එළකිරි කෑම-බීම - Elakiri Food Menus Mega Thread

[polwattacom]

ඔන්න ඊයේ රෑ හදල දුන්න වැඩේ ඉස්මුරුත්තාවට එන්නම... රෙසිපියට තෑන්ක්ස්

 

[ashmi]

Wella wahun kiyanne pan cake walata..

 

[Nisansee]

ඔන්න ඊයේ රෑ හදල දුන්න වැඩේ ඉස්මුරුත්තාවට එන්නම... රෙසිපියට තෑන්ක්ස්

මේක දැක්කම නම් බඩගිනි උනා... මං ආසම ඉන්දියන් කෑම වලටනෙ.....

 

[paris]

Bump

 

[sdlrs6]

!පැණිය ඇවිත්

 

[Nisansee]

ඔය කීවේ තට්ට කිකිළි ඉතිං එකක්........
වෙල්ලවැහුං කියන්නේ වණ්ඩු ආප්ප වලට.....
විශෞෂයෙන් මට්ටියට කඩ වැස්මක් බැදලා ඒ කඩ වැස්ම උඩ තියල තම්බන වණ්ඩු ආප්ප වලට....

එහෙමත් එකක්ද.......මං දන්නේ පාන් පිටි වලින් හදන කෑමක් වෙන්න බෑ කියල විතරයි.....

 

[Dinushasankalpa]

දෑස පියාගත් කල මට මැවෙන්නෙ ඔබ රුව..
ඈත හෝටලෙන් එන නල ගෙනෙන්නෙ රස...

දෑස පියාගත් කල මට මැවෙන්නෙ ඔබ රුව..
ඈත හෝටලෙන් එන නල ගෙනෙන්නෙ රස...

කිකිලියේ...........අමතක නොවේ.....
රෝස් කල රුවේ......... බඩ සැනසුවේ........

 

[dwpsg]

ලැවරි‍ය

දැන් නං ඉතුරු පිඟාන විතර‍යිලු

​

එල එල තනියම් කාපන් ඉතින්

 

[Nisansee]

කතුරු මුරුංගා හදමු.....

අවශ්‍ය ද්‍රව්‍ය :-
​

කතුරු මුරුංගා කොළ
රට ළූණු
වියලි මිරිස් කරල්
හාල්මැස්සෝ
ඉස්සෝ
රටකජු
තෙල්
බේකින් පව්ඩර්

හදන විදිය...:-

කතුරු මුරුංගා කොළ වෙන් කරගෙන හොඳට හෝදලා පොඩ්ඩක් වේලෙන්න තියන්න....රට ළූණු හීනියට කපා ගන්න...කපපු රටලූණු ටිකට බේකින් පව්ඩර් තේ හැන්දක් වගේ දාල පැත්තකින් තියන්න... ( ළූණු බේකින් පව්ඩර් දාල තියල බැද්දම හොඳට ක්‍රිස්පි වෙනවා ).......ඊට පස්සේ තාච්චියක් ලිපේ තියල තෙල් දාගන්න...ගැඹුරු තෙලේ බදින්න ඕනි කරන තරමට තෙල් දා ගන්න....රට කජු ටික ගැඹුරු තෙලේ බැදලා තෙල් බේරෙන්න පැත්තකින් තියන්න...ඊ ලඟට කතුරු මුරුංගා කොළ ටිකත් ගැඹුරු තෙලේ බැදලා තෙල් බේරෙන්න වෙනම අරන් තියන්න...මේ විදියට හාල්මැස්සෝ ටිකත් ඉස්සෝ ටිකත් බැදලා වෙන වෙනම අරන් තියන්න....ඊ ගාවට ළූණු ටිකත් ගැඹුරු තෙලේ බැදලා අරන් පැත්තකින් තියන්න....ලුණු වතුරේ දාල තිබුණු මිරිස් කරල් ටිකත් අරන් බැදලා පැත්තකින් තියන්න....

​

බැදපු හැම දේම හොඳට තෙල් බේරෙන්න තියන්න...

මෙන්න මේ වගේ කතුරු මුරුංගා කොළ ටික හොඳට තුනී කරලා තියන්න සුදු පත්තර කඩදාසියක හරි සර්වියට් පේපර් එකක හරි....

ඊට පස්සේ හාල්මැස්සෝ පොඩි කෑලි වලට කඩන්න...ඉස්සොත් කඩන්න...

රටකජු වල පොත්ත අයින් කරල් රටකජු පියලි කර ගන්න...ඒ අතරේ දෙක තුනක් කෑවට කමක් නෑ.... මිරිස් කරල් ටිකත් කෑලි වලට කඩන්න....ඊට පස්සේ හැම දේම එකට කලවම් කරලා රස අනුව ලුණු කුඩු එකතු කරන්න.....

​

 

[Dinushasankalpa]

කතුරුමුරුංගා බැද්දම බයිට් එකට මරු !

 

[shaminda peiris]

කතුරුමුරුංගා බැද්දම බයිට් එකට මරු !

 

[IDG]

home made kottu coming soon................

 

[IDG]

.කිලියේ...........අමතක නොවේ.....
රෝස් කල රුවේ......... බඩ සැනසුවේ........

කුකුලෙක් අරන් එනවා දාමු BBQ එකක්

 

[Dinushasankalpa]

කුකුලෙක් අරන් එනවා දාමු BBQ එකක්

කුකුලෙකුයි ඌරු ගාතෙකුයි ගෙනත බෝතලේකුත් ගෙනත් ම දාමු බං
බයිට් එකට වග තියන්න සෙනග ඉන්නවා නේ

 

[dwpsg]

කතුරු මුරුංගා හදමු.....

[/CENTER]

ම්ම් මාරු. මමත් අසම කෑමක්, එත් තෙල් ගතිය වැඩි එක තමා අව්ල

 

[Nisansee]

ම්ම් මාරු. මමත් අසම කෑමක්, එත් තෙල් ගතිය වැඩි එක තමා අව්ල

හැම දේම බැදලා සුදු පත්තර කඩදාසියකට හරි සර්වියට් පේපර් එකකට හරි දාල ගොඩක් වෙලා තියන්න...අර මං ෆොටෝ ඵල දාල තිබ්බ වගේ හොඳට තුනී කරලා තියන්න....සැරෙන් සැරේ කොළ මාරු කර කර පැයක් දෙකක් තිබ්බම තෙල් ගතිය ගොඩක් අඩු වෙනවා....හැබැයි කතුරුමුරුන්ගා කොළ වල ක්‍රිස්පි ගතිය නැති වෙන්න කලින් ගන්න ඕනි......පුළුවන් නම් කතුරුමුරුංගා කොළ පොඩි නොවෙන්න ලාවට තෙල් ටික පිහ දාන්න......

 

[polwattacom]

Baked Potato with Garlic Bread

මෙන්න මගේ අද ඩිනර් එක.. පින්තුර සමග රෙසිපිය..
මම මේකට දාපු කුළුබඩු ජාති ලංකාවේ හොයාගන්න නැත්තම් ටිකක් හිතල බලල එව්වට ගැලපෙන ආදේශක යොදාගෙන අල ටික බේක් කරගන්න පුළුවනි..


අවශ්‍ය ද්‍රව්‍ය

අල ගෙඩි කිහිපයක්...
පැප්රිකා කුඩු ටිකක්..
ගම්මිරිස් කුඩු ටිකක්..
ලෙමන් පෙපර් ටිකක්..(දෙහි ගෙඩි කිහිපයක කොලපාට පොත්ත සුරල අරගන්න )
සයන් පෙපර් .. (මිරිස් කුඩු බොහොම ස්වල්පයක් )
ලුණු කුඩු ටිකක්..
ඔරිගානෝ ස්වල්පයක්..(ඔරිගානෝ නොමැතිනම් පාස්ලි ටිකක් චොප් කරලා ගන්න )
ඔලිව් තෙල් ටිකක් .. ( ඔලිව් තෙල් නැත්තම් බටර් හෝ මාගරින් ටිකක් පොල්තෙල් ස්වල්පයක මිශ්‍රකරලා ගන්න )

අල ගෙඩි ටික පොතු ඇරලා පින්තුරේ විදිහට කපාගන්න.. පොතු අරින්න කලින් අල ටික හොඳින් සෝදන්න.. පොතු අරියයින් පස්සේ සෝදන්න එපා..

දැන් කුළුබඩු ජාති ටික අල ටික උඩට දාන්න... ලුණුත් අවශ්‍ය තරමට දාන්න.. ලෙමන් පෙපර් නැත්තම් කුරුටුගාගත් දෙහි පොතු හොඳින් සිහින්ව චොප් කරගෙන අල වලට එකතු කරන්න.. ඔරිගානෝ හෝ පාස්ලි චොප් කරලා අරගෙන අල ටිකට එකතු කරන්න.. ඔලිව් තෙල් හෝ බටර් ටික එකතු කරගෙන අල ටික හොඳින් අනාගන්න... කුළුබඩු මිශ්‍රණය හොඳින් තෙල් හෝ බටර් සමග අල කෑලි වල සම්පුර්ණයෙන්ම දැවටිලා තියෙන්න ඕන මෙන්න මේ විදිහට..

අවන් එක සෙල්සියස් 175 (මෙහෙ ෆැරන්හයිට් 350 ) ට වගේ පය කාලක් විතර රත් වෙන්න තියන්න.. අවන් එක රත් වෙනකම් කේක් තැටියක් හෝ අවන් එකේ දාන්න පුළුවන් භාජනයක් අරන් භාජනයේ ඇතුල් පැත්තේ බර්ට් ටිකක් ගාගන්න... ඊට පස්සේ අල ටික පිළිවෙලකට තැන්පත් කරන්න.. අල ටික තැටිය උඩින් තිබ්බයින් පස්සේ අල භාජනයේ ඉතුරු වෙන තෙල් හෝ බටර් කුළුබඩු මිශ්‍රණය අල උඩින් වක්කරන්න.. මෙන්න මේ වගේ..

අවන් එක රත් උනායින් පස්සේ අල තැටිය අවන් එකේ තියන්න.. පැය භාගයක් වගේ බේක් උනාම ඇති.. හොඳටම ඩ්‍රයි වෙන්න ඕනෙනම් විනාඩි 45ක් විතර තියන්න...

අල ටික බේක් වෙන අතරේ ගාර්ලික් බ්‍රෙඩ් එක හදාගන්නේ මෙහෙමයි..

අවශ්‍ය ද්‍රව්‍ය..

පාන් පෙති කිහිපයක්..
බටර් හෝ මාජරින් ටිකක්..
සුදුලූනු බික් කිහිපයක්..
පාස්ලි ටිකක් .. (මටනම් පාස්ලි තිබ්බේ නැතෝ )

සුදුලූනු සහ පාස්ලි ටික හොඳින් චොප් කරගන්න.. ඊට පස්සේ සුදුලූනු, පාස්ලි බටර් ටික එක්ක අනාගන්න.. මෙන්න මේ වගේ..

ඊට පස්සේ අනාගත්තු බටර් මිශ්‍රණය පාන් පෙති වල ගාගන්න..

ඊට පස්සේ පාන් පෙති අවශ්‍ය තරමට පොඩියට කපාගන්න.. ( අවශ්‍යනම් පමණයි)

දැන් පාන් පෙති ටික තැටියක තියල අවන් එකේ දාන්න... කලින් සෙට් කරපු උෂ්නත්වෙටම දැම්මට කමක් නැහැ.. ඒත් ඇහැගහගෙන ඉඳල පාන් කරවෙන්න කලින් එලියට ගන්න.. පාන් අවන් එකේ දාන්න ඕන කාලය අවට පරිසරයේ සහ පාන් පෙත්තේ තියෙන ජලවාෂ්ප ප්‍රමාණය එක්ක වෙනස් වෙන නිසා බටර් ටික දියවෙලා ගිහින් සුදුලූනු ටික කරවෙන්න ගන්නකොටම එලියට ගන්න ඕන...


අල ටික සෙට් උනාම මේ විදිහට තියේවි..

පාන් ටිකත් හරි ගානට බේක් උනාම වැඩේ ලස්සනට තියේවි..

මෙන්න මෙහෙම තමයි වැඩේ අවසන් උනාම... පාන් පෙති උඩ තියෙන්නේ කර වෙච්ච සුදුලූනු..

ඔන්න ඔහොමයි දවල් කාපු වෙලාවේ ඉඳන් උත්තර හොයපු ," රෑට කන්නේ මොනවද? "කියන ප්‍රශ්නෙට උත්තර හම්බ උනේ...

කව්රුහරි මේක හදනවනම් මටත් බලන්න පින්තුර දාපියෝ...

 

[๑۩praneesha۩๑]

Baked Potato with Garlic Bread
කව්රුහරි මේක හදනවනම් මටත් බලන්න පින්තුර දාපියෝ...

අපේ ක්ලාස් එක ගාවින් මම කාලා තියෙනවා. ඒ උනාට ඒවා දුඹුරු පාට වෙන්න බේක් කරපු අල.. ඔහොම දිලිසෙන්න නම් තිබුනේ නැහැ

 

[polwattacom]

අපේ ක්ලාස් එක ගාවින් මම කාලා තියෙනවා. ඒ උනාට ඒවා දුඹුරු පාට වෙන්න බේක් කරපු අල.. ඔහොම දිලිසෙන්න නම් තිබුනේ නැහැ

මේ මම ආස ප්‍රමාණය තමයි.. ඕනෙනම් තව දුඹුරු වෙන්න බේක් කරන්න පුළුවනි ඉතින්..

 

[Ridila™]

Baked Potato with Garlic Bread

ඩිනර් එකට ඔච්චර පොඩ්ඩද පොල් අයියෙ කන්නෙ?