පද පේලි .....

[amandi3891]

හිතන්නෙපා... හිතන්නෙපා...
මා ගැන නුඹ වැරදිම තාලෙට
මං ඒහෙම ඇහුවෙ නුඹ ගැන මට
ඇති වුන ආලෙට.... මට ඇති වුන ආලෙට..

මොන ගහේ පිපි තිබුනත්
මල සුවදයි නම් මට..
එය නෙලා සිඹිමි මල් පෙති වල
අවසර තරමට... ඇති අවසර තරමට...

හිතන්නෙපා...

නුඹ කොහේ ඉදන් පැතුවත්
මගෙ උණුහුම බිදකට..
මද පවන් රොදක් සේ එන්නම්
ලග දැවටෙන්නට... සියොලඟ දැවටෙන්නට..

හිතන්නෙපා...


Edward Jayakodi

 

[~Titi~]

වැව් තලේ පෑදි දිය මත ඇඳී ඉරි වාගේ
වියැකෙන්නේ නෑ මේ සිත මගේ..
මැදියමේ තනිකමට දුක් දිදී හඳපානේ
වැලපෙන්න බෑ මට තව ඉතින්..

ජීවිතේ දුක තමයි නුඹ මා සතු වෙන්නැති නම්
ආදරේ නුඹ තමයි දැනගනු මැන හිත ඇතිනම්

අන් දෙසක් බලා යනවද දුටුවේ නෑ වගේ
ඇස් කොනින් හොරෙන් හෝ බැලුවමත් ඇතී
නොදරුවෙක් වගේ පසුපසින් එමී
ඇස් මගේ වුනත් ආයේ ගන්න බෑ නුඹම ලුහුබඳී
වැටහෙන්නෑ මටම මගේ ලැදිකම නුඹට ඇතී
නවතින්නෑ කියන තුරා හිත ඇති කමක හැටී..

මෝදුවී හිඳී තනියට තරු ඇසක් හිඳී
සුසුමකින් සැදී අඳුර ඉකිබිඳී
පිට කෙනෙක් වගේ පිටව යන්නෙමී
හිස් අතින් නොවේ ඇස් පුරා කැවෙන දේ අරන් යමී
වැටහෙන්නෑ මටම මගේ ලැදිකම නුඹට ඇතී
නවතින්නෑ කියන තුරා හිත ඇති කමක හැටී..

 

[~Titi~]

ගහක මල් පිපිලා පිපෙන්නේ
ඇයිද නොදන්නෙමි
හිතක මල් පිපිලා පිපෙන්නේ
ඇයිද නොදන්නෙමි
නුඹට සිත බැදුනේ කිමැයි මා
තවම නොදන්නෙමි
නුඹට සිත බැඳි කාරනේ මම
තවම සොයන්නෙමි..

කතරෙ වැලි කැට හිරුට පෙම් බැඳ
ඇතත් ලෝ දහමෙන්
සොඳුරු වැස්සට දැවෙන කතරත්
ආදරෙයි පණ මෙන්
ලොවට නොපෙනෙන අරුම සෙනෙහස
ඒ වගේ මනරම්
කරනු බැරි තහනම් ..

සඳට සදහට සෙනේ පෑ මුත්
උදුල තරු කැටයම්
හිරුට පෙම් බැඳි එකද තරුවක්
සිටිය නොහැකිද යම්
නුඹට නොහැ‍‍‍ඟෙන මගේ ප්‍රේමය
ඒ වගේ මනරම්
පුදුම වෙයි නුඹ නම් ..

-Karunarathna Divulgane-

 

[DonDuli]

Mal dahasak mada ekama malai pathuwee...
ee mala kimada saradam kara sangawa giyee.....

 

[Malinga]

මට මුළු ලොව ම ඔබයි
මගෙ මුළු ලොව ම ඔබයි
සිනහව කඳුළ ඔබයි
ජය පැරදුමත් ඔබයි

ඔබ ළඟ නැති විට හිරු සඳු මිලිනව
ලෝකය නවතිනවා
සුසුමක සිරවී හදවත නවතිනවා

මට මුළු ලොව ම ඔබයි .............

ඔබ ළඟ ඇති විට විකසිත වන ලොව
පිබිදී හිනහෙනවා
හද ගැඹ සහසක් මල් යලි පිබිදෙනවා

මට මුළු ලොව ම ඔබයි .............


ගායනය :- රූකාන්ත ගුණතිලක හා චන්ද්‍රලේකා පෙරේරා

 

[amandi3891]

අන්තයක් වී
ඔබේ ආදරේ ... ඔබේ ආදරේ ...
මේ සුරම්‍ය පාරාදීසේ
හදවතින් උමතුවූ
සදානන්ද කර සරාග සුවඳ විජිතයේ

නීල දිලෙන නිම්නයේ
සුමුදු සයනයේ
නෙතු පියන් වැසී වැසී වැසී
ස්වාප්නයක්ද මේ තරම් පුදුම වූ

ඔබේ ආදරේ ... ඔබේ ආදරේ ...
මේ සුරම්‍ය පාරාදීසේ
හදවතින් උමතුවූ
සදානන්ද කර සරාග සුවඳ විජිතයේ

කැකුළු හදින හිරිපොදේ
පිපුණු සීතලේ
දෙතොල් පෙති ලිහ ලිහී ලිහී
මධුවිතක්ද මේ තරම් මධුර වූ

ඔබේ ආදරේ ....

~ රූකාන්ත & චන්ද්‍රලේඛා​

 

[tchin123]

ඇසට කඳුළු ගෙන එන ගීත ඇත්තේ අතලොස්සකි මේ එවන් ගීතයකැයි කියන්න මගේ ඇස් සාක්කියි.....

තාත්තා වගේ නුඹ ගැන සොයමින් නිතිනේ
අපටත් වඩා නුඹටයි සෙනෙහස පිදුණේ
නුඹේ පයකින්ම අප්පච්චිට වින කෙරුනේ
හිතලද වැරදිලද කියපන් ඇත් රජුනේ...

මා ඔය දිගේ නුඹේ මඩ සෝදා හැරලා
පොල් බෝඩ කිතුල් බෝඩ නුඹ වෙනුවෙන් හොයලා
ලද සොච්චමට වැඩියෙන් දහ දුක් විඳලා
අපේ දුක සැප බැලුවේ නුඹේ කුස ගිනි නිවලා

බත් පත ඉදෙන විට පින් දුන්නේ නුඹට
බඩගිනි දැනෙනවා දැන් වැඩියෙන් අපට
ආවොත් අප්පච්චි ආයෙත් අපේ ලොවට
අප ගාවට කළින් එන්නේ නුඹ ළඟට

............................................................

ගායනය - හර්ෂණ දිසානායක
පබැඳුම - ජයතිලක දිසානායක
සත්සර - සුනිල් දයානන්ද කෝනාර

 

[Malinga]

අනන්ත ප්‍රේම පාර්ථනා සිතින් දරා ඉමූ
සලා ලවන් නෙතින් සිනා නෙමූ
සුපෙම් කැලුම් ගලා නොයන්න නෙතු වසා ගමූ
ප්‍රේම ස්වපනයේ රැඳී ඉමූ

ගෙවා ඈත දුර මාවතේ ඇදී ආව පවනක් ලෙසේ
නිවා ජීවිතේ රැඳී මා වෙතේ කියාදෙන්න ඒ ‍සුවේ

අනන්ත ප්‍රේම පාර්ථනා ................

සඳේ සීත සඟවා රැයේ වළා නිල්ල වෙලුනා ලෙසේ
අපේ මල් මුවින් නැගී රන් කැලුම් නෙලාගන්න ලෝකේ යොවුන්

අනන්ත ප්‍රේම පාර්ථනා ................


ගායනය :- චන්ද්‍රලේඛා පෙරේරා හා ලක්ෂමන් විජේසේකර

 

[amandi3891]

සඳ හොරෙන් හොරෙන්
හොරෙන් බලා
වළා රොදක සැඟවිලා
අපේ මියුරු පෙම් කථා
අසා සිටිනවා............

කඳුලු බිඳු ගලා සඳේ
තුරුලතා පුරා
සියොලඟම සැළී මගේ
නොහිම් සීතලේ
ඔබේ නෙත යදී
මහද වියරු වෙයි.........

කියඹු වැල් ලිහී ඔබේ
මාරුතේ සැලී
කොපුල් තල ගැටී මගේ
සිතුම් සසලවයි
නිවාලන්න මා
ඔබේ සිසිලසින්..........​

 

[tchin123]

සඳ හොරෙන් හොරෙන්
හොරෙන් බලා
වළා රොදක සැඟවිලා
අපේ මියුරු පෙම් කථා
අසා සිටිනවා............

කඳුලු බිඳු ගලා සඳේ
තුරුලතා පුරා
සියොලඟම සැළී මගේ
නොහිම් සීතලේ
ඔබේ නෙත යදී
මහද වියරු වෙයි.........

කියඹු වැල් ලිහී ඔබේ
මාරුතේ සැලී
කොපුල් තල ගැටී මගේ
සිතුම් සසලවයි
නිවාලන්න මා
ඔබේ සිසිලසින්..........​

thanx

 

[Rex921]

දඬු වැටට කොට ඇද්ද අලි ඇත්තු නසලා
පෙරහැරට දළ දිගට ඇදි ඇත්තු සො‍යනා
සිල් රෙද්දෙ ලේ ගෑවුනේ කොහොම සො‍යනා
අවිගත්තු පින්වත්තු දාගැබට විදලා

උතුරින්ද දකුණින්ද නුඹ ආවෙ කි‍යලා
කො‍යීන්ද නෙක පැහැති ලේ දැක්කෙ නුඹලා
කෝවිලට ගිනි බින්ද වෙඩි උණ්ඩ නසලා
නිල් අහස පරවින්ට ඉඩ හරිමු සො‍යලා

දහඩි‍යම දෑවැද්ද කොට ගත්ත නුඹලා
බැත කන්ද දි‍යවෙද්දි මි‍යැදෙන්න ඇරලා
නිදිවැද්ද රජ ඔටුනු වැජබෙන්න හරිනා
දෙවි‍යන්ට පින් දෙන්න පුලුවන්ද වැඳලා

-Iraj-

 

[m3pium]

කවුරුන්ද ඔබ මගේ
කවුරුන්ද මා ඔබේ
කවුරුන්ද ඔබ මගේ
කවුරුන්ද මා ඔබේ..

දෙතොල් සලා මුදු සිනහ නඟන්නෙමු
දෙනෙත් පුරා පිරි කඳුළු සලන්නෙමු..
හදවත් ගැහෙනා රිද්මය අතරේ..
සිතින් ගතින් එක්තැන්වී ඉන්නෙමු

ප්‍රේමය ගොළු වී හඬා වැටීලා
ඔබ හද මා හද රිදවන මොහොතේ..
ජීවිතයට හුරු පැරදුම හමුවේ
නොදොඩා ගොළු වී බලා සිටින්නෙමු..

§සුනිල් එදිරිසිංහ§

 

[m3pium]

මගෙ ජීවිතේ අළුත් පිටුවක් පුරා
ලියවෙන්නෙ ඔබදෝ ගීයක් වෙලා
පහනක් පැතූ මා සඳ හමුවෙලා
හිනැහේවි සසරේ පුරා..

 

[Malinga]

සිත ඉල්ලන පෙම් රස ලස්සන ඔබගේ දෑසේ
රහසේ මා දුටුවා
ඔබ සුන්දර යෞවන මල්සර සිහිනේ වාගේ
ළඳුනේ මා දකිනා
මහදේ නිබඳේ සහනේ දැණුනේ

පෙම්බැඳීලා ඔබ සොයා ආ සිහින කුමරා මා
සබැඳියාවේ ළබැඳියාරේ සතුට කීවේ මා
ඔබගෙ නේදෝ මා

සිත ඉල්ලන පෙම් රස ..............

නිහඬවීලා කවර දා හෝ වෙනස් නොවනා මා
සසලවීලා ඔබෙන් මිදිලා දුරස් නොවනා මා
ඔබගෙ නේදෝ මා

සිත ඉල්ලන පෙම් රස ..............


ගායනය :- ජාලිය රණතුංග

 

[m3pium]

ගෙලවට බැන්ඳාවූ මුතු පොටේ
දිස්නෙට මුහුණෙහි ඔප වැටේ
ඔසරි නෙරියට නළල් තිලකෙට
බැන්ද සිතුපෙම් ආන්නද වේ..

කෝකිල සන්දේශ කවි පොතේ
ඔය වැනි උපමාද තව ඇතේ..
රුවැති ලඳකට තනිව මඟතොට
යන්න නිදහස දැන් නෑ වගේ..

සෙන්කඩ ගල පුර පෝදා හඳ මෙනි
මේ මුතු මැණිකේලා
දළඳා සමිඳුන් වැඩ හිඳිනා බිම
නෑ සුබ නෑ ඕවා..

ගෙලවට බැන්ඳාවූ මුතු පොටේ
දිස්නෙට මුහුණෙහි ඔප වැටේ
ඔසරි නෙරියට නළල් තිලකෙට
බැන්ද සිතුපෙම් ආන්නද වේ..

කෝකිල සන්දේශ කවි පොතේ
ඔය වැනි උපමාද තව ඇතේ..
රුවැති ලඳකට තනිව මඟතොට
යන්න නිදහස දැන් නෑ වගේ..

කාගේ කවුරුද ඉන්නේ කොතැනද
නෑ අපි අඳුරන්නේ..
ආගන්තුක අපි ආවම කඳුරට
නැතිවද පිළිගන්නේ..

කෝකිල සන්දේශ කවි පොතේ
ඔය වැනි උපමාද තව ඇතේ..
රුවැති ලඳකට තනිව මඟතොට
යන්න නිදහස දැන් නෑ වගේ..
ගෙලවට බැන්ඳාවූ මුතු පොටේ
දිස්නෙට මුහුණෙහි ඔප වැටේ
ඔසරි නෙරියට නළල් තිලකෙට
බැන්ද සිතුපෙම් ආන්නද වේ..

§ප්‍රියා සූරියසේන-නේරංජලා සරෝජනී§

 

[amandi3891]

යනවා නං අනේ මං අරන් - යන තැනකට යන්න රත්තරං
හිඟා කකා කොපතක් අරන් - ලුණුයි බතුයි කමුකො රත්තරං

සීත හිමේ කඳ පාමුල - හින්දි සින්දුවක් කිය කිය
හිඟාන ආ ලුණුයි බතුයි කමුකො රත්තරං
ඊට පස්සේ දුන්හිඳ ළඟ නටමු රත්තරං

සතය සතය එකතු කරල - රහසේ කැටයකට දමල
නුවරඑළියෙ ටජ් මහලක් හදමු රත්තරං
සාරි ඉරල ජනෙල් වලට දමමු රත්තරං​

 

[tchin123]

සඳක් වෙන්න බැරි නම් නුඹ හට
ඉරක් වෙන්න හැකිදෝ මා හට
වෙහෙස දැනෙන මේ ජීවිතේ
වැවක් වෙන්න බැරි තැන නුඹ හට
ඇයිද කීවේ වෙන්න නිල් දිය
දුකක් ඉතිරි මේ ජීවිතේ…

 

[Malinga]

රත්ත‍රනේ ඔබේ ළඟින් ඉන්නට ඇත්නම්
දුකක් නොදී මගෙ පණ සේ ඔබ රැකගන්නම්
සංසාරේ පුරාවට ම ආදරෙ වන්නම්
ජීවත්වන තුරාවට ම ඔබ ළඟ ඉන්නම්

සිනාසිසී ඔබ ඇවිදින් මගේ ළඟට දැන්
තුරුලු වෙලා ඉන්න විටදි ගැලී ප්‍රේමයක්
ඔබ වෙනුවෙන් හැමදාමත් පැතුම් පොදි බැඳන්
මගේ තිබෙන ආදරෙ මං ඔබට පුදන්නම්

රත්තරනේ ...................

සැමට හොරා ඔබ ආවත් සඳපානේ ඉතින්
මටත් හොරා ඔබයි මගේ තුරුලට ඇවිදින්
මගේ සිතේ ඔබට තිබෙන ආදරේ උතුම්
අඩු වෙන්නෑ රත්තරනේ කවදාවත් ඉතින්

රත්තරනේ ...................


ගායනය :- ශෂී ගයාංගනී

 

[amila256]

බිංදු බිංදු කඳුළු බිංදු කොපුල් මත ගලා
පින්න වැටුණු රෝස මලක් නෙතට ළං කළා
මන්ද සිතා ගත්තේ මා සමු ගනියි කියා....//

රතු වෙලා හැඬූ දෙනයන යට මේ තරම් සිතක්
මා නිසා තිබුණු බව දැනුණේ ඒ වෙලෙයි මටත්
මේ හිතත් එහෙමමයි මට වෙන කවුද ඔබ මිසක්....//

ආදරේ විසුළ නිම්නය හැර දමා වෙන අතක්
මා ඔබේ ලොවින් පියමැන්නේ නෑ නිමේෂයක්
මේ අදත් එහෙමමයි දුන මැන සුවඳ මදහසක්....//

ගායනය - කිත්සිරි ජයසේකර
​

 

[amandi3891]

ලෝකේ ජීවත් වෙන්නට
ලස්සන ඕනෑ වේ...
ලෝකේ ලස්සන වන්නට
දෙදෙනෙකු ඕනෑ වේ​