පඩේකට ගනන් ගන්න එපා බන්..දවස් දෙක තුනක් කාගෙන ඉඳපන්..ඊට පස්සෙ ගානක් නැති වෙයි...උන් හිතාගෙන ඉන්නෙ උන් දාල ගියාම අපිට කෙල වෙලා ජීවිතේම අවුල් කරගනියි කියල...මටනම් පේන්න බෑ ගොං හැත්තව..මගේ ලව් එකට කෙල වෙලා අවුරුදු හතරකට කිට්ටුයි...ගට අරගෙන උඹේ ටාගට් එකට පලයං..!!!ඔය ගෑනුන්ව ගනන් ගන්න එපා පඩේකට,,,
try to save money to buy a kwid car...then you can find a girl easily
= Power of Breakup =
ඔබේ හීන පස්සේ දුවන්න මේක තමයි හොඳම චාන්ස් එක.
ඔබ මෙච්චර කල් හීන දැකපු පොත ලියන්න
මෙච්චර කල් හිතපු කම්පැනිය පටන්ගන්න
අඳින්න බැරි උන චිත්රේ අඳින්න
යන්න බැරි වෙච්ච ගමන් යන්න
මේක මම ගැන ගැන විතරක් කතාවක් නෙවේ මේක අපි හැමෝම ගැන කතාවක්. මම සරලව අහන්නම් ඔබ සිංගල්ද නැද්ද? උත්තරේ නෑ හෝ ඔව් වෙන්න පුළුවන්. ඔබ කවදා හරි සීරියස් රිලේෂන්ෂිප් එකක ඉඳලා තියනවාද? එකටත් උත්තරේ නෑ හෝ ඔව් වෙන්න පුළුවන්. හැබැයි මම මෙහෙම ප්රශ්නයක් ඇහුවොත්. ඔබට ජීවිතේ එකම එක වතාවක් හරි දරාගන්න බැරි තරම් ලොකු සිත් බිඳීමක් ඇතිවෙලා තියනවාද? ඒකට උත්තරේ ඔව් හෝ නෑ නෙවේ. ඔබට ජීවිතේ එකම එක වතාවක් හරි එහෙම වෙලා තියනවාමයි. හිත් බිඳීමක් කියන්නේ ඔබ හිතන තරම් විශේෂ දෙයක් නෙවෙයි. ඔබ හිතන තරම් විරල දේකුත් නෙවෙයි. නිකමට හිතන්න මේ වෙලාවේ මේ මොහොතේ ලෝකේ ඉන්න මිනිස්සු කී දෙනෙක් තමන් ජීවිතේ හැම දේකටම වඩා ආදරේ කරපු සම්බනදතා වලින් වෙන් වෙනවා ඇතිද?. තව කී දෙනෙක් තමන්ට හරියනම කෙනා හොයාගෙන අලුතෙන් ජීවතේ පටන් ගන්නවා ඇතිද? ඕක මේ ලෝකේ හරිම සාමාන්ය සිදුවීමක්.
අපි දකින අහන බලන ගොඩක් කතා වල කෙල්ලයි කොල්ලයි සෙට් වෙනවා කියන තැනින් ඉවර වෙනවා. වීරයා දුෂ්ටයා පරාද කරලා කෙල්ල බේරා ගන්නවා. ඒත් ප්රශ්නේ තියන්නේ ඇත්තටම කතාව ඉවරවෙන්නේ එතනින්ද කියන එක. අපි කවුරුත් මේක හිතන්නේ නෑ.
What happens after happily ever after?
ඒක ගැන අපි කතා කරන්නේ හරිම අඩුවෙන්..
මම පරණ පුරාවෘත්තයක් කියන්නම්. මීට අවුරුදු දහස් ගානකට කලින් මිනිස්සුයි දෙවියොයි අතර වෙනස් කමක් තිබ්බේ නෑ. හැම මිනිහෙක්ටම ලිමිට් එකක් නැතුව පවර්ස් තිබුනා. එත් කාලයක් යද්දී මිනිස්සු මේ පවර්ස් මිස් යූස් කරන්න ගත්තා.
ඉතිං කතාවේ හැටියට සර්වබලධාරී දෙවියන් වහන්සේ තීරණේ කළා මිනිස්සුන්ගේ ඇත්ත පවර් එක ඇත්ත එනර්ජි එක හංගන්න. ඉතිං දෙවියෝ දේව සභාව රැස් කරලා ඇහුවා
“මේක හරියන්නේ නෑ. අපි මේ මිනිස්සුන්ට දීලා තියන පවර්එක මිනිස්සුන්ට හොයාගන්න බැරි වෙන්න හංගන්න ඕනි. “
පලවෙනි ඇඩ්වයිසර් කියනවා
“ඕක පොළොවේ ගැඹුරේ හංගන්න”
සුප්රීම් ගෝඩ් කියනවා
“නෑ මිනිස්සු ටික කාලයක් යද්දී ඒක හොයාගනී”
දෙවැනි ඇඩ්වයිසර් කියනවා
“ඕක මුහුදු පතුලට දාන්න ”
සුප්රීම් ගෝඩ් කියනවා
“නෑ මිනිස්සු ටික කාලයක් යද්දී ඒකත් හොයාගනී”
තුන් වෙනි ඇඩ්වයිසර් කියනවා
“ඕක උසම කඳු මුදුනේ හංගන්න ”
සුප්රීම් ගෝඩ් කියනවා
“නෑ මිනිස්සු ටික කාලයක් යද්දී ඒකත් හොයාගනී”
සුප්රීම් ගෝඩ් දවස් ගානක් කල්පනා කරලා හිතනවා. මේ පවර් එක හංගන්න ඕනි වෙන කොහෙවත් නෙවේ මිනිහෙක්ගේ හිත ඇතුලේ. මිනිස්සු වැඩියෙන්ම ජීවිතේ හොයන්නේ බාහිර පරිසරයෙන් . තමන්ගේ ඇතුලතින් නෙවෙයි.
ඒ පවර් එකට අපිට මතු කර ගන්න පුළුවන් විදි දෙකක් තියනවා. එක්කෝ අපි හදවත ඇතුලට ඇත්තටම වටිනා කෙනෙක්ට ඇතුල් වෙන්න දෙන්න ඕනි.ඒ කියන්නේ අපි ඇත්තටම ආදරේ කරන්න ඕනි. එතකොට ඒ කෙනාට පුළුවන් මේ පවර් එක ළිඳකින් වතුර අදිනවා වගේ ටිකින් ටික එලියට ගන්න
දෙවැනි එක ටිකක් දරුණුයි. ඔබේ හිත බිඳෙන්න ඕනි. ඔව් කෑලි කෑලි වලට කුඩු වෙලා යන්න ඕනි ආපහු කෑලි එකතු කරන්න බැරි වෙන්නම. එතකොට ඔබට හම්බෙනවා සම්පුර්ණම පවර් එක. එක පාරම. මතක තියා ගන්න මේ ලෝකේ නෙගටිව් එනර්ජි පොසිටිව් එනර්ජි කියලා දෙකක් නෑ. තියන්නේ එනර්ජි විතරයි. අපි ඒක යූස් කරන විදිහ මතයි අවුට් පුට් එක තීරනය වෙන්නේ.
ඉස්සෙල්ලම අපි ආදරේ ගැන කතා කරමු. ආදරේ කියන්නේ ලොකු කනෙක්ෂන් එකක්. අපි කාව හරි අපි තියන හැම ලිමිට් එකක්ම අයින් කරලා අපේ හදවතට ෆුල් ඇක්සස් දෙනවා. අපි ආයේ අපේ හදවත ඇතුල ගැන බලන්නේවත් නෑ. ඒක ඇතුල ඒ කෙනා කාබාසිනියා කරලා දානවද නැත්තම් සරසනවද කියලාවත් නොහිතා අපි ඔහේ ඉන්නවා. ඒක අපි අපේ පවර් එක කන්ට්රෝල් කරන්න වෙන කෙනෙක්ට බාර දීමක් වගේ. ඒක අපි හදවතට ඇතුල් කරගන්න පුද්ගලයාට සාපේක්ෂයි. ඒ නිසා ඒක ගැන පොඩ්ඩක් හිතන්න. අපි ආදරේ කරද්දී ඩෝපමීන් ශ්රාවය වෙනවා. ඒකම චොක්ලට් කද්දීත් වෙනවා. ජිම් එකට ගිහිං එක්සයිස් කරද්දීත් ඒක වෙනවා. අපි ඒකට ඇඩික්ට් වෙනවා. අන්තිමේ අපිට ඒක නැතුව බැරි වෙනවා. අපි ඇඩික්ට් වෙනවා. ප්රශ්නේ තියන්නේ අපි ඇඩික්ට් වෙන්නේ හරි දේටද කියන එක.
අපි හදවත ඇතුලට ගත්තේ හරි කෙනා නම් ඔබට ටිකින් ටික ඔබේ එනර්ජි එක හම්බෙයි. පොසිටිව් විදිහට. ඔබ ගත්තේ වැරදි කෙනෙක් නම් ඒත් ඔබට එනර්ජි හම්බෙයි. නෙගටිව් විදිහට.
හැබැයි අපි කරන මේ ආදරේම තමා හාට් බ්රේක් එකකට හේතු වෙන්නෙත්. ඒ වෙලාවේදී අපි නොහිතන තරම් අපිට පාලනය කරගන්න බැරි තරම් එනර්ජි එකක් එලියට එනවා. ඒක දරාගන්න බැරුව සමහරු මැරෙනවා. සමහරු ඒ එනර්ජි එක පොසිටිව් විදිහට යූස් කරනවා .
ඇත්තටම කිව්වොත් දරුණු හිත් බිඳීමක් කියන්නේ වෙස් වලාගත්ත ආශීර්වාදයක්. ඒක අපි හරි විදිහට හරවගන්න ඕනි.කොහොමද ඒක කරන්නේ.
අපි කරන හැම දේකටම අපි අපේ ඉමොෂනල් එනර්ජි එක යූස් කරනවා. ඔව් කවි ලියන අය කවි ලියන්න , පේන්ටින් කරන අය ඒකට, ව්යාපාරිකයෝ ව්යාපාර පටන් ගන්න වගේ ලෝකේ මෙච්චර කාලෙකට කරපු සාර්ථක හැම දේකටම අපිට ඕනි මුලින්ම ඕනි ඉමොෂනල් එනර්ජි එකක්. ඒ නිසා මතක තියාගන්න දැන් ඔබට ඔබේ ජීවිතේ සාර්ථක කරගන්න කික් එක අහම්බෙලා තියෙන්නේ. කික් එක කාගෙන් වැටිලා පොලොව බදාගෙන ඉන්න එක මෝඩ වැඩක් නෙවෙයිද කියලා ඔබම හිතලා බලන්න.
විස්වාස කරන්න බැරිද තාමත් හිත් බිඳීමක් මේ තරම් බලවත් කියලා. එහෙනම් පොඩ්ඩක් ඔහොමම නවතින්න
ග්රීක් වචනයක් තියනවා “මෙරාකී” (meraki) කියලා එකේ තේරුම
To do something with soul, creativity, or love you put into something, essence of yourself put into your work.
සරලව නම් Power of doing things with love. ඒ වචනේ තේරුම සරලව සිංහලෙන් පැහැදිලි කරනවට වඩා පොඩිම පොඩි උදාහරනයක් දෙන්නම්
ඇයි අපිට අපේ අම්මා හදන කෑම රහටම දැනෙන්නේ. සරලයි ඒවා හදන්නේ ආදරෙත් එක්ක.ඒවා හදන්නේ හදවතින් එන ෆීලින් එකක් එක්ක. ඒක තමයි ආදරේ කියන එක ඇතුලේ තියන ඉමොෂනල් එනර්ජි එක.ඒක තමා ආදරේ කියන එක ඇතුලේ තියන පවර් එක
හැබැයි ආදරේ කියන එකේ අමුතු ෆ්ලෝ එකක් තියනවා. අපි ආදරේ කරද්දී අපි කරන්න බැරි කරන්න අමාරු දේවල් කරන්නේ අපේ පාර්ට්නර් වෙනුවෙන් විතරයි. ඔව් ඒක එහෙම තමයි වෙන කවුරුත් වෙනුවෙන් නෙවෙයි. අපි වෙනුවෙන් වත් නෙවෙයි. ඒ කෙනා වෙනුවෙන් විතරමයි.
ඇත්තටම අපි කී පාරක් මේක එක එක විදිහටම කියලා තියෙනවද?
i'll catch a grenade for you
i'll go to the moon and back if you be my baby
I’ll die for you
බ්ළා… බ්ලා… බ්ලා
මිනිස්සුන්ට තියනවා පුදුමාකාර හැකියාවක්. ඒක තමයි තමන් තමන්ට කරන්න බැරි දේවල් කරන්න පුළුවන් කෙනෙක් වෙන එක. ආදරේ වෙනුවෙන්. හැබැයි ඒ තමන් ආදරේ කරන එකම එක කෙනා වෙනුවෙන් විතරයි.
හා හා.. ඇති ඇති.. දරුණු හිත් බිඳීමක පවර් එක ගැන කියන්න ගිහින් මම මේ මොනවද කියන්නේ නේ කියලා ඔබ හිතනවා වෙන්න පුළුවන් .. නෑ මම වැරදි පාරක ගියා නෙවෙයි.
හිත් බිඳීමක් කියන්නේ ඔබ ආදරේ කරන කෙනාගේ වෙන් වීමක්ම වෙන්න ඕනි නෑ. දෙමාපියන්ගේ යාලුවන්ගේ ජොබ් එකේ එහෙමත් නැත්තම් ඔබ ආදරේ කරන ගෙදර බල්ලා මැරුණ එකෙන් පවා ඔබේ හිත බිඳෙන්න පුළුවන්.
කොහොමද හිතක් බිඳෙන්නේ, කාරණා තුනයි
1. එක තමා අපි ආදරේ කරන කෙනා අපිට බෑ කියන එක, අපිව ප්රතික්ෂේප කරන එක
2. අපි ආදරේ කරන කෙනා අපිට චීට් කරන එක
3. අපි ආදරේ කරන කෙනා මැරෙන එක
ඔය තුන ඇතුලේ වෙන්නේ මොකක්ද? අපි එක පාරට තේරුම් ගන්නවා අපි ආදරේ කරපු දේ එතෙනින් එකපාරට අතුරුදහන් වෙලා කියලා. මේ හිටියා මේ නෑ. හැබැයි ආදරේ එහෙම ස්විච් එකකින් වගේ එක පාරට අතුරුදහන් කරවන්න බෑ. ඔන්න අපේ ආදරේ එහෙමම ඉතුරුයි. ඒ ආදරේ අපිට මේ වෙලාවේ අපි අපිටම ෆෝකස් කරොත් කොහොම දෙයක් වෙයිද? නිකමට හිතලා බලන්න. තමන් ආදරේ කරපු කෙනා තමන්ගෙන් රී ප්ලේස් කරගන්න. තමන්ට තමන් වෙනුවෙන් ඕනි දෙයක් කරන්න පුළුවන් කෙනෙක් වෙන්න. කොහොමද ඒක..
මම මගේ ජීවිතේ ගැන හැරිලා බැලුවොත් මම උනත් ඇත්තටම මට කියලා කරගෙන තියන ලොකුම දේවල් ටික කරගෙන තියන්නේ, ලොකුම ලීප්ස් පැනලා තියන්නේ මම මොකක්ම හරි හිත් බිඳීමකින් හිටපු කාලවල් වල.හරියටම කිව්වොත් ඒක පැට්න් එකක්. ඒ හැම එකකම පොදු සාධකය තමයි හාට් බ්රේක් එක. මගේ හිත බිඳුන ගමන් මම කරන්නේ ඒ එනර්ජි එක වෙන දේකට ෆෝකස් කරන එක. සරලයි. මට කාලයක් හිතුනා මට පිස්සු කියලා ඒත් ඒක මට විතරක් නෙවේ ලෝකෙටම පොදු දෙයක්. මම තේරුම් ගත්ත එකම එක දෙයක් තියනවා. ලෝකේ හොඳම ආර්ටිස්ට්ලා , මාස්ටර්පීසස් හැම කෙනෙක් ඇතුලෙම ඒකට හේතු වෙච්ච ලොකු හිත් බිඳීමක් තියනවා කියන එක..
නෑ මම කියනවට විස්වාස කරන්න එපා..
අතුරු කතා අමතක කලොත්. ටජ් මහල්. තාමත් ලෝකේ බොහෝ දෙනා ආදරයේ සංකේතය කියලා හඳුන්වන ටජ් මහල සාජහන් හදන්නේ තමන්ගේ මුම්ටාස් මැරුණට පස්සේ
මයිකල් ඇන්ජෙලෝ Pietà කියන මුර්තිය හදන්නේ තමන්ගේ පුතා නැති උනාට පස්සේ
ඇඩෙල් කියන ගායිකාව ලෝකේ පුරා ජනප්රිය වෙන්නේ rolling in the deep සින්දුවෙන්.. ඒ සින්දුව සහ ඒ මුළු ඇල්බම් එකටම පාදක වෙන්නේ හිත් බිඳීමක්.
The police කියන බෑන්ඩ් එකේ every breath you take කියන සින්දුව ඔබ අහලා තියනවා නම් ඒක හැදෙන්නේ sting ගේ බිරිඳ ඔහුව දාලා ගියාට පස්සේ.
මේ ලිස්ට් එක පිටු ගානක් කියන්න පුළුවන් උනත් මම මේක මෙතනින් නවත්තනවා. මොකද මම මේක ලිව්වේ ලිස්ට් එකක් හදන බලාපොරොත්තුවෙන් නොවන නිසා.
හැබැයි මේ හැම කෙනාටම පොදු වෙන දෙයක් තියනවා. ඔවුන් පිළිගත්තා ඔවුන්ට හොඳටම තුවාල වෙලා කියලා. ඒ හැම කෙනාම තමන්ගේ තුවාල වෙනත් ආකාරයකින් ලෝකෙට පෙන්නුවා. ඒ කිසිම කෙනෙක් තමන් බිඳිලා damage වෙලා කියන එක පිළිගන්න බය උනේ නෑ. ලජ්ජා උනෙත් නෑ. තමන්ගේ ඉමොෂන් හංගගෙන බොරුවට තමන් යකඩ වගේ රඟපෑවේ නෑ. ඒ අය ඒ එනර්ජි එක පිළිගත්තා. ඒක හරි විදිහට පාවිච්චි කලා.
ෂුවර්ම නැත්තම් අදම ගිහින් හාට් බ්රේක් එකක් ට්රයි කරලා බලන්න.
ඇත්තටම බ්රේක් අප් එකක් තමන්ට දැනෙන්නේ කොහොමද?
ඒ වෙලාවේ ඔබ ඉන්නේ ජීවිතේ අඳුරුම පතුලේ. ඔව් Rock Bottom එකේ . ඔබ ඉන්නේ ඔබේ ජීවිතේ වැඩිපුරම ඩිප්රෙස්වෙච්ච වෙලාවක. ඔබ කෑලි කෑලි වලට කුඩු වෙලා ගිහින්. ඒ කෑලි කොච්චර පොඩිද කියලා ඔබට ඇහැට පේන්නේ නෑ. ඔබ ඉන්නේ ප්රපාතයක් මුදුනේ. අන්තිම කොනේ. ඔබට කිසිම ලැජ්ජාවක් බයක් බලාපොරොත්තුවක් නෑ. කිසිම දෙයක් ඉතුරු වෙලා නෑ කියන ෆීලින් එක විතරයි තියෙන්නේ.
ඔබ ජීවිතේ එකම එක පාරක් හරි හිත බිඳගෙන තියනවා නම් ඔබ මේ කියන ෆීලින් එක හොඳටම දන්නවා.
හිතන්න.
පලවෙනි එක ඔබ දැන් ඉන්නේ විශාල ප්රපාතයක අයිනේ. ඔබ එතනින් පැන්නොත් වෙන්න පුළුවන් දේවල් දෙකයි. එක්කෝ ඔබ පියාඹයි නැත්තම් ඔබ පහලට වැටෙයි.හැබයි ඔබට කිසිම බයක් නෑ. දුකක් නෑ.
දෙවැනි එක. ඔබට මේ වෙලාවේ හිතාගන්න බැරි තරම් ලොකු ඉමොෂනල් එනර්ජි එකක් තියනවා. දුක තරහව තනිකම ඉරිසියාව හිතාගන්න බැරි තරම් ලොකු ඉමෝෂනල් එනර්ජි එකක්. ඒක ඔබේ ඇතුලේ හිරවෙලා තියන්නේ. ඔබ ඒක හිරකරගෙන ඉන්න ඉන්න ඒක පිපිරෙන්න පුළුවන්.
තුන්වෙනි එක. ඔබට දැන් කලින් නොතිබුන තරම් පුද්ගලික අවකාශයක් තියනවා. මානසික අවකාශයක් තියනවා. ඔබ මේ ලෝකේ බිසීම පුද්ගලයා උනත් දැන් ඔබේ මනස සම්පුර්ණයෙන්ම හිස්. ඔබ රිලෙශ්න්ශිප් එකක් එක්ක ඉද්දි නොකරපු එකම දේ තමන් ගැන ෆෝකස් වෙන එක ඔබට කරන්න පුළුවන්. අන්න ඒ වෙලාවට තමයි ඔබට දැනගන්න පුළුවන් ඔබේ හදවතට ඇත්තටම අවශ්ය මොකක්ද කියලා.
ඇත්තටම සමීකරණය සරලයි
No fear + Energy + free mind
ඔබට මෙතනදී කරන්න තියෙන්නේ ඔබේ ඇතුලේ තියන එනර්ජි එක පොසිටිව් විදිහට ගන්න එකම විතරයි.
ඔබේ හීන පස්සේ දුවන්න මේක තමයි හොඳම චාන්ස් එක.
ඔබ මෙච්චර කල් හීන දැකපු පොත ලියන්න
මෙච්චර කල් හිතපු කම්පැනිය පටන්ගන්න
අඳින්න බැරි උන චිත්රේ අඳින්න
යන්න බැරි වෙච්ච ගමන් යන්න
දැන් ඔබට අවශ්ය ඉන්දනය හම්බෙලා තියනවා. ඒ ඉන්ධනය වාහනේකට දාලා දිග ගමනක් යනවද නැත්තම් තමන් ගිනි තියාගෙන තේරුමක් නැතුව අළු වෙලා යනවද කියන එක තමන් සතු වැඩක්.
Breakups aren’t always meant for makeups, sometimes when a relationship ends it is time for you to wake up.
- සත්සර විමුක්ති , 2018 - 07 -11 -
