා දුටුවේ

සාගරයේ ගැඹුරයි ඒ හැගුමේ යහනේ
තනි යහනේ පේනා හීනෙන් ඉගි පානා
රෑ තුන් යම ඔය ඇස් මානා මා මුස පත් කරනා
ආදරයේ මිහිරෙන් මා නිව්නේ
ඒ ඇසුරේ අරුතින් මා ඉපිදේ ........


​

 

[NB Diamonds]

fatta

 

[amila_90210]

තරු නිල් නුවන් යායේ
සඳ ගලා ඉහිරෙන්නේ
මේ විශ්වයේ ඔබ
තනි වෙලා නෑ නංගියේ

 

[amila_90210]

මා නුවන් දියේ
පීනා නැගෙන් සඳේ
පායා දුරින් ඇදී ඈ මෙන්
පාවී නොයන් සඳේ

 

[m3pium]

මං .. නෑහ්

 

[m3pium]

නර්තන ලීලා මා මනබන්දන
නෙතු සිතු මායා අංජන ගල්වන
සිතුවිලි ගඟදිය නිබද කලම්ඹන
රාධාදෝ....
නුඹ..
යමුනා ගංතෙර..

~අමරසිරි පීරිස්~

 

[m3pium]

නිල් මහනෙලක් අතින් ගත්
රංගනිය නුඹ දිටීනම්..
හැබැහින් නුඹ පෙම් බඳින්නේ
ඇයට ද මට ද..


~විශාරද දීපිකා ප්‍රියදර්ශණී~

 

[amila_90210]

පෙම්බර වදන් නැළවෙනා
දුක්බර දෙබස් නම් එපා
සිනමා ලොවක මිසක
දිවියක සැබෑ ලොවක
දුක්බර චරිතයක් එපා

තුන් සිත දැහැන් ගත වෙනා
සිතුවිලි සසළ කරවනා
පදවැල් අතර වැයෙන
ස්වරයේ සප්ත වර්ණ
හිත ළඟ ගයනවද ඔයා

- කමල් අද්දරරාච්චි

 

[amila_90210]

හන්තාන දෙසින් එන
මුදු සීත සුළං රැළි
ඔබ තාම හොදින් හඳුනනවානම්
මේ පාන ඔබේ සුරතින් දැල්වූ
මං බෝම ප්‍රවේසම් කරගන්නම

 

[Malinga]

ඔබ නොදැක ගෙවුණු එක මොහොතක්
කල්පයක් තරම් මටනම්
ආදරේ හිතට දැනුනා
ඔබෙ රුව සිහිනෙන් දකිමින්

දිගු වරල කඩා ඉහිරවමින්
නෙත් කොනින් කියන රස කියමන්
මුදු දෙතොල් සලා සනසවමින්
ඔබ පාන සිනා මිණි පහනක්

ඔබ නොදැක ගෙවුණු .............

මා පතා උන්නෙ පෙර සසරෙත්
ඔබ කියා සිතේ මට සැනෙකින්
නෙතු පියන් වැසී යන දවසෙත්
ඔබ පමණි සරණ මතු ස‍සරෙත්

ඔබ නොදැක ගෙවුණු .............


ගායනය :- ඉන්දික ප්‍රසාද්

 

[m3pium]

සඳක්නම් බැස යන්න තිබුණා
හඬන අහසට අඳුර දී..
මලක් නම් ගිලිහෙන්න තිබුණා
කටු අගට ලස්සන නොදී..

පරවි තුඩකින් විලද දුන්නට
ගිරවියක වළදන්නෙ නෑ
කඳුළු බිඳුවක රැ‍දෙන ගින්දර
හිනාවක් හඳුනන්නෙ නෑ..

පොළව උසුලන සියළු දුක සැප
අහස් තලයෙනි හිමිවුණේ
පොලෝතලයට අහස දුර බව
සිතන්නේ ඇයි මිනිසුනේ..

~රොහන් ශාන්ත බුලේගොඩ~

 

[Malinga]

නොදැක ඉන්න බෑ මටනම් මගෙ ආදරී
නොලැබ ඉන්න බෑ තවනම් ඔබෙ ආදරේ
නොසිත ඉන්න බෑ මටනම් කිසිදා ළඳේ
නොවිඳ ඉන්න බෑ ඔබෙ ආදරේ

පැහැඳුල් කථා මත‍කේ වෙලා
දෙනුවන් තෙමා පියමන් කළා
පෙර පෑ සිනා පාවී ගියා මා හැරදමා
සිහිවේනවා ඔබ කී කථා මුලු රෑ පුරා
මතකේ දරා විඳිමී සදා

මිහිඳුම් වළා සලුවෙන් වෙලා
පැතුමන් දරා රකිමී සදා
පෙර පෑ සිනා පූජා කළා අඳුරේ තියා
සඟවා දමා මේ වේදනා යලි එන තුරා
දිවියේ පුරා ඉඳිමී බලා

නොදැක ඉන්න බෑ ...............


ගායනය :- රුවන් හෙට්ටිආරච්චි

 

[m3pium]

තුරු මුදුනක රොනින් සැලී
මල්සර මධු සඳත් අරන්
ගිරි සිරසක බලා හිඳින්නම්...
ඔබ එනව ද ආදරේ අරන්..

නිල් දිය මත නිලට පිපී
නිසල විලක සිසිල අරන්
අලුත් හෙටක හමුවෙන්නම්..
හිත පුරාම ආදරේ අරන්..
~කසුන් කල්හාර / රූපිකා~

 

[coolnishan]

තුරු මුදුනක රොනින් සැලී
මල්සර මධු සඳත් අරන්
ගිරි සිරසක බලා හිඳින්නම්...
ඔබ එනව ද ආදරේ අරන්..

නිල් දිය මත නිලට පිපී
නිසල විලක සිසිල අරන්
අලුත් හෙටක හමුවෙන්නම්..
හිත පුරාම ආදරේ අරන්..
~කසුන් කල්හාර / රූපිකා~

 

[amila_90210]

නොදැක ඉන්න බෑ මටනම් මගෙ ආදරී
නොලැබ ඉන්න බෑ තවනම් ඔබෙ ආදරේ
නොසිත ඉන්න බෑ මටනම් කිසිදා ළඳේ
නොවිඳ ඉන්න බෑ ඔබෙ ආදරේ @ මාලිංග

 

[m3pium]

අප හමුවූවත්
නොවුනත්
කාලය ගතවී යනවා
අප තනිවූවත්
නොවුනත්
ලොව එකසේ...
පවතිනවා..

 

[amandi3891]

මම යන්නම් ඔබ කියන විටක යන්නම්
ඔබට නොපෙනෙන්නට සැගවී මම ඉන්නම්
මොහොතක් හෝ.....ඔබ දැකගනිමින් යන්තම්
ඒ වන තුරු ඔබ ලඟ ඉන්නට ඇත්නම්...

වන මල් සුපිපෙණ අසපුව ඔබගේ හදවත
එහි මට ඉන්නට අවසර දෙනු මැන හිතවත...

මම යන්නම්...

සදාකාලිකව ඔබ හදවත මට හිමි නැත..
කෙටි කලකට වුව මට එහි ලොව්තුරු සුව ඇත...

මම යන්නම්..​

 

[Malinga]

කඳුළු සුන්දර ද මාව හඬවන්නේ
ඔබට සතුටක් ද කඳුළු දුටු මොහොතේ
කඳුළු සුන්දර ද

සුන්දරයි කවිය ඔබ ලියූ පෙමට
මටත් නොදැනීම හැඬුවෙ කවි කමට
එපා හඬවන්න මා ආදරෙන් ඉන්න

කඳුළු සුන්දර ද .................

සියුම් වැඩි කමට මගේ හද මඬල
පුංචි රිදුමකට හැ‍ඬෙයි නොදැනීම
එපා හඬවන්න මා ආදරෙන් ඉන්න

කඳුළු සුන්දර ද .................



ගායනය :- කිංස්ලි පීරිස්

 

[Malinga]

ඉවසයි ද මන්දා මා දුන් රිදුම්
වෙන්වීල ආ දා වෙනතක් බලන්
උන්නාට මා රහසේ තුරුළක හෙමින්
මට ඉන්න බෑනේ මතකෙට හොරෙන්

තනියෙන් ම වින්ඳා දුන් දුක් සුසුම්
තව කඳුළු නෑ මේ දෙනෙතේ ඉතින්
ගියදා ම ඔබ ඔහු හා ඉගිල්ලී හොරෙන්
මට මාද නැතිවුණා සත්තයි හෙමින්

ගොලුවෙච්ච තරු දෑසේ කඳුළැල් උණන්නේ
දරාගන්න බෑ මේ මතකේ විලාපේ
ආ‍දරේ ඔබෙන් තරම් ලැබුණේ නෑ කාගෙන්වත්
රැකගන්න බැරිවුනෙ ඒ සංසාර ආදරේ
ගියදා ම ඔබ ඔහු හා ඉගිල්ලී හොරෙන්
මට මාද නැතිවුණා සත්තයි හෙමින්

මේ පාලු දුක් සිහිනේ අතරමංවෙලා බොහො සේ
ආයෙ ගන්න බෑ සෙනෙහස ඔබේ
ජීවිතය වැටුණ තරම් නැගිටගන්න බෑ ආයේ
මැරි මැරී උපදී මේ සංසාර ආදරේ
උන්නාට මා රහසේ තුරුළක හෙමින්
මට ඉන්න බෑනේ මතකෙට හොරෙන්

ඉවසයි ද මන්දා ...............


ගායනය :- අතුල අධිකාරි හා සමිතා එරන්දතී මුදුන්කොටුව